ايد وحده لإلغاء مادة مهـــارات الحياة السخيفه

[UM M&M]

السلام عليكم شلونكم بنات

طلبي سهل و بسيط
نبي كل معلمه و كل قسم يكتبون كتاب اعتراض على مادة مهارات الحياة لأسباب عديده

أولا : ثقل على جدول المدرسه
ثانيا: اهداف الماده التعليميه تطبق في كل المواد الدراسية سواء التربية الاسلاميه أو العربي أو الانجليزي أو الرياضيات و غيرها
ثالثا : استخفاف بالماده و الحصه من قبل الطالبات بسبب بساطة الماده بالنسبة للفئة العمريه خصوصا الصف الثامن
رابعاً : تأخذ من وقت و جهد المعلمه كثيرا و هذا يؤثر على أدائها في بقية حصصها الأساسية


هذي أسبابي .. عطونب اسبابكم بنات
و نبي كل معلمه ترسل شكوى للمنطقه او الوزارة نبي تزيد الشكاوي على هذي الماده الي مومستفيدين منها شي غبر التعب !!

شاركوني اللي تعرف تكتب كتاب خل تكتب لنا عشان ندزه حق التوجيه

 

[مختلفة]

والله معاج حق انا نافصنى هم علشان يزيدون همى دروس واذاعه وصبيان والله تطلعين وانتى راسج ها الكبر

 

[ساندريلا]

صج هالماده مالها معنى غير التعب وضياع الوقت حسبي الله على بليسهم احنا نقصين منهج زياده
اصلا مااحس ان لها قيمه ممكن تنفع لليهال مو للمتوسط

 

[وتين]

والله معاج حق
هالماده مالها داعي ومن قال اليهال مستفيدين منها شي سخااافه وربي ولا لها معنى كلها اشياء معروفه ولاتبي لها دراسه وشرح وتضييع وقت خافو الله في الجهال تعب على الفاضي اشوف الجدول ماله داعي مثل الفنيه ليه حصتين حصه وحده تكفي كله رسم جهال وسخيف الله يعينا مضيعين الوقت على اشياء مالها داعي محتاجين لفت نظر لهالموضوع اختصرو الحصص عشان الجهال المساكين لاتعذبوهم

 

[3een al-7oor]

إي و الله معاج حق صج مالها داعي هدر وقت و بذل جهد على شي مايسوى و المشكلة كل إللي في المهارات موجود بالمقرر الدراسي..

 

[أم جوري]

رد : ايد وحده لإلغاء مادة مهـــارات الحياة السخيفه

اي والله انا ودي اعرف منو اللي اقترح هالمادة اللي مالها معنى ؟؟؟

 

[*ماي الورد*]

جان زين والله
ضياع للوقت واهدار للمال بطباعة الكتب
و باالنسبة لمهارات الحياة بالانجليزي احنا لازم اناقشهم بالانجليزي انزين الطلبة ما عندهم حصيلة لغوية علشان يجاوبون
يعني الحصة ميتة

 

[مسك وطيب]

رد : ايد وحده لإلغاء مادة مهـــارات الحياة السخيفه

اضم صوتي لكم ,,, لا كبار ولا صغار مستفيدين كلها أشياء بالواقع مايحتاج تعليمه

يدورون بس الشيء اللي يضغط المعلمه ويطفشها

الله المستعان

 

[زيـטּ عَبْس]

ماده سخيفه

والله ان في بعض البنات ماشفت لهن كتاب للماده



ياخذونه ويقطونه بالبيت يشخبطون عليه



حصه غثيثه

و ممله

ومالها معنى ولا هدف

بس زيادة عبء على المدرسات

 

[الحراير]

اي والله ماده مالها معني حتي للصغار فوق هذا حاطين للانجليزي تربيه حياتيه اذكر ولدي قالي علي امتحان انجليزي حياتيه واتصلت عالمدرس عشان يدرسه وقالي هاذي ماعليها درجات يعني ماتسقط وياليت يشيلونها

 

[UM M&M]

ماعليها درجات و البنات يدرون بهالشي فمستهزئين بالماده حيل و بس تبدي الحصه يبدي الاستعباط

وييع ماحب هالماده اكرهها سخيفه لأبعد الحدود بس اطلع منها متنرفزه و تعبانه من البنات

تخيلوا بنات كنت ادرس الصف الثامن والله كلمتين على بعض ماني قادره اقولهم معني انا مو من النوع المتساهل بالعكس من النوع الشديد بالحصه ما أضحك معاهم ولا اعطيهم ويه بس لانهم يدرون ماعليها درجات فمستخفين بالحصه و كله منحاشين منها و انا ماغير اسكت هذي و اقعد هذي شنو ماكو شغل !!


قمت اوقف البنات طول الحصه ولا كلمه مجابلتهم و مجابليني ولا حتى اشرح شي
اهم ماعلي حصصي الاساسيه
اتعب نفسي و يرتفع ظغطي من المهارات و لما اروح حصتي الاساسيه مالي خلقها و نفسيتي تعبانه !!


ان شالله يعيدون النظر فيها و يشيلونها و يفكونا منها