اهوه اللي غلطان ولا انا مكبره الموضوع ؟ ساعدوني !

[زعتوره نار]

رد : اهوه اللي غلطان ولا انا مكبره الموضوع ؟ ساعدوني !

وع وع مااكو اخف ؟؟؟؟؟؟؟؟؟؟؟؟؟ خل يولي زين مقزرها

 

[روحي تحبه غصب]

الغلط راكبه من راسه لريوله

تاكدي من مشاعره اخاف يطلع بصباص ويحب البنات وسوالفهم

وبصراحه شكله مليغ

 

[shak!shoka]

رد : اهوه اللي غلطان ولا انا مكبره الموضوع ؟ ساعدوني !

بقولج جم شغله بصراحه واتمنا ما تزعلين

المفروض ما تغاارين بهالطريقه وتطيرينه لي السما والله الريال اذا غرتي عليه بهالطريقه يخترب ويشوف نفسه ويثقل دمه عليج

هذا اولا


بالنسبه حق اختج
اول شي اشيد بتصرفها وعفيه عليها قالتلج بس في شغله بقولج ياها

المفروض لو قالج سلمي على فلانه قوليله الله يسلمك واهيا تسلم عليك
لا تمنعينه وتقولين له اغار عليج منها حتى لو مو بالكلام من تصرفج بييين اهووو حس ان اختج فيها شي انتي ماتبينه يوصله يعني اثرتي فضوله بالنسبه لاختج
هذا الشي الي سويته وكان غلط

وبالنسبه حق رفيجتكم الي توها متحجبه شكووو قوليلها مبروك وليش تعطينه مجال يسال عنها وانا عرفت من كلامج انج تسولفين عن رفيجاتج جدامه يعني ما دريت فلانه تحجبت ما دريت فلانه سوت


لا تسولفين عن رفيجاتج جدامه ولا حتى امج وخواتج مووو لازم

حتى لو كنتي تتكلمين بالتلفون مع وحده من رفيجاتج وقال شتبي لا تخريييين السالفه بالتفصلين مو لااازم


الله يهديه ويسخره لج

واذا على موقف اليوم حقريه مو تتصلين او ادزين مسج ترا بيقلب السالفه عليج واهو الي يطنقر خليه يحس انه غلط ويعتذر منج

 

[ms.eng]

رد : اهوه اللي غلطان ولا انا مكبره الموضوع ؟ ساعدوني !

يعطيكم العافيه بنات ما قصرتو

واهوه فعلا مثل ما ذكر البعض فيه لقافه وبعد هالموقف عرفت انه خفيف

وطبعا هالشي ابدا ما يعجبني والحمدالله اني للحين عالبر

 

[احلى ـآ وحده]

طبعا الخطأ منه اهو شكو يدز مسج وانتي حلوه وتغار منج شسوالف استغفر الله بس ..

 

[محبوبه25]

رد : اهوه اللي غلطان ولا انا مكبره الموضوع ؟ ساعدوني !

حبيبتي اذا الريال زين قوليله انج ماتحبين هالتصرفات منه

 

[ms.eng]

رد : اهوه اللي غلطان ولا انا مكبره الموضوع ؟ ساعدوني !

شكر خاص حق اختي شك شوكه على النصيحه

والبعكس والله انا ما اسولفله عن احد

بس رفيجتي هذي مثل اختي يعني اهلي كلهم يعرفونها

وعلى طول تيينه البيت واطلع معاها وياد يعني اهوه كان شايفها قبل لا تتحجب

ولما شفته اخر مره قالي منو اللي كانت معاكم قتله هذي فلانه ما عرفتها ؟

قالي تحجبت ؟ قتله اي وقالي قولي لها مبروك وقتلها بس الكلمه اللي بعدها ضايقتني بصراحه

واللي عرفته بعد النقاش معا انه يفسر غيرتي عناد عرفتي

وانا والله لما يقولي سلمي على احد اوصل السلام عادي وما عندي مشكله

بس ما توصل لاكثر من سلام

وانا خلاص نويت اني انفصل عنه

لانه تخيلو على كل اللي صار وهم يبرر .. قلتله انت شنو كانت نيتك من الاتصال باختي ؟

قالي بعد ما سكرتي الخط بويهي ما قدرت ادق عليج عشان اوصلج اللي وصلته حق اختج لانه ادري انه بيوصل

وفعلا اهوه اول ما كلمها قال لها اذا فلانه قاعده تسمع ماكو مشكله لانه الموضوع اللي بكلمج فيه عنها ( عشان ابري ذمتي )

بس بنات اللي يبط الجبد انه ما يعترف بالغلط يضل يكابر ويبرر ولا بعد يطلعني انا الغلطانه

وخل اوضح شغله اهوه اول شي مدح لها فيني وانا ذكرت هالشغله قال اختج اخلاق وسنع وجمال بس فيها صغر عقل !

