اول زفه حاشتج من الزوج ؟؟ شنهي ؟؟

[A6AYEF]

هللووووووووووووووووووووو بنات

انا عندي هالموضوع يضحكني كل مل ذكرت اول زفه كليتها من زوجي ..اضحك عليه و على ردة فعلي ... خو اول الايام بشمر اذراعه وبيصير ريال و مو عارف وين يصرف رجولتة .... و انا الضحيه طبعا ..

اوكي اول زفه كنا بشهر العسل .. و كان حضرته بالحمام ياخذ shower و انا بالغرفه ماسكه التليفون اكلم الوالده و اطمنها علي بالغربه .. وخصوصا انها اول سفره ....

ما وعيت الا الريال يصارخ بالحمام يناديني اب اسمي ... يا فلانه ... وينج .. شان اسكر التليفون من امي
و اطير اشوف اشفيـــــــه و الا اتيني ذيج الزفه كلها علشان ما زهبت له الفوطه يقول لاهيا بالتليفون و انا اتقاطر بالحمام ابي فوطه ...و الا الزوج شراره مولعه ... و انا من هول الصدمه ... بدون وعي ادموعععععععععععععععععععع:krkrkr: و ماكو صوت و ايب له الفوطه و انا ساكته .. بس ما سوت علي ...

و لي يومج و انا معاه الحين بنكمل ال5 سنوات بس يدخل عزكم الله الحمام انقز ازهب له اهدومه ..
خوش تربيه والله و انفعت معاي .............. لووووووووووووووووووووولللل

 

[وارثه الطيب]

هههههههههههههههههههههههههههههههههههههههه عيل هذا درس لج انا والله توني مادخلت علي ريلي ان شاء الله باقي جم اسبوع علي عرسي يمكن يحوشني اللي ياااج انتي بشهر العسل بس تصدقين انا زفني بس بالتليفون كنت ابي اساله عن شغله جان يهب بويهي ويقول شكو تسأليني انا اشعرفني يلا بااي سكرت التليفون جان اطيحله بجي لحد ماشبعت وعقبها رحت بطلت الثلاجه وحطيت حرتي بالاكل

 

[A7la-SmiLe]

اول زفه حاشتني بعد اسبوع من زواجي كنا مسافرين البحرين .. كنا نبي ناخذ عشا ونروح الفندق
نزل ريل حماتي وطلب لنا .. والا بنت حماتي تبجي تبي ابوها وتقولي وديني عنده وريلي يقولي لا تنزلين خليها بروحها تسكت مااشوف الا البنت قامت تركض وانا وراها من الخـــــــــرعه !! وديتها وشلت الاكل مع ريل حماتي بس ركبت ويستلمني زف والعايله كلها بالسياره تعالوووا شوفوا تعابير ويهي شلون صارت وطول الطريج ابجي ​

 

[مسك وعود]

احلى سمايل وليش حماتج وريلها رايحين وياكم شهر العسل

 

[غنوة ستايل]

اول زفه يتني و حنا في شهر العسل
كنا في مصر بالمطعم و انا منقبه توني متنقبه وما اعرف اكل بالنقاب اوسخ النقاب
و ريلي يقول لي فصخي النقاب و اكلي وانا مستحيه
واقول له ما اقدر الرجال يطالع شلوون افصخ النقاب و اهوا شافني بالنقاب و الحين افصخه ويشوفني من غير النقاب
طبعاً اخذت زفه كبيره و قمت ابجي من تحت النقاااب
واهوا ما رضى ياكل الا افصخ النقاب لاننا كنا تونا واصلين وما اكلنا شي يوعانين و اهوا مستانس يبي يراويني القاهره و ما خذني مطعم اهوا يعرفه و مستااانس وانا قلبتها بجي فاخذت زفه ..
وبعدها تعلمت ان في المطعم مع ريلي ما في مشكله لو صديت شوي عن الناس وفصخت نقابي

 

[foofo]

ههههههههههههههههه خوش زفات والله

 

[katkota76]

أنا ريلي باااااااااااااااااااااااااارد ومستحيل يعصب
يعني ساعات أنا أغلي و أهوه يرد علي بكل برود
بس ترى هاذي مو ميزة لان البرود الزايد ايبلي الأعصاب

 

[A7la-SmiLe]

العايله كلها مو بس حماتي وريلهاا
اماا ليـــــــــش ؟ مادري لاتسألوني ​

 

[nice-girl]

