اول راتب والله يستر من زوجي ساعدوني

[__LV__]

قوليله حتا انتا عطني نفس القيمه اللي بعطيك اياها هههههه

 

[jooosy]

امبي حبيبتي لا ريلج غلطان
المفروض يقولج عطيني معاشج كاااااااامل واعطيج انا منه!!!!!
امبي من صجه
شنو 400 و 300
ماله حق في ولا ديناااااار اصلا
شنو انتي مقصه يقولج اوفرهم حقج
لا حبيبتي قوليله اسفه انا بسوي استقطاع وانا اوفرلي
وليش تعطين ام ريلج على اي اساس
اذا كلش سوي ابيتهم غدا والا عشى على وظيفتج
والا اشتريلها شي ابأول معاش لج وبس
اما كل شهر تعطينها لاااااااااا
مو من حقها تعطينها
ولا اتعودينهم على هالشي وخصوصا سالفة لفلوس
باجر ان صار شي وما عطيتيهم ابتطلعين انتي الشينه
ماعليج من احد
افلوسج ولعبي فيهم على كيفج وونسي روحج
وحتى ماله شغل يسأل ابشنو صرفتيهم
وتقبلي مروري

 

[شريره مووت]

لا لا لا لا لا لا لا لا لا لا لا لا لا لا لا لا والف لا
حبيـــبتي هذا تعبك انتي و من حقك ... رجال اخر زمان صاروا يشحتون من زوجاتهم .... والله عيب ... وين الرجوله .... وين الكرامه
من رايي لا تعطينه لانه بيتعود

 

[Om_Ksha]

هههههه حدج خليتي البنات ينفعلون ،،،
ماقصرو بالكلام وانتي براحتج

 

[بنت التمايمة]

انتى مو مجبوره تعطينه شي
المفروض هو يعطيكي
واعطيه كلمه قويه قولي له
خبري الرجال يعطي الحرمه مو العكس

 

[الحسن الرقيق]

اشـدعوه بناات ,, اشفيكم خرعتوا البنت ؟؟
حبيبـتي اذا انتى واثقه من زوجج ما فيها مشكله عادي ..
اعرف حريم ما يصرفون شي معاشهم ريايلهم يخشونهم والله والله والله انهم عايشين احسن عيشه
بنات المنتدى تعقدووا من الرياييل
ترا لى الحين في رياييل سنعه ويخافون الله

 

[الحسن الرقيق]

واللى يقولون لا تعطين ام زوجج ؟؟
اشدعوه اذا اهيا خاله سنعه وزينه معاي ما فيهاا شي لو اهديهااا بحسبت امـي .. وبالعكس هالشي يفرح زوجـي
واعطي امي وابوي ماا فيهاا شي ,,

بـس اذا انتي مو واثق بزوجج فتحي لج حساب وعطيه الكرت بس بدون لا تعطينه الرقم السـري وبجذي راح يتطمن انج ما تصرفين وانتي تتطمين انه ما ياخذهم .
بس لا تحسسينه انج خايفه منه على فلوسج .. وخصوصا اذا مو مقصر معاج بشـي ..

 

[غرق بالماي]

ويييييييييييي انتي من صجج تعطينه نص معاشج اشفيج خشيه لج انتي هذا تعبج ولا تعودينه انج انتي تصرفين على البيت ولازم اهوا اللي يعطيج فوق معاشج

 

[ام احلى خلودى]

امبيييه مو من صجج @@ شكو تعطينه لا ومحدد بعد 300 او 400 معاشات الوزارة 700 اذا عطيتيه جم يبقالج ؟؟؟ حبيبتى لاتعطينه ولافلس وعلى طارى انج مبذرة قوليله لاتخاف راح اخش مبلغ معين ... والاحلى انج تبين تعطين امه بعد ليش اهيا اللى تعبت عليج ودرستج صراحه الاولى بالفلوس امج وخشى فلوسج حقج تبين تشتريله هديه او تعطينه مبلغ من الفلوس على اساس هديه كونه اول راتب اوكى مو مشكله اما انج كل شهر تعطينه انسى هالسالفه

 

[الدلوعه2008]

انا مع البنات ولا فلس

وانتي مو ملزومه عليه خل يطق راسه بطوفه ويحلم يلمس لو 5 فلوس من فلوسج

 

[LoLaTi]

واهوة شكو براتبج لاتعطينه نصيحه قولي له راتبي وانا حره فيه

 

[Miss Chanel]

يـــاسلام 400
قوليله انا اعرف احفظ فلوســـي ماني بزر ماله داعي تخشهم

 

[مرا دلع]

