اهم الشغلات إلي تجهزينها حق البيبي والمستشفى خل نستفيد

[love love]

شلونكم؟؟


واشلون الامتحانات معاكم؟


انا الحمدالله خلصت وتخرجت وافتكيييت



بنات حواء وين الصور سمعت بتنزلين صور توزيعاتج

 

[أم عزيـز]

LUXURY

شوفي امس لقيت بدلات روعه مالت مواليد عند مذركير وعليها خصم وايد حلو
وعندج بعد ماماز أند باباز اللي في الأفنيوز فوق جبال فافافوم عنده سوالف وفناتك حق البيبيات تشوق
بس ما ادري اذا مسوي خصم عليهم او لأ ونفس الشي آدمز عنده فناتق روعه وعندج نكست شغلاته حلوه وايد

بس لأن البيبي ما يطلع أول أيام مو مال تخبين نفسج في بدلات وايد احسن شي للبيبي واريح له قطعه وحده يعني مثل المخمل الكامل مع كبوسه

وعلى التلطخ أنا شاريه من سنتر بوينت كريم مال تشققات البطن اسمه افالون وقاعده استخدمه من جم شهر عشان ما يطلع تشققات بعد الولاده عاد ما يندره لما اولد يبين اذا صج ياب مفعول والا بس حجي

بس احسن شي دهني جسمج في زيت زيتون وصدرج بعد وحتى الفازلين زين وايد تدهنين فيه الصدر وخاصه الحلمات عشان ما يتشققون

اما على البلاوي والبقع اللي طلعت في أجسامنا حدث ولا حرج
انا رقبتي صبغت وركبي وأكواعي بعد لونهم غمج كثر ما ادهن فيهم وافرك ما يروح
بس اللي اعرفه ان هذا كله يروح بعد الولاده يعني تعبج الحين ماراح اييب نتيجه كله اول ما تولدين راح يخف بالتدريج ويختفي لأنه تغير صبغات في الهرمونات الله يعينا

وشيله المنطقه الحساسه مأسااااااااااااااااااه :eh_s(16):

انا بالسابع كنت أعاني اشيل في ماكينه براون وما اطول ولا اقدر اشوف مع اني حاطه منظره بس القعده مو مريحه كل شوي اغير الوضعيه
من عقب ما كنت اشيل بخمس دقايق صرت أشيل بثلث ساعه او نص ساعه
ذكرتيني عندي موعد اليوم بروح اشيل اخاف تفحصني داخلي وانا مو جاهزه !!!

والله خاطري اشيل شيره عشان يطول وما يطلع بسرعه
بس تدرين معاناة ما اقدر اشوف واتعب كل شوي اقعد قعده شكل علشان اقدر اشيل والحين متعيزه عشان جذي بشيل في الماكينه بعد شسوي

واحسن الخامات حق النفاس القطن
اشتري خامات قطن وفصلي اللي تبين وعلى الأقل القطن شتا وصيف وايد مريح ودافي

 

[nazek_q8]

واااي ام عزيز اشلون تشيلين بمكينة بروان ينتتتتتتتتتتتتتتتف

بنات شرايك احط حق التوزيعات مصحف صغييييييير داخل العلبة مع الكاكاو ؟؟

 

[SweeTa_4ever]

مساء الخير عليكم كلكم الله يعينا وصبرنا على ثقل الحمال وكل شي يهون عشان عيون البيبي:klhfl:

حبيبتي لوكسيا المشد الي قتلج عنه من سنتر بوينت اسمهmatenity band وسعره 6 وشكله وايد زين مو حيل الي يضغط عشان الجرح بس انه يلم البطن

بناااااااات بسألكم عن شفاط الحليب تنصحوني اشتري وله طاف وشنو مميزاته _03BA:
وعندي سأل ثاني من وين شريتوو اندرويلات عن البرد

والله على سالفت السواد لاحول ولا قوه انا ماحب اشوف نفسي :cxxxp:يبيلنا حل يابنات وابي بسرعه يروووح

وهم بسأل شلون يعني الكشف الداخلي وشلون يقيسون جم مفتوحه اححح يعور:eh_s(13):

 

[LUXURY]

