اي استفسار لطلبة الحقوق - جامعة الكويت

[pink_dream]

صااااااااااااجه لوير

بس بغيت اقول شغله صغننه

ترى اغلب الدكاتره متساهلين فيعا لانها مو ماده .. وحتى الدكتور الي تشوفينه شديد بالمواد العاديه تلقينه سهل وسلس التعامل

بقاعة بحث

ولكـــــــــــــــــــــــــــــن وحطــوا تحتهــــــا مليـــــووووووووووووون خـــط
في بعـــــض الدكاتره من صجهم ومايكفيهم بس الكراااااااااااف .. لان حتى قريد سنع مايعطون

بقولج مثال بسيط .. رفيجتي كانت ماخذه عند بهبهاني قاعه بحث .. تخيلي حط لها بالسبعينات .. والــ 2 بالثمانينات

وجنه وحده الي كانت يايبه a واعلى قريد 95 !!!!!!!!!!

شرايج ؟؟ معنهم كارفين كرااااااااااااااف بالبحث .. وصج بحوثهم متعووووووب عليها من قلب

انا هم وارد واقول البعض يكرف ومايعطي قريد .. بس همن في دكاتره يكرفون وبالاخير يعطون قريدات حلوة

وفي دكاتره مسهلين الامور على الطلبه ويعطون قريدات سنعه وهذيل الاغلبيه بنظري


.............

قوه بنات شلونكم شخباركم

واي اشوه انا كنت ماخذه قاعة بحث عند البهبهاني بس الحين واحد اسمه مسلط

يدرسنا بداله طول السنه و لله الحمد

انا يوم سالت على البهبهاني مدحولي ياه و اخر شي طلع ما يعطي درجات:eh_s(6):

الحمدالله افتكيت منه:eh_s(6):


الحين ابي اسوب بحث ماني عارفه عن شنو اسوي

بشنو تنصحوني؟

لازم يكون بحث قانوني

او شكرا

 

[ألفرنسيه]

السلآم عيكم ورحمة الله وبركـــآاته ..~


يسعـــدني إني أنضم لكم في تجمع طآلبات كلية الحقوق

قبل كل شي " من لآيشكر الناس لايشكر الله " ../ أشكــر أختي العزيزه عز النفس يغنيني على روحهــآ الحلوه مآقصرت والله :*


طبعآ انا من قطـــر .. ودرآستنآ تختلف عنكم تمآمـــــــآ

إحنا ندرس قانون دولي ..: عربي + إنجليزي


والكورس الجآي بإذن الله إن شاء الله ببدأ أول كورس لي في التخصص .. إللي هو ربيع 2010


بـــــرب .. بنزل لكم الخطـــه تشوفونهــآ إذا فيه موآد متشابهه معآكم أو لآ


^_^

 

[ألفرنسيه]

بآك مع الخطه



طبعآ برنآمج القانون 123 سآعه مكتسبه

وإحنا نظآم ساعات عندنا في جآمعة قطــــر ., مش سنوآت مثل مافهمت من أختي عز النفس

يعني إحنا كل كورس ناخذ ساعات معينه وهكــذآ ..~




أولآ / المتطلبات العامه : 30 ساعه مكتسبه
مواد اجباريه من خارج الكليه

http://www.qatarp.com/files/94/1law.gif

كل المواد تدرس بالعربي الا لغة انجليزيه 1 ولغه انجليزيه 2 والتفكير الناقد تدرس بالانجلش




ثانيـآ / مقررات قانونية إجبارية : 66 ساعة مكتسبة
* المــواد التي لونــت بالأحمــر مواد مهمه للطالب ولــها أولـويـة التسجيل وقد يتأثر تخرج الطالب في حالة تاخر تسجيلها لانها متطلب سابق لكثير من المــواد

http://www.qatarp.com/files/94/4law.gif

هذي الموآد كلهــآاا تدرس باللغه العربيه

*

أما هذه المود فهي تدرس كلها باللغة الانجليزية

http://www.qatarp.com/files/94/5law1.gif





ثآلثــــــآ / مقررات قانونية اختيارية باللغة العربية : 12 ساعة مكتسبة
يختار الطالب 4 مقررات من المقررات التالية

