اول مره اطلبكم تساعدوني عفيه لا تفشلووووني!!!!!!

[Hello_kitty]

السلام عليـــــــــــــــــكم بنات اشلووووووووونكم كلكم؟؟

بنات طلبتكم اذا تعرفون مندوب او مكتب يسوي فيزا الشنغن الأوربيه؟؟

عندكم فكره جم تتراوح اسعارها اذا حق ثلاث دول؟؟

لمده عشرين يوووووم؟؟ مع التأمين الصحي؟؟

طلبتكم لا تطنشووووووني

 

[Hello_kitty]

بنااااااااااااااااات اشدعووه ولا رد!!!حدكم زعلتووووني وفشلتوني بعد

 

[:: Diva ::]

حبيبتي انتي مجرد ما تاخذين الشنغن تفترين اوروبا كلها و سعرها واحد يختلف على حسب المده تبينها شهر سنه او اكثر
عندج مكتب القبس الموجود بمجمع الدوليه خلف الخطوط الجويه الكويتيه بالقرب من سفريات الدبوس
اهم الوكيل الحصري للشنغن من سفارة فرنسا و ممكن تتصلين على اي سفاره اوروبيه و تستفسرين

 

[Hello_kitty]

حبيبتي مشكووووووره ما قصرتي جبرتي بخاطري محد رد علي وعبرني الا انتي يعطيج العافيه

انه دقيت على مكتب القبس قالولي احنا ما نسوي الا حق فرنسا وايطاليا على ما اعتقد!!!!!

انه قصدت ابي مندوب يسويها لأن ما عندنا وقت نسويها تعرفووووون مندوي يسويها ويخلصها اسررررررع؟؟


عفيه فيدووووني ترى ببجي الحين

 

[سمبوسة]

اسم الله عليج يا قلبي ما عاش اللي يبجيج
حبيبتي ما أعرف مكاتب معينة بس أعتقد فضاء أو سماء مو متأكدة يسوونهم والأسطورة اللي بمجمع البحر والرابية بعد يسويها
وشنو يعني يقولج بس فرنسا وايطاليا؟؟؟ الشنغن تسوينها من أي سفارة أوربية الا لندن وأعتقد هولندا والا الباجي ماكو فرق ممكن تسوينها من ألمانيا وتدخلين فيها فرنسا وايطاليا والنمسا وما تروحين ألمانيا كلش عرفتي؟ المهم شنغن ما يهم تصدر من أي دولة واذا خذتيها تقدرين تفرين كل أوربا الا لندن
مرة رفيجتي سوتها من سفارة اليونان أعتقد وهي بتروح ألمانيا والنمسا عااادي
ودولة وحدة والا عشر ما يفرق السعر
سعرها مع التأمين الصحي وعمولة المكتب يمكن خمسين دينار لمدة شهر واذا زادت المدة يزيد السعر
اذا عندج حساب بالوطني يعطونج تأمين صحي أو ريلج يطلع تأمين عائلي من البنك يمكن بثلاثين دينار

 

[Hello_kitty]

مشكووره حبيبتي سمبوسه جزاك الله خير على التوضيح بس بسال المكاتب اللي قلتيها اقدر اطلب منهم يسونها لي

حتى لو انه مارح اسافر عن طريقهم يعني مو حاجزه التذاكر والفنادق منهم؟؟

 

[سمبوسة]

اي عادي يسوون لج حجز وهمي علشان يودونه السفارة وبس
يعني ما عليهم من وين انت حاجزة بس يبون عمولتهم

 

[Hello_kitty]

انزين زوجي عنده حساب بالوطني اشلووون نقدر نستفيد من التامين؟؟

ممكن تشرحيلي اكثر؟؟

اسفه اذا ازعجتج بكثره اسالتي وجزااااااااااك الله كل خير حبي انج ساعدتيني

 

[سمبوسة]

حييياج حياتي
خليه يدق على البنك ويقولهم أبي تأمين السفر وأبيه عائلي أعتقد يغطي الزوجة و2 من العيال لمدة 3 أشهر ب36 أو أقل ما أذكر وبعدين ياخذ نسخة من البنك ومن الأهلية للتأمين ويوديهم مكتب الفيزا علشان ما يطلعونله تأمين من عندهم لأن يحسبون كل شخص 16 دينار وتأمينهم بس شهر وبس
واذا يدفع التذاكر عن طريق الفيزا بالوطني يطلعله التأمين ببلاش

 

[Hello_kitty]

اها مشكووووووووره حبيبتي سمبوووووسه وايد وايد يعطيج مليوون عافيه يارب

 

[سمبوسة]

حبيبتي انتي حياج الله
واذا انتوا بس اثنين خل المكتب يسويلكم أرخص
بس استفسروا من البنك مو خسرانين شي

 

[Hello_kitty]

خلاص ان شاء الله بس اهو السعر ما يختلف اذا دوله او دولتين او اكثرررررررر؟؟؟؟؟

 

[سمبوسة]

لا يا قلبي ما يفرق
بس أعتقد اذا دولة وحدة ومو شنغن يعني مثلا بس فرنسا تصير شووووية أرخص يعني بتكون فيزا فرنسا مو شنغن
بس شنغن معناتها تدشين كل أوربا وأصلا بالتنقل بين أوربا محد بيشوف جوازج يعني لو بتسافرين من ايطاليا الى فرنسا بالطيارة بالمطار ما كو ختم جواز وحتى لما توصلين تطلعين على البوابة على طول واذا بالسيارة ماكو حدود يعني ما تدرين متى دخلتي الديرة الثانية
ختم الجواز لحظة والوصول والمغادرة الى البلد الأصلي فقط يعني ختم من فرنسا بالدخلة وختم ايطاليا بالطلعة وممكن تكونين مارة النمسا وألمانيا بالنص من غير ما يبين بالجواز

 

[Hello_kitty]

جزااااااااااااااااااك الله خير بجرب باجر ادق على المكاتب اللي ذكرتيهم

ما قصرتي عسى الله يسر امورج ويوفقج مثل ما ساعدتيني وتحملتي اسالتي

 

[سمبوسة]

شدعوة يا قلبي حياج الله
وبعد تذكرت مكتب آمار بحولي