انا اول زواجي كان ريلي عنده سيارة عاد انا ما كنت اسوق اب بيت اهلي الا نادر لانة كنت بالجامعه فالسايق يوديني
عطاني سيارتة رحت الجامعه و لما رديت خذة السيارة
جان يدق و يزفني انتي طاقة مطبات بالسيارة و مادري شنو منكسر و صاعده رصيف لووووووووووووووووووووووول امبية واللة ما صار هالشي و الشرهه علي معطيج اياها :s
انا منصدمة ولا كلمة من الفشلة قتلة انا سايقة بورشات يات على سيارتك

 

[دمي خفيف]

لوووووووول زفاتكم عجيييبه ..وشحقه تبجون عاد انا لو شنو ماابجي اقمتها بقلبي احس ان فشله لي بجييت جدامه لووول

نايس قيرل عجييييبه انتي لوووووول

 

[نطوووعه]

اوووووووووول زفففففففففففففففه ممممممممممم و الله احنا كله هواش و زففففففف من الخطبه حالتنا حااااله تسئلوني ليش خذييته و الله مادري|!! لوول الله يصلح الحاااااااااااااااااااااااااااااال

 

[زنوبة الحلوة]

لوووووووووووووووووووووووووووووووووووووول


والله انا انزفيت يعني بشهر العسل بس الصراحة ما اتذكر على شنو


وطقيتها بجية واهوا انصدم لاني اول مرة ابجي جدامة

ويحاول يراضيني باي طريقة

بس انا نسيت على شنو والله

والله قلبي طيب هاااا

ههههههههههههههههههههههههههههههههههههههه

 

[كريستال ليدي]

ما اتذكر !!!!!

 

[شذي الفردوس]

عيل انا العام كنا مملوجين
وهو حيل متزمت وانا فري
وماخذه راحتي ومدلعه اطلع والبس على كيفي
والا ذاك اليوم اثاري حاط بقلبه
بالتلفون رص القوانين كلها
مابيج تتاخرين عن العشر ومابي تحطين مكياج ومابي تطعين بدون عبايه و...و...جان اقوله زين زين شوي شوي علي مو مره وحده وابجي هو صارت فيه حالة صمت يحبني وايد وكله يقول عمري ما ابيج تبجين
بس مادرى بيصير جذي
يقول ليلحين لما اذكر ذالك اليوم اضحك كسرتي خاطري حيييل

 

[مرت ريلي]

أول شهر بزواجنا تقريبا طالعة معاه ولابسة تنورة لتحت الركبة تقريبا وحدها كلوش
ووووووش وتطير التنورة لاتشوفون شلون طلعت عيونه وده يزنطني جان يقول ماكو
تنانير كلوش بعد، بس انا أتوب ؟ وحياتكم ما أتوب لووووول طلعت عينه مسكين

 

[ســــــــــما]

والله بالضبط اول زفه ما اذكر بس فترة الملجه واول سنه زواج كلها هواش وزف وتنرفز وكلا متوترين وحالتنا حاله جنها ولاده متعسره هههههههههههههههههههههههه

الحين صارلي 3 سنين من تزوجت الحمدلله الاحوال وااايد احسن واهدى وصرنا نعرف حق بعض طبعا هذا ما يمنع من بعض الهوشات العابره هههههههههههههههه

بس ممكن اتذكر مواقف

في الملجه
مره كنت لابسه بلوزه مطلعه جسمي وريلي في شوية حكاره فما كان عاجبه
كنت عندهم في البيت وبنطلع بعدها جان يقولي بلوزتج ما تصلح حق طلعه ، لا تلبسينها مره ثانيه انزين ؟
انا كنت مستانسه فيها اول مره البسها احس اني اندقرت وياتني البجيه لاني انحرجت بس قتله انزين وانا متبلعمه واهو حس فيني جان يشتريلي نظاره شمسيه واحنا طالعين لووووووووووووووووووووول يعني يراضيني

ومره تهاوشنا بالتلفون
انا بيت اهلي بعيد واهوا كان دوامه يطول لي 2 ونص او 3 فيقولي انتي تعالي ونوصل البيت مع بعض عشان نطلع بعدين لان ما يمديني انا امرج على ما اطلع من الدوام واغير هدومي وامرج بيتكم وارد اقطج هذا كله ياخذ من وقتنا لو انتي تمرين احسن
وانا ما عاجبني شنو يعني انا الي امره منو فينا الريال
المفروض ولاصول ان اهو الي يمرني حتى قتله مدام مو قادر تتأقلم مع بعد بيتنا عيل شحقه رضيت فيني انت تدري ان بيتنا بعيد ومن هالحجي
بس بالاخير انا الي مريته وكنت معصصصصصصصصصصصصصصصصبه
بس الحين لما اتذكر احس ان شي سخيف هههههههههههههه

