شوفي احنا جربنا نسكن بكابرون وجربنا زلمسي..
بالنسبة لموسم الصيف والعيد لااايمكن انصح احد انه يسكن بزلمسي لان بتكون زحمة وحوسة وكلها خليجيين وبتكرهينها.. فاحنا بالصيف نفضل كابرون
لكن شهر 10.. انصحج من غييير تفكير تسكنين بزلمسي
الجو بيكون بارد بس المكان حلو..
وميونخ يهبل سوقها و ليلة ماتسوى خليها ليلتين ومنها روحوا زوروا غارمش عجيييبة هالمنطقة
بالنسبة للفنادق:
زلمسي: فندق غراند زلمسي.. على البحيرة دايركت وسعره شهر 10 بحدود 60 وشي لليلة،، موقعه ممتاز جدا ورااقي حيييل انصحج فيه.. او فندق نيو بوست بنص السنتر اغلب الكويتيين يسكنونه سعره 50 وشي.. وبشكل عام فنادق زلمسي اسعارها غالية لكن شهر 10 مناسبة
كابرون: فندق توني اغلب الكويتيين يسكنونه خوش فندق.. او فندق بانوراما صج غرفه صغيرة بس ريوقه رووعة والمنظر مو طبيعي
عموما كابرون سنترها مايعتبر سنتر.. اهيا منطقة هادية وراقية صوب الجبال والمناظر عجيبة.. وزلمسي فيها سنتر بس مو مال تسوق والنمسا بكبرها مو دولة سوق
بالنسبة لميونخ انصحج تختارين فندق قريب من المارين بلاتز اللي اهوا عبارة عن شارع كله محلااات ومافيه سيارات فراح تمشين.. يمه شارع الماركات ولو خاطرج بجنطة ماركة اخذيها من هناك احسن شي
نصيحة اخذي معاج لبس ثقيل لاتستهينين بالجو بس بنفس الوقت يكون لبسج عملي.. واذا وصلتي هناك اخذيلج شمسية ب2 يورو وخليها معاج علشان المطر
بالنسبة لغلاية الماي.. بكابرون قالولنا ممنوعة لان الدولة فارضة نظام >> علشان الحرائق على قولتهم.. فانتوا اخذوا معاكم وحدة صغيرة حق القهوة العربية اذا تبون ولايدروون عنها بالنمسا ديروا بالكم.. وبالنسبة للطيران طبعا اقرب مطار ميونخ وهم افضل مطار من ناحية الرحلات والاسعار..
اذا محتاجة فنادق بميونخ او تبين تعرفين اي طيران تحجزين.. او الرحلات او المناطق دزيلي رسالة وراح اساعدج باللي اقدر عليه ان شاء الله
