ايش تقدمون با العزاء

[ام زياد]

السلام عليكم

مدري ليش هالسؤال جاء علي بالي.. الله يبعد عنا وعنكم كل مصيبه

يمكن لني رحت عزاء والله افتكرت اني رايحه فرح مو عزاء من اشكال الاكل والتقديم

زيادة فضول حبيت اعرف

 

[biboo92]

ما ادري يمكن ماي اوو جاي

بس

 

[شندوخه]

لاحول ولاقوه الا بالله
ياخوفي باجر يسون استقبال للعزا
اللى اعرفه ماي وجاي جان تطوروا الحين يجوز

 

[biboo92]

اتخيلو دي جي اوو اكل او شرب اوو حلو

علشان عزا

 

[زلابيا]

انا اللي اشوفه بس ماي

جان يوزعون بعد جاي مادري !!

 

[Om Banati]

هووو بس ماي خبري

 

[سبائك]

ماي بسسسسسس وكتيبات ذكر ودعاء وقرآن للقراء فقط

 

[جرح الليالي]

ماي - شاي - قهوة

 

[Snow-White]

ماي وبس .. شنو جاي وقهوه ؟! تسيوره اهي !! صج ان العزا الحين نشوف فيه اشكال والوان وموديلات بس عاد مايقدمون فيه جواهي

 

[supermarket]

اخر عزا رحت له كانوا حاطين حلو قهوة!!!

قلت يمكن باجر يصير في بوفيه

لاحول ولا قوة الا بالله

 

[أغلى حبيبه]

بس ماي

شنو شصاير جاي وقهوه

 

[رفرف]

ماي بس وماي زمزم وكتيبات أدعية وجنه في ناس يقدمون جاي ماذكر والله الملاحظة صفر

 

[far007a]

بس ماي وفيه أجزاء قران حق الختمة بسسسسس وكتب ادعية عند الباب للي يطلع

الواحد يواسي اهل الميت هذا مو وقت ضيافة بروحهم حالتهم حالة مو وقت اكل كلش واللي اعرفه ان المعزين اهم اللي يسوون غدا حق اهل الميت مو اهل الميت اللي يوكلون المعزين

 

[Pink GirL]

اول مره اسمع عزا فيه جاي

ماي بارد وبس
وفي ناس يوزعون ماي زمزم و ادعية

 

[زيـنـه]

خبري ماي
و بعض الناس يحطون عند الباب توزيعات ادعيه او اشرطه دينيه او ماي زمزم

 

[شندوخه]

مرات يحطون جاي مو على طول لاطقوني انا شفت بعزا

 

[Raveena]

جاي و ماي

و قبل ما يطلعون يوزعون كتب اذكارو ادعيا و قرآن اهداء حق روح المرحوم

 

[هنادي المزيونة]

اللي أعرفه ومتأكده منه ماي بسسسسسسس

 

[رشيقه]

لووول شنو حفله

بس ماي
والحين يفنتقون يحطون ماي زمزم

 

[جكورة]

اللي شفته بس ماي وتطوروا شوي وقاموا يوزعون ماي زمزم...

عفيه نفس تتقهوا بعــــزا أخاف أهل الميت يفشلوني ويطردووني ههههههههه ماتسوى علي.....