ايهما افضل بالنسبه لج دكتور او دكتوره مع ذكر السبب يالله صوتووو????

[حبيبي مالكني]

دكتور
لاني جربته وارتحت معاه وايد احسه فاهم شغله عدل

 

[عسوله معسوله]

أنا بالنسبة لي أفضل دكتوره
لأن نص أزمتي بالولاده ان اشلون بنكشف قدامها فاشلون لو دكتور

 

[أبكاني ذنبي]

دكتووورة


وايد دكتورات شاطرين شللي حادني على الدكتور استحي حيييل

 

[Bn0ta*anota]

دكتوووووره اكيييد انا بروحي استحي من الدكتوره هالمره دكتتووور
لا مستحيييييل

 

[ام اغلى الناس]

طبعا الدكتور اشطر بالعلاج والتشخيص وكل شي
بس لاتنسين انه حرام يولدج رجال باختيارج
اخترت دكتور
بس للولاده حرام

 

[++صدفة++]

عفواً بس اللي تقول لا تنظرون نظرة انه ريال .. وانه مفروض ننظر له انه دكتور وانه آنا مريضة
بالشرع مافي شي جذي
عند الله هذا ريال مو محرم عليج حرام يطالع اي جزء من جسمج فما بالكم بالعورة
اذا ما كان في دكتورة تولدج هالحالة يمكن حالة خاصة لأن الضرورات تبيح المحضورات .. بس الحين الدكتورات ترس الديرة وايد منهم استشاريات ممتازات
اما سالفة انه اشطر .. سألي فيها أي رجل دين اذا تبين وشوفي شيرد عليج

 

[um haya]

انا عن تجربه خفت من الدكتورات لان دكتورتي وقت الولاده توهقت جان تنادي دكتوور اللي اهوا رئيس القسم !!!!!!!!!! يعني فعلا الدكتوره ترتبك والحين خايفه اولد عند دكتووره مو واثقه فيهم كلش