اهمالي لنفسي ؟؟

[رانس]

مشكوووورين حبايبي ماقصرتووو

 

[رانس]

ان شاء الله راح اغير من نفسي لما اولد

 

[عسل حدي]

حااامل؟
ترا طبيعي عقب الولاده بتردين فرش عمري

 

[جذابه بنت ذيابه]

حيويه



يوميا اقري الاذكار و اتجهي لربج و عقب اهتمي لبيتج ونفسج و صحتج وزوجج و لا تخلينه يشوف منج اهماال نصيحه ..

جيبي لج دفتر صغير واكتبي اللي ناقصج و فضي كبتج و سوي جررد لكل شي و اشتري مقسمات للكباته و مقسم للمجلات

و يوميا لا قعدتي تسبحي و عطري نفسج و تمكيجي مكياج بسيط .. والبسي لبس مريح وسوي لزوجج اكله و بعدها بخري بيتج وشعرج


وكل يوم امسكي غرفه وسوي جرد ورتبيها من الي ..

لا تخلين الرجااال يلقا عليج ششي

 

[latkt7as]

جذابه

ماشاءالله عليج

كلامج عين العقل

 

[رانس]

مشششكوره جذابه يعطيج العافيه
ان شاء الله اطبق الي قلتيه

 

[نـعـومـه]

اوقفي مع نفسج وقفه شجاعه وقولي لااااازم اكشخ

وكشخي

 

[امـ خــزامـى]

عاااااااااااادي انت حااامل

اتذكر يوم كنت حامل كاااااااااااااااااااااااااااارهه عمري لدرجه اني كنت بحط حرتي بشعري واقصه بوووي

ان شاءالله تولدين بالسلامه وتعرفين ان هاليي تحسين فيه كان هرمونات الحمل

 

[meen_ana]

ديري بالج هالشي مو صالحج حاولي تقرين سورة البقرة وعدلي نفسج حتن لو تجبرين نفسج على هذا الشي

 

[متوترة]

ششششششششششششششوفي ترا قله السوايل بلجسم تسبب كسسسسسل مو طبيعي
خليك دايما ع الماء واشربي ولاحسيتي بكسل ترا من الجفاف الي بجسمك حاولي ترطبين جسمك
يعني لاعطشتي خصوصا اننا بحر لاتفكرين بلببسي اشربي ماء وباررررررررررد يكون هذا شيء
الشيء الثاني يمكن ملابسك الي بالدولاب قديمه ويمكن خالطه الصيفي مع الشتوي ف اذا بغيتي تغيرين تتوهقين
وتحوسين وتملين .. دولابك قسميه قسمين الرف الي فوق للملابس الداخليه والي معلاق علقي فيه ملابس البيت والنوم
والباب الثاني من الدولاب علقي فيه ملابس الكشخه وحقات الطلعات ..

خصصي يوم واحد بلاسبوع .. يعني مثلا يوم الثلاثاء .. ومن تقومين الظهر وعقب ماتسوين الغدا تشمرين عن ذاراعيك
وتبدي تنظفي .... وهذي طريقه بسيطه بس مفيده وتنفعك وقت الشغل

بدرج المطبخ الي تحت المجلى حطي فيه الاتي :
كلوركس ملابس ملونه وكلوركس للملابس البيضاء .
بخاخ الاصفر جف
بخاخ من موبي للفرن .لابخيتيه ع الفرن يعطي رغوه وتخلينها عشر دقايق وعقب بفوطه تمسحينه يطلع لك الفرن يلق
حبيبتات من فانش للبقع الي ع الملابس البيضاء .. تذوبينه بشوي ماء وتخلينها ع البقع . وتنظف لك باي مكان المهم ع مكان ابيض
بخاخ ملمع للاثاث : اي اثاث تمسحينه وتنظفينه بخي عليه من هلبخاخ .بيجلس اسبوع بيتك بدون غبار .
ملمع مرايا البخاخ الازرق : ونصيحه بخي ع المرايا وامسحيها بجريده اقطعيها بلنص وامسحي المرايا به تطلع لك تلق ولافيها لا نقط ولا اثر تجنن
ديتول بأي ريحه تحبين وحطيه بحمامك الي تستخدمونه دايما وقبل ماتنامين صبي منه شوي وسط البواليع .
وعاد التايد حطيه بدولاب لحاله .بس يكون قريب من المجلى :
سطل فيه اسفنج وليفه مخصصه للفرك المغاسل
ومجموعه من الفوط حطيها مع التايد .
وريشه لمسح الغبار
خلاص وفرتي هالاغراض وحطيتيها بدرج اضمن لك انك بتقومين كل اسبوع تنظفين وانتي مرتاحه وعارفه مكان اغراضك ..

