ايش القصه والتسريحه واللوك الي يعطيك عمر اصغر ..ابي اعدل نفسي ساعدوني لوبمعلومه

[شندوخه]

اذا قصه ويهج بيضاويه ومتين لاتقصين شعرج بس اكتفي بالغره
لان الشعر القصير راح يمتن الويه زيااده

 

[أم~بيبي]

طيب ممكن تعطوني صورة الالون للظل الي احطها

 

[اللعبه]

اولا وقبل كل شي ...........
الثقه انج جميله ورشيقه وقاهره كل مشكله .......
ثانيا القص لا لاتقصينه الا بعد ما تعرفين عدل اي قصه تناسب دورة ويهج ...
عندج صور لج وانت صغيره .... مو قبل 10 سنين لو انت بالثلاثين او اخر العشرين ...........
شوفي صورج وانت ب 15 او اكبر شوي بس مو للعشرين ....... شوفي اشلون كان ويهج بشعرج ....
يمكن تكونين احلا ويمكن لا ...... بس انا قصدت تشوفين ويهج وانت صغيره وتردينه كثر ماتقدرين ....
تقولين طبيعي لونه بني غامج .... اوكيه مو مشكله لوغمجتي البني شويتين كأنه اسود بلمعه بنيه ......
قصي قذله ترا القذله تصغر بالعمر ولاتقولين شعري خفيف من جدام لا الفنانه اللي بتقصين عندها راح تاخذ من شعرج وتقص لج قذله وانصحج بامل اللي بمس ون عجيب قصها وعلى طول شعرج تسويلج قصه .... وخلي القصه من جدام تكون مدرجه لانها وايد وايد تصغر وتدور الويه وانت كل يوم سويلج لوك فيه مره رفعيه من ورا ونكشيه بطريقه عشوائيه ......ومن جدام ناعم ولي داخل
ومره كله ويفي ..... وره استريت ومره بس سيشوار عادي ....ولما ترفعينه وانت بالبيت او احد زايركم رفعيه وكأنج ماتدرين نزلي منه خصل حتى لو خفيف بس مو خصل واقفه جنها سعف النخل لا استشوريها طبعا .......
اهتمي فيه حمام زيت بالاسبوع مره لانها تعطي لمعه اذا ماتحبين الحنه واذا تحبينها مره بالاسبوع حمام زيت ومره لما تغسلينه من الحنه لان الحنه تحيي الشهر بس تنشفه للاسف.
حواجبج عريضه ومايل لونها للغامج .....
قوي الرموش بخلطهه رموش ممكن تلاقينها عند العطارين .
كحل اثمد قبل لاتنامين بالليل عجيبه لمعه العين الصبح بعد ماتحطينه بالليل بس خفيف عشان ما يسيح ويسويلج مثل الهلات السودا
الشفايف ... كل ليله قبل لاتنامين مرطب روك او اي مرطب شفايف حتى لو اللي بالجمعيات اصلا هذا ينن لانه يعطي لون للشفه الصبح روعه ...
طبعا الاسنان تبيض واهتمام
الجسم رشاقه ونشاط اهم من الرشاقه
اما الملابس ...................................................
تابعي الموضه بالالوان وحاولي تعدلين بين الموضه باللبس والعمر يعني موتلبسين لبس بنات صغار وتصيرين مصخره للعذال ولا تكبرين عمرج او حتى تلبسين لبس وتقولين عادي ....
حتى لو متينه لاتلبسين الا مقاسج بالضبط و انسي العمر لان العمر الحين رقم وبس
لاتلبسين دراريع امي وامج ولا حتى اختي العوده ....... واكيد ولا الصغيره يعني كشكش الكموم وزم الصدر ومخابي بدانتيل وفيونكات ......
مني دراعه خليها استايلج لو تحبين الدراريع
انسي الجواتي بربع كعب ولبسي اما فلات او كعب عالي بس مو حيل اخاف تكونين مو مرتاحه ... حتى بالبيت انسي نعول تكرمين نعول نصر الرياضي ولبسي شحاطات ستيبس وميلانو وناين ويست او اي من اللي نفس استايلاتهم .....
على طول انت بطقوس بالاستحمام
مره حمام مغربي
مره تفريك عادي
وكلهم بعطور متنوعه وبودرات وزيوت قبل الحمامات
قبل النوم لازم ترطيب خفيف للايدين والريول
ومره كل اسبوعين بدكير ومنكير وصيانه شبه يوميه للاظافر
حاولي لي طلعتي ما تخلين اظافرج من الاصباغ وكلنا نصلي بس انا اقدر انسق بوقت الطلعه والتصبغ واذا رايحه بيت ابوي عدتي بجنطتي والحين عندكل الاسواق علبه مدوره فيها مزيل للاظافر صغير بقن جاهز
وبس ان شالله يارب اكون وصلت لج معلومات
واي استفسار حااااااااااااااااااااااااااااااضره وبالشوفه

