اول مــــــــــــره اسمع عن هالعمليه...صج فييي؟؟

[دلوعه ناعمه]

الســــــــــــلام عليكم بــــــــنات ابــليييز اي وحده عنده معلومه عن الموضووع تفيدني ولاتبخل علي بليييز

يالله ابدا بصــــلب الموووضووع ولــد خالـــــتي لـــسانه ثقيييييل وبعض كلامه ماينفهم وسمعت انه في عمللليه تعـــدل اوتخفف من ثقل اللسان وهو صار في جذي لماكان عمره تقريبا12 سنه او 10 من صــدمه
وقعد شــــــــهر كامل ومايتحجى وامـــه روكضت فيه من مطوع لي مطوع ومن شيخ لي شيخ عاد بدا يتكلم


اللحــــــــــــــــين اللي ابيه هل في عمليه جراااحيه الهشي بليييز مالي غيركم احد استشيره وانا اول مره اسمع عن هالعمليييه يعني لللي لسانه ثقيييل يقدر يسويها ويرد يتكلم طبيعي اللحين اهو عمره 20 سنه.. بليييز ردوااا حتى لورفع يمكن غيركم يعرف.... انــا رفيجتي قالتلي

 

[اميره بكلمتي]

عسى الله يشافيه

ان شاء الله البنات يفيدونج

 

[reem q8yat]

انا اللي اعرفه في عمليه بسيطه حتى بدون تخدير اذا اللسان كان ثقيل من الولاده و البيبي لسه عمره ما يتجاوز كم سنه
و طريقتها انهم يقصون شي زي الخيط تحت اللسان يكون شاد على تحت و ما يخلي اللسان يتحرك زين

بالنسبه لولد خالتك ما اتوقع حالته كذا ما دام من صدمه .. الظاهر ان فيه شي نفسي او اعصاب الاحسن تعرضوه على دكتور اعصاب او دكتور نفسي يفهم حالته و يقيمها لكم ..

الله يرفع عنه و يعطيه الصحه و العافيه يا رب

 

[دلوعه ناعمه]

اهو مافييي شيي كاعصاب او حاله نفسيييه لاا اهو عادي يسولف ويضحك وقعدته تونس موالهدرجه الموضوع اهي موصدمه يمكن تعتبر كصدمه وما اثرت فييه للعمر هاذا يمكن اهو الموضوع نااااااااسيه تماما بس انا سمعت بهالعمليه والحمالله مافي شي والسالفه من عمررر يعني اهو تمام التمام بس حبيييت اعرف ومـــلج اللحييين وانا اقرب شخص له يعني بعرف شنو هالعمليه وشلون ويقدر يسويها بهالعمر؟؟؟؟

 

[reem q8yat]

حبيبتي اذا الشي من صغره يمكن يقدر يسوي العمليه اللي قلت لك عليها.. هي زي ما قلت لك بسيطه بس اللي اعرفه كل ما كبر الواحد تصير اصعب لان العروق تصير اكبر و امتن تحت اللسان.. بس اذا الشي جاه فجأه لازم يعرفون سببه .. لازم يشوف دكتور و يعرف سبب ثقل لسانه بالضبط اذا هو عضوي وش سببه و بعدين يعالجه ..

هذا كل اللي اعرفه حبيبتي و ترا الاسباب النفسيه ممكن تكون شي في اللاوعي حقه يعني ممكن يكون شي ناسيه بس مدفون بمخه و ياثر عليه بدون لا يدري .. و ذا هو عايش حياة طبيعيه و مشكلته ثقل اللسان بس و ما عرفوا له الدكاتره سبب مو مشكله كبيره ترا اهم شي هو مرتاح ..

 

[دلوعه ناعمه]

اب اب اب اب اب اب

 

[دمع القلوب]

اول مره اسمع عن عمليه جذي الله يشفيه ياااا رب

 

[عسووووولة]

اب اب

 

[هتانة الغيمة]

فيه تخصص بالطب اسمه اضطرابات النطق واللغة

بحثت لك بالنت ولقيت لك دكاتره استشاريين بهالمجال على سبيل المثال

الدكتور عبد الرحمن نقاوة، استشاري اضطرابات النطق واللغة

الدكتور / سعدي
عبد الله الزهراني استشاري أمراض النطق و اللغة

اتوقع دكاترة اضطرابات النطق واللغة هم الي يقدرون يشخصون الحاله ويتعاملون معها ويقدمون الحلول لحل المشكله

خذي استشاره من دكتور بهالمجال وان شاء الله انه بيفيدك