اوروبا ولا شرق اسيا

[زيتونه مرت باباي]

السلام عليكم

بنات اذا قروب من الاهل يبي يسافرون أول مره لاوروبا وين يروحون ؟؟ تقريبا 10 ايام

واذا شرق اسيا وين تنصحونا ؟؟

وتقريبا تقريبا جم التكلفه ؟؟؟

بليزز بنات حدي محتاره وين اروح :0bee2e8d89:

 

[شاي و قهوة]

والله الاسعار ما أذكر بالضبط بس من ناحية الرخص طبعا شرق اسيا أرخص لكن جوهم مأساة وطبيعتهم عادية ، وأوروبا تبارك الرحمن جنة الله في الارض راحة واستجمام ، جو عجيب ، سوق ، ترفيه كل شي روعة بس اغلى

ونصيحتي : النمسا وسويسرا حق الطبيعة
ايطاليا وفرنسا والمانيا حق السوق والالعاب

 

[brettey]

انا اوربا بس رحت لندن بس ويه اخر مره عقب الغزو سنه 1993 كنت بثانيه متوسط
ورحت تركيا
بس نصيحه اذا ميزانيتكم اوكي روحي اوربا احلى جربوا المانيا والنمسا الكل يمدح فيهم

 

[غيـ الناس ـر]

اوربا تكلفتها عاليه حيل ..


انا وزوجي رحنا عشرين يوم تكلفة سفرتنا 8 الاف دينار .. وهذا بعد ماكو تسوق بس تمشي

وهالسنه مرتفع اليورو اكثر من العام بعد اتوقه تصير التكلفه اكثر

 

[زيتونه مرت باباي]

شاي وقهوه
مشكوره ياقلبي عالنصيحه

بريتي
مشكوره ياقلبي مو انا اللي بعرف تقريبا جم التكلف عشان اعرف اروح اوروبا ولا اسيا

غير الناس
والله وايد 8 الف حق شخصين وبس تمشي : / الله يعينا
ومشكوره ياقلبي

 

[[Q8TYA]]

حبوبه انتي قولي جم ميزانيتج عشان نعرف نقولج وين احسن

 

[remoo_007]

صراحه انت قرري شنو تبين انت تبين سوق وناسه بس تتحملين الرطوبه روحي مالييزيا او تايلند اما اذا تتمتعين بالجو والطبيعه والبرستيج والناس الاوادم محد لا خص فيج روحي اوربا باريس تهبل وبلجيكا بمقاهيها والعابها ومطاعمها تجمع بين الجو العربي والوربي لان فيها وااااايد عرب وصراحه انا احبها وهولندا تعجبني بالاسترخاء والهوا كنا كلا طايرين ملافعنا كلا طايره من كثر البرد والهوا العالي اما المانيا ماحبيتها وااايد وانصح بسويسرا صراحه مارحتلها بس واااايد يمدحونها اهلي

 

[Fa6oM]

انا ماحب اوروبا .. ديره ميته والساعه 5 كل شي يسكر ويع ويع
بصراحه انا وايد استانست بمليزيا اسعارها معقووووله حيل وكل منطقه فيها جنج رايحه ديره ثانيه من الجبل لي الجزيره لي العاصمه

 

[شيهانه]

اوروبا روحي سويسرا والنمسا صج هذي تقولين عنهم دول اوربيه طبيعه وبرااااد وجبال وخضار

واذا ارخص روحي بلجيكا يمدحونها ويقولون رخيصة

 

[جنون العشق]

النمسا او



سويسرا

 

[المحيلبية]

اوربا يبيلها فلوس ولا راح يصير فيكم اكتئاب لان عندهم بلاوي انا انصح اوربا و عشر ايام شوي حييل انصحج تروحين النمسا ((فينا+زلمسي)) لان جو و تسوق بعد^^ صدقيني هذا السفر بتونسكم بس ترىا حيييل حيييل شوي عشر ايام

 

[بنت جنيف]

حبيبتي ماعليج بعض الناس يبالغون اذا انتي مصرفج بروحج اخذيليج حتى بس الفين لا ويمكن تردين فيهم دامج قاصه تذاكر وحاجزه سكن ماعندج شي غير المطاعم ومشترياتج تقدرين اتحكمين فيها ماتاخذين اي شي او كل شي تشوفينه تاخذينه بتاخذين الشي الغريب الي مووجود في الكويت يعني ماتكودين مثل باقي الناس الي موشايفين خير انتي ايحه اتمتعين بالجو والسوقه والخضار والطبيعه والاماكن السياحيه لاتحاتييين روحي وتوكلي على الله اخذي الكلام من ناس خبرة موتصدقين كلام اي احد

 

[الهامورة]

تبين وناسة وسهر طول اليل شرق اسيا
تبين ترزز بالقهاوي وسوقه راقية والسوق الساعه 7 مسكر روحي اوربا