سالفه ثانيه عاد هذي الي حسيت انها زفه والا الباجي هوشات
لما ردينا من شهر العسل اهو اجازته خلصت قبل اجازتي فكنت اقوم من النوم اهوا بالدوام
مره كنت شاده حيلي بسويله غدا
جان ا دق عليه واهو عنده دوره
رد علي واهو مشغول قطع دورته عشان يرد
جان اقوله : شنو تبيني اسويلك غدا >>>> يعني سنعه
جان يقولي لحظه شوي
الظاهر طلع من المكان الي كان فيه
جان يقول بصوت حاد واسلوب حده نااااشف : انتي الحين داقه علي ومخليتني اقطع المحاظره واهد الناس عشان تسئليني شنو الغدا ؟؟؟
انا تبلعمت واخنقتني العبره وما عرفت شنو اقول
يحاجيني وانا سااااكته اخاف اتكلم وابجي هههههههههههههههههههه

 

[أم منصور]

خخخخخخخخ تضحك سوالفكم


عاد انا الي عندي عصبي وانا باردة وكثر برودي يعصب عليه قلت بصير حارة شوي هم عصب علي شسوي

قام اهو يتاقلم مع برودي والصراحة مرة عصب علي طلعت منه ضحكت قلت الله يهبل وهو يعصب -وبعدين

كل ما يعصب تجيني الضحكة ليش مادري فاحاول ما يشوفني عشان لا يزيد ويقول هذي موصاحية .

 

[ســــــــــما]

مرت ريلي ذكرتيني بسالفه

مره طالعين من المارينا كنا بالمواقف وكنت لابسه بدله تنورتها من فوق كلش جنز وثلاث ارباعها خامه طايحه

صوب الجنز كان صاك على جسمي من فوق

اعتقد انكم تخيلتو معاي

يعني مو صوب الخصر شوي تحت

يعني الوسط

انا ما كنت منتبهه انها صاكه من فوق خصوصا ان معاها جاكيت بس الجاكيت مو طويل

المهم بنروح صوب سيارتنا

اهو يدز عربانة ولدي وانا ماشيه يمهم جان اروح الصوب الثاني عبالي بيي معاي لان سيارتنا بالناحيه الي انا رحتلها

بس كان اكو سيارة بتمر فاضطرينا ان نمشي كل واحد بصوب وقت الي السياره طافت

اثاري السياره هذي فيها شباب

وانا ريلي غيووووووووووور

الشباب كانوا يمشون شوي شوي يمكن عشان قاعدين يدورولهم موقف

مادري والله اهما كانوا مخففين وبعدين داسوا عادي

ياني ريلي وعيونه ترسها شرارررر ويقول ويقولي بصوت واطي بس باسلوب يخرع ( ان شفتج لابسة هالتنوره مره ثانيه كسرت راسج ) انا طقتني البوهه

طبعا لما ركبنا السياره طحناله هواش لوووووووووووول

والله اهوا يقول ان الشباب كانوا قاعدين يطالعوني

عاد ما كنت منتبهه ان تنورتي ضيجه لان اهو الجاكيت تقريبا مغطي بس مو وايد يعني حده حده الظاهر مع المشي تصير ضيجه

 

[لبيه]

بشهر العسل في تايلند ركبنا التاكسي وزوجي مايعرف انجلش (اذا بيسأل عن السعر يقول much ؟؟ يعني هذا بكم؟؟واذا بيكاسر السعر يقول slowly ) المهم انا عوبا وما اقدر لازم اضحك وافشله بس ذاك اليوم انتقم مني شر انتقام ركبنا التاكسي وتليقفت وقلت للسايق عن المكان اللي بنروحله وهو خزنــــــــــــــــــــــي وقعد يزفني يقول انا طرطور قاعد قدامج شكو تكلمين الرجال سدي حلجج ومابي اسمع صوتج وانا خست بهدومي وكحلتي ساحت من البجي ويقولي ليش تبجين؟ واقوله ماابجي

 

[الوردة المكنونة]

لووووووووووووووووووووووول

مواقف عجيبه

عيل انا نزفيت بليلة عرسي وانا بالصالون تأخرت وهو حضرته وصل قبلي وناطرني دق علي وزفني هذيج الزفه ومحسوبتكم تبجي وتخرب المكياج وردون يحطونه مره ثانيه وارد ابجي واخربه واغسل ويهي يعني يمكن 3 مرات حطولي ويخترب وخواتي معاي خلاص صلي على النبي وانا مابيه مابي اتزوجه هذي اولها جذي لووووووووووووووووووووووووول بعدين تأسف وضاق خلقه لما سمع اللي صار فيني بالصالون عاد عوضني بشهر العسل بكل مكان معاي خالتي ام ريلي لوووووووووووول خوووش تعويض هههههههههههههههههههههههههههه

صج مواقف