اول مره جاتك الدورة الشهرية

[nooooof]

اول مره جاتك الدوره الشهريه شنو صار معاك وشنو حسيتى فيه

امبيه رفيجتى موتتنى من الضحك تقول كنت العب كره مع اليهال بالشارع ورحت تكرمون الحمام واشوف الدم واركض لامى اقول لها يماااااااااا انا تعورت وامها كان عندها وحده من جاراتهم وامها تقول لها وين تعورتى ولا رفيجتى تفصخ وتوريها طبعا امها ورفيجتها ماااتوا ضحك :krkrkr::krkrkr::krkrkr::krkrkr::krkrkr::krkrkr::krkrkr:




انا كنت بالمدرسه اذكر حصة انجليزي هم رحت الحمام وانتم بكرامه ولقيت دم من الخرعه والله وقفت ما نزلت رديت البيت نمت على طول لى ثانى يوم مع ان كنت عارفه انها دوره والشهر اللى وراه خذيت كوتكس من اختى وحطيتها بالمقلوب :krkrkr:



تفضلوا المايك لالكون حبيباتى

 

[رااميس]

اه بس
تصدقين اول مرة جاااااتني كنت اتصفح جريده >>>>>تعلمك فيلسوفه
ورحت الحمااااااام واشوف دم رحت لامي ركض وبتسيت بتسي مو طبيعي واقول انا فيني جرح وامي عل طوول فهمت وعلمتني كل شي وانا ابتسي وابتسي وابتسي \\

وللمعلمويه انا ماكنت اعرف عن الدوره شي تخيلو بالمدرسه اتذكر الابلة تشرح والبنات يضحكون وانا مادري ايش السااااااالفه واضحك هههههه

والحمد لله مرت على خييييييير

 

[nooooof]

حبيبتى تقريبا نفسي تحسين الشرح اي شي او احنا بس نبى نفتك فنقول فاهمين واحنا لا

 

[مليت من الاسامي]

انا مثاج كنت بتامدرسه رايحه الحمام الله يعزكم الا اشوفها كنت توني صغيره عمري١٣ سنه
كنت اعرف الدوره بس ماتوووقعتها دوره كلش حتى يوم رحت البيت ماحطيت فوطه صحيه كل شوي اغير خخخخخ مو مقتنعه انها الدوره ليننننن شفته يومين مستمر واقتنعت

 

[حنطاويه_84]

اول مره اذكر كان بدون عوار وكنت رايحه الحمام عزكم الله وشفت الدم بس كان الموضوع عندي عادي لانه امي كانت معلمتني قبلها وادري من رفيجاتي ومن المدرسه بس كنت مستانسه وايد لاني كبرت لووووووول لانها يتني متاخره اب رابعه متوسط

 

[جنون زوجي]

يؤؤؤمواقف محرجه
انابيت اهلي الاينزل مني دم واروح لبنت جيراننا واقوله قالت هذا دوره
يالخجما وانا اصيح اقول مابي اصير حرمه والله الى الان وانا اذكر خخخخخخ

 

[رااميس]

حبيبتى تقريبا نفسي تحسين الشرح اي شي او احنا بس نبى نفتك فنقول فاهمين واحنا لا

حبيبتي اتوقع انتي احسن مني على الاقل امكن عندج خلفيه عنها
انا لا زي الاطرش بالزفه البنات يضحكون وانا فااطسه ضحك معاااااااهم مدري مين قطني عندهم ههههههه

 

[وعد2006]

يا معوده انا كنت قبل اشوف الكوتكس و اعيب هذا منو ماله جان امي تقول هذا حق الحريم بس المره الحامل تلبسه و في يوم من الايام و كنت في المدرسه و شفت الدم بملابسي و انصدمت و قعدت ابجي بالحمام و ما رضيت اطلع حسبالي حامل وخايفه من اهلي لا يذبحوني و بعدين في بنت قالت حق الاخصائيه في بنت تبجي بالحمام و مو راضيه تطلع
المهم الاخصائيه خذتني عندها و قعدت تحاول فيني شفيج ما فيج يالله يالله قدرت انطق جان اقوللها انا حامل المسكينه تخرعت و قلب و جهها جان تقول لحظه شوي و قامت جان ابجي و اقولها امانه لا تتصلين على اهلي قالت لا ماراح ادق عليهم بعدين اخذتني غرفه بروحنا قعدت تسألني انتي من منو حامل قلتلها مادري قالتلي يعني جم واحد تعرفين قلتلها انا ماعرف صبيان عيب وانا ماسوي جذي جان تقول شلون صرتي حامل لا زم يكون في واحد سوا فيج جذي جان اتنح قلتلها والله انا ما اعرف صبيان جان تقول شلون عرفتي انج حامل عيل جان ابجي و اقول جتني العاده
والله يا بنات انا حسيت ان الابله و دها تعطيني بكس ولا تكسر راسي بالكرسي اللي انا قاعده عليه و اخر شي فهمتني و دقت على امي تقولها السالفه و امي ماقصرت علمت ابوي و كانوا كل يوم يضحكون علي
خوش قصه مو؟؟؟

