اي استفسار لطلبة الحقوق - جامعة الكويت

[L a w y e R]

دمي خفيف

بدزلج رقمي عالخاص ودقي علي لاهنتي

سوري ماعندي رصيد :/ فشلة لوول

 

[دمي خفيف]

اوكي حبيبتي

 

[L a w y e R]

هو ليش تبجين !

استانسي يبه خلاص عطلتي

دزيت الرقم ترى

 

[Lawyer22]

شسااالفة الــ 5 درجااااااااات في أحد يفهمنا ؟

 

[grumpy22]

مساء الخير بناات :68_asmilies-com:
واخيرا خلصت 176 صفحه صارلي اسبوع وانا اقرا في تجمعكم واليوم خلصت :eh_s(6):
بصراااحه عيني عليكم بارده الله يحفظكم يارب ماشاله قلبكم على بعض مع اني مو معاكم بس بصرااحه عشت معاكم الوضع لحظه بلحظه وبصراحه في دكاتره حقدت عليهم وكرهتهم من غير لا اعرفهم وفي دكاترتنا حبيت اني اتعرف واصادفهم :dddds:

لوير ماشاله عليج شكلج عسل حبيتج من غير ما اشوفج الله يوفقج يارب واشوفج خريجه وبقريد عالي .. والف مبروك النجاح وبصراحه السالفه الي صارت معاج عورت قلبي بس الحمدلله ان عديتها على خير والحياه تجارب لازم نتعلم منها وانتي قدها وقدوود:hjy5jewf:

ايفا ماشاله عليج حبيت شخصيتج وااااايد وحسيتها قريبه مني الله يوفقج يارب وتخرجين انتي ورفيجتي حقوقيه بامتياز مع مرتبه شرف :yaaaaaarb:

رفيف ماشاله عليج الله يوفقج انشاله تعجبني المرأه الي عندها طموح مثلج الله يوفقج يارب ويسهل عليج وتخرجين ويسهل عليج حملج وولادتج يارب

باقي البنات القلوب .. محاميه .. شهود .. محاميه الغد .. موسهله .. لورا .. دمي خفيف ..بنت العديليه .. اضوى .. فطوم .. طمطوما..حقوقيه وعلى راسكم صاحبه التجمع زويا .. وكل بنات التجمع سامحوني اذا نسيت احد كلكم على العين والراس
والله يوفقكم يارب وشدوا حيلكم


بصراحه انا احب الحقوق وعندي اهتمامات فيها بس انا تخصصت بشي ثااني غير عنها تماما

دعواتي لكم بان ربي يوفقكم انشاله ويسهل عليكم ولا تحبطون ابد ترا الايام تركض وباجر بتشتاقون حق هالايام خليكم دايما متفائلين ولا تياسون ابد لاياس مع الحياه ولا حياه مع الياس :ggdw:

تقبلواا مروري وبتم متابعه لكم ولتجمعكم داايماا لاني جد حبيتكم :hjy5jewf:

 

[L a w y e R]

شسااالفة الــ 5 درجااااااااات في أحد يفهمنا ؟

حبيبتي

لج الحق بـ 5 درجات بكل المواد كـ ( رأفة ) في حال انج يبتي mm بالمادة

الـ mm شنو ؟

انج تكونين يايبة 59 أو اقل من 100 بالمادة

والوضع يحتمل انج تستفيدين من الرأفة ، او ماتستفيدين منها

اذا استفدتي منها .. راح تنجحين وتصيرين 60 او 64 ماكسيمام

واذا لاسمح الله ماستفدتي منها ، تدشين تكميلي وتشدين حيلج وتحاولين تييبين الـ 79 اللي اهي الفل مارك بامتحانات التكميلي

ومثل ماقلت ، كل مادة لها 5 درجات

يعني اذا ماستفدتي من الرافة بمادة من المواد ، ما اتحول هالـ 5 درجات وتنضاف للمادة اللي تحتاجين فيها الرأفة

يعني الـ 5 مخصصة لكل مادة على حده

.
.

اسمالله علي شفيني عالفصحى لوول

انشالله خير والله يوفقكم كلكم

 

[Lawyer22]

حبيبتي

لج الحق بـ 5 درجات بكل المواد كـ ( رأفة ) في حال انج يبتي mm بالمادة

الـ mm شنو ؟

انج تكونين يايبة 59 أو اقل من 100 بالمادة

والوضع يحتمل انج تستفيدين من الرأفة ، او ماتستفيدين منها

اذا استفدتي منها .. راح تنجحين وتصيرين 60 او 64 ماكسيمام

واذا لاسمح الله ماستفدتي منها ، تدشين تكميلي وتشدين حيلج وتحاولين تييبين الـ 79 اللي اهي الفل مارك بامتحانات التكميلي

ومثل ماقلت ، كل مادة لها 5 درجات

يعني اذا ماستفدتي من الرافة بمادة من المواد ، ما اتحول هالـ 5 درجات وتنضاف للمادة اللي تحتاجين فيها الرأفة

يعني الـ 5 مخصصة لكل مادة على حده

.
.

