اول ما قالولج خطبج فلان .. شنو كان شعورج ؟ خرعة,فرحة.. والا صدمة ؟

[مدندنه]

الله اوحيتيلي بشغله الحين بسويها

يا معودة شنو اوحيتيلي ؟

لا يكون بتروحين تتحلطمين عليه ... تذكرتي شي ايام الخطبة !!

 

[المدينه]

انا كنت نايمه وامي كانت طايره من الفرحه وقعدتني وقالت ان حبيبي حاليا خطبني اللي اهو ولد اخوها وماراح تلقى احسن منه فقلتلها مابي موموافقه ورديت نمت وبعدين اقعدت اتصحي فيني وتبوس راسي تقنعني فيه ؟ادلع عليها؟ ويوم الملجه كنت مستانسهوالله يخلينا البعض ويبعد الحساد عنه

 

[مدندنه]

ردود جملية ..................................... متابعين

 

[ريم الفلاء]

ياو وووو الله على \يك الايام تعور القلب
انا خالتي قالتلي ملقوفه قبل امي
استغربت ارتتفعت حرارتي مو مصدقه فكرت بس كلام بعدين جات امي وقالت لي مت من الفرح على خفت على تحطمت ان امي وابوي مايبوني خلاص
وتخيلو قاعده افكر واقوال اخاف اوافق بعدين يعصب علي ونتهاوش واقول له طلقني
بصراحه انخطبت وايد بس لما خطبني ه\ا كانت غير
ومستحيه حدي من اهلي ومن امه لان امه مديرتي باالمدرسه وربي وفق

 

[ام سحلي]

انا اسرع خطبة ملكة بالدنيااااااا


يوم السبت الساعة 10 بالليل دقت امه وقالت بكرة بنخطب

يوم الاحد الساعة 5 العصر جا هو واهلة وشافني

يوم الاثنين الساعة 8 الصبح ملكت

اقل من 48 ساعة الخطبة والملكة

بس العرس كان بعد سنة بالضبط

وما شفت وجهه الا بيوم العرس

 

[احلى بنت بالدنيا]

عافية لاتذكروني .. كل مرة بالخطبة اكون مستااااااااانسة ومتفائلة والدنيا بمبيييييي .. وعقب الملجة أقعد أغني بروحي ظلمووه

 

[مدندنه]

عافية لاتذكروني .. كل مرة بالخطبة اكون مستااااااااانسة ومتفائلة والدنيا بمبيييييي .. وعقب الملجة أقعد أغني بروحي ظلمووه

لحظة .......................

شنو كل مرة !!!

يعني جم مرة انخطبتي ؟؟؟

اللي عطاكم بالجدر يعطينا بالملاااااااس :tek:

 

[أم حيدور]

احم احم

لي رجعه فديتج بس صبري

 

[دلـــوعته]

عن نفسي نووكته الموسم

بقول لكم القصه

جيت من الجامعه السااعه 2 الظهر وطبعا كنت مواصله من امس وحطيت راسي ونمت ولا صحيت الا الساعه 1 بالليل

يعني مفووووله نوووم

دخلت الصاله على امي وخواتي ويطالعوني ويتبسموون انا توني صااحيه من النووم يعني بالمختصر ما دققت كثير

المهم رحت المطبخ اسوي لي شئ اكله الا اختي جات ورااي

قالت تدرين من كان عندنا اليوم

انا ما لقيتها بال قلت من قالت فلان زوج عمتي جاي يخطبك

انا تنحت قلت لمن؟ قالت لفلاان

انا من الصدمه قلت هاااااااااااااااااه لا ما ابي مانيب موافقه

سبحان الله هالشخص بالذات شااطبه عليه من قاموس حيااتي ما فكرت فيه بيوم من الاياام

جتني تهزئيه من اختي وشوي الا امي تجيني وانا اقوول ما ابي

امي قالت بكيفك

لانها عارفه اني منحرجه وما تبي تزيد علي

طبعااا يوومين على ما استوعبت السالفه وخواتي اشتغلوا بالحنه

الين ما ارتحت للفكره

الصرااحه كنت موافقه بس خاايفه هههههههههه

والحمدلله وافقت وتزوجته فديته..

وربي لا يحرمناا قرب بعض..

 

[القطانيه]

* شلون قالولج ؟
كنت اعرفه بس سوه سالفه من ولا شي انه هديينا بعض يعني حركه مع الوي علشان امه ادق على امي وانا استانس ههه

* شنو شعورج؟
مصدوومه وخايفه ومستانسه وببجي كل شي يعني


* شلون كانت ليلة الخبر باتلنسبة لج ؟

يدق ما ارد انا وميته من الخووف صارت الصجيه يعني خخخخخخخ


والحمد الله اهو الحين ريلي وحبيبي وابو عياالي الله يتمم عليينا يارب
الموضوع اينن مشكووره

 

[مدندنه]

الصرااحه كنت موافقه بس خاايفه هههههههههه
والحمدلله وافقت وتزوجته فديته..