http://www.qatarp.com/files/94/6law.gif




رآبعـــآ / مقررات قانونية اختياريه باللغة الإنجليزية : 15 ساعة مكتسبة
يختار الطالب 5 مقررات من المقررات التالية

http://www.qatarp.com/files/94/7law.gif








* حبــــيت أقولكم شغله عن مستقبل التخــصص

أكيد الكويت وقطر 1 .. ومتشابهه الوظآيف عندنا وعندكم

كل سنه أو سنتين يصير عندنا معرض مهني ., وفي هالمعرض يقدمون الخريجين وطلآب الثانويه ع الوظايف

بس أكثر شي كآن يلفت الآنتباه هنــآك .. أني كل مامريت على شركه ولآ وزاره وسألتهم شنهي التخصصات اللي تبونها

كآن الجوآب : " قــانون - هندسه - إدارة أعمال " ., القانون كان في كل مكـــآن والله يآبنــآات

حتى لو كان التخصص صعب فكروا فالمستقبل .. إن شاء الله السنين تمــر والدرآسه في الجامعه لآتعــوض





*

~> صـآر موضوع جديد مو رد في موضوع .. :dddds:




آبغي فالنهآيه رآيكم بخطتنـآ الدراسيه .. بس للأمــآنه هذي خطة 2004 .. وآخر خطه نزلت في 2007 كانت تعديلآت بسيطه جدآ في ارقام المقررات ..


وطبعآ نقلته من منتدى جامعة قطر لحفظ حقوق الطآلبه :eh_s(6):




^_^

 

[القلوب الساهيه]

مساء الخير

شلونكم عساكم بخير ...؟

الفرنسيه حياج الله وشرفتينا وموفقه يارب

 

[بقايا العطر..}]

القلوب

يا مسااء الانواار حيااتي =)

الحمد لله بخييييير ونسأل عنج

ـــــــــــــــــــــــــــــــــــــــ

الفرنسية
يا حيااج الله يا الغالية ونورتي التجمع حبيبتي :**

قااعده اشووف اغلب الموااد عندناا =)

ومووفقة ياااااااااااااارب ورووحي بالحقووق وفاااااااااالج طيب

((أنا افضل اسميج القطرية مو الفرنسية لان قطررررر غاالية عليناااا فديييتكم والله :$))

 

[ألفرنسيه]

القلوب السآهيه

تسلمين فديتج والله .. :*

والله يوفقنـآ جميع ونرفع روس أهالينا بالشهآده






بقآيــا العطر }

الله يبقيج مآعليج زود والتجمع منور فيكم والله :*

وحلو إن اغلب الموآد عندكم عشآن أكون معآكم ع الخط على طـــــــول

وربي يوفقنــآ جميع يــآرب

والقطريه ولآ الفرنسيه كله وآحد .. فديت قلبج آنتي .. الكويت إللي غآليه علينــــآاا وعلى قلبي آنا بالذات



^_^

 

[L a w y e R]

بنات د. عبيد المطيري

في محاضرة اليوم الاثنين 23-11

و

يوم الاربعا 25-11

من الساعة 12.30 : 1.30

بكلاس 129

 

[eva beach]

قوه بنات شلونكم شخباركم
واي اشوه انا كنت ماخذه قاعة بحث عند البهبهاني بس الحين واحد اسمه مسلط
يدرسنا بداله طول السنه و لله الحمد
انا يوم سالت على البهبهاني مدحولي ياه و اخر شي طلع ما يعطي درجات:eh_s(6):
الحمدالله افتكيت منه:eh_s(6):
الحين ابي اسوب بحث ماني عارفه عن شنو اسوي
بشنو تنصحوني؟
لازم يكون بحث قانوني
او شكرا

هلا والله

اي زين الحمدلله افتكيتووووووووا .. وانشالله هالمسلط يكون احسن من بهبهاني ويعطيكم قريدات سنعه

