اول مرة اتكلم بموضوع علاقة زوجية بليز دشو ساعدوني

[cherry tree]

السلام عليكم
خواتي ترا هذي اول مرة اتكلم بمثل هالمواضيع وماكنت احب اسمع للي يسولفون بعلاقاتهم الخاصة
بس انا الحين مو داشة اسولف انا صايرتلي مشكلة وابي الحل منكم
انا بالولادة سويت تجميلي
ومن بعد الولادة انعدم عندي الاحساس ما اقدر اكمل مع زوجي انتو فاهمين قصدي
مع ان قاعد يصبر ويحاول وايد بس مو قادرة اوصل
و اكيد مو من الولادة لاني والدة من قبل وطارحة من قبل وما كان متغير علي شي حتى وانا حامل كنت طبيعة
انا خايفة ان السبب التجميلي لانها قالت لي من داخل وبرا وانها شالت لي من الجلد الزايد
وانا اقرا بالنت قريت ان الاجزاء الزايدة حول البظر اهي مكان الاثارة
انا الحين خايفة لا تكون الدكتورة اعدمتني جنسيا بتجميلها
حيل متضايقة مو بس عشاني لان حتى الريال اذا حس ان مرته باردة يبتعد عنها ولا يصير همه نفسه
الحين مادري اشلون اتأكد حيل خايفة
ومستحية اروح طبيبة اقولها
انا بالغصب كتبت لكم الحين ما اقدر اواجه دكتورة واتكلم عن هالموضوع
واذا بروح شلون اقولها احس فشلة
بنان امانة اللي مارة عليها نفس حالتي تقولي شصار وشنو السبب
واللي ما تعرف تدعي لي انها تكون حالة مؤقتة وارد على طبيعتي

 

[ام ساره 4]

والله ماعندي فكره ان شاء الله البنات يفيدونج

 

[روح مغليها]

انا سويت تجميليه بس الفرق بيناا
اني ماحس لا قبل ولا بعد مافيني طب
اقزرها تمثيل عليه
بس نصيحه مثلي انج بالجووو
لا يحس فيج احسن لج وله

 

[كلاسيكال]

ماددري عسى ربي يوفقج مع زووجج

 

[انجبر قلبي]

حبيبتي انتي توج مسوية تجميلي يعني ما صارلج من زمان ؟

لا تخافيـن السالفه يبيلها وقت وراح ترجعين طبيعي باذن الله

يعني صبري شهرين ثلاثه راح يتحسن الوضع كلما مر الوقت

هذا اذا كان السبب من ازالة الاجزاء الزايدة

 

[مسك اسود]

يارب يكون شي مؤقت ويروح مع الوقت

 

[english muffin]

يارب يكون مؤقت

 

[مناير البيت]

قزريها تمثيل ولا تحسسينه انج مو بالجو مثل ما قالت الاخت
بس شسمه ماقد سمعت ان وحدة فقدت الاحساس عقب التجميلي ؟؟​

 

[الأميرة جوري]

اختى انا قاريه لبنات نفسج بعد التجميل ماعندهم احساس بالعلاقه..بس اتوقع مع الوقت تحسين يمكن شيء نفسي او لانج توج مسويه تجميلي...انتى بهالفتره مثلي عليه علشان مايتضايق بعد شسوين....

 

[جوـوـوري]

ان شالله يكون مؤقت وترجعين مثل قبل واحسن ...
ومثل ماقالولج ونصحوج بالتمثيل ؛)*

 

[engnera]

يبيلها وقت وراح ترجعين لان التجميلي يكون ضيع اول الايام نفس يوم عرسج ويعور مع الوقت يرد الاجساس صدقيني

 

[souhaila]

حبيبتي هي مسالة وقت
اشتري الوقت بشوية تمثيل و دلع

 

[نور الدنيا 88]

ان شاء الله مشكلة مؤقته

بس بسأل منو دكتورتج ؟

 

[cherry tree]

نور الدنيا دكتورتي نجلاء الزعفراني
حبيبتي سهيلة امين يارب
انجنيرا ان شاءالله يارب
جووي شكلي هذا اللي بسويه بس ان شاءالله ما يطول الموضوع لان التمثيل بقص على نفسي
الاميرة جوري عفية وين قارية التجارب ابي اعرف شصار معاهم لان الموضوع مأزمني انا كنت من احسن ما يمكن والتجميلي طلبته وانا مو بوعيي تحت تأثير البنج
مناير مو فقدت الاحساس ما اقدر اوصل
انجلش مافن وعسل اسود يارب يارب يكون مؤقت

 

[cherry tree]

انجبر قلبي ماكنت ادري جذي بيصير حيل متضايقة بس ان شاءالله ارد
كلاسيكال مشكورة حبيبتي
روح مغليها بس لي متى الوحدة تمثل حتى احنا عندنا مشاعر
ام سارة شاكرة مرورج

 

[om MaRyooM]

حبيبتي مافيها مستحى روحي دكتورتج وقوليلها بس بجيك اذا كل شي طبيعي

وساليها عالماشي ممكن يأثر هالشي عالعلاقة ولا لأ ..

واذا مو واثقة من دكتورتج روحي دكتورة ثانية .. يمدحون ليلى اشكناني بهالسوالف

 

[جمالي خيالي]

لايمكن الخياط التجميلي يمنع الاثاره لان منطقه الجرح والخياط عباره عن عضله مالها شغل بالاثاره
انتي يمكن من العوار مو قادره توصلين وهالشي راح ياخذ وقت على مايلتئم الجرح
اعرف ناس استمر معاهم عوار التجميلي ٨ شهور وعقبها عاشو حياتهم الجنسيه الطبيعيه واحسن من قبل

 

[قلبي خالد]

اصلا من قال احساس المرأة خارجي فقط غلطانه اقري راح تلقين الاعضاء الداخليه و هم المهبل مو بس البرا

 

[cherry tree]

ام مريوم يمكن امشي على كلامج واروح حق ليلى بس حيل مستحية وافكر شلون اقول لها
جمالي خيالي الدكتورة قالت لي انها شدت العضلة وانها سوت تجميلي من برا وشالت الجلد الزايد والعوار انا راح مني قبل لا اطلع من الاربعين
*قلبي خالد انا مو متأكدة ان هو السبب ابي اتأكد لان انا كنت احسن شي لي قبل الولادة
ومو من الولادة لانها مو اول ولادة حقي

 

[تبطي عظم!]

ماعندي فكره بس واجد اعرف حريم مسوين تجميلي ولا وحده شكت من هالشيء

اعتقد انه مؤقت بس