اهم الشغلات إلي تجهزينها حق البيبي والمستشفى خل نستفيد

[SweeTa_4ever]

فروحه

انا متابعة
سويتا انت باي شهر ؟؟


انا توني دشيت الثامن


لوكسيا

لا سويتا عاااااااااادي الولاده عوار من عالم اخر يختي
ههههههههههه
للحين ماشفنا شئ

اي والله وانتي صاجه ادري عوار يذبح بس اخاف هذي تجاديم الولاده


بنات حواء
هلا و الله حبيبتي SweeTa_4ever الله يعينج و انتي الصاجه صج المشي من الثامن يبدي يعور الضهر
انا و الله انام على ضهري و اقوم من النوم احس بعوار قوي جني مكسره صخر

اي والله قمت ما اقدر امشي وايد بسرعه اتعب شلون تنامين على ضهرج انا ما اقدر احس جني منقمته شي يضغط على معدتي اضايق

 

[LUXURY]

سويتا
لا تحاتيت الولاده تييلج فجاه رفيجتي بدون عوار فجاه نزل الماي وعلى ماراحت والا الرحم مفتوح 4اصابع عادي
كل وحده وحظها


بنات
الهدوم تغسلونهم قبل لا تستخدمونهم؟
لان احس فيهم ريحة الشي اليديد فهمتوني؟؟ احس لازم اغسلهم اول !!!
واي يبيلي شفاطة حليب واغراضي واغراض البيبي الشخصيه
على يوم اروح الجمعيه اييبهم
مابي افكر ان ناقصني شئ بعدين اصدع
ما يتلكم حالة اللي كله تبون تنامون؟؟ انا بس ابي انام ومن يقول ريلي بيتاخر واالا عنده شغل جسمي اوتوماتيكيا يخمل واحس ابي انام والسرير مغري والبرد يدوووووخ

 

[بنات حواء2]

هلا و الله حبيبتي SweeTa_4ever حتى انا احس بشي يخنقني لمنم انام على ضهري بس شسوي ابي اريح ضهري ييني عوار مو طبيعي بضهري انا طول حمالي عوار بضهري من اول شهر ليلحين و عوار مو طبيعي بضهري
اصلن انا عرفت اني حامل من عوار ضهري تخيلي

 

[بنات حواء2]

هلا و الله حبيبتي Luxury اشلونج انشاله بخير
بنسبه حق الخدار و النوم حتى انا كله ابي انام بس و الله عوار الضهر ذابحني عشان جذي كله ابي انسدح على ضهري و احس بخنقه بعض المرات و دوخه و لوعت جبد و احس راسي يفتر فره قويه

و بنسبه حق ملابس البيبي لازم تغسلينهم ترى مو زين تلبسينه جذي مو نضاف انضف انا ملابس البيبي كلهم غسلتهم و ضربتهم اوتي و حطيتهم بالكبت و اغراض المستشفى بالجنطه
و بنسبه حق الشفاطه مالت الحليب اخذي بي جون الكهربائيه ممتازه و اكثر من ممتازه
و الله انا ليلحين ما خذيت اغراض الجمعيه و الله اتكيسل
ناقصني نفانيف نفاس و بجامات قلت بروح اشتري بس ما رحت انشاء الله باجر بروح

 

[LUXURY]

بنات حواء2
مادري متى بيروح عننا الكسل ونتلحلح ونخلص شغلنا
من وين بيجون؟


بنات
شوفوا موضوعي وردوا عليه بليييييز
http://www.q8yat.net/showthread.php?t=127564

 

[LUXURY]

بنات وين ام عزيز؟؟
ان شاء الله ولدت وافتكت يا رب وان شاء الله تكون ولادتها بيسر وسهاله وسلامه
قولوا آمين

الا استبرق وينها؟؟؟ لهت مع بنيتها الله يحفظها ليتها تدخل تطمننا عليها

 

[nazek_q8]

بنات اللي بيسوون استقبال بالمستشفى شلون وشنو اتيبون يعني جاي وموالح وحلو وقهوه وعصاير؟؟؟؟

 

[LUXURY]

