ايفون 4 .. وبرامجه

[جذابه بنت ذيابه]

مساء الخير

اخباركم حبايبي ..؟:eh_s(7):

بسألكم يا الغوالي توني شاريه ايفون 4 ومدري وين الله قاطني:krkrkr:
<ياحلو البي بي بس

الحين بسأل شلون اسجل بالاب ستور ,,.؟ وشنو احلى برامجه
ترا نزلت الموضوع بس عشان امس كسر خاطري الايفون قاطته وماسكه البي بي لووووول

ساعدوني ماعرف في شي واحس انه اي شي .. <اي هين


انطركم :eh_s(2):​

 

[حلوه ولمآحه]

لازم تفتحين حساب لج بالاب ستور
واذا ماتعرفين انآ افتح لج حساب،،~
تحملين الاب ستور على الاب وتبدين تسجلين فيه باايميلج والباسورد

 

[العز انا]

افتحي حساب بالأب ستور في وحده أهني حاطه موضوع عن اللاب ستور

 

[عانيت القهر]

لاحرام ترا الايفوون حلووو حيل احلى من البلاك بيري بويييييييييييين
بس انتي شوي شوي اتعلمين علي وتشوفين الفرق
وروحي للاب سستور واضغطي تسجيل او حساب بالاب ستور
وكملي الاسئله
وبسسس
ونزلي برامج والوتس اب

 

[جذابه بنت ذيابه]

فديتكم والله

حلوه ولماحه عساني ما خلا منج يارب ..

العز انا

ماقصرتي غلاي

حكوه

انا انسانه اجتماعيه واحس البي بي اجتماعي مثلي لووووول
فديتج

 

[كويتيه مذهله 87]

بالعكس الايفون احلي رزه وكشخه شوفيه سعره بس وشوفي البي بي جم سعره كل من هب وشره حتي اليهالواااا
ماتلاحظين الايفون مايمسكونه اليهال !!!

والبي بي تري بس البي بي ام ولا مافيه زوود

الايفون برامج وقيمز واتصال مجانا


مثل ماقالوا البنات لازم تسوين حساب لج بالاب ستور علشان تنزلين اي برنامج بخاطرج فيه
واذا انتي موحابه الايفون حسافه جان شريتي اي باد حق البرنامج والقيمز وليش شاريته اذا قاطته قبل لا شريته جان سألتي عنه حرام ترى

 

[جذابه بنت ذيابه]

كويتيه
نورتي حبيبتي

لا ابشرج بديت احبه ,, لووول والايباد حلو بس كبير : )

 

[*بنوته*]

السسٍلآم عليكم

شلونكم ..

قاعد اشوف وااايد اسئلة تكرر " شلون اسوي لي حساب مجاني للاي فون "

يبتلكم هالطريقه وان شاءالله مانشوف بعد احد يسـآل

وشسمونه انا سويتها حق فون اختي وزبط معاها

<~ ربع البلاك بيري


المهم هالطريقة نفسها حق الايفون بس هون مشروحه بالاب < فهمتوا شئ

شوفو الشرح

بعد ما نثبت البرنامج نفتحه ونروح لخانة الـ itunes store
وننزل تحت لاخر الصفحة ونختار الدولة امريكا

بعدها نروح ونضغط على قائمة الـ app store
ونختار اي واحد من البرامج المجانيه ونضغط على كلمة free

( وترا لازم يكون برنامج مجاني اذا اخترتوا برنامج بفلوس منتمب قادرين تفتحون حساب مجاني )

بتطلع لنا هالنافذه نضغط على خيار انشاء حساب جديد create new account


نضغط على continue

نوفق على الشروط حقتهم
بعدين نضغط continue

نعبي البيانات هذي زي ما هو موضح بالصورة ( بناات ركزواا بهالخطوآآ )

بعدين بتفتح لنا هالصفحة نختار منها noneونعبي البيانات زي ما هي مشروحة بالصورة
وبعدها نضغط على continue

وكذا نكون سوينا الحساب المجاني حقنا
باقي علينا بس نفعل الايميل .. علشان نقدر نستخدم الحساب

نروح نفتح ايميلنا
بنحصل فيه رساله من الـ itunes store
نفتحها ونضغط على الرابط اللي فيه علشان نفعل الاشتراك

اذا ضغطنا عليها بيطلب مننا ندخل ايميلنا والباسورد
زي هالصورة ندخله ونضغط على sign in

وبكذا نكون فتحنا الحساب وفعلناه
باقي علينا نضغط على done ونروح نحمل البرامج والالعاب اللي نبيها

...​

 

[*بنوته*]

██ ✿ آيفون iPhone ✿ ██

كتالوج آيفون>>q8yat<<

✿ [ Top App . . أفضل تطبيقات الآي فون ] ✿

و هالموآضيع وآيد بتفيدج ​

 

[جذابه بنت ذيابه]

بنوته

جعل ايدج ما تمسها النار يا قلبي

مشكوووره غلاي

 

[قطوووة]

اي انا بعد تعلمت كل شي من كويتيات والله يخلي يوتيوب بعد ههههه