اين الحل

[فنانة كويتية]

السلام بصراحة انا عندي مشكلة ابيكم اتحلونها معاي لاني تعبت ماني عارفه شسوي المهم اول شي مشكلتي مع ريلي اللي دايما يدور النجره علي اتفه الاسباب ودايما يطلعني انا الغلطانة وكل مره انا اللي اراضيه واتاسف معنى ومو انا الغلطانة ولا فوق الاسف بالترجي ياله يرضى يصير زين يومين وبعدها يرجع نفس الحالة وبس وا بقولكم بعد علي شى اهو مادري اشفيه عندة كرامه و عزة نفس زيادة عن الزوم يعني اذا مثلا يبني ما يناديني باسمي ينطرني لين اي او يقولي تعالي اقول معني و اللةاسمي اشحلوه باختصار مايحترم ولا يقدر واحنا علي هلحال عشر اسنين واهو نوعة مزاجى وكل شى يبية بسرعة بسرعة بكل شى حتي بالاشياء الخاصة انا ملللللللللللليت وصج تعبت منه :eh_s(1):

 

[frozntouch]

شوفي صراحه ريلج ماادري شلون صاير
يعني اذا اهواا من النوع اللي دايم يتزعل لا تراضينه كل مره
يزعل اليوم ويرضا بااجر انتي قلبج شنو يشيل ويخلي اذا اهواا كل دقيقه يبي يتزعل
واذا على سالفه كل شي يبي بسرعه بسرعه
قعدي وياه قعده هااديه وقولي له الاشياا اللي مو عاجبتج فيه
ومن دووون لا تنرفزينه

 

[ombaza]

طول هالسنين وانتي ساكته من الاول جان حاولتي معاه
ليش تخلينه يهينج وتسكتين
طبعا انا ما اقول تهاوشي بس كل ريال له اسلوبه في ناس تتغير بالمعامله الزينه وفي ناس بالبجي والزعل وفي ناس بالصراحه
شنو نقاط ضعف ريليج ملعرفتيله

 

[موت الحمر]

ريلج يبيله تدريب على طولت البال كل مشاكلكم من تسرعه

 

[afesa]

اعتقد بين الازواج ما فيه كرامه او كبرياء حتى لو انتي تراضينه كل مره عادي اكيد انتي عودتيه على جذيه من البدايه صح احيانا الواحد ما يتحمل بس شتسوين حاولي تخلين الامور سهله واذا تقدرين طنشيه اشوي مو كل ما يزعل تروحيله وسوي روحك عادي مو مهتمه والله يعينك

 

[فنانة كويتية]

السلام يا اطيب بنات بصراحه واسيتوني ابمشاركاتكم وردوكم وعسي يارب حياتكم من حلوه لي احلي

 

[قوية الباس]

الله يعينج ياقلبي

بس عشر سنين مفروض واحد منكم يتعود على طبع الثاني!!!!!!!!!!!!!!!!!!

والظاهر السالفة تراكمت عليج وانفجرتي !!!!!!!!!!!!!

المهم لا تضيعين ريلحج من يدينج

لازم تحاولين تجذبينه يمج

 

[نــور1]

عوديه ان زعل يرضى بروحه

ولدج على ماربيتيه وريلج على ماعودتيه

 

[ملح مكتت]

وااااااااااااااااااااااااااااااااااااااااااااااااي

 

[ماسه كويتيه]

كلكم يا بنات ادعو وقولو معاى انشالله يارب ريل فنانه كويتيه يصير زين عليها والله يزرع الحب فى قلبه لها ووريها هالحب كلكم قولو امين

 

[MaRyOoOmA]

بصراحه من البداية انتي غلطتي اللي عطيتيه مجال انج تروحين تراضينه و تساحلينه هو تعود على هالحال وهو ماصدق بس شالفايده دامج عوديتيه بس انتي لازم تتغيرين شوي بس مو تعاندينه او تتهاوشين وياه لا اذا تناجرتو سكتي عنه وطنشيه ولا حتى تراضيه بيني له انج انسانه مو كمبيوتر متى مايبي تضحكين ولا تتضايقين ولا تتهاوشين و المهم انج تتجهين لرب العالمين وتطلبينه وان يهديه ويسخره لج و يحنن قلبه عليج ولاتنسين حبيبتي ان الله مع الصابرين و الله يهدي النفوس انشالله

 

[حنتوشه]

اسمحيلي اقولج عوديه انت وخربتيه !!!


مو معقوله عقب 10 سنين بتغيرينه وينج من الاول ؟


عالعموم الله يهديه لج ويسخره وحاولي تكسبينه بطريقتج كل ريال له مفتاح وانتي حاولي تدخلين من هالمفتاح وتغيرينه بشكل غير مباشر

 

[عاشقة تراب ديرتي]

الله يكون في عونج ويسخرلج ريلج ياااااااااااااااااااااارب

 

[شموخ العجمية]

ياقلبي انتي غلطانة مفروض مفهمته من البادية صابره عليه عشر سنين ماتقدرين تغيرن الاحين صعبة
رجال ع ماتعودينه

 

[~ام خالد~]

حبيبتي مبين انه زوجج
هذا طبعه من زمان وانتي ما حاولتي
تغيرينه وتعود على انج اللي تيين

طبعاً مافي كرامه واهانه بين الازواج
بس الحق ما ينزعل منه يعني
اذا اهو الغلطان لازم اهو يعتذر

اول شي انا اقول الكلام والمصارحه
اول حل لا زم تسوينه ما نفع ...

ابتدي بالطناش غلط وزعل خليه
وتصرفي انتي عاااااااادي مدامج مو غلطانه

ما ناداج او جذي قوليله انا عندي اسم واتمنى لو تناديني فيه اذا تبي شي

مابي اشيشج حبيبتي بس لازم يكون عندج شخصيه مو حلو جذي

والله يسخر زوجج لج ويهديه
ويسعدكم ويهنيكم ويبعد عنكم كل سوء

 

[فنانة كويتية]

مشكورين وايد علي نصايحكم وتفاعلكم معاي احبكم يا بنات الكويت وانشاللة تعيشون كل ايامكم ابسعادة وراحة بال قولو امين

 

[malekatsabaa]

المشكله ان احنا نتمادى بسكوتنا على الغلط بحجة انه يكبر ويعقل!

لا يا عمري في مثل يقول زوجج على ما تعوديه يعني تعودينه على طريقتج..احنا نبي الريل ابروحه يحس ويتعدل؟؟؟
اول شي تقعدين وياه وتفهمينه ان هالوضع ما ينفعج..بعدين تتغيرين معاه وتصيرين وحده دلوعه واتسوين له حركات وسوالف يديده(من الي اتعرفينها)... ولما ما يتكلم معاج عدل على طول اتبينين له وتعطينه فرصه عشان يتغير وشوي تصبرين عليه بس اذا غلط لا تسكتين حاولي اتبينين انه جرحج وبعدين اذا شفتيه عاد مصخها ومو راضي يحترم نفسه عاد سويها زعله وحرميه من عطاياج

 

[بنت الارسنال]

الله يعينج ويصبرج