بردانه
استقبال المستشفى يكلف
انتي ناويه تسوين؟
لان توقعي الناص صاروا يحبون المظاهر والتحدي خصوصا بهالشئ يعني اللي بايون لج رايحين حق استقبالات وايد وبيقارنون بينج وبين غيرج
يبيلج كفر حلو ومعاه تطقمين المفارش وتلبيسة علب الكلنكس ولون الاستكانات ومواعين الحلو والاكسسوارات مالت الديكور
ونفس اللون يكون لبس اللي بتييبينهم حق الخدمه
ويبيلج حلو قهوه وايد يعني عالاقل 3 او 4 اصناف ومن كل صنف شوفي جم كيلو
وغير التوزيعات
والخدمه يفرون بالجاي عاد اللي يحط شاي وشاي اخضر ولومي او اي شئ
وفي الحين فنتق عشتو يحطون قطعة المعجنات صغيره ملونين ايون بس مادري من اي محل بصحن الاستكانه
وقبل لا يطلعون الاوادم ياكلون حلو ووحده عند الباب تصبلهم قهوه وياخذون من توزيعاتج ويمشون
وانتي وتفننج بديكورات الغرفه
ويبيلج غرفه عوده تكفي الاوادم

اذا بتسوين الله يعيييييينج وقلبي معاج
تعب جسمي ونفسي بدرجه كبيره ومادي

 

[LUXURY]

بنات خل اقولكم امس اشخبصصصصصصصت ههههه

امس كنت باسوي الخلطه الصابونيه
والا وايد اشياء مو عندي
بس الحل عندي وانا بو هندي هههههه
خربطت الوصفه فووووووق حدر بس والله استخدمتها وطلعت شئئئئ

اقولكم الطريقه:
تبشرون صابونة غار+صابونة بابايا+صابونة كركم
تييبون جدر تحطون فيه نص كوب ماي زهر وكوبين ماي عادي وشويه ميريميه وليمونه مقصصه 4 قطع تخلون الماي يفووووح لين يتشبع باللي فيه
بعدين تشخلون وتخلونه بالجدر وتحطون عليه قفشتين كبار كركم والصابون لين يذوب وزيدوه زيت جلسرين ولما تطفون النار زيدوه بعد نص قلاص ماي ورد
وخلطوها عدل
والله امس كانت تتلغمط اليوم من البرررررد اشوفها جمدت شوي
انا حطيت منها على الليفه المغربيه وطحتله تفريييييييك
وغسلتها وفركت بسنفرة ملح الحليب
كل وحده منهم قعدت فيها 5 دقايق
اخر شئ الشاور جل
والله يا بنات انصدمممممت من النعومه وكمية السمار اللي راحت
انا الحوض عندي صار اسوووووود خصوصا حزوز الملابس الداخليه والله ان خفففف بشكل ملحوظ
وعلى جسمي حطيت كريم فيتامين سي بس بليل ريلي قالي ريحتج ميريميه وكريمج مخمر جنه ياهل مستفرغ عليج هههههههه فشله
قلتله شسوي متلطختلك بعد ماتبيني ارجع بيضه (صج الرياييل ماينعطون ويه)




صراحه بنات حايشتني ضيقة خللللق
انا ودي احيك كنت قبل العيد وقبل لا يهب الشتا عدل بسوي بضاعه وشريت خيوط باحيك بس مادري اشفيني ذبلت وخملت والا شغلي حلو
بس والله الحين طاق بمزاجي احيك
قلت بسوي شالات خفيفه ربيعيه وجناط واكسسوارات اشرايكم؟؟
انزين اشرايكم اشتغل الحين واوريكم الصور وانتوا قولولي اكمل والا لا؟؟ واذا يسوى ابيع والا اقعد اخلص خيوطي على عمري
ودي احد يشجعني
ريلي اول شئ شجعني بعدين قالي محد يشتري من يبي وانا اشوف وايد بنات بالكليه يشترون بالهبل شغلات حياكه وغاليه ولاني اعرف احيك ادري الخيط خرطي والشغل ما يكلف والغرز مو نظيفه وانا حظظي يكسر الصخر

جني طولت بالقرقه ومصختها ههههههه

 

[nazek_q8]

Luxury

اختي تحن علي سوي سوي هذا بجرج وانا ماودي لان ماعرف شي يا اسوي شي عدل والا بلاش

وصج خبة ولويه ولا بياكلون ويتظنزون ويطلعون ماي بعينهم ..

خل اوفر حق سفرة سنعه بعد الاربعين على الاقل اغير جو واستانس

 

[بنات حواء2]

Luxury بيجون تلقينها بجمعيات موجوده

 

[بنات حواء2]

حبيبتي bardana بنسبه حق استقبال المستشفى في ناس عندهم خبه يسوون بوفيه و الصراحه المره توه والده و اهلها معاها منو فاضي حق البوفيه و الناس اذواق سبحان الله
و في ناس مثل الي انا بسويه جاي و معجنات و عصير و حلو و قهوه مثل ما قلتي بالضبط بس طبعن تحط المعجنات و الحلو بصواني حلوه و كشخه

 

[بنات حواء2]

حبيبتي Luxury ردج على الاستقبال كله صحيح و في مكانه
بس انا بسوي استقبال بالمستشفى عشان اخف من الناس في الايام العشر الاولى على الاقل ييوني بعد العشره احسن
لأنه احنا اهلنا ييون بالمستشفى و زام ثاني بالبيت

 

[nazek_q8]

انا اللي مخليني متردده ما اسوي بالمستشفى ان اهلنا راح يردون اييون البيت يعني اللي بيي المستشفى راح ايي البيت فليش اتعب نفسي اسوي استقبال مرتيين ..

