اي استفسار لطلبة الحقوق - جامعة الكويت

[القلوب الساهيه]

تسلمين حبيبتي شهووود على النصيحه والله الود ودي انا اختار بس مثلج عارف سستم الكليه ونحااسته وغير هذا سمعت انه تسجيلنا بوقت واااحد يعني مو على حسب المعدل وحده بيصير ضغط بس ماادري صج هالحجي ولا لأ

محاميه الغد ولميس ماااسويناا الا الوااجب وتستاهلون كل خير

 

[L a w y e R]

فايز الظفيري ماشالله شرحه تووب

صج مرعب بس عجيب

اخذت عنده قاعة بحث1 بس للأمانة حده فاهم ماشالله

والعام شفته يشرح حق الشباب جزاء

عجيييييييب انا اندمجت معاه لوول

 

[رفييف]

انا ما اذكر من فايز الا ان دايما حاط ريل فوق الكرسي و 24 ساعه ما غير يفصخ ساعته و يرد يلبسها لووووووووووووووول
يشيني بس قاعده و اتصيد ://
يزين دكاترتنا والله فديتهم

 

[L a w y e R]

لووووول حلاتج رفيف

فايز صوته وايد مرعب :/

حتى بوهته مرعبة لوول

بس يحليله خوش 1

 

[شهووده]

يصير أقولكم تجربتي مع الدكاتره اللي أعرفهم ؟؟ :eh_s(22)::eh_s(22):


مرافعات

خذيتها عند عزمي .. لوووووول يحبني وأحبه مع إن حبه على قولة رفيجتي مايوكل خبز لأن ماعطاني أعمال سنه

بس كان يستانس علي لأني طويله .. لوووول يحب الطوال أهو ..

بس نووعه يبي الوحده تصم الكتاب وتكتبه نفسسسسسس ماهو ماتغير ولاحرف ..

وامتحاناته مقااالي وكل سنه يكرر نفس الأسئله .. على قولته أنا مابحبش العملي إنتوا ( عيال ) يقصد يهال مابتعرفوش تحلوا

عملي لوول ..

بس ظريف وساعات كان يغني بالمحاضره :dddds:

عبيد من صجه ويشرح ويعيش الدوور حده ويمووت بالعملي ويكره المقالي يعني النسخه المعاكسه حق عزمي ..

عبدالستار اينننننن درسني تنفيذ حده طيب بس امتحاناته خواره وأصلاً يقولون ستايله نفس الحمود ماايصلح بس حراام عطانا

أعمال سنه بتنفيذ ..

نصيحتي اللي بتاخذ عند عبيد تفهم منه بالمحاضره شلون تحل عملي وتالي تاخذ من بنات عزمي الأسئله المقاليه وتحفظهم

نفس اسمها وتدش الامتحان ..



تشريعات

يااحلووو هالماده .. حدها سهله والـ A بالمخبه ان شالله ..

خذيتها عند العميد د.بدر اليعقوووب كربوووووووونه .. مايشرح ولاشي بس يسولف عن الجناط الماركه والتقليد لوول

بس ترى الماده سهله وماتخرع كلش .. وأنا ماعرف مشاعل ولا موسى للأسف ..



عقوود مدنيه

هالماده بعد حلووه وخاصة الكتاب الثاني عقد الايجار حده سهل وأحلى من الأول عقد البيع ..

حسين شروق ماتشرفت بمعرفته بس خالد الظفيري حليو خذيت عنده عملي .. وطلبته بباجي المواد يمدحون شرحه ..



اداري2

الماده حلووه وأحلى بوايد من اداري 1 .. الباز بالتعامل اينن وطيب وحبوب ودمه خفيف بس ترى يعشششششم

يعطيكم الشمس بايد والقمر بايد وتالي يقطكم على صخر :0bee2e8d89: كانوا يموووت فيني وكله يحرجني جبال

البنات والشباب .. يشوفني من بعيد ويناديني باسمي بصوت عالي جبال الشباب ويقول رقمي بالشعبه ويشرحلهم قصة حياتي

إني ماخذه عنده اداري واختياري عقود اداريه ورقمي بالشعبتين 51 :dddds:

ويستخدم أساليب حلووه بالشرح ويسوي محكمه ويعطيكم أسئله مهمه وأعمال السنه تووب بس بالفاينل كلينااااااها :/

ولاشي من أسئلته يه والامتحان كان شقااقي من كل قطر اغنيه :/




تجاري1

أحمد الرشود مستقلاوي ترى لوووووول طييييب ومحترم وجنتل حده بس ماااااااايداوم .. طول السنه ماتشوفونه إلا

4 مرات يمكن .. أنا درسني بحري .. بس تجاري1 خذيتها عند اياد سعد الله .. والكندري للأمانه ماعرفه ..