..

هاااااا .... هذي اللي يسمونها يتمنعن وهن راغبات

:÷

الله يسعدج

 

[bint_looda]

ههههههههههههههههههههههه يومها فلم !!!!
امي وابوي سوولي اجتماع مغلق وقالووولي بس بعد مافج جبدي ابوي من سالفه لي سالفه عشان يبي يقولي مو عارف شلون يبدي !! تنحت ووتدودهت بس تمالكت اعصابي وقعدت اسئلهم عنه .. حسيتهم خايفين اكثر مني لاني البجر واول مره يواجهون هالموقف لووول
استخرت بليل ونمت عااااادي ولاجنه صاير شي وبعدها رفضت وان شالله خيره من رب العالمين =)

 

[عقر بقر]

اول ما قالولج انخطبتي ... شنو صار ؟؟
طبعا استانست وفرحت

* شلون قالولج ؟
دقوا ع الوالده وكنت قاعده يمها وردت فعلها غير وااايد مبين انهم بيخطون وقلت اكيد انا

* شنو شعورج؟
شعووور مايعبر لو اتكلم ماراح اخلص

* شلون كانت ليلة الخبر باتلنسبة لج ؟
مانمت اول ليلتين

 

[تراكمية]

أنا يوم قالولي بصراحه استانست بس وقت الصجية حاشني عوااااااااااااااااااااااااااااااااار بالكلى من الخرعه وكنت على وشك إني أهون

 

[كويتيه مذهله 87]

* شلون قالولج ؟
انا كنت فوق بالصاله قاعده ادرس وامي واختي ام كتكوت الكبيره قاعدين تحت ورن التيلفوون ولا عمتي تقول نبي نخطب بنتكم لولدنااا عاد انا ما ادري ان تقصدني انا خخخخخخخخخخخخخ قلت يمكن انا واضحك ههههههههههههههههههههه



* شنو شعورج؟
أول شي تضااايقت وخاايفه بعدين ونااسه


* شلون كانت ليلة الخبر باتلنسبة لج ؟

كنت اسوي رجيم قلت حساافه لو اضعف شوي جان ونااسه اكثر خخخخخخخخخخخخخخخخخ

 

[^^المهره^^]

انا انخطبت جم مره وماصار نصيب
علشان جذي موحابه اقول تفاصيلهم
عسى الله يعوض علي بالخير ان شالله
ادعولي ان انخطب والله يوفقني بولد الحلال وانا راح اقول لكم كللللللل شي يا احلى كويتيات
الموضوع ايننننننننننننننن

 

[candeya]

انا انصدمت واخترعت لان دعائي استجاب بس خلص ارمضان ابوي يابلي الخبر انى افلان اخطبج اموافقه انا جنى طاقيني اطراق لان كنت ادعي برمضان انى ماتخلص هالسنه الا ربي امقربيلي نصيبي بالزوج الصالح اوكنت ادعي ابشكل متواصل خلص ارمضان صمت سته شوال اخر يوم عالفطور جان يقولي ابوي الخير انا انصدمت حسيت انى ربي اقريب مني اونه قريب يسمع دعوة الداع اذا دعاه او عقب استخرت بس انا فاهمه انى هذا نصيبي لان كنت ادعي ربي يقربيلي نصيبي او شكرته اوحمدته على هالنعمه بس عقب حسيت انى الزواج مسؤوليه او لازم الوحدة اتفكر الف مرة قبل ماتجدم على هالخطوة والحمدلله صج في مشاكل بس الحمدلله كلها اشيا تافهه

 

[almassa]

يسلموووو خووش موضوع

انا صراحه من اول مادقوا على امي يخطبون((سمعتها واهي ماتدري وانا ادري ان هذا ريلي مادري شلون وطبعا كنت احاااااتي وافكر بس ماخفت بس بجييييييييييييييييت ودعيت ربي((محد شافني))وخليت الموضوع عااادي جدام اهلي

ولما قالولي عن الموضوع ضحكت لاني ادري من الاول

بس سبحان الله نصيييييييييييب الله كاتبه لج ماتوقعينه
واكثر شي يريييييييييح صلاة الاستخاره((نعمة الحمدلله عليها))

 

[سيدة الذوق]

رفضت وبعدين سبحان الله

 

[غلا مشاري]

اول ما قالولج انخطبتي ... شنو صار ؟؟
قعدت ابجي قلت مابي اتزوج

* شلون قالولج ؟
نادتني امي بغرفتها وقالت لي

* شنو شعورج؟
خفت حيل ماتوقت انه يجي يوم واتزوج

* شلون كانت ليلة الخبر باتلنسبة لج ؟
مانمت قعدت طول الليل افكر واتذكر شكله