:ggdw::ggdw::ggdw::ggdw::ggdw::ggdw::ggdw::ggdw::ggdw::eh_s(7)::eh_s(7)::eh_s(7)::eh_s(7)::eh_s(17)::eh_s(17)::eh_s(17):

 

[جوري 88]

اب

اب

 

[أم~بيبي]

ممكن احد يعرف يجيبلي صورة الوان الظل الي ممكن استخدمها وتناسبني

 

[krkooora]

^^
حبيبتي شلون شكل عينج صغيره كبيره وسط لوزيه ؟؟ و اي لون عينج ؟؟؟ عشان اقدر افيدج بالشدو او الظل مثل ما اتفضلتي

 

[krkooora]

عموما انا ابي اساعدج اللوان الترابيه بمختلفها اتناسب الخليجيات بشرتنه مايله على اصفر و مايله للترابيه
يعني اختاري الوان مثل جذي

[حلوين هالالوان حق الميك اب اليومي ناعمين و يطلعون العين بشكل راقي
وانتي و شطارتج بالميك اب افتري على اليوتيوب شوفي دروس الميك اب و اختاري رسمه حلوة على عينج اتعلمي عليها و اعتمديها و لا تنسين العدسات اتغير واطلع العيون بشكل حلو

 

[krkooora]

ويفي هير حددددده يصغر و يعطي لوك انوثي وبناتي

القذله

و اذا كنتي بيضه الاشقر و البني البندقي يصغرج و اذا سمره الجوكلت و الزيتي درجاته

 

[krkooora]

ويييي حسافه مو طالعين بعض الصور

نسخي الرابط حبيبتي و حطي صوب url و طقي انتر يطلعون لج
وسامحينه على القصور يا أأأأأأأأأأأأأمررررر :*

 

[أم~بيبي]

^^
حبيبتي شلون شكل عينج صغيره كبيره وسط لوزيه ؟؟ و اي لون عينج ؟؟؟ عشان اقدر افيدج بالشدو او الظل مثل ما اتفضلتي

عيوني حجمها زين يعني وسط مو صغيره ولون عيوني بني غامق واحيانا تبان سوداء

 

[أم~بيبي]

ويفي هير حددددده يصغر و يعطي لوك انوثي وبناتي

القذله

و اذا كنتي بيضه الاشقر و البني البندقي يصغرج و اذا سمره الجوكلت و الزيتي درجاته

ياقلبي انتي مشكوره حياتي ربي ينولك الي ببالك ويوفقك

ياغالية الرابط مايعطي .. العنوان خطا

شوفي ياغالية انا شكل وجهي زي ليلى علوي بيضاء بس مليانه شوي مو مثلها كثير يعني انا وسط ونفس تقاطيع وجهها وعيونها

بس انا اصغر منها بالعمر يعني اتوقع هي عمرها 45 انا عمري 40

 

[krkooora]

^^

اذا تشابهين ليلى علوي يعني شزينج
اذا شعرج خفيف قصيه اقصير مستوى واحد مع قذله مثل الصور اللي حطيتها و الصور اللي ما طلعت الحين احطها
بس شفتي الصبغات شرايج اعجبتج ؟؟


هالتسريحات اتصغر واااااايد كل ما انفرد الشعر و اهوا طويل يصغر وايد او اذا كان قصير بعد لي حد الرقبه

شوفي نجوى كرم عمرها فوق الـ 40 شوفي شلون شكلها جنها باول العشرررررين

صبغتها اتينننننن

اسنانها رووووعه



طبعا التفخ و بوتكس رفع الحواجب لاااااااعب لععععععب بس نجوى اكبر مثال الناس تكبر و اهيا تصغر

 

[krkooora]

شحلااااااااات ليلى بهالصووووووووره

 

[أم~بيبي]

ياعمري انتي تسلمين ياقلبي ربي يسعدك يارب وينولك مرداك جعلك الجنه يارب

 

[أم~بيبي]

كل الصور حلوه ياقلبي والقصات والصبغه تسلمين ياعمري ربي يسعدك دنيا واخره ياااااااارب

 

[ملح الدنيا فيني]

شنو فكرك فيه بالنسيه للنيو لوك

طبعا انا احنى شعري فمو اى صبغه تضبط على

فكرت ب


هاللون شرايكم

او
























القصه لان شعري طويل فكرت ب

قصة الايفيلي للشعر الطويل

​

والقذله انا هذى وايد حلوه على ويهى

وتصغرنى وايد


وهالقصه تهبل بس ريلى لو اسويها يذبحنى لوووووووووووووول

​

 

[need4u]

تنظيف البشره شهريا سسويه بعياده شوفي كيف تتغير
قصي اطراف عرك كل بعد شهرين وتصدقي بقيمته

رددي الاستغفااار دائم بنية شئ ببالك

و ربي يسسسعدك