ايهم افضل للقيصريه

[هب هب هب]

السلام عليكم كويتيات

خواتي بسالكم ايهم افضل للقيصريه ابره الظهر اوالتخدير الكامل عن طريق
الكماااااااام:eh_s(1): الي جربت لا تبخل علي ارجوكم قيصريتي قربت محتاره
شنو اسوي
ويعطيكم العافيه:eh_s(22):

 

[هب هب هب]

بليز بنات ساعدوني

 

[-فلانة-]

والله حبيبتي انا كنت طالبة إبرة الظهر..
كنت أبي أكون واعية حزة اللي يطلعون بنتي و أسمع صرختها..
بس ربي ما كتب و ما مشت معاي إبرة الظهر فخدروني بالكمام..للحين حاز بخاطري ما سمعت صرخة بنتي أول ما طلعت للدنيا..
الحمدلله على كل حال..
بالنسبة لي أحس إبرة الظهر وايد أفضل..
منها تكونين واعية..ومنها ما تتأذين من المخدر على ما يفج منج..
ربي يسهل عليج و تقومين بالسلامة إنتي و النونو.

​

 

[نسيم الأمل]

سألت الدكتورة مي بدار الشفاء عن أي وحدة فيهم أفضل قالت ابرة الظهر أفضل .
ما أدري يمكن لأن عندي الضغط يرتفع فهي أنسب لي . الله أعلم .

 

[brettey]

التخدير الكامل انا لان كنت خايفه حدددي
انا جربت الطبيعي والقيصريه

 

[om MaRyooM]

التخدير الكامل وفكي عمرج

ليش ابرة الظهر وانتي اصلا مارح تشوفين شي !
هذا غير انج من بعد العملية لازم وضعية معينه بالنوم ويحوشج صداع جم يوم


شلج بعوار الرااس والدوخة

 

[fofo200]

حبيبتي انا جربت الاتنين التخدير الكامل لما صحوني منا كنت ابكي وتعبت لين ماقمت عدل بس فايدتا ماتكونين عاااعصابك
اما ابرة الضهر اول شي انا خلصةو العمليه وانا قاعدة اقولهم متى بتبلشون بس مشكلها تبينلك يوم او يومين لتقدرين تحركين ريولج انا لرابع يوم لقدرت احرك ريلي الشمال الطريقتين زينين وكل وحده حسب وضعها الصحي واهم شي سالي دكتورتج واتاكدي منها وان شالله تقومين بالسلامة يارب

 

[Perfume]

التخدير الكامل احسن حبيبتي انا ماقدر اتحمل اشوف دم وشق وخياط

 

[virgo88]

uppp

 

[نسيم الأمل]

مين قال إنج تشوفين العملية ؟؟
أنا بجرية وأخاف حدي وإلي عرفته من أكثر من وحدة أنه ما تشوفين شيء لأن في ستارة وتقدرين تتكلمين مع الدكتورة وتسولفين عادي وتسمعينهم وما تحسين بشيء .
وأهم شيء إنج تسمعين صوت البيبي أول ما ينولد .

وإن شاء الله يكون الوضع مثل ما قالوا .

 

[@ام يوسف@]

انا قيصرتين ابره ظهر والحمدلله واساسا يقولج البنج العام يوصل للبيبي ويتبنج