اهل ريلى ورمضان :(

[كرز حالي.]

رد : اهل ريلى ورمضان

انا اقول سويي اللي يبيه ريلج
علشان تكسبين رضاه ومحبته

 

[أم حمد =)]

حبيبتي عشان خاطر ريلج لا تروحين على الفطور، بس روحي لهم بعد صلاة التراويح بشرط إذا دشيتي خليه ريلج

يدخل وياج ، عشان يشوف كل شي بعينه إن كان الإستقبال سلبي أو إيجابي !!!!!!!!!

هذي شغلة ، الشغلة الثانية سوي لقيمات وطرشيها مع ريلج دام يحبونها منج ، ترى إذا ماكان عشان خاطرهم

عشان خاطر ريلج !!!!!!!!

رمضان شهر فضيل لتصفية القلوب ، ترى مو بس انتي اللي ما تكلم خالتها أو ما توجبها أو خالتها تسمعها كلام

يسم البدن ، أمثالج وايد ، عيزنا واحنا نقول بمكانة أمي ، كثر ما تتقربين تبتعد عنج ، ميخالف كا هذا يهون

عشان ريلي مهما كان هذي أمه وهو يشوف ويسمع كل شي وعارف اللي قاعد يصير .......

كسري الشر وروحي بعد التراويح إذا شفتي الإستقبال حلو تفطري عندهم يوم برمضان إذا الإستقبال مو حلو

مالج إلا تروحين لهم بالمناسبات !!!!!!!!​

معاها

 

[*ريما*]

رد : اهل ريلى ورمضان

صيري احسن منهم
وسوي علشان زوجك

 

[حلم السراب]

رد : اهل ريلى ورمضان

ام خلودي انا قريبه من حالتج الله يكون بعونج-نصيحه مني استغفري دايم بنيه انه ربج يشغلهم بعمرهم ويبعدهم عنج انشالله- ودي اساعدج باي شي- نصيحه طرشي وكسري اعيونهم كسر عشان ما يتحجون عنج -وزوريهم قليل خلج بعيده احسن

 

[هلااا]

رد : اهل ريلى ورمضان

أنا مستغربة من بعض الردود الله يهديكم خواتي
مع أني ماقريت إلا ردود الصفحة الأولى

سوي خير وقطيه بحر <<<<< الخير يرجعلج بنفسج وذريتج
سوي علشان ريلج <<<< ترى هم بعد أهله أمه ألي شالته ببطنها 9 شهور
كسري عينهم <<<< ترا الكل شبعان وهالنقصة تعبير عن المحبة

ام احلى خلودى :eh_s(8):

احنا بشهر كريم وخليها فرصة حلوة أنج تصلحين مابينج وبين ربج وبين عباده
أبدي بالصلح وزوري أهل زوجج ألي هم الحين أهل عيالج وأهلج

خلي ريلج يمهد عند أمه وأبوه بأنج بتزورينهم
وياليت يوم مافيه أحد غيرج علشان ماتنحرجين

وطبعا لنا في كلام رب العباد حكمة عظيمة
"ولا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ"
(فصلت:34)

يارب يخليلج خلودي واتشوفينه أحسن واحد بالدنيا
ويرزقه الزوجة الصالحة ألي تجمعكم ولا تفرقكم ،، اللهم آآآآمين ​

 

[غلاتي غلا]

هاذا انتي قلتيها سوي خير وقطه بحر هذا يبين على معدنج الطيب
وحبيبتي لو انا مكانج غير عن الاجر اسوي عشان زوجي كلش ولا اني اكسر بخاطره عشان احد

 

[عرش الغلا]

رد : اهل ريلى ورمضان

حبيبتي دامنا في بدايه الشهر الكريم روحي لان رب العالمين يبسط رزقج ويطول بعمرج ويباركلج بحياتج وزوجج اذا وصلتيهم هذه صلة الرحم

بتشوفين بركتها حتى لو قطو عليج كلام يجرح ماعليج وخليه يدش وياج ويشوف كلشي بعينه ويكفي انج عملتي باصلج وتربيتج وتكسرين عيونهم

والاهم انج ارضيتي ربج بصلة الرحم وثم ارضيتي زوجج هذه نصيحتي وصدقيني لج الاجر وخيركم من بدأ بالسلام

 

[أغلى حبيبه]

رد : اهل ريلى ورمضان

وااااااااي ع البنات اللي يشيشووون


خو ياتقولون كلمه حلو ولا سكري حلجج ابركلج

ام خلودي سويي لهم عشان هالشهر الفضيل

والله يعطيج على قد نيتج حبيبتي

والله يسخرهم لج ان شاءالله

 

[ام احلى خلودى]

رد: رد : اهل ريلى ورمضان

أنا مستغربة من بعض الردود الله يهديكم خواتي
مع أني ماقريت إلا ردود الصفحة الأولى

سوي خير وقطيه بحر <<<<< الخير يرجعلج بنفسج وذريتج
سوي علشان ريلج <<<< ترى هم بعد أهله أمه ألي شالته ببطنها 9 شهور
كسري عينهم <<<< ترا الكل شبعان وهالنقصة تعبير عن المحبة

ام احلى خلودى :eh_s(8):

احنا بشهر كريم وخليها فرصة حلوة أنج تصلحين مابينج وبين ربج وبين عباده
أبدي بالصلح وزوري أهل زوجج ألي هم الحين أهل عيالج وأهلج

خلي ريلج يمهد عند أمه وأبوه بأنج بتزورينهم
وياليت يوم مافيه أحد غيرج علشان ماتنحرجين

وطبعا لنا في كلام رب العباد حكمة عظيمة
"ولا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ"
(فصلت:34)

يارب يخليلج خلودي واتشوفينه أحسن واحد بالدنيا
ويرزقه الزوجة الصالحة ألي تجمعكم ولا تفرقكم ،، اللهم آآآآمين ​

مشكووورة بعد عمرى على الدعوة الحلوة ولج بالمثل يارب

 

[miss_jamsheer]

رد : اهل ريلى ورمضان

لو شنو سوو خلج احسن منهم وكسري عينهم ماتبين تروحين طرشي مع ريلج عشان خاطره بس

 

[أوكسجين]

اذا ماتبين تروحيلهم
سوي طبق وحطي بايد ريلج

 

[cherry67]

روحي بس لا طولين بالقعدة ودي معاج لقيمات جاهز ولا تسوين دام هما يبون القيمات والقيمات موجود عند الروماني أو اي محل حلويات يبيع القيمات وااه أنا بعد تش بيني وبين حريم حمواني بس أروح علشان خالتي وعمي واقعد نص ساعة وبس

 

[ام مذكر]

انا بقولج شي والنصيحه ابلاش حبيبتي الدنيا دواره عشان جذي سويلهم طبق منتي خسرانة شي وروحيلهم حبي راس خالتج وباركيلها بالشهر وكل واحد يطلع بطيب أصله إن قطت عليج كلمة قوليلها والله ياخاله انتي حسبت امي وكلامج على عيني وراسي وتمونين احرجيها واكبري بعين زوجج وحمواتج

 

[نكهةالبرتقال]

باين من كلامك حيل مترددة

أولاصلى الاستخارة

ثانيا فكرة الطبق وايد حلوة

اول مرة خل يروح ريلك بروحه مع الطبق

و ثاني مرة روحي معاه و انسي الماضي ،،، مو معقولة راح يطردونك ! و اذا طردوك يعني داسوا كرامة ولدهم قبل كرامتك

اخزي الشيطان و تعوذي منه