ايكيا

[أحب ترابها]

السلام عليكم ورحمة الله وبركاته توني
ساكنه بيت جديد ومالي خلق الفرفره علي الاثاث فقلت اشتري غرفتي وغرف عيالي من ايكيا
منو شاريه من ايكيا غرف نوم وكبتات ...شرايها فيهم كد ومد ؟يتحملون مطامر عيالنا؟.....افكار ايكيا لتخزين ولغرف الملابس روعه...شرايكم فيها تحمل الاستخدام...ارجو سرعة الرد
نسيت اقولكم اختي تقول سوي غرفة الملابس نجاره احسن وضيفي له شغلات من ايكيا اشرايكم؟الي عندها رقم نجار شاطر واسعاره معقوله تحطه الله يجزاكم خير

 

[MISS88]

آنا وحده ماأشترى إلا من إيكيا
لأنه كل شئ عندهم حلو
آنا كل أثاثي من عندهم عجييييييييييب وكول
وسألي وشوفي وطالعي اللي يناسبج

 

[هوفه]

انا جربت كرافي اليهال وايد قوية وتتحمل وفرشتهم طبية
بس غرفتج اخذيها نجارة وايد احسن وترسيها اكسسوارات ايكيا واخذي منهم الشيفونيرا وايد حلوة

 

[أحب ترابها]

Miss88 وهوفه مشكورات علي النصيحه وجزاكم الله خير ...يعني رايكم انجر غرفة الملابس وازيد عليها الادراج والسلال لانهم يرتبون الكبت؟

 

[toot^o^mishmish]

ايكيا شغلهم حلو وايد بس موكد ومد والله اخذي الاشياء البسيطة مو الرئيسية مثل الكرافي لان اخني توها شارية غرفة نوم بس الخسب يرقل موذاك الزود

 

[أحب ترابها]

مشكوره Miss Diorعلي النصيحه جزاك الله خير فعلا انا حسيت ان خشبهم يرقل

 

[أورااااااد]

السلام عليكم


اختي العزيزة أحب ترابها

انا شريت من ايكيا اثاث لاكثر من غرفة عندي

بصراحة شكله حلو وذوق 00 ويتميز بالستايل الراقي

ولـــــــــــكـــــــن

الخشب لهذا الاثاث للاسف بسرعة يتفكك وخصوصا ابواب الادراج

اما السرير فما زال صامد ههههههه

اذا تبين نصيحتي 00 النجارة مافي احسن منها

اخذي اي موديل من كاتالوج ايكيا وسويه نجارة بتلاقينه نفس الشكل

وفوق هذا متانة وقوة ويدوم لك اطول

بس الاكسسوارات طبعا ايكيا لا يعلا عليها حلوة وسهلة واسعارها جدا مناسبة

هذا مع كل تمنياتي لج بالتوفيق00



اختك 00 أوراااااااد​

 

[kanoosh]

والله انا عن تجربه شاريه جم شغله من ايكيا يمكن صارلها فوووووق ال11 سنه (من كنت باولى ابتدائي هههههههههه) والله ليلحييييين موجوده حاطينها بالسردااب واوكى بس مادري يمكن ليش انها من ايكيا اللي بره مو اللي بالكويت عشان جذي جودتها مشالله مااااسكه ليلحين

موفقه ياقلبي وسوي عند نجار اذا ودج بنفس تصاميمهم

 

[blue ocean]

والله اختي ايكيا حلو بس مايدوم !! يعني بسرعه يتكسر
مانصحج تأثثين كلشي منهم بس الاكسسوارات
وموفقه

 

[أحب ترابها]

اوراااااد مشكووووره وجزاج الله خير ...تصدقين النجار الي لقيته عطاني سعر خيالي ...بشوف غيره ..واخذ الاكسسوارات من ايكيا مثل ماقلتي وحياج الله اخت عزيزه بالمنتدي

 

[أحب ترابها]

Kanooshتسلمين ياعمري وقاعده ادور نجار شاطر.....مشكوووره علي النصيحه

 

[أحب ترابها]

blue ocean جزاج الله خير ياقلبي ماقصرتي.........وياريت الي تعرف نجار شاطر واسعاره معقوله تحط الرقم

 

[saroon_143]

نصيحتي اخذي بس الاكسسوارات من ايكيا
بس الاثاث سوي نجاره احسن والخشب يكون قوي
انا اثاث غرفتي صاره 10 سنين وللحين شكله يديد وما تغير في شي

 

[غير كل الناس]

روعه اذكر شريت سرير حق بنتي البكر مال مواليد قعد سنين عندي واستعملته حق اللي بعدها

 

[أحب ترابها]

Saroon فعلا النجاره احسن بس ما لقيت نجار...جزاج الله خير
غير كل الناس السراير الي اسأل عنهم للكبار لعمر 14 سنه مشكورره حبيبتي

 

[رقي]

موفقه
والله يبارك لج في بيتج

 

[همسات ليالي]

حبيبتي ايكيا يهبل

بس موللكد

ولا يصلح لغرفه اليهال

على الفكرة السوق كله صيني وما انصحج فيه لان ما يدوم

احسن شي النجاره

 

[أحب ترابها]

رقي تسلمين :eh_s(7):

 

[ام السلمي]

والله انا ما يوزلي اثاث اكيا حلو بالشكل بس مو قوي مثل النجارة

وحنا مشا الله عيالنا نقزة على الفرش والقنفات مايصلح اثاث ايكيا خفيف جنا خشب سحاحير

 

[Suwi]

ana agolech ekthy mn ikea o twkle 3llah allh ... ana shgty kelhaamn ikea o n9e7aaa ro7yy lehoom o gole abe el mohndess 3li hatha yaswee lech betech eb 200 kd! bs shy khyaal chena y7sbonhaa free etha kathety eb 500 kd i think bss wllah
ro7y s2lee shy 3jeeb

oo goood luck