ايهما اصعب احساس يتيم ام احساس حرمان من حنان الوالدين !!!

[Bent extra 3asal]

الاصعب بنظري احساس حرمان من حنان الوالدين لان اهوا يشمل احساس اليتيم واحساس الحرمان

يسلمووو

 

[honey 2010]

احسهم مثل بعض بس الثاني ارحم

 

[ليت الماضي يعود]

احساس اليتيم

 

[FOZQ8]

حرمان اليتيم اكيد اصعب
انا اتمنى لو ابوي موجود وكل يوم يقعدني بطراق وينومني بطراق كافي حسه في البيت .. الله يرحمه
شلون لو كان حنون وخلوق والكل يشهد بأدبه واخلاقه مثل ابوي؟ انا اقولج لو كان قاسي كنت أبيه ومااقارن وجوده بعدم وجوده حتى لو كان ظالمني
وتبقى وجهة نظر
بس أتمنى محد يذوق حرقة اليتم حتى لو كان على كبر

 

[أسيرة القمر]

اليتيم احساس مؤلم ومذاقه مر اسال الله ان لايرزقك فراق والديك نعم فالاحساس


مؤلم عندما تغيب سنا البيت وشمسه كيف لي ان اعيش بعد رحيلهما


ولكن الذي يفقد والديه قد يجد يدا حانيه من اقاربه ولايعيش في سلوكيات خاطئة....


فاليتيم يكون له علينا حقوق كثيرة لأنه افتقد شيئاً لا يعوض افتقد كل مشاعر الحنان والأمان


التي كانت موجودة في حياته من قبل أما المحروم أصلاً من الحب والحنان مع


أن أبواه موجودين فهو صعبٌ واشد لكن يستطيع التغلب عليه بالعقل والتفكير ومحاولة الإصلاح بينهما ..


اشكرج حبي عالموضوع ..

 

[$رفـحـاويـه$]

وه بس نوورتي صفحتي ياسوووره
ربي لايحرمني من ردودك الحلوووه

 

[ماكنتوشه بنفسجيه 12]

كلهم نفس الشي

سبحان الله وبحمده
سبحان الله العظيم

 

[جلاديلياس]

طبعا احساس اليتيم اصعب وااايد لان فقد احد والديه للابد بدون شوفه موبس احساس

وهذا عن تجربه

 

[متيمة بالشعر]

احسااااس حرمان من حنان الابو والام .. اصععععععب لان احساس اليتيم كافي انه يحس ان الله امر انه يعيش بدونهم وان هذا عمرهم ويومهم لازم ينتهي بهالوقت ... لكن الي ينحرم من حنان الام والابو يحس انه غير ويحس بشي اصعب ..

 

[دراما الحب]

احساس اليتيم صعب وحتى احساس فقد الحنان لانه مهم في الحياة واذا فقدو الحنان والعاطفة يكون سبب الرئيسي لانحراف الشخص

الله يطول بعمر اهالينا انشالله ويخليهم لنا ويهدي الجميع يارب

 

[$رفـحـاويـه$]

اشكركم لتفاعلكم الطيب

 

[حجية قدرية]

اب
اب
اب

نفس الموضوع إلي بنزله

بغيت آراء أخرى من العضوات

 

[حجية قدرية]

طبعا أنا احترم كل وحده قالت أن "حرمان اليتيم أقسى وأمر وأصعب وان المحروم من حنأنهم وأهم بحياته أهون لأن حسهم ووجودهم يسوى الدنيا "

عفوا أنتوا تتكلمون هالكلام لأنكم ما جربتوا حرمان الأب أو الأم رغم وجودهم بحياتكم



عالأقل اليتيم عاش طول حياته يتيم والموت آهو إلي خذى أمه وأبوه منه ولي ذكر أمه أو أبوه قال الله يرحمهم وهذا واقعه ما يقدر يغيره لأن لو كانوا أمه وأبوه موجودين جان عطوه حنان وحب وعاطفه

