اه بس ام زوجي تتجسس علي..

[Zinab BH]

اولا الله يعينج بما ابتلاج اصبري و اخذي فيها اجر
ثانيا تبين تكسبين الريال عن طريق امه واهله لا تقعدين تقولين له امك كذا وسوت كذا اهي كذا
قولي له امك زينة و طيبة و حلوة حتى لو بقلبج ضيم الزمن منها
ثالثا واهو المهم كسبيها مهما سووت اشتري لها هدايا بوسي راسها وايدينها
اذا زوجج بالدوام طلعي معاها اخذيها السوق كسبي فيها اجر
صيري لها بنت ترى تحس بالوحدة و ان في وحدة خذت ضناها اللي مالها غيره
ترى الام معذورة ماعندها لا زوج لا بنت لا اولاد غير كسبي اجر فيها وادعي ربج الله يسخرها لج
انا ام زوجي كانت جذي على ان زوجي اهو الكبير وعندها عيال بس زوجي تحبه اكثر واحد
انا قمت اقعد معاها واطلع معاها واشتري لها هدايا خليتها تحبني غصبا عنها لووول
انا كانت اتيني لوسط غرفة النوم تقعد ما بينا تقول شتسووون
بس قمت انا اطلع لها اقعد معاها اطبخ معاها اسولف معاها حتى لو ماتقبلتني انا اخليها تتقبلني
و شوي شوي تحبني يمكن الحين غلاتي اغلى من بنتها
بتعبين معليه حتى لو سنة سنتين ثلاث اربع و تاخذين اجر حبيبتي و ثقة من زوجج

 

[معي احلى]

بدويه و ايد ..


ايش رايك البنات يشعلين نار .. علشان ترتاحي .. ويبعدين عن المثاليه ..


اولا واخيرا هذا ابنها الوحيد .. والمرة الذي تحب زوجها خاصه اذا زوجها معاها تمام .. تصبر وتعمل اي شيء حرمه وكبيره بالسن و والله العظيم ان صديقة اختي تقول من يوم بدأوا يدوروا لاخوها على عروسه بدأين يغيرين هن وامهم .. مش بايديهن والبيت مليان اخوان مابالك بابنها ووحيدها .. الواحده تجي لها بالمسايسه والملاينه .. تكسب فيها اجر لا ن الدنيا دواره وصاحبة الموضوع عندها ولد والثاني بالطريق .. وبعدين لو كانت امها كذا وهي بنت عندها كانت بتستحملها .. خلاص تستحمل ام زوجها لان ام الزوج بمقام الام ..

 

[دانة_ دبي]

انا حاسة فيج لان المجربة غير
و هذا ضناها الوحيد يعني ما تقدرين تقعدين بروحج

ع الاقل يكون لج غرفة نوم - مطبخ تحضيري- صالة لج بروحج
قفلي باب غرفتج اول شي و ليش هي تدخل الغرفة
و يوم تنقل حجي ل زوجج قولي لها كاش و عطيها ماله داعي تنقل حجي و لو تبغي تقول شي خلى تقولج
و خلي عندج خصووصية لج و لزوجج و يوم تطلعين ماله داعي تودينها المستشفى لا تعودينها


بس صدقيني لو تشتكين لزوجج بتكونين انتي الغلطانة لا تشتكين و اصبري لين ما ربي يفرجها عليج
ولو صبرتي بتوصلين لدرجة الجنون
خلي عندج اسلوب عدل و حلووو و وقفيها عند حدها بطريقة حلوة يعني

 

[زوجة عزيز]

اشلون يسجل البيت باسمها اذا البيت بيت زوجج يعني بيتج انتي وعيالج ومن حقج انه يكون باسم زوجج حتى يكون لج حق فيه انتي وعيالج والصراحه ام ريلج مااحد يتحمل يعيش معاها طلعو بشقه او بيت بروحكم قبل لا تستخفين من عمايلها الله يعينج ههههههه ضحكتيني يوم تقولين تشم ريحة ريلج تقول ريحة دهن بل ليهالدرجه فضوليه ومتحكمه فيكم !!!!