بنات حواء
هلا والله بالطش والرش
ولهنا عليج
مبروووووووووك على التخرج الفال لي خخخخ عقب قرن ان شاء الله بس باجر عندي امتحانين فاينل واخلص امتحاناتي
على طاري الحمال مع التخرج اقول حق امي وريلي اذا ماتخرجت بسرعه ابي بيبي ثاني (انتي اولدي قبل) جان يقولون اذا قعدتي بالجامعه 10 سنين بنخليج 10 سنين بدون ياهل ثاني اذا تبين الثاني شدي حيلج وتخرجي خخخ
وامي توصي ريلي تقوله مو تقص عليك تقولك قاعده تاخذ حبوب ومن وراك تقطهم تبي ياهل انت دير بالك ولايصير حمل بالغلط مره ثانيه هههههههههههه
تعالي اشسويتي على التجهيز؟؟؟ لقيتي محل يسويلج تلبيسة البيبي والطقم مثل ما تبين؟
وانتي جهزتي شئ حق عمرج؟
انتي حامل معاي تره وناسه متى موعد ولادتج؟
انا اخر دوره 13-6 واخر موعد للولاده 19-3


ام عزيز
اي تصدقين دام ماني مطلعتها باخليها ببجاماتها يكفي احط كفر حلو وجيس حلو وكيفها
بس انا مو للطلعه كنت ابي اذا حمولتي يو يشوفونها
وعلى التلطخ وانا اختج مادري اشصار فيني
مادري زل لساني من لقافتي وقلت حق احد ان بطني مافيه شئ لا تشققات ولا تبططات
لان فجاه مره قمت من النوم والااااااااااا بطني يسلم عليكم
مقحصين فيه وانا ماحكيت ولا شئ واظافري اقصهم اقل من الحد اخاف تييني الحكه وانا نايمه وما ادري
بطني الحين الاماكن الي متشققه عليها كله الجلد يتقشر ويحككككك وصار اسود وبقع جنها جروح والخلفيه صارت سووووووووده ومع كبر حجمها تتبطط وتتقشر
مع اني احط يوميا بيبي اويل وزيت لوز وفوقهم كريم جلسرين يعني ترطيب اكثر من جذي ماكو
وللحلمه عندي كريم حطت صورته بنات حواء2 علبته بنفسجيه هذا ممتاز
وصدري زين بس العروق مبينه فيه جنه بتنفجر خخخخخخ
اذا انا جذي اقول الريال مسكين شيقول

كان عندي مكينة براون مخليتها ببيت امي عاد رتبو داري ومادري وين دعسوها انا كنت دايما استخدمها للحلاقه تحت احسن من الموس انا ماقدر على الشيره فيني حساسيه بهالمنطقه
جربت كل كريمات وبخاخات التخدير بس جلدي ما يتحمل
والحين ميته ابي مكينتي ب30دينار حسافه
وهم انا يبيلي شيل قبل موعدي عندي 29-1 الاسبوع الياي اخاف تفحص على قولتج
والله الله يعيننا احنا الحريم كل شئ على روسنا ونتحمله والرياييل مرتاحين


بردانه
حلوه الفكره بس اذا عندج ميزانيه
انا اعرف ناس عندهم ميزانيه وزعوا مصاحف كبيره بس ملبسينهم خام تنجيد على لون تجهيز الام ومن داخل المصحف طابعينلج ان تدعون للبنت (البيبيه) وامها بالهدايه والصلام وووو ألخ
عاد شوفي شنو بيعجبج

 

[LUXURY]

سويت
مشكوررررررررررره على المعلومه
انا قلت باشوف بينه وبين المشد الاندونيسي
الشفاط لااااازم تاخذينه مرات البيبي يبي ينام او ما يرضى يرضع فيعور صدرج الحليب لازم تشفطينه بالشفاط واهو معاه مميه اذا خلصتي من راس الشفط شيليه وحطي الراس مال الحلمه
ومرات البيبي ما يبي يرضع من الصدر يبي من المميه هذا زين تعطينه حليب صدرج بمميه
والسواد!!!!!! وما ادراكي ما السواد
هيييييييييييييه خليني ساكته
والله انا بيييييضه صرت سوووووووده ومتشققه بعد جنه افنديه صارت لها عملية تقشير فاشله والا احد مشفط علي خخخخخخ
انا باحط زيوت طبيعيه وباخلط خلطات طبيعيه واحط قبل السبوح بنص ساعه حتى شعري بدهنه مع الخلطه علشان اتسنع
يختي فشلااااااانه من الريال
الويه بدر محلوه ومخدخده ومبيضه بس بويهي بس جسمي لا تعلييييييييق!!!
الكشف الداخلي ممكن تقولج انسدحي وتكشف على المنطقه بعيونها تشوف في ناس يسوونلهم سونار داخلي من تحت يحطونه اما جم صبع متبطله هذا بس حزة الولاده يقيسونه وانتي مخدره ما تحسين بشئ فلا تخافين ما يعور

 

[LUXURY]

