شرايكم الحين كل وحده تقول احسن دكاتره مرو عليها هالسنه عشان نستفيد ويستفيدون اللي بالسنه اللي وراها عشان يعرفون عند منو ياخذون
بالنسبه حق دكاترة ثانيه حق اللي بيروحون ثانيه:
احسن دكتور عندي ابراهيم الحمود بامتحان اعمال السنه خذيت 10 من 30 ودرجة اعمال السنه حطلي 40 من 40 لووول شلون مادري
كل الشعبه جذي جنه اقل درجه 37 حتى اللي مو حالين شي بالامتحان يعني بالدرجات عجيييب
وطبعا انا ليلحين مو مستوعبه ان انا 40 مادري على شنو حتى بروح اشكر الدكتور واخاف يطلع 4 مو 40 لاني مو مصدقه
ونفس الشي الدكتور فاضل نصر الله حطلي 39 من 40 وكل الشعبه جذي معني ما اذكر اني درست شي طول السنه لووول
هذيل احسن دكتورين بالدرجات
اما الدكتورين اللي أحذر أي احد ياخذ عندهم
اهما انور الفزيع
انور الفزيع محترم جدا وشرحه قوي قوي بس الله يهداه خرب على روحه بالدرجات كل البنات اعمال السنه بالعشرينات وفي بالتعش ونادر ماكو احد بالثلاثينات
والدكتور الثاني مدوس الرشيدي
درسني اختياري بيئه ومحد يدرسها غيره هالسنه وتصدقون في بنات عندهم تكميلي خو كلها ماده اختياري ما تسوا تكميلي
يعني هالدكتورين بالدرجات لا يحوشك
فحاولو تضبطون جدولكم
انا قلت عن الدرجات بس من ناحية الدكاتره الصراحه كل اللي مرو علي من دشيت الكليه محترمين وشرحهم زين يعني الطالب المحترم اكيد الدكتور بيحترمه مهما كان الدكتور
فاذا بتضبطون جدولكم ضبطوه على كل دكتور ودرجاته لانها اهم شي
الحمود اينن ، حدي احبه معنه مايشرح بس عجيب سوالفه تونس واسلوبه يشوق
وفاضل رفيجاتي يمدحونه ، انا ماجربته ، بس الكل يقول انه حنون ياحلوه
انور ماجربته وانشالله ماطيح عنده لوول محد يمدحه خير شر !!
ومدوس اخذت عنده حقوق انسان ، كانت تجربة شنيعة مستحيل اتكرر !!!!!
.
.
بالنسبة للدكاترة اللي كنت عندهم هالسنة :
1- التزامات :
* د. جلال ابراهيم :
- غني عن التعريف
- شرح قوي قوي قوي ، وعبقري ماشالله عليه
- تعامله ( أحيانا ) مش ولابد ! يحرج ويجرح بنفس الوقت !!
- وطبعا هالسنة كان زايد الجيلة الصراحة ، سواء مع البنات او الشباب
والكل سمع بسالفته مع الصبي اللي بسنة ثانية !
المهم :
كنت واقفة مع شباب نترجاه يمتحنا بعد امتحان ودقرنا
قلتله انا عايدة المادة ودرجتي تفشل
شرد علي ؟؟ قالي مشكلتج مو مشكلتي ! انتي اللي قصرتي ومانجحتي من اول مرة ! << جيكتوا ؟؟؟؟؟
قلتله دكتور انا العام كنت عند د. موسى وامتحاناته معروفه تشق شق
بس يبت درجة وايد زينة عنده !! أعلى من درجتي هالسنة
قالي ليش ما اخذتي عنده هالسنة عيل لوول
طاح فيني تدقر
قلتله لا انت فيك الخير والبركة لوول
جان يطردني كاااك
ودقر 1 من الشباب جدامي
الصبي مسكين مستحي يحَجي شافني انا ماستحي لوول اهو انطلق لووول
لين انطردت لوووول
وجنه جنه اهو انطرد وراي كاااك
* بعدها غيروه ، ويانا :
* د. عاطف عبدالحميد حسن :
ماتخيلون شكثر كنت متضايقة لما سافر جلال
بس الحمدلله الله عوضنا بدكتور زووووووووغه
- عاطف يهبل يهبل يهبل ، وترجيناه يدرس بالحقوق السنة الياية
- شرحه وايد حلو ، وليلحين اذكر ( الكلبة لولو + القطة السيامي ) لوووووول اللي كانوا معاي بيعرفون القمنده لوول
ياحلوه الله يذكره بالخير
- امتحنا امتحان سهل ودرجاتنا كانت فوق النخل ماشالله
يزاه الله خير ، فعلا عسل هالانسان
2- أصول قانون :
* د. ياسر الصيرفي :
- اتعب واقول انه عسل !
يهبل هالانسان
- اخلاق وتواضع وشرح عجيب
- وكريم حيل بالدرجات يزاه الله خير
- اللي تداوم على طول وماتغيب + اللي تنوت معاه ، ماراح تتعب ولا راح تنقص ، وعلى ضمانتي
- نصييييحة .. اخذوا عنده وانتوا مغمضين !
3- دستوري :
* خليفة الحميدة :
شقول وشخلي !
- من اروع الدكاتره درسوني ( درسني اداري 1 + دستوري )
- شرحه مو قوي الصراحة ، بس حرااام يحاول قد مايقدر انه يوصل المعلومة باي طريقه
- الكل ملاحظ ان امتحاناته صايره صعبة ، بس اللي تدرس عدل بتييب عنده قريد حلو
- وعموما اهو كريم بالدرجات
- روحه حلوووة ماشالله وحده ونيس ومحترم ويونس
