اهم الشغلات إلي تجهزينها حق البيبي والمستشفى خل نستفيد

[ألوي الكويت]

أنا للحين ماحددت أسوي استقبال ولا لأ

أول شي انشا الله أولد بالسلامه وبعدين أقرر

 

[LUXURY]

بنات حواء2
تدرين هذا رايي من قبل لا اتزوج؟؟ كل من مستغرب حتى حمولتي يقولولي مو بخاطرج؟ هذا بجرج
اقولهم لا مابي اصلن انا تعبانه ومالي خلق الاوادم داشين طالعين
والله ماشفت وحده سوت استقبال بالمستشفى ورحتلها الا وتعبت
تصدقين حتى روحة الحمام عزج الله عليها بالحسره مسكينه
عاد شالله حادني القراب اذا يو امون عليهم اذا تعبانه والا بنسدح والا بادش الحمام والا مو لابسه
البعاد بايون بلاغة شف يشوفون اشحاطه واشلابسه وشمسويه
وصراحه اقصاها يومين ريلي بياخذ فيهم اجازه عشان يجابلني ويجابل البيبي مابي اقوله روح بايوني اوادم
حتى بالبيت انا قايله بس اقرب المقربين ايون الباجي ينطرون الاستقبال عقب الاربعين ومحد اييني الضحى باكون تعبانه مع البيبي وبنام اللي بايي حياه الله من المغرب
واحنا ببيتنا متعودين على ايام يدتي على الداش والطالع ومو من نوع اللي نكلف يعني جاينا وقهوتنا وحليبتنا موجودين والمعجنات بالفريزر بس تقلى والحلو ما يخترب بيوم واحد
غير ان خدامتنا متعوده من نفسها تسوي كيك كل ماشافت ان ماكو يعني روتيننا عادي مافيها كلافه
واستقبال طلعتي من الاربعين ان شاء الله عوووود وباكشخ ببدلة سهره وتسريحه ومكياج وبوفيه وتكلفتة وااااااايد اقل من المستشفى
لان لو بتحسبون جم باقط على الحلو والبوفيه والخدمه
زيدو عليه سعر التوزيعات وتكلفة المستشفى اللي انتوا بتقطونها
علشان جذي استقبالي يصير اقل



بردانه
حتى انا ناويه ان شاء الله اسافر مع ريلي بالصيف وين ودج تروحين؟؟
احنا من الحين نفكر ههههههه


سويتا
اي قلت حق امي غسليييييييهم بازهب جنطتي
جان تحذفني بقوطي الكلينكس
تقولي انتي على شنو مستعيله باجر بتولدين؟؟؟
اقولها اي باجر باولد بالله ياني طلق فجاه تلبسين بنتي هدوم مو مغسوله؟
وام عزيز شكلها صججججج ولدت يالله يا رب تهون عليها وتقومها بالسلامه
انا باروح رويال حياة باقولهم خلال هاليومين ما يتكم وحده ولدت بنت وعندها بنت وولد من قبل ونكها بالانترنت ام عزيز؟؟؟ هههههههه
علشان نسويلها هجوم ونباركلها


الوى
على توقيعج
انتي وصلتي مرحله ماتقدرين تفكرين الاستقبال يبيله تجهيز وتزهبين ميزانيتج حق الغرفه بالمستشفى
وعلى قولتج المهم تقومين بالسلامه والمظاهر اخر شئ


نفيشه حياج
ماقلتيلنا رايج بالاستقبال (صرنا اليوم على نقاشنا مراسلين الجزيره ههههه)
وشنو بتحطين بجنطتج خليننا نستفيد


انا يا بنااااات اما قالتلي قميصين للاوادم في حال احد ياني
وبجامتين للنوم
والبيبي اقل شئ 4 اطقم (بجامه مع مهادها وقبعتها وفنيله)
والمميات لو وحده حق الماي
وكفر البيبي
وفي شئ ينحط تحت البيبي مادري شيسمونه مو جيس البيبي اهو قطعه وحده مستطيله تحطينه تحت البيبي علشان السرير مايعوره
وطبعا الداخلي والفوط الصحيه وما الى ذلك

 

[ألوي الكويت]

الوى
على توقيعج
انتي وصلتي مرحله ماتقدرين تفكرين الاستقبال يبيله تجهيز وتزهبين ميزانيتج حق الغرفه بالمستشفى
وعلى قولتج المهم تقومين بالسلامه والمظاهر اخر شئ

انا عندي الاستقبال موشي اساسي وأمي من النوع اللي تحب الداش والطالع عليها

وبالنسبه حق الاستقبال الكاكاو موجود وحلو القهوه والمواعين والأغراض الأخري متوفره سواء بسوي استقبال ولا لأ


ومثل ما قلت اللي أفكر فيه اني أقوم بالسلامه أنا والبيبني أهم شي

 

[LUXURY]