بنات انا اليوم رحت سرداب عيد النصار خذيت اغراض البيبي الباجيه
جيس البيبي مع جنطتين وبطانيتين وجيس المميه طقم نفس الشئ وخذيت طقمين نفانيف مع مهادهم وربطتهم يمشون معاهم

وخذيت بجامات مفرقه (واااااااي يشوقون وامي تشجع على الفسفسه خخخخخخ)
وخذيت كمبل حلو واللي يصير نفس الكمبل بس تسدحين عليه الياهل والفوط الصغار المربعين خذيت علبتين
والمفارش النايلون لتغيير الحفاظ
والسرير المتنقل نفس سلة موسى بس ملبسه معاها مظلتها

وبعدين رحت محل الاندونيسيه شريت منها قميصين طلعو علي ب28 حاولت اكاسرها زياده بس ما رضت
وشفت عندها قميص ملبسته المني كان حساااااااااافه ما خذيته بس هذا حق ريلي عقب النفاس اذا بقعدله بالبيت خخخخخخخ


شفت خاماتها وموديلاتها والكلف والله ما يكلف ولا يسوى شئ
يعني اللي تبيعه على 18 اقدر اسويه خام وخياط مع الاويات ب8
تره اوياتهم كله العاديه مالت اول او 100فلس للمتر وشفت على كذا وحده لابسين جذي (عاد انا خبره بالخامات والكلف)
وعندي موديلات ببالي احلى من السوق بالف مره
لان احس اللي بالسوق حلو بس مو يناتي انا توني نونو والبس جنه مال كبار :\
وامي قالت نروح سناء نحصل عندهم ويكد شغلهم
اما للبيت اذا محد عندي بس اهلي عادي البس رخيص بجامات ونفانيف مو غاليه

بس الحين باركز على دراستي حق امتحان باجر وعقبها اقدر اكمل حوستي

 

[SweeTa_4ever]

الله يكون بعونج حبيبتي انتي بتولدين قبلي انا اخر دوره26-6 وعطتني موعد ولاده 1-4 الله يعينه ابي اعرف شنو احسن نوع حق شفاطه الصدر ؟

 

[LUXURY]

سويتا
والله ماعندي خبر ولا علم اللي تعرف يليت تفيدني
بس عالولاده شكلي ماراح اكمل اصلا لان حيييييل تعبانه
الله يعين الجميع

 

[SweeTa_4ever]

الله يهون عليج انشالله انتي بس ارتاحي لاتعبين نفسج انتي الحين شهر 8 صح ؟

 

[Na77olah]

شلونكم شخباركم بنات
Luxury وام عزيز امبلشه صارلي اسبوع مهتمه بشكلي صراحه قعدت وطلعت خلطات من المنتدى وشريت خلطه والباجي رحت الحواي وشريت تقريبا ب10 نانير اغراض حق الخلطات للويه والجسم لأنه لاحظت انه بلشت اسمر طبعا هالحمله وايد احسن من الحمله الي طافت بقع سوده الله لايوريكم بس هالمره من دشيت السابع حسيت اني اسمريت فقلت خل ابلش اهتم بشكلي لأنه هم مو حلو شكلي لمن اولد الناس بتزورني وانا جذي
طبعا انا ريلي مسافر للدراسه فماخذه راحتي قبل كل سبوح احط خلطه على شعري وجسمي وويهي وشريت خلطة صابون من اختنا بالمنتدى مزيونه وشقره احطها واسوي سنفره ببروش مال بدي شوب او باليفه مالت بدي شوب صراحه حسيت بفرق ولمن اخلص من الحمام ألطخ جسمي بزيت اللوز وايد حلو او بيبي اويل وبضل مستمره
وعن المنطقه الحساسه يمه لا تتكلمون عنها معاناة انا ما اشيل بشيره كله موس بس بصراحه ودي قبل الولاده يعني عالتاسع اشيل بشيره بس يذبح ما اتحمله ولا راح اقدر اجرب اشيل الحين مع بطني
الله يعينا

 

[LUXURY]

هلا سويتا
لي دخلت بالثامن الله يعين
واي قمت اعد الايام والليالي متى اولد
اشبقالج من تجهيز؟؟


نحوله
هلا والله صج فقدناج وينج جم يوم غطيتي
زين سويتي بالخلطات بس شنو الخلطات اللي تستخدمينها مطلعتها من المنتدى؟؟
انا شوي وبروح قسم البشره والشعر اطلع السوالف واكتب عندي والطخ
مشكلتي ريلي ماله وقت معين فمادري مرات فجاه اييني الظهر والا العصر يقول قومي نطلع والا نتغدى والا بيقطني عند اهلي على ما يخلص شغله واي مادري متى اتلطخ وانا للظهر اصكها نومه
وعلى المنطقه الحساسه واي انا مثلج اشيل بموس بس مع البطن ما اشوف واخاف اشقق عمري يا ربي مادري شسوي