اسمالله علي شفيني عالفصحى لوول

انشالله خير والله يوفقكم كلكم

بعد عمري مشكوووره عالتوضيـــــح تسلمييييييييييين

يعني اذا يايبه 80 بمــاده ماستفيد منها ؟؟

 

[L a w y e R]

مساء الخير بناات :68_asmilies-com:
واخيرا خلصت 176 صفحه صارلي اسبوع وانا اقرا في تجمعكم واليوم خلصت :eh_s(6):
بصراااحه عيني عليكم بارده الله يحفظكم يارب ماشاله قلبكم على بعض مع اني مو معاكم بس بصرااحه عشت معاكم الوضع لحظه بلحظه وبصراحه في دكاتره حقدت عليهم وكرهتهم من غير لا اعرفهم وفي دكاترتنا حبيت اني اتعرف واصادفهم :dddds:

لوير ماشاله عليج شكلج عسل حبيتج من غير ما اشوفج الله يوفقج يارب واشوفج خريجه وبقريد عالي .. والف مبروك النجاح وبصراحه السالفه الي صارت معاج عورت قلبي بس الحمدلله ان عديتها على خير والحياه تجارب لازم نتعلم منها وانتي قدها وقدوود:hjy5jewf:

ياحياتي انتي

امبيه انصدمت :/

ترى حدي اخجل لوول

بعد عمري والله فديتج وفديت هالذوق

مشكورة جد مشكورة وااايد على هالكلام الطيب

حدج زوغه :*

سوري ترى متدودهه مادري شقول !

عسى الله يوفقج بعد عمري وينولج كل اللي فبالج

ومووو تقاطعين ، لاتحرمينا من هالطلة الغالية :***

 

[L a w y e R]

لوير عمري

للاسف لا ،،

لان 80 = b

وماتستفيدين من الرافة الا اذا كنتي يايبة اقل من d

 

[" بنت العز "]

لوير حياتي تهقين في شي غلط بالموقع ؟؟

الولد يقول ما اتوقع هذي درجاتي .. ونص ربعه ومنهم شطار إلي يايب تكميلي وإلي ساقط ؟؟

ليش هالدرجات هذي ؟ وشلون اذا بيرفع تظلم ؟

بعد عمري انتي ادري اذيتج سامحيني بس حدي محتره

 

[L a w y e R]

بنت العز عمري لا اذيتيني ولا شي

انتي تامرين افا عليج :**

شوفي ..

ساعات السستم يكون مريض وتنزل الدرجات غلط ( مو دايما )

واذا على صدمة الدرجات ، صدمته اهو وربعه ترى شي طبيعي

دايما اقول :

بالحقوق توقع غير المتوقع

وعموما ترى مستوى مبادئ اقتصاد 1 سواء بنات والا شباب

كلهم بهالريت مو اعلى !

وبحكم ان الفاينل تصحيح الدكاترة فيه جماعي فـ عادي ، الطالب يحس ان تقديمه زين

بس الدكتور يتنيحس بالتصحيح ، شي جدا طبيعي بالحقوق للاسف

.
.

ونصيحة هامة جدا لكل المستجدين بخصوص التظلم :

التظلم لازم ينرفع خلال يومين من إعلان نتيجة المادة ، يعني خلال 48 ساعة فقط لاغير

دام اليوم نزلت النتايج ، باجر طيران عالكلية وقدموا تظلماتكم لاتنطرون عليها

لان ان طافوا اليومين مالكم حق اتظلمون :/

 

[L a w y e R]

لا اتكدرون وتضيقون خلقكم

الدرجات انحطت وخلاص ، ومو بالضرورة درجاتكم تعبر عن مستواكم

اوراقكم تمر على كل الدكاترة ، واتراجع كذا مرة

وتمر عالكنترول بعد

سو خلاص ، شي طاف وعدا ، الف مبروك للي يابوا قريدات زينة

والله يوفق اللي قريداتهم ماكانت مثل مايبون ، وشدوا حيلكم بالتكميلي اذا بتدشوون

وخلاص يبه عطلتووا

عيشوا حياتكم وهيصوا وطلعوا حرة السنة كلها بهالعطلة

 

[دمي خفيف]

لوير
التظلم له نتيجه يعني ينفع والا بس خرطي .؟

 

[" بنت العز "]

فديييتج لوير حياتي انتي والله

والله يسمع منج ويطلع الغلط من السستم

واذا على التظلم من باجر الصبح ومن الساعه 6 بعد بقعد الولد بخليه يسوي التظلم

ومشكورة حياتي وما قصرتي

 

[L a w y e R]

امبيه بنات

الحمدلله الف حمد وشكر لك ياااااارب

الحمدلله درجاتي مثل ماكنت ابي الحمدللللله

اصول b

دستوري b

عقبال التزامات ، ادعووولي اهم مادة التزامات !

 

[L a w y e R]

التظلم ساعات يسوي شغل

في ناس رفعوهم من قريد لي قريد والسبة التظلم

بس نصيحة لوجه الله

قدموا التظلم بيدكم للكنترول

اخذوا الورقة سجلوا بياناتكم وانتوا بنفسكم ودوها الكنترول

عشان ما اتكرر مأساة العام ، وتنعاد كارثة التظلمات اللي باللوبي :/

 

[" بنت العز "]

ألف ألف ألف مبروووووووووك حبيبتي

وعقبال ما تشوفين كل درجاتج a يا رب

 

[دمي خفيف]

مبرووك لوير حبيبتي :*

 

[L a w y e R]

بعد عمري والله يبارك بعمركم انشالله :**

انا راضية اطلع بـ d من التزامات بس المهم اعديها

كافي سنة كاملة ضاعت من عمري بسبتها

الله كرييييم

 

[رفييف]

مبرووووك حق اللي افتكوو

و مبروووك حق اللي عاجبتهم درجاتهم

و هاردلك حق اللي مو عاجبتهم

و اقول الله يرحم ايام التخلف اللذيذه اللي كنا نتسطر جدام ورقه الدرجات و ندور اسامي و ساعات نروح المغرب او بالليل نشوف درجاتنا لوووول

بس والله كانت جو

قروومبي حبيبييي :** مرسي عالكلام اللي يخجل التواضع
و ان شاءالله تكونين معانا دايما