وحبيبتي خل اقولج ليش البنات يمدحون بهبهاني :eh_s(6): الله يسلمج لانهم مجربينه في التزامات وانا وحده منهم كنت

ماخذه عنده التزامات وصج كان وااااااااااايد زين يحليله تحسينه بابا عود وحدده طيب ويعطي قريدات وصج البونص على

ناس وناس بس بشكل عام اهوا زين

بس رفيجاتي الي ماخذين عنده قاعه بحث بدددددددع فيهم .. طلع نظامه بقاعه بحث غيييييييييييير وشديييييييييييد فيها :dddds:

يعني بالمختصر المفيد اخذي عنده اي ماده .. وابتعدي عنه بقاعة بحث >> لان يطلع الرووح :tomato2:

وحبيبتي بالنسبه للبحث اول شي شوفي دكتورج هل يرضى انكم تكتبون باي فرع من فروع القانون ؟؟ والا ملزم عليكم

تكتبون بفرع معين ؟؟ لان في بعض الدكاتره على سبيل المثال اذا كانوا قانون دولي يلزمونج تكتبين بدولي .. عرفتي

واما اذا الدكتور فاتح لكم المجال .. انتي روحي المكتبه وشوفي الكتب وتطمشي عليهم .. وصدقيني راااح تلقين موضوع

يشدج .. وراح تكتبين فيه

انا دايما اسوي هالطريقه .. بس في اختلاف .. اني اكون مقررة اني اكتب بقانون جزاء فعلى طوول اروح لكتب جزاء وادور

لما القا الشي الي يعجبني وبس اختاره موضوع لبحثي

واذا تبين موضوع يديد ومافي مراجع .. عندج مثلا النص الدستوري الي يتكلم عن الضوابط الشرعيه وحطي حكم المحكمه

الدستوريه .. واراء الفقهاء في الموضوع

او تقدرين تكتبين عن اي موضوع تقليدي عاااااااااادي اي شي

امممم خل اقولج انا شنو كانت عنه مواضيعي

لما كنت بسنه 1 كتبت عن الاستجواب >> الدكتور فرض علي هالموضوع

وحطيت النصوص القانونيه والشروط وكل شي يتعلق فيه وفي الفصل الثاني حطيت استجوابات صارت وعلقت عليها

تقدرين تبدعين بالموضوع وخاصه اذا حطيتي استجوابات يديده

اممم بسنه 2 كان عن الفعل الفاضح .. وسنه 3 عن الجرائم الالكترونيه

واممم عندج بعد التجارة الالكترونيه .. حماية المستهلك .. الشركات القابضه .. سريه الحسابات المصرفيه

ادري قرررررررررررررررررررررقت من قلب بس ماعرف اختصر بكلامي :krkrkr:

 

[رمز الوفـا]

للرفع ....

 

[grumpy22]

امبييييه لووير الله يعينج صج وقااحه وناس ماتستحي .. وفعلا قاموا يتطاولون وايد ومايخافون كلش !!!
بس زين سويتي فيها هذيل مو مال واحد يحشمهم

.......................................

موفقين بناات .. عسى ربي يسهل عليكم انشالله
وup لعيوون الحقوقيات

 

[رمز الوفـا]

لوير صاير قويه من ورانا ها ههههههههههههههههه

 

[L a w y e R]

هلا وغلا

لوول اقولكم انصدمت من عمري

اقول حق اختي اثبت اني بالحقوق لوول

اول مرة بحياتي انحط بجذي موقف

لما رفيجاتي دروا انصدموا لول

وحدة منهم تقولي خلاص ماراح اطلع معاج بعد مو ثقة لول

عاد والله شحليلي حدي هادية ومالي حس لول

 

[رمز الوفـا]

تصدقين صايره محقق امشي واسأل البنات تعرفونها هههههههههههه <--- يحسبوني خطابه ههههههه

 

[القلوب الساهيه]

تسأل عنج العافيه بقايا عطر

 

[رفييف]

@@

قوه

 

[eva beach]

هـــــــــــــــلا بالطـــــــــش والــــــــــــــرش

تـــوووو مانــــــور التجمــــــــــــع

أول شي بقولج الحمدلله على سلامتج .. ومبرووووووووووووك ماياج .. ويتربى بعزكم .. والله يجعله انشالله من الذريه الصالحه

