ايييييييه ولدي وبنتي !

[بتبوتااا]

السلام عليكم ورحمه الله وبركاته

عندي ولدي عمره سنتين ونص وبنتي سنه ونص حاطين دوبهم دوب بعض

تخيلو بنتي ام سنه ونص اسمالله عليها عرده ومن يمر ولدي مرور الكرام يمها

تمسك بنطلونه وتسدحه على الارض وطاخ طاخ فيه طراقات ولا مشلعه شعره !

وتصارخ صراخ كأنها وحده بالولاده

ترى هذي مو مشكله بس انا حبيت اروايكم الجو الي انا اعيشه !

ونرجع لبنتي لما تبي شي تصرخ صراخ تصدع راسي ضروسي تسكر ببعض وامسك اعصابي

وشنو الي يسكتها بباي شركه المرعبين المحدوده
هذي صورته

اني حق ولدي هذا المشكله !

يفتح باب المطبخ ويبطل باب الغساله ويدش داخلهاا !!

تكرمون يروح الحمام ويحط ايده بالمرحاض !

يدش داري مايظل لوشن مايظل بودر ولامكياح الا مخربه ولا قاطه على الارض

هالشغلات عاديه بالنسبه لي يهال ويبون يعرفون ويستفسرون

نيي حق بليل لما يبي ينام يقعد يطالع السقف ويقول لي قوليله يروح
اقول له منو هذا يقول لي هذا الديو !! يعني العوو !!

اييييييييييييييييييي عاد طع يتحامى بمنوو بس !!

شفيك منو العو لاتخرعني وانا حدي متصرقعه واشوف ولدي صج خايف ويقول لي قوليله يرووح ويحن على خووف

اممممممممممممممممم قومت بو العيال وقلت له شوف ولدك يقول عو ومادري شنو لايكون في شي فوق

بروحي مرعوبه

ولا يضحك علينا وياخذ الولد ويخليه عنده وينام انا علامات استفهام فوق راسي حطيت قرأن ونمت

واليوم افكر اقول شنو شايف هذا !

واقول حق ريلي يوم زامك ما تنام بالدوام كيفك خخخخخخخخخخخ

وبس حبيت افضفض لكم واشوف تجاربكم مع عيالكم بهالمواقف؟

 

[بطاطا]

و عليكم السلام و رحمة الله و بركاته


الله يخلي لج عيالج يا رب

و بنفس الوقت الله يعينج


و ضحكت على سالفة ولدج مالت السقف ما اعتقد في شي ان شاء الله لا تفكرين بالربع " اللي تحتنا "


و تشوفينهم معاريس يارب


و سوري على لقافتي ما قدرت ما ارد :tek:

 

[بتبوتااا]

وي بطاطا بالعكس حياج حبيبتي

انا كاتبه للفرفشه بس اغير من مود المواضيع اوريكم معاناتي ياحياتي مع بزراني

 

[malak_alroo7]

هههههه يا حلوهم والله ربي يخليهم لكم ان شاء الله

حبيبتي عندنا و عندج خير .. ذاك اليوم رحت الطبيب و امى كانت عندي في البيت فخليت بنتى عندها ..
المهم امى تقول انها بس دقيقه دشت المطبخ .. تقول و اسمع صوت ماى لما اطلعت و الا تشوف بنتى في الحمام الله يعزكم و قاعده تلعب بالمرحاض وعععع هههههههههههه

جان امي تاخذها و سييييييده تسبحها خخخخخخخ

 

[أم أحمد كول]

بتبوتاا عندنا وعندج خير .. الله يبلغنه فيهم ان شاء الله

 

[الاسطورية]

لازم تشدين عليهم شوي مبين من سوالفج ان ماكو سيطره وخوف لازم تعلمينهم عالنظام وتعاقبين الي يغلط بس موبقسوه بس تخلينه يتحسف

وترى بباي بنتج كله صراخ اخاف متعلمه منه لوووووووول هذي البنت بس تصارخ والوحوش يلخذون طاقتهم من صراخ اليهال وبنتج سنه ونص وتسوي جذي مشاءالله شي غريب
لازم تعليمنها وتغيرينها

 

[*سكون*]

أول شي الله يخليهم لج .. ويهديهم ويصلحهم .. واللي بكتبه مجرد اقتراحات وان شا الله تناسبج

ثاني شي بالنسبة حق بنتج حاولي تشترين لها ألعاب تلهيها أفضل من التلفزيون .. ألعاب تعليميه وبعمرها وما تكون خطره

وبالنسبه حق ولدج .. احتمال وانتبهي اقول احتماااااااااااال الخادمه اذا كانت تنومه الصبح تخوفه عشان ينام بسرعه

وحاولي انه ما يبجي او يصرخ بالحمام ووصي الخادمه وسأليها من غير هواش اهو يخاف ليش احد مخوفه ؟ او انتي قايله

له شي ؟ سأليها بحسن نيه وبهدوء عشان لا تحتر وتحط الحره فيهم ويوميا بالليل اقري عليهم عشان يتطمن قلبج ..

وبالليل قبل لا ينامون اشتري قصص وتكون مشوقه وفيها صور واقري لهم مع بعض وخليهم يقعدون يمج عشان يتعلمون

الهدوء والركاده هالعمر اللي اهو من سنه الى 4 سنوات أهم مرحلة عمريه .. فحرصي عليهم والله يخليهم لج ويحفظهم

 

[زيـنـه]

عادي .. يكبرون و يعقلون .

