اول مره اتهاوش مع اخوووووي .... والسبب زوجته !!!!!!!!!

[om deaj]

زين سويتي والله يكثر من امثالج ويهدي اخوج يارب

 

[بنوتة نجد]

رد : اول مره اتهاوش مع اخوووووي .... والسبب زوجته !!!!!!!!!

ماشاء الله عليك زين ماسويتي خلية يصحصح ويعرف انه ع غلط اعوذبالله من الشيطان

واذكرك هو بيجي يتأسف ويتذلللك

 

[جوزائيه مغروره]

زين سويتي فيه

 

[So0oKaRa]

اشهــــــــــــــد انج مره تسوين الف ريال
عفيه عليج زين سويتي فيها
بس لو انا منج ماصرخ بالمطعم يمه فشله انطره بالسياره واشرشحه :/
عالعموم اللي صار صار وانتهى
مو تعتذرين منه ولا تكلمينه خل يحس بغلطته وستري عليه لا تقولين لمرته
بس ان كلمج قوليله لو ما عقلت راح اعلم مرتك لانها ما تستاهل تعيش مع واحد خاين مثلك

 

[عاشقه رويشد]

مشاء الله عليج زين سويتي لا ادقين خليه اهوا مرده بيحس

 

[macintosh]

رد : اول مره اتهاوش مع اخوووووي .... والسبب زوجته !!!!!!!!!

يا حلووج
الله يهديه يارب .. ماله داعي تتصلين
اهو المفروض يتصرف الحين ع الاقل
يبين لج انه متحسف ويطلب منج تسترين
السالفة بينج وبينه .​

 

[تعويذه الحب]

صراحة لا تزعلين بس انتي شكو تتدخلين بهالطريقة الشينة وتعفسين الدنيا عليهم ؟!!! هزئتي اخوج وهزئتي البنت على اي اساس حكمتي عليها انها مو زينة ؟!! شلون تحطين بذمتج ؟! شوفي اخوج اشقايل لها واشقاص عليها شكلها ماتدري انه متزوج حرام تظلمينها , وجهي كلامج حق اخوج مالج شغل ابنت الناس مو يمكن تكونين ظلمتيها والغلط كله بأخوج اللي اكيد خادعها ؟!! حاسبي اخوج اشعليج ابنات الناس مالج حق تحاسبينها , وثاني شي اللي يبي ينصح مو بهالاسلوب الفظ واللسان السليط , بينج وبينه تكلمينه مو جدام البنت اتطيحين حظه ! مادري اهو جم عمره اللي سكت عنج يمكن اتدوده وخاف , سوري لا تزعلين بس انا ماني شايفة ان تصرفج صحيح بالعكس اشوف انج حيل غلطانة , واشوف انج لازم انتي تتصلين فيه وتعتذرين له وتبررين غلطتج واكيد بيسامحج ويعذرج لان يدري بنفسه انه غلطان وهذا الشي الوحيد اللي من صالحج

اول شي شاكره مرورج

وثاني شي شنو يعني شكوووووووووووو مدخله !!!!!!!!!!!!!!!!!!!!!!!!!!!!!!!! وتنقدين طريقتي بالشينه واني

عفست عليهم الجو !!!!!!!!!!

يعني تبيني مثلا اطلب لهم مثلا صمدي واقوله براااافو عليك يا خوي انك قاعد تخون مرتك !!!!!!!!!!!

حبيبتي الظلم مو زين وانتي عندج خوااااااااااات ويمكن بنااااااااات ترضين باجر يصير فيهم جذي

ترضينها على نفسج ان ريلج يخونج مع وحده

وعلى فكره ترى انا ما اسمح لاحد ان يقول ان لساني سليط واسلوبي فظ

هالاشكااال والواطيه اللي مثل هالبنت المفروض التعامل يصير معاها جذي لانهاااااااا تدري انه متزوج

 

[بنوته توته]

رد: رد : اول مره اتهاوش مع اخوووووي .... والسبب زوجته !!!!!!!!!

بلعكس دقي عليه وكلميه بس بكلام حلو قوليله انت اخوي واحبك واخاف عليك واللي سويته مو شويه قوليله لو كانت زوجتك اهيا اللي شايفتك معااها شنو راح يكون موقفك تسوا عليك زوجتك تطلب الطلاق عشان نزوه وزباله اهيا شنو ناقصها بس الله ستر اللي انا سمعت صوتك وشفتك مو اهيا وقطي عليه كلام بصميم بس بطريقتج وبسلوب حلو

انا معااااااااااااااااااج لان ترا مو شويه بعد انج تمصخرينه جدام هذي ودام اهوا اخووج حبووب واحترمج دقي عشانه وفهميه

وعلى فكره اخوج احترمج لو واحد ثاني جان ما سوا نفسه قدري موقفه بعد بس لا تبينين له

 

[تعويذه الحب]

مرحبااااااااااااااااا

بناااااااااااات انا قتلكم ان الزعل بيني وبين خواني مااااااايطول

وحبيت ابشركم ان اخوي اليوم الصبح ياني الدوام ويايبلي حلو والحمدلله اني كنت بروحي وعرفت اتفاهم معاه

