اهل زوجي بيدمرون حياتي ...ساعدوني

[نووني فروس]

السلام عليكم
انا عضوه جديده وياليت تساعدوني في مشكلتي...
انا متزوجه صار لي سنه و8شهور عندي ولد والحمدالله ..مشكلتي بدات من حملت صار تجيني مضايقات من اهل زوجي خاصه البنات حركات غيره وحسد بدون سبب ..بدايه من اخت زوجي المطلقه اللي وقفت لي مثل العظم لدرجه وصلت لمرحله تلبس وتكشخ وتسأل زوجي وقدامي وشرايك في لبسي وهو يجاوبها بخجل وشاء الله ان تزوجت ومارتحت منها الا قليل وبعدها جات اخته الثانيه الى اليوم معه في خلاف هي ماهي متزوجه تغار لدرجه مو طبيعيه خاصه اذا شافتنا انا وزوجي مستانسين تولع نار حاولت اتجاهلها اكثر من مره بس مافي فايده..اخر شي سوت مشكله طويله عريضه بدون سبب يذكر سمعت حتى الجيران والى يومكم وانا وزوجي في المشاكل وطلبت منه يطلعني بيت لحالي وهو رافض بسبب ضعف ماديته عرضت عليه انا ادفع الايجار ورفض وحماتي الله يصلحها حاطتني في بالها الا تطلقني ..وش اسوي مع هالادميه ياناس..ساعدوني

 

[نـعـومـه]

استغفر الله في ناس مريضه نفسيا بدون سبب يتهاوشون

اول شي اذا انتي زينه معاهم وهم يعاملونج بسوء مالج إلا تصيرين رسميه لاتنزلين إلا قليل وتقعدين شوي وتصعدين خلي زوجج يقعد عندهم لأنه أهله ملزوم فيهم بس انتي موملزومه فيهم عامليهم رسمي ولا تقعدين معاهم إلا بين فتره وفتره

 

[dina1990]

لا حول ولا قوة الا بالله
اقول يعني اذا فيه تفاهم بينك وبين زوجك فعليك تستمري في محاولة اقناعة يطلعك بيت لحلك
انكان فيه جدوى وان لم يكن فعليك ان تتحلى بالصبر الى ان يأتي الله بالفرج وربنا يعينك

 

[نووني فروس]

الله يعين الجميع

 

[Om Fahd]

اول شي كثري بالدعاء و ثاني شي حاولي كثر ما تقدرين مايصير بينج وبينهم اي احتكاك اللهم السلام و عليكم السلام و اذا شفتي ريلج قاعد وياهم لا تخلينه بروحه و خلج اقوى منهم اذا شافوا شخصيتج قويه و متمسكه بريلج و طاقتهم بطوفه راح يوخرون عنج ولا يقربون صوبج خلج اقوى منهم و كسري عينهم

 

[سمراء كويتية]

اهي هدفها ا تعصبين وتتهاوشين مع زوجج لاتعطينها الي تبيه طنشيها و لا تكون محور كلامج مع زوجج