جزاء مثل ماقلت بالرد اللي طاااف ..





اختياري

منظمات خذوها رفيجاتي عند علي النامي ومشالله كلهم 99 و100 .. أنا خذيت عقود اداريه عند الباز :/

وشاهين ايننننننننن أمووت فيه لووول .. طييييييييييييب وبااااااارد وكل مايشوفني يقولي ماتخرجتي ؟؟ :dddds:




ميراث

الله يعينكم صار عندكم وقف احنا كنا سهالات .. وكان دكتورنا سوري شايب اسمه مادري شنو البيانوني ..

وهذا الربيعه ماعرفه بس جنه مايمدحوونه ..














واذا عندكم استفسار آخر حااااااضرين =)

 

[eva beach]

شهووده الف الصلاة والسلام عليه

حبيبتي انتي فديتج

اي والله صاااجه انشالله اذا لقيت المجله بدور الذ طفله مع ان كلكم لذيذين

خلاااااص ما يصير خاطرج الا طيب عشان خاطر عيونج الحوووله اقصد الحلوووووة ياااا حلووووة



بنات من خلال تجربتي البسيطه >>> حلوووة تجربتي

المانع احسن دكتور درسني في كليه الحقوق واااااااااااااااااااااااي ايــــــــــــــــــــنن اخلاااق ومحترم وشرح ممتـــــــــــــــــــــــاز لا يعلى

عليه وامانه الظفيري ما خذيت عنده ولا مرة بس انا مااحبه احسه نفسيه ورفيجتي كانت ماخذه عنده جزاء عام تقول شرحه حلوووو بس اهو

مزاجــــــي وااااااااااااااايد ولما يهزأ يهزأ صح

نصيــــــــــــــــــــــــحه تجاري بدوووووون تفكير عند الكندري اينــــــــن حدددده شي وااااايد زين شرح ممتاز وامتحاناته سهله وحلووة

ومنظمات اسهل من جنائي بس تاخذون منظمات احسن لان الدكتور زين والماده سهله واكييييييييييييييييد بو زبر ما عليه كلااام بس منظمات

اسهل لان السنه الي طافت كنت باخذ جنائي والسبب ان بوزبر يدرسهاااا بس على اخر شي هونت لان الكل قالي ان منظمات اسهل وخذيتهااا

وانقردت طوووووول السنه وكنت كل ما اشوف بوزبر اتحسر على عمري بس لما شفت درجات الفاينل حمدت ربي اني خذيت منظمات بس ا

ماانة درجات بو زبر كانت حلوووة بس درجاتنا كانت احلى بوااايد

 

[شهووده]

ايفا

لووووووول فداج اللاش :*

اي دوريني وقوليلي ..

ترى لوير جكتني





وصاجه نسيت أقول إن بوزبر اينن .. جنتل وحبوووب وعلى قولة البنات طول بعرض وهيبه لوووووووووووول

وشرحه حلوو ودرجاته زينه .. بس الماده مااعرفها ..

 

[حقوقيه]

صبااااااااح الخيررر ربعنا @@
مبررروك واخيرررا نزلو الجداول

 

[L a w y e R]

تسلم أناملج شهوود

وصاجة الباز عشمنا ان كلنا بنطلع من المادة بـ a لانها سخيفة لوول

واخر شي ثلثترباعنا d و c

استغفر الله كرهته

اقول حق رفيجاتي بو ويهين ماينعرف له

يضحك بالمحاضرة وبالامتحان يسوي سوالف لوول

ما انسى بالميد تيرم من كثر ماكان الميد تيرم مليق وفيه اسئلة محد متوقعها

طاح بالقاعة !!

كنا بمدرج 135 خلص الامتحان وشايل الاوراق توه بيطلع جان بوووم

والا طايح لووووول

اقول حق رفيجاتي هذي وحدة حوبتها وحدة بوحدة لووول

والفاينل كان ماااااااااااااااااااي امبيه سهل سهل بأقل من ساعة حليناه

يانا وقال لنا مابي شرح بس حطوا صح والا غلط

واخر شي انصدمنا لوول مو صاحي هالانسان

 

[لميس الكويت]

شهووووده ما قصرتي ع هالمعلوووومات اشوووه خل نعرف الزين من الشين مو نسجل على عمانا و اخرتها انتوهق

 

[رفييف]

