اول موضوع لي في المنتدى

[Nourie]

يعني ناس ردودها تمام وناس حسستني ميتة على الفلوس و انا مو ميتة ولا شي بس اسأل كوني صغيرة شفهمني بس ماله داعي بعض الكلام اللي انقط !!!

مشكورين على العموم

 

[خالتي قموش]

لا تدققين على الفلوس وايد
اهم شي الريال زين معاج واخلاقه محترمه
وبعددين اذا صرتي في بيته
يخصص لج مصروف
لا تبينين له انج مو شايفه خير

 

[Nourie]

لا ما ادقق بس استفسر عن هالمرحلة وصار عطيني مصروف بدون لا اكلمه في السالفة بس وااللللله استفسر

 

[خلطات المذهله]

عااادي ترا الاغلبيه مايعطون

 

[رفاعيه]

اذا انتي في بيت اهلج شي طبيعي مابيصرف عليج

 

[خالتي قموش]

موفقه ان شاء الله
استانسي معاه وان شاء الله يكون زين و يسعدج يا رب
بس تصيرين في بيته
طلبي اللي تبينه بس بسلوب حلو
واختاري الوقت المناسب

 

[ام الهاله]

أنا عادي كان يعطيني مصروف مع أني ماكنت وااايد محتاجتهم .. واحس عادي يعني اذا ماعطاج مافيها شي لي رحتي عنده بيعطيج لانه ملزوم فيج

 

[أم غيثة]

اتوقع شرعا المفروض عليه مصروفج عقب الزواج عاد قبل الدخله او بعد ما ادري صراحه بس اظن انه ملزوم بالمصرف و هالشي مو عيب و مذكور حتى بكتاب الله لا تحسين انج ميته عالفلوس او غيره هذا حقج الشرعي الي رب العالمين كاتبه لج و حتى لو الزوجه عندها مليارات من حقها على زوجها يصرف عليها على الموسع قتره يعني بالي يقدر عليه و مو من حقها تتشرط عليه بالمبلغ الي يعطيها
بس وجهة نظر البنات فيها منطق و حكمه انتي حاليا مو محتاجه شي الحمد لله و عندج بيزات لا تطلبين منه شي و انسي هالموضوع تساهلا منج و تسامحا لأنه زوجج و لا تسمعين كلام ربيعاتج اذا يوزونج على هالشي و اول ما تتزوجين تناقشي وياه بالموضوع و شوفي انتي شلون تبين مصروفج يعني انج تاخذين مصروف شهري او انه هو يشتري كل الي تبينه اول باول بس طبعا بطريقه حلوه و الاحسن تتفاهمو على هالشي من اول ايام الزواج
و الله يسخره لج و يسخرج له ان شاء الله
عيشي و استانسي بايام خطوبتج و بكل لحظه فيها حبيبتي

 

[سكوتي بذوقي]

انتي ماصرتي عنده للحين

مالك حق تطالبينه بشي

هذا هو مو مقصر لما تطلعين يشتري لك يعني مو بخيل

 

[ابدا يالغالي مانساك]

الاغلبيه مايصرفون بووقت الملجه
لان يكفيه مهر وشبكه وغيره من لوووية العررس ​

 

[Nourie]

مشكورين بس انا قلت لكم اني استفسر بس ما ابي فلوس بس اسأل شدعوة كليتوني !!!!

 

[ناتشوو]

مشكورين بس انا قلت لكم اني استفسر بس ما ابي فلوس بس اسأل شدعوة كليتوني !!!!

مرحبا بك في قسم الزوجية بكويتيات
الداخل مفقود والخارج مولود

 

[om-3azo-83z]

رق رق كلامها عين العقل

 

[خالتي قموش]

مرحبا بك في قسم الزوجية بكويتيات
الداخل مفقود والخارج مولود

ههههههههههههههههههههههههههههههههههههههههههههههههههههههه صاجه

 

[رحيل المرافيء]

ترى الريال مو لازم يعطيج مصروف
دامه يصرف ويوديج واييبيج ويشتري لج اللي تبين خلاص
مو ملزوم يحط بايدج فلوس حبوبة
وهذا تقولين انج شايفة خير لو مو شايفة خير شتسوين
حتى اللي على قد حالهم مايفكرون بهالتفكير
عمرج 20 ومافكرتي الا بالفلوس لو 30 افتكر بتطلبين مجمع تجاري !!!!
تالي تقولون الرياييل ماديين وانتو شنو ؟؟؟

 

[Nourie]

ندمانة ليش بطلت السالفة وياكم على فكرة !!!! اخر و اول مرة

 

[om-3azo-83z]

بنات شفيكم كليتو البنيه زعلت ليش ما تصيرون مثل رق رق فهمتها بهدوء ماله داعي التجريح و اللي تقول عنها ماديه انتو والله لو يعطيكم شهر ٨٠ بدال ال ١٠٠ تنزلون عشر مواضيع و يصير بخيل و تفكرون بالطلاق بعد ترا البنت بس لستفسرت !

 

[مناير ...!]

وهذا الصح
المفروض مايعطيج بايدج الا ليمن صرتي ابيته
دامج ابيت ابوج فاابوج المسئول عنج
الريال عطاج مهر
صرفي منه مثل ماتبين
غيره مالج حق
لاتصير عينج فاضيه

 

[غدووور الكويت]

الله بسخره لج وان شاء الله ما يقصر معاج