قتله يا خوي مرتك ذهبه لو تزحف على ايدينك وريولك ما تلقى ربعهااااااا مره صاينتك وتحبك ومدلعتك واهلها يشرقون باسمك

ليش تخونهااااا ترى ماتستاهل وانت عندك بنت لا سمح باجر الله يسلط على بيتك واحد يلعب على بنتك

جان يقولي انا ما لعبت على احد اهي اللي ملاحقتني من داومت بادارتنا وتدري اني متزوج لاني حاط صورة بنتي بمكتبي بس اهي

اللي تلاحقني وصارلها اشهر اطرشلي مسجات وانا حاقرهاااااا ووراني المسجات ملوتهاااااااا

واحد من ضمن المسجاااااااات انا ما انام الليل كله اتحلم فيك احبك مو بايدي

وواحد ثاني تقوله شلون بنتك الحين ان شالله صارت احسن !!!

لان بنته من فتره دشت المستشفى واهو خذا اجازه من الدوام مع زوجته عشان يجابلونهااااااا

ويقولي الاسبوع اللي طاف حنت الا تبي تشوفني بره وكل شوي مطرشتلي واحد من الربع واهو اللي اقترح علينا هالمطعم

لان الصبح ما فيه احد وينا وشفناج وصار اللي صار

قتله هذي بنت ابليس تدري انك متزوج وعندك بنت ومع هذا ما قدرت وضعك وما اتوقع ان عندك استعداد تخسر وحده مثل زوجتك عشان نزوه

قالي عشوووقه بعد اللي صار الحمدلله الله فكني منها واليوم رفيجي داق علي يقولي انها بتنتقل اداره ثانيه

 

[غمزه وإبتسامه]

الله يهديه

 

[وهج الخير]

رد : اول مره اتهاوش مع اخوووووي .... والسبب زوجته !!!!!!!!!

لا حول ولا قوة الا بالله
الله يبارك فيك يا حبيبتي
ويارب يعوضك بالزوج الطيب اللى يخاف الله فيك
ويهدي اخوك وزوجته يارب

 

[يمة يادلبي]

اخوج غلطان بس هم انتي غلطانة اكثر منه بمليوووووووووون مرة
مو حلو المرة اتسوي بلبلة وازعاج وهيصة بمكان عام مهما كانت السالفة جايدة
وانتي قلللتي من كرامة اخوج وهم نزلتي من مستواج على وحدة ماتسوا .


والمفروض تعتذرين من اخوج لان الي سويتيه بحقه مو شوية

 

[غدووور الكويت]

رد : اول مره اتهاوش مع اخوووووي .... والسبب زوجته !!!!!!!!!

زييييين سويتي فيهم كثر الله من امثالج

 

[غيوره ومغروره]

ماشاء الله عليج والله انج بنت ناس ومتربيه احسن تربيه والله يكثر من امثالج - قليل الحين اللي يهتم لبيت احد ثاني وجزاج الله خير على اللي سويتيه
والله يهدي اخوج ولا يطول الزعل بينكم

 

[sunshine22]

رد : اول مره اتهاوش مع اخوووووي .... والسبب زوجته !!!!!!!!!

وااااااااااي

يعين الله قلب زوجته

والله يوفقج كفيتي عنهاااااا

لو وحده غيرج تسكت ويمكن تستانس

 

[@ الرسامة @]

رد : اول مره اتهاوش مع اخوووووي .... والسبب زوجته !!!!!!!!!

ماشاء الله عليج الله يديم المحبة بينج وبين مرت اخوج وعسى الله يرزقج الزوج اللي يحطج بعيونه

 

[sweet december]

رد : اول مره اتهاوش مع اخوووووي .... والسبب زوجته !!!!!!!!!

انتي طبقتي المثل الي ما شافوهم واهم يبوقون شافوهم واهم يتحاسبون يعني بصوتج العالي خليتي الي ما يشتري يتفرج

عالعموم تصرفج يبرد القلب من ناحيه بس مادري شلون مسك اعصابه
بصراحه اهو غلطان على فرض انها رفيجته بس اكو بيت تتفاهمون فيه

والبنيه شكو تهزايينها اهي وصخه وتدور الفلوس اخوج الغلطان

واظن انج لازم تصارحين مرت اخوج لو صج تحبيينها اعتبريها رفيجتج بتقوليلها او لا ؟؟

 

[مس فاشن]

والله انج بنت اصول وحقانيه
على راسي والله صج صج عجبتيني
وان شاء الله ياربي الله يعطيج على قد نيتج وتتصالحين انتي واخوج عن قريب

 

[رفاعيه]

خليه يراجع نفسه الف مره
واذا يبي اهو الي لازم يراضيج
وزين سويتي والله انج كفو
ومرت اخوج محظوظه فيج
ماشاء الله

 

[نـور الكويت]

انتي خايفه انه بيته ماينهدم ويخرب بيته بنفسه بالعكس انتي ما سويتي
شي غلط و عسى الله يهديه يربي ويهدي ازواجنا يارب العالمين