ادري اني واااايد متأخره بس اكثر من مرة احاول ادز لج رساله على الخاص بس الــ inbox حدده مفوول ومايستقبل

يلا الحين نبلش سوالف لووووووووووووول

انتي شلونج & شخبارج ؟؟

شلون الامومه معاج ؟؟

هاااااااااااااا تنصحين انييب عيال >> قولي تزوجوا اول لوووووووووووووووووووووووووووووول

ها معتفسه ويا البيبي والا مرتبه ومنظمه وقتج وامورج >> قولي وانتي شكووووووو هههههههه

عاد لاتقاطعين .. رفيف امانه خلج ويانه >> هالشعار مبيووووق بس حطي كلمه (يبه) بدال رفيف ههههههههه

ترى جد لج وحششششششششششششششه يالغاليه

 

[غـــــلاM]

قال رسول الله صلى الله عليه وسلم : (دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ ، عِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ قَال المَلَكُ المُوكَّلُ بِهِ : آمِينَ ، ولَكَ بمِثْلٍ) رواه مسلم



وقال صلى الله عليه وسلم : " ثنتان ما تردان : الدعاء عند النداء ، و تحت المطر "

 

[عز النفس يغنيني]

السلآم عيكم ورحمة الله وبركـــآاته ..~


يسعـــدني إني أنضم لكم في تجمع طآلبات كلية الحقوق

قبل كل شي " من لآيشكر الناس لايشكر الله " ../ أشكــر أختي العزيزه عز النفس يغنيني على روحهــآ الحلوه مآقصرت والله :*

يا هلا والله حبيبتي .. عفوا ولو ما سوينا شيء ..

بالنسبه لخطتكم الدراسيه واجد مواد متشابهه معانا بس الاختلاف ان عندكم مواد باللغه الانجليزيه

احنا كل شيء بالعربي ما عدا مقرر الانجليزي نفسه ..

وعلى قولتج وكلامج إن تخصص القانون مطلوب بكل مكان الحمدالله لنا مستقبل يعني :dddds:

وحيااااااااااااج اللـه حبيبتي بينـا ولا تقطعيـن .. اسعدتييييييييييني بمداخلتج الحلـوؤه

 

[شوق والدمعه]

بنوتات شخباركم شعلومكم

دكتور جزاء طالب منا قانون المطبوعات والنشر رقم ٣ لسنه ٢٠٠٦ شلون انطلعه


قال في بالنت شلون بنات؟

 

[eva beach]

بنوتات شخباركم شعلومكم

دكتور جزاء طالب منا قانون المطبوعات والنشر رقم ٣ لسنه ٢٠٠٦ شلون انطلعه


قال في بالنت شلون بنات؟

شكلج ماخذه عند د.محمد بوزبر :eh_s(6): لان كان طالب علينا هالهووموورك من سنتين مادري 3 سنين لما كنت بسنه2

لووووووووووووول

شوفي حبيبتي انا اتذكر اني دورت بالنت وماحصلت شي بتاتا .. ورفيجتي كانت مطلعته من النت بس من وين مادري

انتي دوري بقوقل وانشالله تحصلينه

بس انا حصلته بجريده الوطن .. اتذكر ابوي راح الجريده وصورلي اياه من عندهم

وتقدرين تروحين المطبعه مالت وزارة الاعلام .. او اذا ماتبين تتعنين تقدرين تحصلينه بجريده كويت اليوم موجوده بالمكتبه

بس لاااااااازم تعرفين باي عدد واي سنه عشان ماتتعبين وانتي تدورين

واذا كلش كلش انا عندي القانون .. وابوي توه من شهر رد يابلي اياه لاني كنت ابي قانون 2 وطلع لي اياه وياب لي هذا

دعاااااااااااااااايه مع القانون :dddds:

فاذا ماحصلتيه خلاااص قوليلي وانا اواعدج بالكليه واعطيج اياه عشان تصورينه

مووووووفقه