واااااااااااي بنات ادعولي نوتاتي واوراق تلخيصاتي اختفت تبخرت وماني لاقيتهم باي بقعه بالبيت والصبح الساعه 10 عندي امتحان
ببجي من وين باراجه واكمل الجزء الاخير من دراستي

 

[nazek_q8]

واااااااااااااااااااي خرعتوني ليش الجسم يصير اسود انا اول حمال والحين توني داشة السادس الحمدالله ماكو شي من اللي ذكرتووه بس خايفه يصير فيني وااي شلون بجابل اللي عتدي

 

[LUXURY]

بردانه
انا شوفيني للسادس الق وناعمه فجاه تبطط جسمي وصار اسود
منطقة الابط (مالها اسم ثاني شسوي) صارت سوووووووده مع اني اعتني والديودرنت اللي استخدمه زين ولي بره طالع السواد اختي تقول من الحمال
وبطني والخلفيه
نصيحه دام للحين ما طلع فيج بالسبوح استخدمي بيبي اويل ولا طلعتي دهني جسمج بكريم جلسرين اللي علبته حمرا مال الهنود خالطه معاه زيت لوز
والله ما قلت حق احد هالوصفه الا والبنت تدعيلي من نعومه وصفاء وتبيض شوي وما تخلي البطن والجسم يتبطط ويسود
وتره الرطوبه يعني اللي ما تتنشف عدل يزيد فيها السواد



نحوله
اشلون نتايج خلطة مزيونه معاج؟؟
وعادي تستخدمين سنفره ومفراكه خشنه؟؟
انا اخاف ازلق جسمي يصير نفس التشمخ وما يروح بعدين يبقع
قبل كان عندي السنفره اللي تبيض من الجمعيه علبتها بيضه عطتني ها نتفة بياض
بس انا لان خلطة مزيونه فيها كركم اخاف اصبغ فابي سنفره تكون ناعمه عقبعا تشيل اللون
والا مبين من مكوناتها انها تبيييييض
كان عندي خلطه نفس طقتها صابون غار وزيوت وكريم جلسرين وكركم وماي ورد
خذيتها من حواء بس صج عجيبه لكن يا خلاف اسبوع ومليت يليت استمر

 

[أم عزيـز]

واااي ام عزيز اشلون تشيلين بمكينة بروان ينتتتتتتتتتتتتتتتف

بنات شرايك احط حق التوزيعات مصحف صغييييييير داخل العلبة مع الكاكاو ؟؟

لوووووووووووول لا يا قلبي مو اللي تنتف
اهي فيها راسين
واحد نتف وواحد حلق
وانا اقصد الحلق مو النتف

بس امس جازفت وشلت بشيره عاد صارلي 5 سنين او اكثر مو شايله بشيره من تحت كله في براون
وامس بسوي نفسي قويه وربي من العوار ما قدرت امشي لوووووووووووووووووول
تعذبت صراحه وطولت لين خلصت تقريبا أخذت اكثر من ساعه وفوق هذا دم وحاله
بس بعدها يوم طخ العوار شفت الفرق لوووووول على الأقل افتك ماراح احاتي الفحص او الولاده خلاص راح يول لين يطلع يبيله شهر ويمكن زود

وهم بسأل شلون يعني الكشف الداخلي وشلون يقيسون جم مفتوحه اححح يعور:eh_s(13):

لووووووووووول الكشف الداخلي الدكتوره تحط جم اصبع وتشوف الرحم مفتوح او لأ
واهي تعرف وتحدد جم سانتي مفتوحه
وطبعا علشان ما تأذذين بالفحص انتي رخي نفسج لا تشدين يعني خليج ريلاكس ولا تشدين وتفكرين في الفحص وان شا ءالله ماراح يعورج بس اهو شوي يضايق وعلى فكره على حسب الدكتوره
في دكاتره دفشين وفي دكاتره ايدهم خفيفه بس انتي اذا رخيتي بتساعدين نفسج ولا تحاتين وايد الفحص

 

[أم عزيـز]

بنات المفروض كان عندي موعد أمس بس الدكتوره غيرت المواعيد ومحد بلغني وتأجل موعدي اليوم الصبح
رحت عند الدكتوره وسوت لي سونار عادي وقاست بطني وشافت البيبي وقالت الحمدالله كل شي اوكي ووزن البيبي تقريبا كيلوين و600 لأني في اول التاسع وحتى اذا ما كبر تقول هم زين البيبي دام وزنه فوق الكيلوين ونص يعني تقدرين تاخذينه وما عليه خوف