شهوده انتو زين يسولف عن الجناط
احنا كان يسولف عن الشغله اللي يسوونها حق اليهال الصبيان لما ينولدون .. و عن ان الله يعينا يا بنات الكويت لان اغلب شباب الكويت فيهم عجز .... لووووووووووووووووووووووول
عاد حجزتنا كانت الدراسه مختلطه بنص المحاضرات او اكثر تقريبا ://

 

[eva beach]

لوير ههههههههههههههههههههههه اهم شي انه طاااااح اكييييييييييييد صااااار زلزال بالكليه :krkrkr:

استغفر الله العظيم

حقوقيه هلااا وغلااااا بس ما قلتيلي شنوووو انتي خذيتي الجدول ؟؟؟؟؟؟؟؟؟؟؟؟؟؟؟؟

 

[L a w y e R]

بنات الحين بعرف شغلة

تسجيل اولى باجر يعني 5 الشهر

وانا تسجيلي 8 الشهر يعني بعدهم

شلون اذا ابي اخذ اصول ودستوري ؟

متوهقة !

اخاف مايصير ويرد يضيق خلقي

 

[رفييف]

ايفا مير انا سامعه انه فايز مره حذف بنت بالمايك .. بس عاد مادري اذا صج او لا لوووووووول

 

[L a w y e R]

رفييف امبيه بدع اليعقووب لووووووووول

واخزياه احراج لووول

وامبيه قوية فايز حاذف البنية بالمايك :/

واي عاد اهو لايعصب صج صج صج يخرع لووول

.
.

ايفا لاتذكريني لانه عقب ماطاح مات من الضحك لوول

وطلع بره يسألنا عن الامتحان عباله وايد حلو لووول

والله مو صاحي

 

[eva beach]

رفيف

امبــــــــــــــــــــــــــــــي فشــــــــــــــــــــــــــــله واااااااااااااااااي قمة الاحرااااااج من صجه شهالموضوع الي يسوووولف فيه الله يهديه ما

لقى موضوع احسن من هذا

والمشكله ان السكشن مختلط والله اتخيل اشكالكم كلكم ساكتيــــــــــن ولا نفس ولا احد يناقشه :krkrkr:

ههههههههههههههههههه يحليله بس والله يهبـــــــل معنه مادرسني

 

[شهووده]

ايفا

ولووو حبيبتي :*

صااجه .. حتى احنا يانا بفاينل عقود اداريه ( اختياري ) وقال مش عاوز شرح واسهاب وموضوع تعبير .. عاوز المختصر

وكان الامتحان سهللللل وخلصناه بأقل من ساعه حتى طلبة منظمات مستغربين يطالعونا .. وعقب ماطلعت الدرجات أعلى

وحده حاطلها 92 :// شدعوه ترى كلها اختياري !!



لميس

ولوووو حبيبتي حااضرين :*







بس بالنهايه صدقوني يختلف من طالبه لي الثانيه .. أكو دكاتره الكل كان يكرهم إلا أنا أو العكس ..

محد كان يحب المقاطع بدفعتي وأنا الوحيده اللي كنت أمدحه وأمشي وأدلل عليه ..

محد كان يحب أحمد السماك وأنا الوحيده اللي كنت أحبه ..

محد كان يحب عزمي وأنا هم أحبه ..

فيعتمد عليكم إنتوا أولاً وأخيرًا ..

وان شالله تحصلون عند أحسن دكاترة وترتااحون ..

 

[حقوقيه]

ماخذيت الجدول باجر باخذه كوز وصلني مسج عن الاماكن اللي احصل فيهم الجدول الساعه 12 ونص بالليل
تبووووووووون تعرفون مراكز التصوير@@

 

[eva beach]

رفيف ههههههههههههههههههههه امبــــــــي مو صج :krkrkr::krkrkr:

بالله شتسوى عليه لو فالع البنت وصاير فيها شي :krkrkr:

والله ما تسوى عليه :krkrkr:

بس جد جد اهو واااااااااايد عصبي رفيجتي كانت كله تسولفلي عنه بس حدددددده قوي مو جذي شدعوه عليه يبه امسك اعصابك شوي هد اللعب

:krkrkr:

 

[رفييف]

لوووووووووووووووووووول لوير الله لا يبلانا .. امبيه كلش ولا طيحه دكتور .. البرستيج عقبها يطيح ما يقوم لوووووول



و ايفاا لا طال عمرج اهم شي نط عليه صبي و قاله عاد دكتور لا تفضحنا لوووووووووووووول
وعلى السالفه الثانيه العموم يكركر :///