أمن إلي موجودين بحياته بس مو حاس بوجودهم راح يتألم وينجرح كل مايشوفهم جدامه
تخيلي تشوفين أمج أو أبوج جدامج وودج تركضين وتحضنينهم وتحسين أن الدنيا بأمان بس ما تقدرين للأسف إلي يقولون كافي وجودهم لا حبيبتي مو كافي وجودهم لإنج صج بتحسين بغصه بقلبج وكل ما تشوفينهم تخنقج العبره وتحسين أن مالج أهميه بحياتهم تشوفينهم لاهين عنج ومايدرون عنج عالأقل اليتيم عارف مصير أمه أو أبوه أمن إلي عايشين بحياته ماهو عارف مصيرهم كافي انج تحسين بانج يتيمه وأمج وأبوج على قيد الحياه !!! شنو إلي أمر من هالشغله ؟؟؟؟؟؟
والي تقول أنا يتيمه ومشتاقه للحنان ...
احنا ماااا شفنا حنان ولا حب ولا عاطفه


أنا وحده محرومه من أبوي تخيلوا أطل من الدريشه لي بغى يطلع من البيت واقعد أبجي لأن ودي أناديه يبا حبيبي تعال بس مااااااقدر تخيلي اشوف أبوي جدامي ماقدر أحضنه ماقدر أشبع حنان منه ماقدر أشكيله همي اشوف بنات خالتي مع إبهاتهم وأبجي دم وقهر لأن أبوي عايش بس إحساسه ميت صدقوني الكلام سهل بس لمن تعيشين هالشعور صعب صعب صعب صعب وووايد سؤالف لو أقولها جان حتى الحجر إلي آهو حجر راح يلين ويتكسر !!

كافي اليتيم عالأقل يقدر يروح يزور أمه وأبوه بقبرهم ويسلم عليهم أمن المحروم منهم مااااااايقدر يسوي شي
صعبه انج تسمعين صوت أبوج بدال لا تحسين بالأمان تحسين بالخوف والضيقه صعبه انج تشوفين إلي حوالينج مع إبهاتهم وأنتي أبوج مووووووداري عنج عالأقل اليتيم الموت إلي حرمه من شوفتهم أمن إلي عايش شنوو عذره ؟؟؟؟؟؟
تخيلي انج تعيشين بعقاب وأنتي مالج ذنب صج الوالدين لهم حقوق عالأبناء بس حتى الأبناء لهم حقوق على آبائهم والآباء يدمرون حياه عيالهم

والله أن شعور يذبح القلب والله لأن طول عمري قاعده إدور إلي يعوضني حنان أبوي بس مااا لقيت ولا راح ألقى لا تقولون زوج ما زوج مأكو أحد يعوض حنان الأب لو منو كان

مابي أطول عليكم بس رجاءا إلي ماجربت حرمان حنان الأم والأب وأهم حوالينها لا تتكلم وتقول أن كافي وجودهم لأن محد يحس بإحساس الحرقه والألم والحسره إلا إلي عايش الوضع

 

[يـ منيتي ـا]

كللمها مر
لكن برايي اصعب من فقد اهله
اليتيم عاش فاقد هالاحساس لم يذق حلاوه ودفئ حظن الاهل
لكن من فقد فهو فقد هذا الاحساس للي عاشه وتلذذ بجماله حتى لو كان برها من الزمن لكنه عاشه واحس به
اما اليتيم فقد يلجاء الى اي حساس حلو معتقد انه هذا هو احساس احضان الوالدين
شكرا ع الطرح

 

[حبي بيرين]

اليتم لانه مهما كان مااحد يوصل حرمانه مثل اليتم اللي موجودين اهله حتى لو ماحس بحنانهم بيقى لهم وجود يشعر بهم اقل شئ اذا احتاج اقل القليل يلقى من يطلبه دون حياء اليتم محروم وهوطفل وحتى وهو شيخ كبيربسن

 

[اميره بكلمتي]

الصراااحه احساس الاثنين صعب

 

[عادت ذكرياتي]

كلهم صعبين (

 

[الزورق222]

اليتيم اكثر ..

 

[manoooram]

اثنيناتهم صعبين

 

[منو انت]

اكيد اصعب الحرمان لانه يكون باختيارهم انهم يحرمون عيالهم منهم