وعطتني موعد السبت الياي وقالت يمكن افحصج داخلي !! مع اني احس تو الناس على الداخلي بس شسوي
حكم الأوي

 

[Na77olah]

Luxury هلا حبوبه انا موجوده متابعتكم بس بصمت لوووووووووول
الخلطات الي قاعده استعملها امطلعتها من المنتدى وسويتلي دفتر بس حق الخلطات عشان اقعد والطخ بعمري بالأربعين لأني بسوي استقبال بالمستشفى بس ماراح استقبل اح بالبيت لأني بعد الأربعين بسوي استقبال بسيط فبصراحه بهاليوم بطلع من النفاس كأني عروس لأني بسافر حق ريلي فبجابل نفسي عدل حتى ادوية النفاس الي ما احبها بغصب نفسي واخذها ابي اتنفس عدل لأنه بولادتي الأولى ما رضيت اخذ شي فماتنفست عدل وما كنت اكل شي كلش فكله طلع علي تعبت من عوار الظهر والعظام فقلت هالمره غير خصوصا انه زوجي موموجود وماراح استقبل ضيوف فعادي اتكون ريحتي كله ادويه وحلبه
وبالنسبه لخطة مزيونه بصراحه عن نفسي لقيت فرق وعادي اتسوين سنفره ماله شغل وبعد السنفره دهني نفسج عدل نفس ماتسويت بزيت اللوز والجلسرين
انا بعد ولادتي بولدي كنت حيل حيل مكتابه خايفه انه جسمي ماراح يرد نفس اول وكله كنت اقول حق ريلي كله منك ومن ولدك جسمي اخترب بس بعدين كله يرد طبيعي بس اكيد بالعنايه والأهتمام وانا من كنت حامل وانا دايما كريم مال مذركير عند راسي بس يحكني بطني اخذ من الكريم وادهن مو بس بطني حتى الأرداف والخلفيه
بردانه انا اول حمال لي اقولج بقع جسمي اسو ارقبتي واباطي والمنطقه الحساسه طبعا انا ماكنت اشوفها المنطقه الحساسه بس مره طليت عليها جان انصدم قلت حق ريلي امبيه حتى تحت صار اسود جان يضحك ويقولي توج تدرين من زمان بس هالحمال غير اصلا ما نتفخت وايد وجسمي توه يبلش يسمر من دشيت السابع وترى هالشي عادي وممكن مايصير معاج جذي كل وحده تختلف عن الثانيه وكل حمله غير عن الثانيه

 

[Na77olah]

أم عزير عند منو تراجعين؟

 

[love love]

بنات حواء
هلا والله بالطش والرش
ولهنا عليج
مبروووووووووك على التخرج الفال لي خخخخ عقب قرن ان شاء الله بس باجر عندي امتحانين فاينل واخلص امتحاناتي
على طاري الحمال مع التخرج اقول حق امي وريلي اذا ماتخرجت بسرعه ابي بيبي ثاني (انتي اولدي قبل) جان يقولون اذا قعدتي بالجامعه 10 سنين بنخليج 10 سنين بدون ياهل ثاني اذا تبين الثاني شدي حيلج وتخرجي خخخ
وامي توصي ريلي تقوله مو تقص عليك تقولك قاعده تاخذ حبوب ومن وراك تقطهم تبي ياهل انت دير بالك ولايصير حمل بالغلط مره ثانيه هههههههههههه
تعالي اشسويتي على التجهيز؟؟؟ لقيتي محل يسويلج تلبيسة البيبي والطقم مثل ما تبين؟
وانتي جهزتي شئ حق عمرج؟
انتي حامل معاي تره وناسه متى موعد ولادتج؟
انا اخر دوره 13-6 واخر موعد للولاده 19-3

انا عالم حواء

لوووووول كلامج اذا عني

الله يبارك فييج حبيبتيي والفال لج

لا ليلحين مادورت حق سرير البيبي قلت افتك من الجامعه وافضي عمري هالاسبوع انشاءالله اروح اخلص شغلي
وحق عمري ماسويت ولا شي كله هالاسبوع

انتي اقرب وحده لي بالحمال الله يسهل علينا وعلى الجمييع

انا اخر دوورة 19-6

واخر موعد 25-3 انشاءالله

 

[أم عزيـز]

أم عزير عند منو تراجعين؟

اراجع عند أمل عبدالعزيز في رويال حياة