خلاص اخليه بالبيت..
بس شرايكم اخلي بالمستشفى قهوه وحلو وعصير؟؟

 

[بنات حواء2]

حبيبتي bardana انا لأني بجر بسوي استقبال بالمستشفى و بعدين اذا يوني بالمستشفى على الاقل ما يوني اول 10 ايام في البيت على الاقل يطيح اخياطي و بعدها حياهم الله بس اول عشر ايام توني ابي ارضع و توني مو متعوده على الاقل اكون خففت منهم في المستشفى و الباجي بعد العشره الاولى


بنسبه حق الي قلتي اوكي خلي جاي و قهوه و حلو و معجنات

 

[SweeTa_4ever]

قوه بنات شلونكم
على موضوع استقبال بالمستشفى انا راح اسوي استقبالي بالمستشفى لعدد اسباب اول شي لاني بجر ولازم على قل حق البيبي الاول جدام الناس وستقبالي مثل ماقالت بنات حواء عصير ومعجنات وحلووو وتوزيعات طبعا بشياء راقيه ومواعين تقديييم حلوووه والحلوو باخذه من مكان حلوو وبعد جم زيينه بالطاولات وكلينكس وشراشف نفس اللون وانتوو بكرامه زبالات ملبسين حلوين طبعا لازم اذا بسوين استقبال يكون بغرفه عووده انا بسوي بهالهادي اكبر جناح لانه الي بتخسرينه بالمستشفلى راح اتخسرينه بالبيت وبتحطين نفس الشي مو اقل واحسلج تفتكين الناس اييون على يومين بهنوون وروحون ماراح يطولون لانه اذا بسوينا بالبيت راح كل عايله بتييج بيووم وكل يوم راح تشتطييين انتي راح تتعبين اصلن واذا سويتي بالمستشفى خلاص ترتاحين بالبيت لانه وقتها ماراح يكون لج خلق احد وبتقعدين اجابلين روحج

اتمنى اني وصلتلكم المعلومه صح وطبعا هالشطه بس عشان اول بيبي وابي افرح في

 

[SweeTa_4ever]

لوكسياا

بنسبه لهدوم الياهل لاااااااااااااااااااازم اتغسلينهم انتي ماتدرين من وين يايييين ومعروف جسم البيبي حسااااس حيييل وبسرعه يقضب البكتيريا حبيبتي لازم اتغسلينهم اتحطينهم بطشت نضيييف مو مستخدم كلش واتنقعينهم وبعدين اتغسلينهم بصابون البيبي المخصص يبييعونه بالجمعيات لاتغسلينهم بالغساله ماله داعي

 

[SweeTa_4ever]

تعالو وين ام عزيز اتمنى انها اولدت وفتكت الله يهون علييها اتبشرنا بولادتها

 

[Na77olah]

شلونكم حوامل شخباركم
انا هذا ثاني ولاده لي بس لازم اسوي استقبال لأنه اهلي من النوع الي الكل يسوي استقبال بالمستشفى والكل ايي الأستقبال وما يردون ايوون البيت مره ثانيه الا المقربين حيل
انا افضل الأستقبال بالمستشفى اريح ونفتك من اللويه بالنفاس كل يوم ناس يايه ورايحه ومخاسير ازياده كل يوم لازم اتحطين حلو ومعجنات انا وحده ابي اجابل عمري عدل بالأربعين عشان اطلع حق ريلي عروس
وبعدين موشرط المبالغه باللأستقبال في ناس اتسوي كل شي اوفر وفي ناس اتسوي شي حلو وبسيط وراقي بنفس الوقت انا ماني مسويه بوفيه بس جاي وقهوه وحلو ومعجنات والي بتسوينه بالمستشفى نفسه لازم اتسوينه بالبيت مثل الكفر والتوزيعات الكاكاو وغيره وانا من رايي انه حلو الواحد يسوي حق كل مناسبه ومايطوفها لأنه مو كل بوم بتولدين انا وحده ما احب اكثر ياهال واذا بفكر انه اوفر الفلوس حق سفره انا من رايي انه السفر ملحوق عليه
وطبعا كل واحده عارفه ظروفها وعارفه طريقة اهلها يسوى اتسوي ولا لأ

 

[نفيشه]

متابعة