وممسحه لبلاط المطبخ وربله لمسح الحمامات . ..
وملاحظه صغيرونه لو عندك حوش وجا غبار كثير شغلي مكنسه الكهرب واكنسيه اريح لك من الكنسه بليدويه
.......................
ولاجا وقت التنظيف حطي من كل منظف شوي ... وبلنسبه لبخاخ الجف . حطيه ع طول مباشره ع البواليع والمطبخ واتركيه
ونظفي وارجعي اخر شيء تلقينه ذايب وتنظف الوساخه بسرعه
كلامي مو مرتب يمكن لكن ان شاء الله انه يفيدك..

وبالنسبه للروائح البيت اشتري لك فحم ومبخره وبخور عود رجال .. واشتري مرش من اي شركه تحبين واشتري فواحه الي تطلع بخار مو الي ع الضوء فاشلات تلقينها بسبلاش روعه وحطيها بمجلسك الي تجلسون فيه دايما وكل فتره شغليها شوي
والايام العاديه ولعي المبخره الكهرب وحطي شوي عود رجال مع الفواحه وتمتعي بأحلى ريحه

بالنسبه لجسمك . العطر لحاله مايعطيك الريحه الي تبين ضروري معطر جسم وشامبو جسم وكريم للجسم . وارشح لك الكرز الياباني من بودي شوب ريحته جنان جنان ... وفي عطر ماعرف من اي شركه بس شكله ع قلب وريحته تجنن ان شاء الله احصل اسمه واجيبه لك لاني مو ببيتي الحين ولاكان كتبته لك صدق صدق ريحتهم جنان .......
وبالنسبه للملابس لاتشترين الغالي مره للبيت يعني شوفي الي شكله حلو اشتري بجاميتن ثلاث . وقميصين نوم . وخلاص عقب شهر ونص اشتري ثانيات وهكذا . وبكذا تكونين قمر..

بالنسبه للمكياج البيت : انصحك ببودره ماكس فاكتر الذهبيه بودره مضغوطه تجنن تحطين شوي كريم ترطيب وتحطينها
وتكحلين عينك وشوي مسكر . وبلاشر وردي وروج السحري . وحطي فوقه قلاس وبتطلعين باذن الله قمر

شعرك : اذا غسلتيه حطي عليه بلسم واذا البلسم يطيح شعرك خلاص حطي كل اسبوع حمام زيت ومره بالاسبوع حطي فنجال من زيت جوز الهند وفنجال من زيت الصبار . من شركه فاتيكا واخلطيهم وخليهم ع شعرك ساعتين واغسليه ..
وفيه شامبو اسمه شامبو تصفيف عند زهور الريف يثبت الشعر مايصير مجعد مره . خلصت غسل لشعرك بخريه واذا ماعندك وقت بخي عطي بيدك وامسحي شعرك او خمريه للشعر ..

والملابس اشتري غساله اوتوماتيك

ولاتنسين كل ماحسيتي بكسسسسسسل اشربي ماءءءءءءءءءءءءءء وكولي الاوراق الخضرا ترا بعد تنشط
لان يمكن فيه نقص دم
وبالتوفيق حبي ادعيلي ان ربي ييسر لي امري ويرحمني ويخلي لي ولدي وزوجي ..

ولو حابه عن الطبخ وكذا ارسلي لي ع الخاص وبكتب لك كذا شيء يطلعون الطبخ طعمه جنان وبخطوات بسيطه

 

[متوترة]

وانتتي تنظفين شغلي التلفزيون ع قناه القران وافتحي كل درايششك .. واشربي لك بوارد وعقب سكري الدرايش . وقولي عقب
صلاه الفجر سبحان الله والحمدلله و الله اكبر ثلاث وثلاثين مره واختيمها ب لا اله الا الله وحده لاشريك له له الملك وله الحمد وهو كل شيء قدير واقري اذكارك .. وبلتوفيق قلبي ..

 

[متوترة]

وترا الحاله الي فيها من الحمل ولخبطه الهرمونات لاني فعلا لماكنت حامل مكنت ابي اشتغل اشوف الوسخ بلارض واتعاجز اشيله
نصيحه اذا زوجك مقتدر جيبي لك شغاله كل اسبوع يوم كامل وخليها تنظف لك وعقب ماتولدين بشهرين بتردين مثل اول واحسن ..
والله يكون بعونك ويسهل لك ..... .... ... .. ... .. ..

 

[جوري الصالح]

اكــــــــــــيد في شــــئ مضــــــــايق نفســـــــيتج