اول مرة اسوى طفل انابيب وابى اسالكم ..........

[a.alshly]

هاى بنات اللى تعرف تجاوبنى بخصوص طفل الانابيب :

1) فى ابرة عطانياها الدكتور يوم 21 من الدورة قيمتها 93 دينار شنهى هالابرة وشفايدتها ؟
) بموعد الدورة اللى اعرفة ان المفروض اخذ الابر التنشيطية من ثانى يوم من الدورة بس عشان الدكتور مسافر اجلياها بعد اسبوعين من الدورة ابدا اخذ الابر التنشيطية فانا خايفة من هالشي ؟

 

[kankona]

حبيبتي منو دكتورج ؟

 

[الزيـــــن]

لا تخافين حبيبيتي وتوكلي على الله الدكاتره افهم مني ومنج باللي قاعدين يسوونه ومالج شغل بكلام الناس كل دكتور وله طريقته بتنشيط المبايض لعلاج اطفال الانابيب بس ماقلتي اسم الابره:eh_s(10):

انصحج لا تحاتين ولا تفكرين بشي

ماعليج الا تتوكلين على الله وادعي واستغفري ربج دايم واذا الله كاتبلج الرزقه بتحملين ان شاء الله واذا مو كاتبلج خيره ان شاء الله بس اهم شي لا تزعلين احمدي ربج لان ممكن ما تضبط من اول مره يعني عادي هالشي مو ضروري لازم يصير حمل من اول عمليه

نصيحه اخت لاختها لا يضيق صدرج وادعي ربج يسهلهاا عليج ويثبت الحمل وتبشريني بالتووم

يارب يفرح قلبج وقلب كل محروم ومحرومه

يارزاق ياكريم

 

[nice-girl]

يارب الله يرزقج انا دكتوري سوى معاي نفس شي ابرة 93 دينار من 21 دورة بس عطاني موعد اللي هو باجر قالي ضروري بهالتاريخ عشان الحسبة انتي ليش اجل موعدج وهذي الابرة عشان توقف التبويض الله يكتب لج الذرية الصالحة

 

[a.alshly]

هاى بنات

انا اعالج عند مستشفى لندن عند الدكتور باتريك وخذيت هى الابرة بتاريخ 21 من الدورة و عقبها جتنى الدورة بتاريخ 21 / 12 بس بهالتاريخ كان العيد والمستشفى عند عطلة و الدكتور بيسافر ماراح يرد الا 5/1 فواعدنى 7/1 ابدا ابر التنشيط و انا خايفة لانى سمعت ان المفروض اخذ ابر التنشيط ثانى يوم الدورة و لما قلتلة جذى قال لا تخافين انا اعرف شغلى .. بس انا جد خايفة ان العملية ما تنجح لهالسبب منو مر بمثل هالحالة او سمع عنها تكفووووووووون اللى تعرف ترد..

 

[kankona]

حبيبتي دكتور باتريك وايد شاطر و يعرف شغلى خلج واثقة فيه و الله يكتب الي فيه الخير يارب

 

[شباصة وردية]

الله يوفقج ويرزقج الذرية الصالحة
حبيبتي انا سويت طفل انابيب بس من زمان وكانو يعطوني ابر التبويض بالبطن وكل جم يوم اسوي سونار علشان يشوفون التبويض و الجرعة اللي محتاجتها وكل شي كان ماشي تمام بس للأسف الله ما كتبلي وفشلت العملية وتصدقين ما تضايقت ومشيت الموضوع عادي بس سبحان الله بعدها بجم شهر حملت طبيعي من غير اي علاج .
اهم شي حبيبتي توكلي على الله ولا تفكرين وايد واللي الله كاتبه بيصير .

 

[كندوش]

الله يرزقج انشالله قولي آمين ولايخسر تعبج انا صارلي عشر سنين متزوجه والحمدالله رب العالمين اللهم لا اعتراض سويت خمس مرات ومانجحت العمليه وصدقيني احنا في اختبار من رب العالمين على صبرنا توكلي على الله ولا اتحاتين وانشالله تفرحينا بحمالج ترى الدكتور باترك شاطر لا اتحاتين

 

[ام فوفو]

ابر التنشيط مو الا من ثاني يصير من 3 يوم ويصير من 5 يوم فلاتحاتييييييين
الدكاتره ادرى انتي توكلي على الله وخلي اعصابج هاديه

 

[bnt_kwt]

لا تحاتين وتوسوسين
والدكتور باتريك ممتاز

 

[أم شامة]

الله يوفقج ويرزقج آمين باذن رب العالمين
وانا بعد راح اسويها ادعوا لنا الله يتممها على خير