 

[عمرها السعودية]

انا مع بدوية وايد كلامها عين العقل والله لو وحيدها اعنبو بتنكد عليه

ماتبيه مستانس وبعدين روحه المستشفى روحي لحالك وش حادك تغثين

نفسك امك وهي امك مو بكل زيارة معك وهي ام رجلك ان بريتيها طيبن منك

ومن اصلك وان لا منتي مجبورة حدها تغث استغفر الله

 

[حرم_الغلا]

الله يعينج

 

[Um Tuki]

لو مكانج و الله ما اسكت عن حقي وحق عيالي
خير ان شاء الله يسجل البيت كله بأسمها
خايف من الناس مو خايف ربه فيج و في عيالج
قولي انتي زوجته بس عياله لو الله خذ امانته و مات ريلج عيالج وين حقهم
بح
مالهم حق لان الابو مسجل البيت بأسمها
حرام عليه و عليج
ليش تخلين عمرج يروح بمشاكل و عدم استقرار
كل يوم يروح من عمرج ما راح يرد
لي ترس راسج الشيب بتتحسفين
و ليش تسكتين عنها عيوز النار
باقي تختار لج ثيابج بس
شنو اللي شمسويين و ليش متسبحين
من صجج
و الله ماتم دقيقة
و اعلم اهلي يكلمونه هذي امك على العين و الراس بس يوم خذيت بنتنا ما قلت لنا انها بتعيش تحت رحمة امك
و انك مالك كلمة بعد امك
غصبا عليه يبرها بس اللي هي تسويه غط و اللي هو يسويه مو بر لأمه
هذي تتحكم فيه مثل اللعبة

و الله ان العيشة اللي انتي عايشتها ما تتسمى عيشة
استانسي باللي بقالج من عمر
عيشي شبابج حبيبتي

شحادج تصبرين و ما تتكلمين

 

[سنفوره كشخه]

مشكوووووووووووورين ع الردود بس

يابنات تكفوووون

انا مااصرخ عليها وحتى لو هي سووت مشكله وشتمت اهلي واهل اهلي ادش داااري ولا كاني سمعت

صج النار ماتحرق الا رجل واطيها

انا ماااعمري فكرت مجرد فكره اقطعها عن ولدهاااا,, بالعكس اسوي لهم جو بروحهم ,, اذا بتقوله حجي مني مناك اترك الصاله لهم واندعس بداري ,,, بس

ومن ناحيه استقل بيوم بروحي واخصصه لطلعاتي ,, زوووووووجي رغم كل الي شايفه ,, الا انه يقول .. ماااقدر اخليها ولا اقدر اجبرها على شي اقولها بنروح للمكان الفلاني مستشفى مطعم منتزه مقبره اي داهيه ,, اذا قالت ايه يعني ايه
اذا عيت خلاص نروح بروحنا ,,,


يبنااااااااااااات االي فهمته ,,, اكسبها بالهدايااا هذي مقدور عليها انا موظفه,,,

بس بالحجي انا مااعرف اقرقر ,, سوالفي سوالف بنات للحين ماوصلت مستوى عجز ,, يعني مااقدر اونسهاا بشي


بنات والله ثم واللله مااااااااااااااااااااااااااااا اعرف انااااااااااااافق

يعني هي غاثتني ومطينه عيشتي اعاملها بما يرضي الله اسولف باتزان زي دايم يعني لكن اسولف واضحك فوق الزوم مااقدر
عموما مشكورين

 

[سنفوره كشخه]

بالنسبه للبيت ....... حفى للساني ططلع عليه شعر

قلت له يبه انا ماابي منك فلس حمر بس عيالك لو متت باجر وين يدشرون ؟

يرد يقول هذا بر!!

