اولى وثانيه ابتدائي داوموا شلون التجهيزات

[شووكولاته]

السلام عليكم

الي عيالها واولى وثانيه داومو ا شلون التجهيزات بالمدارس

في فرصه ؟؟ في حالات انفلونزا ؟؟

في فحص للحراره ؟؟ بنتي باجر بداوم وابي اطمن

 

[كويتيه فنتك]

للرفع...
مادري الروضه متى يداومون؟؟؟بعد..

 

[ريم الصبايا]

حبيبتي بنتي داومت اليوم

المدرسات عند الباب يستقبلون الطالبات
ماخلونا ندخل ونشوف شنوتجهيزاتهم

بس دازين اوراق شلون نحمي الاطفال من الانفلونزا

 

[مي الحلوة]

بصراحة وديت ولدي اليوم التجهيزات مو ذاك بس قاعدين ويمسحون بديتول..اما بالنسبة لفحص الحرارة ما افحصوهم..انا سالت ولدي..
والمقصف فاتح يروحون له..وفي فرصة بعد..
وفعلا ما يبون اولياء الامور يدشون الصفوف..بس انا سمعت ان في مدارس متشددين ..ما كو فرصة..والمقصف يجيهم بالصف..

 

[شووكولاته]

يعني خرطي


وشلون ماخلوكم تدشون

الله يعينه بس

 

[Ms. luxury]

مدرسة ولدي بن رشد ..هو أولى ابتدائي ..
لاغين الطابور ويوميا راح يحييون العلم بالصف مع بعض الأنشطة والمسابقات لمدة ربع ساعة وبعدها يطق الجرس وهم بالصف وتبدي الحصة الأولى ..
معقم للهواء بكل صف<<<< على كلامهم
مقصف خاص بعربانة لكل جناح<<<على كلامهم
وقالت الناظرة ان راح اتيي لجنة تعدل جلوس الصبيان القصير جدام والطويل ورا واللي مايشوف أو مايسمع لازم إثبات طبي لحالته عشان يجدمون مكانه ..
كل صف فيه 20 طالب وكل طاولة عليها 3 صبيان بسسسس
أنا ولدي عنوووونو ومالحق على مكان زين لأن صار دخلة أولياء الامور مع عيالهم بالصف دفعة واحدة وكلمن بيلحق على مكان زين وأنا مستحية واقفة على جنب يوم خفوا جان أدخل وإلا ولدي بثالث طاولة يعني موجدام ..وواحد ماشاء الله متختخ وطويل تبارك الرحمن مقعدينه أول واحد
سألت ولدي (غيروا مكانكم ؟؟) قال لأ..
بس ترا ماكو خوف وديها ولاتحاتين

 

[um khaled]

انا ولدي داوم بثانيه
3 او 4 علب معقم مطشرين بالمدرسه بس
ما في قياس حراره
اقوله رحتوا الفرصه قال اي وربعي شرو من المقصف
يوم دشيت الصبح والا هيصه وزمبليطه واليهال يلعبون ومطشرين

 

[Om-Bashaar]

والله انا ولدي وديته اليوم بثانيه ابتدائي الصف فيه 29 طالب وماكو لا كمامات ولا قياس حراره ولا شي اللهم لغو الطابور والفرصه وكل شي مثل ماهو الله يستر ويحفظ عيالنا بس قبل ما اودي حصنته وتوكلت على الله والله كريم