اول ابتدائي حكومة ( e ) فيها كلمات املاء ؟

[ام دودو المزيونه]

تكفون امهات ردوا علي اول ابتدائي حكومه مادة اللغه الأنجليزيه فيها امتحان املاء كلمات مثل (flag - hand -sofa - dog - door - bag ) الأبله عطت بنتي هل الكلمات يوم الأثنين والمطلوب تحفظهم ليوم الخميس اليوم ( يعني المده المعطاه للطالب للدراسه اسبوع لست كلمات ) وانا الي اعرفه اولي مافي املاء ولا قراء غير مطالبين بس هي تقول التوجيه طالب منا جذي هل الشيئ صحيح ؟

 

[Eng/thumbelina]

والله حبيبتي اتوقع علشان يدربونهم بس ما عليها درجات

 

[أم عبووووود]

تكفون امهات ردوا علي اول ابتدائي حكومه مادة اللغه الأنجليزيه فيها امتحان املاء كلمات مثل (flag - hand -sofa - dog - door - bag ) الأبله عطت بنتي هل الكلمات يوم الأثنين والمطلوب تحفظهم ليوم الخميس اليوم ( يعني المده المعطاه للطالب للدراسه اسبوع لست كلمات ) وانا الي اعرفه اولي مافي املاء ولا قراء غير مطالبين بس هي تقول التوجيه طالب منا جذي هل الشيئ صحيح ؟

هلا حبيبتي

انا عندي وليدي باولى ابتدائي مايعطونه املاء بس يقول ان الابلة تكتب لهم كلمات واحرف على السبورة وهما يقرونهم
وكان بالفصل الاول تعطيهم اوراق بالمنهج وفيها كلمات وكنت اقري واحفظه المعاني

ان شاء الله اكون فدتج واي سؤال انا حاضر

 

[أمواج البحر]

بعض المدرسات يعطون املاء لكن ما عليه درجات

وعلى فكره طريقة الاملاء مثلا تكتب d_g جذي والطالب يكتب حرف الـ o

الاملاء بيكون سهل واسبوع اكثر من كافي عشان يحفظ الكلمات ترى

والله يوفق عيالنا

 

[ام دودو المزيونه]

خواتي مشكورين علي الردود والله حدي منقثه منها الله يهديها اهي بالأول كانت تعطيهم كلمات مثل ما قلتوا ناقصه حرف والطالب يكمل الناقص وفجأ املاء كلمات كامله يعني شيئ فوق طاقه الطالبه وخاصتاً لما سألت ( مدرسات بنفس المدرسة ) بصفوف ثانيه استنكروا هل الشيئ وخاصة انه اهم مدرسات وعارفين المنهج واكدوا اولي مافي املاء ولا قراءه مجرد استماع والأخت تنكر هل الشيئ ومصره التوجيه عاوز كدي ( الأبله عربيه )ونص الصف عربيات وافدات والله كرهت هالمدرسه من هل الشيئ ما تحسين قاعده بالكويت والمصيبه اغلب الطالبات اهلهم مدرسين وحافضين المنهج واعيالنا الضحيه يبونهم يصمون المنهج مثلهم والله يوم حضرت الحصه توقف البنت وتجاوب كأنها خريجت يال واكسفورد وبنتي بتسيح علي ما تجاوب ويالله تطلع الكلمه من حلجها ارتفع السكر عندي يومها مع ان نفس الأبله نقتها تقول الحوار يعني البنت زينه بس هالأبله الي تعطيهم فوق طاقتهم والله ما راح اسكت عنها اذا قاعده تضغط عليها راح اشتكي عليها

 

[فراوله]

حبيبتى ..ما فى بند تقويم للإملاء بأي شكل من الأشكال ولا حتى لكتابة الكلمة كاملة...هذا كله اجتهاد كل معلمة تفتى من عندها....الطفل فى هذه المرحلة ما يقدر يميز يكتب من جهة اليمين من اليسار عشان جذى اجلو الكتابة فى الصف الثانى الإبتدائى ......صف اولى بس مطاليبن بنسخ الاحرف مع قراءة الكلمات فقط

 

[المهـــــــــــا]

حبيبتى تطمنى ها الكلمات مو املاء بس لازم يحفظها ويعرف احروفها زين لان الابله معطيتها بنتى بس مو املاء لا بس حفظ الكلمه =معناها وحرفها الاول