بالنسبه للبنت .. حاولي تشدين اهتمامها للاشياء اللي للبنات .. يعني اذا تعرف الاميرات و قدوتها او باربي او فله .. قولي لها ان الشخصيه (الباربي او الاميره ) ما تطق اخوها .. و تلعب العابها .. و انها لما تكبر تصير حلوه .. و الفي من هالقصص .

و الولد .. ترى هاسن لي سن الروضه او الابتدائي سن التخيلات .. يعني مو بالضروره شايف شي
او يمكن الخدامه او اخوانه اللي اكبر مخرعينه بهالطريقه .. او سامع من ربعه .. و الياهل يحط في باله و ما ينسى .. تابعي خدامتج بدون لا تحس .. و حاولي تقرين قصص لولدج او تالفين له قصص و نامي يمه لين ينام .. او نوميه عندج و تالي شيليه فراشه .

و الله يعين على العيال و سوالفهم

 

[برنسيسة2007]

انا توني مو متزوجه بس حبيت اشاركم عشان افووووووووووووووور دمكم وشرايكم انا واخوي اصغر من بالبيت (بس كبار شباب)لما نشوف احد اولاد اخواني وخواتي بالحمام وعند المرحاض(عاد هاذي هواية العمر) ماننادي امهم ليمن انصورهم فيديو والله والله اني انا واياه فاتحين باب الحمام وكل واحد بتلفونه وخواتي وحريم اخواني طالعين من الصاله الى غرفة الاكل يبون يتعشون فاستغربوا من منظرنا واحنا عند باب الحمام وكل واحد بتلفونه وبدون صوت لما طلوا لقوا ولد اخوي وبنت اختي واحد داخل المرحاض والثانيه مدخله ايدها بالفتحه الموجوده بالمرحاض وووووووووووووووع عقب صارخنا(((((وتعالي شوفي الضحك والام اتجره واتصارخ واتغسله)))))بكل برود انقول لاتحاتين كا احنا قدامج هوايتنا بالطفوله المرحاض وشحلونا اذكياء ومتخرجين من الجامعه!!!!؟؟؟؟؟

 

[كيت كات]

وي وي وي
وصلنا للمرحاض الله يستر
انا شكلي باقفل الحمام بالمفتاح
والعو هذا تخيلات الطفل خصوصا يسنه هذا
ومثل ماقالت وحدة من البنات اشتريله قصص
واقريها بالليل افيدله خصوصا لخياله

 

[MISS GUCCI]

وعليكم السلام ورحمة الله وبركاته

خخخخخخخخخ
انا ليلحين توني ام مبتدئة ولدي هل برغي ماكمل السنة الله يحفظه
ويحفظ عيالنا قولي آمين

 

[.]

امممممم تابعي ناني بتبوتا عندهم طرق حلوه للتربيه..

و خلي اعيالج يتابعون ببايات تربويه واسلاميه مثل فله وغيرها...

والله يخليهم لج يارب..

 

[.]

انا عجبنتي بناني طريقتين للعقاب..

اهم اللوحه اللي تسوينها ع جدول وتحطين فيه خانات كل خان لولد من اعيالج ..

وكتبي اساميهم وحطي صورهم...

وتحطين لهم كل يوم ساد او سمايل فيس..

وكل اسبوع تشوفين اللي خذا اكثر سمايل فيس له هديه...

والطريقه ال2 نقطه العقاب ..

تحطينه بمكان معين اللي يتليقف او ياذي اخوانه يقعد بهالمكان ومحد يحاجيه مثل ال5 دقايق اذا ماقعد تزيدين المده ..

وبس سلامتج..

 

[Hello_kitty]

هههههههههههههه

الله يخليهم لج يارب ويبلغج فيهم

واي موتني من الضحك عليهم:dddds:

 

[بتبوتااا]

مشكورين بنوتات عالمرور سوسو انا عندي تتشيطن واهيا بهالعمر ولاتكبر وتينني لانه عيالي اذا شيطانين واهم صغار

عجال لما يكبرون وولدي بو سنتين كان هادي اهدى منه مافي بس كمل السنتين طلعلي قروون

وبالنسبه للخدامه انا ما انوم عيالي عندها كلش الي بينام ينام عندي ولاني قاعده مجابلتهم ما اعتقد تخوفهم
واهيا مره وحده بس قال لي فيها عوو لو كل يوم جان شكيت بالامر

ورونه عجبتني الطريقه شكلي بسويها :tek:

تسلمون حبيباتي عمروركم وماقصرتوو

 

[Yasmin]

لوووول ضحكتيني بتبوتااا

الله يعينج والله يخليهم لج انشاءالله

الله يستر شنو ابداعات البيبي القادم بالطريج

 

[غنوة ستايل]

يا قلبي كل اليهال جذي

 

[بتبوتااا]

سوسو اي ساعات احسها تصارخ مثلها ولاني اضحك بويها لما تصارخ فتعيد الحركه

ههههههههههههههههه الفصعه تضحكني وتبط راسي عسى الله يحفظهم انشالله

 

[بتبوتااا]

ياسيمن ودلع تسلمون عالمرور وعذبتيني على صورت المحشي دلع

 

[.. مـــلاكـ ..]

لوول يا حياتي

الله يخليهم لج ويطول بالج عليهم