غيرتي عليه يسميها صغر عقل .. ومع العلم انه يغار اكثر مني

انا مره كنت ابي انرفزه مثل ما ينرفزني بس حتى ما رضى يقولي شسم اخو

نظام حلال علي وحرام على غيري

خل اختصر الموضوع الريال حبوب وكريم ويحبني وشاريني بس فيه انانيه ونظامه حلال علي وحرام على غيري وعنيد ومااا يعترف بالغلط

يمكن تقولون دام تعرفين هالشغلات ليش وافقتي على الخطوبه من البدايه بس ما كان جذي

ولا كانت هالسلبيات فيه .. بس مع الوقت طلع الصج

شتنصحوني هالصفات تسوه انفصل عنه عشانها ولا لا ؟

 

[monmon12]

انا لي راي ثاني انتي الغلطانه
أول شي عمرج صغير وايهو كبير
يعني ايهو الحين مار بتجارب واايد وانتي توج بطلتي عينج عليه
ثاني شي انتي بطلتي عينه على شي ماكان موجود وقاعده تزرعين فكره بمخه ايهو لو يبي اختج جان خطبها مو خطبج
وبعدين ما قلتيلنا اشلون بالضبط عرف رقم اختج منو الي عطاه؟؟
ما تشوفين انج تقولين قعد يخربط باشياء اذا ايهو تفكيره اكبر منج
انا اقولج أخذي بريك قبل لا تتكلمين وياه باي شي وفكري عدل
وترى توج صغيرة والله يوفقج حيبيتي ويكتبلج الخير
ومالج شغل من الي يقولج اييه زين تسوين فيه هذا باجر اذا صار بو عيالج مو من صالحج انج تهزأينه

 

[shak!shoka]

رد : اهوه اللي غلطان ولا انا مكبره الموضوع ؟ ساعدوني !

اختصر الموضوع الريال حبوب وكريم ويحبني وشاريني بس فيه انانيه ونظامه حلال علي وحرام على غيري وعنيد ومااا يعترف بالغلط

<<<< طبعا هذا كلامج

خليني اقولج شي
حبوب وكريم ويحبج وشاريج قولي الحمدالله
وصدقيني الي صار كله عااادي وبسيط

وما يسوا تنفصلين عنه لان حتى لو خطبج غيره نفس الشي بيصير عادي الكل صار معاه جذي والله شي طبيعي

اهو الحين اهم شي عرف انه هالسوالف تضايقج راح يتغير انشالله وكملو حياتكم
باجر تتذكرون وتضحكون صدقيني

عيشي لحظات الزعل بس لا تمصخينها على قولتهم يعني اذا اعتذر بينيله موقفج باسلوب حلو وحطو حدود وارتاحو من اولها

الله يتمم عليكم ويبعد عنكم المشاكل
الله يوفقج يا قلبي

 

[shak!shoka]

رد : اهوه اللي غلطان ولا انا مكبره الموضوع ؟ ساعدوني !

انا مع الاخت monmon12 هذا الي ابي اوصله لج
يا مالج من هالمواقف عالم الزوجيه مليااااااااااااااااان << قلبي مليااان هههههههه عادي

 

[أليين]

الله يعينج عليه بتتعبين معاه وايد لان عينه زايغه اذا مو مرتاحه وايد فكرى وصلى استخارة وشوفى شنو الله بيكتب لج هالنوعيه ماتعجبنى وتوج عالبر يعنى ماصارت ملجه ولا زواج شوفى وفكرى عدل حبيبتى

 

[DốǾốDї]

امممم
عمرج 18 سنه .. و انتي بس خطيبته ما ملجتوو .. يعني اذا انفصلتو ما راح يصير اسمج مطلقه


انا رايي ........ بلاها هالزواجه
واحد يدق على اخت خطيبته يقولها ترى اهيا تغار منج !!!
و يقولها انتي حلوووه


مادري مادري استخيري مو موه عشر مرات .. و انتي للحين عالبر و اهو مبين مو مضبوووط

انا معاها باجر بتتعبيين معاه واااااايد
عيل بيني له انج موووو مهتمه كلش نفس جميل وهناء لوووول