 

[zozo.7ob]

لو اسالتج الخدامة وين رايحة قوليلها انتي شكو و لا تاذينها او غيروها و امه لازم تاخذين معاها موقف يا اما تودوها دار المسنين ويزورها او تدجين عليه وتقوليله انا رايحة بيت اهلي في هذا الموقف راح يسوي اي شيء عشان يبعد امه عنكم بعدين حاولي تقعدينها بغرفة و تسكين عليها بالمفتاح

بصراحة الله يعينك ما ادري شنو اقول

 

[zozo.7ob]

اولا الله يعينج بما ابتلاج اصبري و اخذي فيها اجر
ثانيا تبين تكسبين الريال عن طريق امه واهله لا تقعدين تقولين له امك كذا وسوت كذا اهي كذا
قولي له امك زينة و طيبة و حلوة حتى لو بقلبج ضيم الزمن منها
ثالثا واهو المهم كسبيها مهما سووت اشتري لها هدايا بوسي راسها وايدينها
اذا زوجج بالدوام طلعي معاها اخذيها السوق كسبي فيها اجر
صيري لها بنت ترى تحس بالوحدة و ان في وحدة خذت ضناها اللي مالها غيره
ترى الام معذورة ماعندها لا زوج لا بنت لا اولاد غير كسبي اجر فيها وادعي ربج الله يسخرها لج
انا ام زوجي كانت جذي على ان زوجي اهو الكبير وعندها عيال بس زوجي تحبه اكثر واحد
انا قمت اقعد معاها واطلع معاها واشتري لها هدايا خليتها تحبني غصبا عنها لووول
انا كانت اتيني لوسط غرفة النوم تقعد ما بينا تقول شتسووون
بس قمت انا اطلع لها اقعد معاها اطبخ معاها اسولف معاها حتى لو ماتقبلتني انا اخليها تتقبلني
و شوي شوي تحبني يمكن الحين غلاتي اغلى من بنتها
بتعبين معليه حتى لو سنة سنتين ثلاث اربع و تاخذين اجر حبيبتي و ثقة من زوجج

كلام زينب صح حاولي على قدر المستطاع تكسبين فيها اجر

 

[znooobiii]

وااااي مو طبيعيه امه (( خاااالتي قماشه )) لو انا منج اوكي احترمها واقدرها واحبها واحطها على راسي بس في فاصل بين حياتي وبينها ماتتدخل بخصوصياتي .. وكلمي ريلج باسلوب حلو وشوي شوي وبينيله انه لازم خصوصيتكم ماتتدخل فيها امه لها حياتها ولكم حياتكم قوليله نعيش معاها نطلعها نحبها ونحطها على راسنا بس لازم يكون لنا طلعات بروحنا وخصوصيه محد ييتدخل فيها مثل العالم .. والله يوفقج ويصبرج يااارب

 

[Shinexo]

مب ملزومه تصبرين عليهآ وعلى حركآتهآ وآظن هي مره عوده مب بزر عشآن تعلمينهآ شنو يعني خصوصيه , آنتي شكلج شخصيتج ضعيفه مآتقدرين توقفينها بحدودهآ حبيبتي آذآ مآتمسكتي بخصوصيآتج آنتي وريلج بتركب رآسج لآزم تفهمينهآ هي ويلج شنو يعني زوآج آذآ مآكآنت تبي تخليكم لحآلكم وتغآر جآن خلت ولدهآ عندهآ تشبع منه مب تبلش بنت آلنآس فيهآ مآيسوى عليهآ آلبنت ريلهآ وحيد آمه تقعد تشقى عمرهآ عشآنه , كلمي ريلج وصليله معلومة آن عسى مآشر آمه تنطق بكلمة آنتي مطلقه ؟ بنآت آلنآس لعبه ! حبيبتي مآعليج منهآ لج حقوقج وطبقيهآ برضآهآ ولآ بدونه آنتي حره حيآتج وكيفج تبين تطلعين مع ريلج يقعد معآج كيفج ريلج هي خطبتج له تتحمل كل هآي مب تلزق وتنشب آوكي حلو آلوآحد يطلع مع آمه ومرته وولده بس مب 24 سآعه لآزق ف آمه ومخلي مرته ! آلله يهديهآ حآولي تعرفين هي بشنو تلهى مثل مآقآلت وحده من آلخوآت جربي تآخذون لهآ حيوآن تتعبل فيه شوي , آلله يعيينج