الوى زين تسوين
امي نفس امج

 

[SweeTa_4ever]

لووكسيا

اي قلت حق امي غسليييييييهم بازهب جنطتي
جان تحذفني بقوطي الكلينكس
تقولي انتي على شنو مستعيله باجر بتولدين؟؟؟
اقولها اي باجر باولد بالله ياني طلق فجاه تلبسين بنتي هدوم مو مغسوله؟
وام عزيز شكلها صججججج ولدت يالله يا رب تهون عليها وتقومها بالسلامه
انا باروح رويال حياة باقولهم خلال هاليومين ما يتكم وحده ولدت بنت وعندها بنت وولد من قبل ونكها بالانترنت ام عزيز؟؟؟ هههههههه
علشان نسويلها هجوم ونباركلها

ههههههههههههههههههههههههههزين ماعورتج بس صح غسليهم من الحين سبحان الله ماتدرين متى بتولدين
الله يهون عليها وقومها بالسلامه

بنات بسألكم شنو احسن نوع للفوط الصحيه بالنفاس ؟؟

 

[LUXURY]

في نوع اسمه بيبي سوفت اختي كانت تستخدمه
وما سمعت عن غسره زين فاعتقد هذا اللي باستخدمه

 

[SweeTa_4ever]

لوكسياا

اي صح كلامج سألت امي وقالتلي اكيد بيبي سوفت هذا احسن شي تقول حتى انا بولاداتي كنت استخدمه وقالت بالجمعيااات انشالله راح اشتري هالنوع وييج طويل وعريض خاصتا اول النفاس اييج نزيييف الله يستر

 

[أم عزيـز]

مسااااااااااااااااء الخير

للي سألوا عني لين الحين انا صامده ما ولدت لووووووووول
الله يسمع منكم واولد طايحتله شرب بهالحلبه والاناناس ولين الحين الوضع كما هو عليه
واليوم رحت البر قلت بمشي هناك والا الجو يقلب هوى وغبار لووووووووووووووووول
وطبعا ما شبكت لأن كان في عندنا مشكله بالدي اس ال واليوم تصلحت وقدرت اشبك

على فكره امس استلمت الكاكاو الحمدالله كان وايد روعه ومثل اللي في بالي واحلى بعد


الله يسمع منكم واولد وارتاح
بس امي شكلها ما تبيني اولد الحين ودها اولد بعد العطله عشان ما اخرب عليها طلعة البر لوووول
وشكله امنيتها بتتحقق وبطول كالعاده

 

[بنات حواء2]

حبيبتي SweeTa_4ever كلامج بنسبه حق الاستقبال كله صح و في مكانه على الاقل تغلين شي زين بنفس الوقت و جذي تقل التكاليف
و انا مثلج بس الحين ما اتوقع راح اسوي جذي حق البيبي الثاني

 

[بنات حواء2]

هلا و الله حبيبتي Na77olah
انا برايي بدام اهلج متعودين على الاستقبالات شي ضروري تسوين
انا اهلي مو متعودين بس اهل ريلي يسوون عماتي يسوون بس اهل امي ما يسوون عندهم كله واحد

و بيني و بينج ترى كل شي ناعم يصير حلو و روعه

 

[بنات حواء2]

هلا و الله حبيبتي ألوي الكويت وينج شنو هلغيبه عسى ما شر
ليش انتي ما تبين تسوين بالمستشفى انا برايي بالممستشفى اونس

 

[بنات حواء2]

و الله العطيم حبيبتي Luxury كلام صحيح و انا كان ودي اسوي في البيت بعد الاربعين على الاقل تكشخ و احط مكياج و احلى بوفيه و احلى التوزيعات بس احنه اهالنا ما يصبرون ييون بالبيت اذا ما يو المستشفى جذي و لا جذي ماراح ينطرون لي عقب الاربعين معنه الصح و الاريح و الاحسن عقب الاربعين

 

[بنات حواء2]

هلا و الله حبيبتي أم عزيـز انا قلت ولدتي و فتكيتي يله انشاله عن قريب انا حاسه باجر عقب باجر انتي والده و مفتكه



اشوى الككاو خلص

 

[أم عزيـز]

على طاري استقبالات المستشفى احس تعب على الوالده
يعني توها والدة وطالعه من طلق وخياط اكيد مالها خلق تجابل الناس
وحتى شكلها تعبان ومهدود حيلها
واللي بينها سواء رفيجاتها او اهلها ماراح ياخذون راحتهم وياها والسبه ناس داشه وطالعه
ونفس الشي راح تقيدين الناس في يومين يعني تقولين لهم انا اليوم الفلاني والفلاني راح يكون استقبالي في المستشفى
يمكن ما يمديهم يشترون هديه ؟ انا صارت معاي للي يسون استقبال بالمستشفى ما يمديني اشتري هديه واروح لهم
احس الوقت ضيج واحاتي يكون عندها زحمه ولويه واهلها وزوجها