لانه صار موقف لي تقريبا مشابه لج
اني انخطبت من واحد كان ضايف اختي بالفيس بوك واهو من نفس عايلتي ونعرفه من بعيد
تخيلي عقب ما قال حق اختي اختج وايد عاجبتني ابيها زواج وكلمني فتره بسييييطه بس قام يتمااادى بالحجي حسيته مو مضبوط واختي تكلمه بالفيس بس سلام وعقب ما قام يسال عني كلش بس اشوفه يكلم اختي بالفيس واختي كانت تقولي ترا كلمني اليوم وعقب يتلي اختي منصدمممممممه تقولي انه قايلها انا الصراحه هونت مابي اختج ومادري شلون اقولها قالتله نعممممم قولها دام تونا عالبررر واهي مو ميته عليييك اصلا قالها اي اوكي انا بقولها جذي بس انا خلاص ابيج انتي >> يقصد اختي @@ قلتلها سفلي فيييه وخل يذلف ولا تحاااجينه المنااااافق واشوا فلينا مالت عليه

 

[ترف الدوسري]

رد : اهوه اللي غلطان ولا انا مكبره الموضوع ؟ ساعدوني !

قولي اللي بقلبك له صآرحيه >> مبين إنه من النوع اللي يحب يتميلح عند البنآت !



أستخيري مره وثنين وثلاثة قبل لايطيح الفآس بآلرآس والله يسهل أمورك ّ

 

[monmon12]

بنات حرام عليكم تزرعون بمخ البنت هالأفكار من الحين تعلمونها
ترى هذي التصرفات ما تخلي الريال يحبج بالعكس راح ينحاش منج
انا الي اشوفه يا حبيبتي انه مو ايهو الي ما ينفعج انتي الي ما تنفيعنا
لنا ايهو ما دق على اختج من وراج وقاعد يقول خل تسمع انتي تمدحين بأخلاقه اذا وين المشكلة؟؟
شنو تبين بالضبط انتي مشكلتج مو عارفه تتواصلين معاه لنج صغيرة والشي الثاني للأسف في ناس تشجعج انج ما تسمعين شنو يقول
زولا تبين تفهمين الي يقوله وترى اخت شك شووكا صاجه يااامااا راح تشوفين شبتسويين لووول
ومو مثل ما قتلج فكري عدل قبل الكلمة وقبل القرار
ترى صج صج ماكو مشكلة وانتي مكبرتها لا تخسرين الريال على شي مو موجود
يعني انتي حطيتي افتراض وعششتيه والحين قاعده تتفاعلين معاه وماكو شي بين الريال واختج

 

[DốǾốDї]

رد: رد : اهوه اللي غلطان ولا انا مكبره الموضوع ؟ ساعدوني !

شكر خاص حق اختي شك شوكه على النصيحه

والبعكس والله انا ما اسولفله عن احد

بس رفيجتي هذي مثل اختي يعني اهلي كلهم يعرفونها

وعلى طول تيينه البيت واطلع معاها وياد يعني اهوه كان شايفها قبل لا تتحجب

ولما شفته اخر مره قالي منو اللي كانت معاكم قتله هذي فلانه ما عرفتها ؟

قالي تحجبت ؟ قتله اي وقالي قولي لها مبروك وقتلها بس الكلمه اللي بعدها ضايقتني بصراحه

واللي عرفته بعد النقاش معا انه يفسر غيرتي عناد عرفتي

وانا والله لما يقولي سلمي على احد اوصل السلام عادي وما عندي مشكله

بس ما توصل لاكثر من سلام

وانا خلاص نويت اني انفصل عنه

لانه تخيلو على كل اللي صار وهم يبرر .. قلتله انت شنو كانت نيتك من الاتصال باختي ؟

قالي بعد ما سكرتي الخط بويهي ما قدرت ادق عليج عشان اوصلج اللي وصلته حق اختج لانه ادري انه بيوصل

وفعلا اهوه اول ما كلمها قال لها اذا فلانه قاعده تسمع ماكو مشكله لانه الموضوع اللي بكلمج فيه عنها ( عشان ابري ذمتي )

بس بنات اللي يبط الجبد انه ما يعترف بالغلط يضل يكابر ويبرر ولا بعد يطلعني انا الغلطانه

وخل اوضح شغله اهوه اول شي مدح لها فيني وانا ذكرت هالشغله قال اختج اخلاق وسنع وجمال بس فيها صغر عقل !