معليييييييييييش
ليه تعطينه اصلا ؟؟
انتي تتعبين بالشغل ودوام وحوسه وهووو ياااخذ راااتب منك ؟؟
بأي حق؟؟
المفروض راااتبك ماله شغل فيه
وماشااء الله وماجاات سالفه التوفير الا من راتبك وما فكر بالتوفير الا يوم توظفتي ؟؟
خليه يوفر من رااتبه اذا مرا خايف
وسالفه امه بعد ماله دااعي
اثنينهم بيتعودوون
نصيحه لا تعطينه شي

 

[اميره1980]

حللللللللللللوة شارط علي
شنو قصدج يعني شارط عليج ؟؟ يعني لمن خطبج من ابوج قاله ترا اقولك عمي بنتك اول ما تشتغل ابي ابوق كل شهر من معاشها 400 دينار و لا ترا ما اتزوجها صج شر البليه ما يضحك و شايفج طيبة و تسكتين قال خلآخذ فلوسها

حبيبتي قوليله انج مسويه استقطاع بالبنك و تعرفين تديرين امور حياتج زين و انج فاهمة و عاقلة و لا ما كان خذاج بالاساس و فهميه مو على بو ان اشتغلتي خلاص يشيل ايده من المصاريف ترا الوضع كما هو عليه ان ريلج يصرف عليج و اذا شريتي شي للبيت هذا من طيب خاطرج مو غصب و بعدين على طاري أمه شكو تعطينها شهريا من معاشج ؟؟ اذا حابه انج تهدينها شي هم من كيفج مثلا بخور او شيلة او دراعة و جزاج الله خير مو غصب
عموما بينيله انج فاهمة و قوية و لا تضعفين جدامه

 

[دلع و هبال]

الله يعينك إذا اهو بيخشهم حق المستقبل ع قولتك قولي اعطيهم امي تخشهم لي

 

[حكستار]

حبيبتي ...اول معاش ما نخش منه ولا نوفر... ندلع فيه عمارنا ونعطي اهلنا ونهادي اللي نبي...
وعلى سالفة تعطينه ...لا تعوديه....لو عنده ظرف ساعديه من عيونج حتى لو عطيتيه كل شي...
لكن يتعود كل شهر ياخذ نص الراتب.....ما اتوقع بيكون الوضع صح
لو خايف عليج من تفسفس الفلوس قولي له يسوي لج حساب مستقطع باسمج وبتحولين عليه جزء من المبلع...او خلي ابوج يسويه لج..
نصيحه بعد اختي...لا تتصرفي بالفلوس بالخش والدس عن زوجج...خلي الامور واضحه وفي مسارها الصح جدام عيونه...وراح تمشي الحياة صح.

 

[حشمه]

اختي وين الوالد من الموضوع

ليش ماتكلمينه يكلم زوجج ويقوله

بنتي تسوي لها حساب تخش فيه فلوسها

مالها داعي تخشهم لها انت

ولا قولي له الوالد سالني شراح تسوين

واقترح ان يوديني افتح احساب واسوي استقطاع من معاشي

 

[!! شوق !!]

انتي غلطانه اللي وافقتي من البدايه ومانقدتيه على نفسه
جان قلتيله بنظره خطيره شنو سفيه انا ولا بيبي عشان تجمعلي ..
بعديين بدال لاتنقصني المفروض تزيدني ..


بالنسبه لامه انا اول معاش عطيت امي وخواتي و وزعت ..
امه جيبيلها هديه خاتم ولا ساعه فرحه اول راتب بس مووووو شهري ..

واذا كلش كلش تنح على اللي بباله قوليله اانا بسوي حساب ولا بخشهم عند ابوي ..

 

[:: Diva ::]

اختي اوعي اوعي اوعي
ديري بالج مو تعطينه فلس واحد


لو تشوفينه محتاج و مو قادر على مصرف البيت
انتي تسحبين روحج تصرفين على نفسج و اذا من طيب خاطر تعطينه و تساعدينه
لكن مو ملزومه فيه

و لا اهو ولي امرج و لا ابوج علشان يخش لج هالمبلغ شهريا
عز الله بيتزوج عليج بفلوسج !!


ديري بالج حبيبتي
حتى لو وصلت للكبار وصليها
انا اكلمج و انا عايشه حالة وحده اعرفها
و ما ودي تتكرر لاي انسان




و اذا على خالتج تهدينا ولا لا ؟
انا اقول اشتري لها هديه و سوي عشا بالبيت او اعزميهم بره
او حلو على حسب مدتج
والله يبارك لج بمعاشج و يوفقج حبوبتي

 

[تذكر خافقي رمحك]

معاشج خاص فيج
تفسفسينه مثل ماتبين
وإذا تبين توزعين هبات
توزعين بكيفج مو ايي احد ويشترط عليج
حتى لو كان هالاحد زوجج