اهل الخبره بمصر

[Ocean]

بنات منو عندها فكره عن فندق النبيله بمصر او شقق اسعارها حلوه بالقاهره و مشكورين مقدما

 

[Q8stylle]

ماعندي فكرة سوري

 

[STYLISH STYLE]

بشارع المهندسين

كلا عزوبية هالفندق

 

[Ocean]

مشكورين على الردود بس اشلون اذا شقه

 

[غدير20]

العام كنت بمصر وخذيت شقة بالزمالك شارع ابو الفدا
والله راح تستانسين مكان حلو وتطل على النيل على طول يعني المراكب قدامج
وهم الشارع فيه موقف للحناطير يعني لو تتمشين تستانسين
وعندج مكدونلدز وبيتزاهت وهارديز كلهم في نفس الشارع
طبعا انا خذيت شقه في نفس عمارة مكدونلدز
عجيييييبه بلكونتها كبيرة على النيل
وتروحين وتردين بالسلامه

 

[نـــــوف]

في شارع شهاب اهو شريان الحياة في القاهرة كلها


هناك المطاعم والاسواق كلها تحتج والحناطير يعني نصيحه لا تفكرين بغيره

 

[نـــــوف]

في شارع شهاب بالمهندسين متفرع من شارع الجامعه اهو شريان الحياة في القاهرة كلها


هناك المطاعم والاسواق كلها تحتج والحناطير يعني نصيحه لا تفكرين بغيره

 

[ليمونه الحلوه]

انا رحت العام وسكنه بشقه بالمنييل كانت حلوه وايد وتطل على النيل والمنظر بالليل يهبل وتحتها في ماكدونالد وسعرها كان رخيص مو غالي بس احنا كنه رايحيين شهر 6

 

[HAKONA]

حبيبتي انا حاليا بمصر وكنت ساكنه بشارع شهاب شقه سوبر ديلوكس وتو رفيجتي ساكنتها اليوميه ب 500 جنيه يعني 25 دينار اتهبل ويمج السوق تنزلين مشي اذا تبين اعطيج رقم البواب وتتفاهمبن معاه واهم شي مافيها خرابيط وامان وكلها عوايل

 

[Ocean]

مشكورين حبايبي ياريت اتفيدوني برقامهم عالخاص

 

[Ocean]

و مشكورين كلكم على المرور

 

[bint ilq8]

والله ما عندي اي فكرة يا ريت البنات يساعدونج =)

 

[Ocean]

شكرا عاى المرور

 

[رحلة النسيان]

حبيبتي انا العام كنت رايحه وسكنت بالنبيله
بس اذا حجزتي قولي ابي غرف في الادوار المطوره مو القديمه
الفندق موجود بشارع جامعة الدول العربيه هالشارع حلو
الفندق مقبول واقتصادي بس مو فخم
اذا ميزانيتج تسمح احجزي بيراميزا افضل
واذا ما تسمح ميزانيتج خلج عالنبيله ترى مقبول جدا يعني زين

 

[shimo]

انا مصرية ويا ريت تقبلونى صديقة ليكم انا على طول فالمنتدى لأنى بصراحة بحبكم اوى وبحس انكم قريبين اوى من قلبى يعنى بتنسونى الغربة.اولا مصر دايمأ منورة بيكم .كنت اتمنى اقدر اساعدكم بس والله ماعنديش فكرة عن السعار دى انا شقتى فى المعادى جمب كارفور لو كانت تنفعك ما تغلاش عليكى والله بس للأسف ماتنفعكيشش لأنها بعيدة اوى عن وسط البلد.

 

[رمانه كويتيه]

عندج فندق العربى فى شارع الملك عبد العزيز آل سعود بالمنيل ، أربع نجوم ، نظيف ، مطل على النيل ، مناسب جداً للعائلات .
http://www.arabihotel.com/home_ar.htm

 

[Ocean]

مشكورين ياقلبي
ونبي خبرات اكثر
وتسلمووووووووووووووووووون

 

[@@@ام حمووودي@@@]

ما أنصحج بالنبيله مزعج وااااااااااااايد ,,,وبعدين كله عزااااااب والعوايل يحجزونه ولما يشوفونه يكنسلون حجزهم وانا وحده منهم كنت حاجزته سنة 1999 عن طريق سفريات بالكويت ولما وصلنا اهناك على طول غيرنا ورحنا الشيراتون .... شوفي حبيبتي انصحج بشيراتون القاهره او سفير الدقي او البيراميزا هذول آنا مجربتهم عائلي ......... تروحون وتردون بالسلامه

 

[Ocean]

الله يسلمج
تسلمون كلكم

 

[كيوي كويتي]

بعد عمري تروحين وتردين بالسلامة

بالنسبة للفندق بمصر ماانصح فيه اذا انتوا عايله لان كل شي عليه ضريبه
وشوفي انا سكنت شكثر بمصر ماعجبني مكان كثر شارع ابو الفدا شي شي شي
انصحج فيه عجيب وفندق النبيلة هذا لنبيلة عبيد بشارع جامعة الدول وهالشارع مايطل على النيل يبيلج مشوار تقريبا عشر دقايق عشان تروحين النيل ومثل ماتعرفين مصر كلها عشان النيل وشارع جامعة الدول كل الخليج هناك همن حلووو كمطاعم واسواق بس تبين هدوء وراحة الزمالك وبس