غيرتي عليه يسميها صغر عقل .. ومع العلم انه يغار اكثر مني

انا مره كنت ابي انرفزه مثل ما ينرفزني بس حتى ما رضى يقولي شسم اخو

نظام حلال علي وحرام على غيري

خل اختصر الموضوع الريال حبوب وكريم ويحبني وشاريني بس فيه انانيه ونظامه حلال علي وحرام على غيري وعنيد ومااا يعترف بالغلط

يمكن تقولون دام تعرفين هالشغلات ليش وافقتي على الخطوبه من البدايه بس ما كان جذي

ولا كانت هالسلبيات فيه .. بس مع الوقت طلع الصج

شتنصحوني هالصفات تسوه انفصل عنه عشانها ولا لا ؟

حبيبتي انتي اول شي توج صغيييره واهو احسه كبيير عليج يعني الافكااااار
والسوالف مو بعمرر بعض ومو متقاربين فهمتي علي
يعني وراااج عمررر و وراج جاااامعه يعني لا تتعلقين فييه اهو اذا من الحين طلعت سلبياته هذي عقب لي صرتو فبيت واحد
راااااح تطلع سلبياات وااااااااااااااااااااايد وااايد وبتتعبييييين حييييل معااااه وشبتسويين حزتها بتندمييين وبتتحسفيييين على شبابج وعمرج الي ضيعتيه وياااه
و اهم شي انج تستخرييين وااايد اذا ما حسيتي براااحه نصييحه لا تاخذينه

 

[ms.eng]

رد : اهوه اللي غلطان ولا انا مكبره الموضوع ؟ ساعدوني !

اللي سأل عن عمر اختي فـاهيا اكبر مني بسنه

----------

monmon12

اول شي مشكوره على ردج اختي واهتمامج بموضوعي

صح في فرق بالعمر بس شللي يخلي واحد بعمره ياخذ وحده بعمري الا اذا شايف عقلي كبير وفاهمه و وعايه ؟

بس يشوف غيرتي صغر عقل ;/

انتي قاعده تقولين اهوه كبير وفاهم بس على التصرفات اللي قلتها فاده عمره والتجارب اللي مر فيها ؟

ولما قلتي الريال ما يحب هالسوالف .. والله يدخل نفسه بمواضيع مالها اي داعي .. يعني قلنا مبروك حق البنيه تحجبت

مابي اقول لها الحجاب احلا عليها اغار لما اسمع منه كلام جذي حق غيري انا اوله فيه .. تتوقعين لما قتله جذي شقالي ؟

قالي انا كنت بقول لها جذي عشان اشجعها على الحجاب وانتي قاعده تعاندين .. مع العلم انه غيرته اكثرررر مني

يعني المفروض يحط نفسه مكاني

والله لو بعد ما ناقشته بالموضوع اعتذر او حس بغلطته ممكن اعدي السالفه

بس لا يبرر ويكابر وطلعني انا غلطانه وبس يبي يطوف الموضوع .. لو كنت انا غلطانه جان ضل يتكلم فيه لي باجر

ورقم اختي يابه لانه انا اخر مره شفته تلفوني ما كان فيه رصيد عشان ادق على اختي فــ دقيت من تلفونه عليها

 

[monmon12]

حبيبتي والله انا انصحج مثل اختي
انا ماقولج لا تغارين بس ه1ي الغيرة من النوع الي يهدم راح تبدي باختج وراح تنتهي بانه كل كلمه يوقلها او يسويها راح تفسرينها الف تفسير انا اقولج ايها م اختج سواء الله قسملج تاخذينه او غيره لا تكبرين الموضوع واايد وتعطينه فوق حجمه
واقولج شي ما تزعلين الشباب يدورون أعماركم لانه يدرون انكم صغار ومو شايفين الدنيا أخذها ورابها وايهي صغيرة والدليل حبيبتي انه بروحج قلتي اشلون كان نقشاج معاه

نصيحتي لج قعدي معاه كلمييه فهميه وخليه ايهو يفهمج لما يتكلم وأذا حسيتي انه يخربط قوليله لحظه ماني فاهمه اخذني على عقلي شنو تقول
اذا مافاد طز العمر قبالج وانشالله ايهو مو اخر واحد

 

[ms.eng]

رد : اهوه اللي غلطان ولا انا مكبره الموضوع ؟ ساعدوني !

هذا اللي بصير انشالله ويعطيج العافيه حبيبي ما قصرتي ولا هانو باجي البنات

 

[صغيرة على الحب]

طبعة مو شي

طالما انتي عالبر درسيه عدل و فكري قبل لا تملجين عليه

 

[أم منيـرة]

شلون تطلعين معآه وانتوآ بفترة خطوبة بروحكم :/ ؟!
يعني مو محرم لج ،، !

هذا الي كنت بقـوله ...