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[سمراء كويتية]

الله يعينج عليهاا قثااااا

 

[Artq8]

الحل عندي روحي المطبخ و جيبي ساطور و ذبحيها لوول مرا كبيرة و ام ريلج و طبعها لقافه شبتسوين غير انج نصبرين و لج الاجر و ممكن مع الايام تطخ عنج او حاولي تطلعين بسكن بروحج عاد الاجارات تاخذ نص الراتب فوق الاربعميه دينار. ذيج الساع بنشوفج تشتكين من بخل ريلج لوول عليج بالدعاء لها بالهدايه و الدعاء لج بالصبر و الثواب

 

[مموريز]

،



يمه يالبنات امه وامه وعامليها وبريها انا ليش ما اشوف هالنماذج بالمجتمع مو بس بيئتي بيئة دوامي اول ورفيجاتي من كل الاصول والاجناس نادرا ما اشوف وحده شايفه الويل من ام زوجها وتتحملها تطنشها اغلب شي يسوونه او تنفصل بحياتها وخصوصيتها غصب هالنماذج الطيبه زياده عن اللزوم موجوده بس بالمنتدى والمشكله مواضيع الحموله وسلبياتهم اهم اول من يحشون هههههه يعني قول بدون فعل الا من رحم ربي

حبيبتي محد يحس بالنار الا واطيها محد بيحس بللي انتي تحسين فيه الي بتدش بتقولج تحمليها هذي امه تقربي منها اكسبيها عطيها هديه هههههه هذي ردودهم حفظتها

انا من ناحيتي لاني حاسه فيج اقولج ابعد عن الشر وغنيله لا شرع ولادين يجبرج على رضاها انا ماقول طولي صوتج عليها لا بالعكس غداكم مع بعض كل يوم لاتغيرين شي وبوسي راسها كل يوم بس استغلي بخصوصيتج وبنفس الوقت لاتقطعين ولدها منها خليه يبرها ويدور رضاها بس لاتتنازلين عن ابسط حقوقج خصوصيه ومشاوير لج ولزوجج بروحكم واهي مايمنع تاخذونها سوق مطعم واذا وديتو ولدكم للالعاب بس مستشفى ومراجعات حمل واهي معاكم عسى ماشر شتبي؟ خصصي لج يوم تطلعين فيه انتي وزوجج بروحكم لاتعودينها انج تجابلينها من الصبح لي الليل لا
بس سؤال البيت الجديد لزوجج ومن تعبه وشقاه؟؟ واذا اي شكو كله باسمها عالاقل جزء منه لان اهو بعد وراه عيال قصر مسؤول عنهم جدام الله والدنيا فانيه والحين انتشر موت الفجأه اهو موضامن عمره شلون تفرطين بحقج وحق عيالج؟

الله يعين على هالنماذج من امهات الزوج اهما الي يخربون حياة عيالهم ويخلون حياة زوجاتهم توتر وغثه وهم وماكو راحه

:rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek:

معاها بكل كلمة قالتها,,,,,,

حطي خط ,,لاتعداه ,,,,,,ولاتعدينه ........

 

[najat88]

الله يعيينج ويصبرج على ما ابتلاج وياجرج
مثلج أعاااااني

 

[om.aboodi]

نفس وضعي تقريبا بس الميزة العجيبه اللي عندج ان اهو يدري عن امه انا لامايدري عن دوابيرها كله انا سيئة الضن

 

[سميتكـ _ غلاي]

الله يهديها