عشان جذي احب استقبال البيت على الاقل تكون مرتعه وماخذه راحتها وكاشخه وتكون مبلغتهم قبلها بجم يوم يعني مو حده حده

وانا سويت استقبال في البيت بس في بجري
في ولدي ما سويت استقبال قلت حق اهلي ورفيجاتي اللي بيني حياه الله بالبيت بس بعد اسبوعين من ولادتي عشان اكون مرتاحه شوي

والحين ما ادري ودي اسوي نفس جمعه مو استقبال لا مثل جمعه اعزم فيها صديقاتي الخاصين ورفيجاتي بالدوام بيوم واحد عشان ارتاح ، اما اهلي طبعا فمو أغراب اي وقت يبون اييون حياهم الله ماراح استحي منهم ولا راح اتكلف لأنهم بالنهايه أهلي وأمون عليهم

 

[أم عزيـز]

هلا و الله حبيبتي أم عزيـز انا قلت ولدتي و فتكيتي يله انشاله عن قريب انا حاسه باجر عقب باجر انتي والده و مفتكه



اشوى الككاو خلص

لووووووووووووووووول الله يسمع منج يا قلبي
ويهون علينا اجمعين ويرزقنا بسهوله الولاده

عاد عندي مراجعه يوم السبت بس ما قالت لي الدكتوره اذا تبي تسوي فحص مره ثانيه او سونار !!
مع اني ودي اقولها لا تتعبين نفسج وتفحصين خليها على الله لووووول
ما ابي اتحبط صراحه ان شاء الله ربي يفرجها واييني الطلق من ربي ولا هالطلق الصناعي

اما الكاكاو الحمدالله مثل ما قلت لج خلص واستلمته وحتى جزاها الله خير زادتني جم حبه زياده
وصورته وان شاء الله عن قريب احطه لكم بالموضوع علشان آخذ رايكم فيه

 

[أحبج يالكويت]

السلام عليكم

شلونكم .... انا عضوه جديده عليكم بس كنت متابعه للمواضيع وتوني الحين تنشطت العضويه وقلت
لازم اشكر حواء على هذا الموضوع الاني بصراحه اليوم راده من سنتربوينت وشريت كل المعروض بالصور
طبعاا الخصومات الحين واااااااااااايد حلووه

 

[ألوي الكويت]

هلا و الله حبيبتي ألوي الكويت وينج شنو هلغيبه عسى ما شر
ليش انتي ما تبين تسوين بالمستشفى انا برايي بالممستشفى اونس

هلا فيك حبيبتي

ما كو الا العافيه

انا اتابعكم بس ماارد

خلصتي الكاكاو؟؟؟؟؟؟؟؟؟؟؟

انا رحت المصنع اللي قالتلنا عنه استبرق بس:krkrkr: حسافه كان مسكر لأن هو يفتح من الاثنين لما الخميس

 

[نفيشه]

قوة بنات
توني حطيت لي ورقة وقلم بمناسبة قرب دخولي الشهر الثامن وقلت خل اكتب شنو بودي حق المستشفى:


اول شي الاغراض:
طقم الكفر
مواعين حلو القهوة
مفارش الطاولات والكلينكس
ستاند الككاو
اطقم التقديم(استكانات-فناجين-قلاصات)
وودي اودي الاوتي البخار اخاف كفري يحتاج تضبيط او قمصاني شرايكم؟؟


اغراضي:
قميصين للاستقبال
بجامتين مريحين
سليبر
تكرمون نعال حمام
كوتيكي وقطن للصدر
اندرويرات اللي استخدام واحد وينقط
ستيانات الراضاعه 2
كلنكس رطب
شباصات ومشط وكحل(ما استغنى )
كريم الصدر للرضاعة
فوطة
شاحن الموبايل


البيبي:
كيس البيبي 2
مهادات 3
صداري
بلسوتات
كبابيس
لحاف او كفر
فوط صغار
مصاصات
ممية الماي


شرايكم؟؟

 

[nazek_q8]

نفيشة
اغراضج كامله
بس سؤال ؟؟

انتي بتسوين استقبال بالمستشفى؟؟

اشوف ماخذه الستاند والصحون والمواعيييين والمفارش؟؟

 

[SweeTa_4ever]

ام عزيز

كل تأخيره فيها خيره ميخالف كل شي بأجره نطرتي 9 اشهر نطري هالاسابيع الله يهون عليج قلبي

بنات حواء

اي انا بعد اقول مستشفى احسن انا شبسوي بنسدح بالسرير امي واخواتي الله يعطيهم العافيه يوجبون ووزعون وكل شي وانا قايله بعد بسوي استقبال بعد الاربعين بلبس نفنوف سهره ومكياج وبوفي وشي سنع

احبج ياكويت

حياج الله حبيبتي عرفينه عن نفسج انتي ابأي شهر