 

[nooooof]

مليت من الاسامى

فديتك مو مقتنعه اتخيل شكلك رايحه راده ع الكبت هههههههههههههههههههههههههههههههههههههههه

حنطاويه

ماشاء الله زين الوالده معطيتك خبر واستوعبتى انا عطونى خبر وما استوعبت ما ادرى اخترعت ولا يانى حالت هروب من الواق ما ابى اكبر واترك طفولتى السعيده

جنون زوجى

يحليلك متمسكه بطفولتك

فراشه يابسه

تدرين اذكر الشرح بحصة اقتصاد منزلى وانا منزله راسي مستحيه والخدود صاروا طماط من زود الحيا وما ابى ارفع راسي ولا احط عينى بعين الابله حتى اذكرها ابله ثريا بس يوم شفت والله اخترعت

 

[nooooof]

وعد


امبيه فصلت من الضحك حامل ويايتك الدوره بس مسكينه الاخصائيه اخس ويها @@

بس حلو موقف امك وابوك احلى شي يضحكون عليك انا فترتها جان زنطت نفسي كنت حيل استحى وما اقول لاحد ابد مستحيل ان على الدوره
حتى امى ما قلت لها انى كبرت حتى الكوتكس اللى خذيته بقته من اختى علشان جذى الظاهر لزقته غلط المال الحرام .... مع انهم كانوا يكلمونى عادى بالموضوع بس الظاهر علشان انه صار فينى انا فاستحيت

 

[وعد2006]

اب اب اب

 

[محظوظهـ]

رد : اول مره جاتك الدورة الشهرية

ههههههههههههههههههههههههههههههههههههههههههه
نكته مواقفكم
انا مع اني اعرف كل عنهاا بس لبست الكوتكس مقلوب >>وانا مستغربه هاذي شفيهااا لازقه
يومين بس واستوعبت

 

[shshoo]

رد : اول مره جاتك الدورة الشهرية

up up up

 

[سارووونه22]

انا توني عمري 10 سنين حتى اذكر كنت في المدرسه ونزلت وامي كانت مسافرة رديت البيت وانا خايفه قلت حق اختي الكبيرة عاد فهمتني

 

[a7ebny]

كاااااااااك مو صج والله

انا كنت ادرس حق امتحان الاسلاميه وحسي بعوار بطني رحت الحمام ولا اشوفها

اكتأبت لووول

مارحت امتحنت خليت الامتحان يولي

وعطونيا مؤجل

بس صج ايام حلوه لما كنت صغيره

 

[بنوتة طموحة]

أنا أتذكر كنت ألعب مع إخواني

والأحمر مبقع من ورا

فشششششلة كان عمي وجدي قاعدين بالصالة

هذا يوم كان بيت نظام الأسرة الممتدة كلنا فبيت واحد

بس عاد البقعة ما كانت كبيرة لكن هم تبين

أمي خذتني الدار وعطتني كوتكس وأنا معصبة قطعت علي لعبي <<< صج ياهل

 

[Um Turki]

خفت مادري ليه

 

[nooooof]

احس كنا اطفال ابرياء ومتمسكين ببراءتنا يا الله يا ليت ترد ايام قبل واحنا اطفال كل همنا العابنا

 

[Zozαĺiиaђ]

لوووول اياام

انا اذكر كان في الشتاا و امي مقعدتني من النوم عشان المدرسه فبروح الحمام قمت ولا امي تقول شنو هذا @@ .. عاد انا اخترعت و خذتني غرفتها و عطتني كوتكس و انا حديييي منصدمه ،، جان اقولها يمااا لا تقولين حق احد
ولا اليوم الي ورا رحت بيت يدتي الكل يقولي كبرتييي يحليلج ،، عاد انا بس ابتسم مادري شسالفه ليش يقولون جذي ،، بعدين استوعبت لووول