قوه ،، شلونكم ؟
ماادري اعتبرها مشكله او لا بس ودي افضفض
و حدي واصله ببجي و ماحبيت اكتب مشكلتي بس قلت يمكن لو قلت اي احد عنها راح ارتاح
امي توفت و انا عمري 3 سنين كانت حامل و طيحت و بعدين اهي بالانفاس ياه تجلط في دم او شي جذي ،،، الله يرحمهاا
انا صج زعلانه بس ماافدقتها يمكن لاني ماعرفتها ...
وسبحان الله الله رزقني بام و صج اهي امي و لا اعتبر غيرها امي و الله والله اهي امي
ومثل مايقولون الام اهي اللي تربي مو اللي تولد
عمي و مرته اللي اهم امي و ابوي اخذوني بعد ماتوفت امي و خلوا اخواني الصبيان عند ابوي صج اللي اعتبره عمي ،،
وعشت مع ابوي وامي وعيالهم اللي اهم اخواني وخواتي ،، وانا ادري انهم مو اخواني بس مهما يكون متربيه معاهم و اهم اخواني اكثر من الصج
لدرجه ان حتي يدتهم ام امهم اللي اهي يدتي تموت فيني و عمرها ماسوت تفرقه او اي احد من عايلتهم سمعني حجي وداوود اللي بقصتي اهو ولد خالتهم بس يعتبر ولد خالتي و احبهم واايد و اهم يحبوني
وابوي الصجي وايد يسافر او وايد يتزوج مادري عنه اشوفه بالمناسبات و اناديه عمي مثل خواتي واهو راضي لان يدري ان اخوه اهو ابوي الصج
فجأه من امس مادري من وين ياء عمي او ابوي صج وقال امشي !!
زين ياعمي وين ؟! ،، قالي بنروح بيتنا !!
انا تبلعمت شنو اي بيت !! قلت له هذا بيتي
جان يقول لا بابا هذا بيت عمج ، يلا امشي معاي نروح بيتنا
زين ليش !! و منو قال !! ووين قاعدين !!
جان يرد يقول عيب تقعدين عندهم انتي بنت عوده و متحجبه و عيال عمج مو محرم لج !!
خير ان شآء الله !!! تو النااس عمري 18 تو يستوعب !
انا قلت انهم اخواني ربوبيه جان يضحك يقول ماكو شي جذي !!
كلمت امي وابوي و قالوا روحي معاه لو اسبوع ،،، و الله وامي تحط اغراضي تصيح من البجي و انا ماسكه روحي اقولها برجع وين بروح اكيد عمي ضارب شوي و صدقيني برد اقل من اسبوع
المهم رحت مع عمي و بربي اول مره ادخل هذا البيت اللي اهو بالحقيقه بيتي !!
البيت مافيه احد ولا فيه اثاث وايد و انا عندي 4 اخوان من عمي سالته وينهم قال طالعين فجاه اهو راح وخلاني !! وتخيلوا البيت مافي احد حتي خدامه ماعندهم @@
المهم وقتها دقيت عليه قلت وين رحت ، قال دوانيه !!
شنوو ؟ وخليتني في البيت بروحي اهم شي
تخيلوا قعت افتش في البيت غرفه غرفه ويمكن 5 غرف فاضيات حتي زوليه مو فيهم !!
قعت ابجي حييل دقيت علي خواتي كلهم ماردوا ، قلت اكيد ناموا و راهم دوام
شوي و لا دخل اخوي العود انا احبه وايد لان عمره مانساني و وايد يزورني وانا عند ابوي و اهو الوحيد اللي يسولف لي عن امي و خوالي لان مااييهم وايد
سلمت علي ووراني البيت و قالي نامي بداري اليوم وباجر اوديج بنفسي اخليج تشترين غرفه ،، انا اهني قلت لا عندي غرفه عند امي وابوي اهو واضح عليه انكسر بس انا صاجه بعد
قمت اليوم صبح ولا البيت فاضي حتي ريوق مايسوونه !!
مسوين جاي و حليب كرنيشن و حاطين علبه كورن فلكس !!
زين منو يوديني الدوام ؟! عند جامعه اناا
تخيلوا عمي اللي مفروض ابوي يسالني انتي اي كليه !! :eh_s(14):
قلت له كليتي جان ماشاء الله {مستغرب الاخ} ،، جان يقول اليوم مني لج اوف لا تروحين !!!
تخيلوا اليوم ماداومت لان مالقيت الل يوديني هذا اولها ، و عفكره شوفوا ساعه جم لحد الحين ماشفت اخواني الباجين ! انا اعرفهم و يعرفوني وبينا فونات بس مايو سلموا علي ولا شي لان كلش مابينا علاقه اخويه و لاا عشنا مع بعض
شفتوا كل هذا مو مزعلني !
اللي مضايقني صج لا امي و لا ابوي ولا خواتي يردون علي او سأالوا عني
ادق من قمت الصبح ومحد يرد و لا حتي البيت !!
دقيت علي سايق جان يقول ماما موجوده و بنات موجودين !! زين ردوا
شنو اهم مايبوني ؟ انا اختهم والله اني اختهم
بناات من اليوم قاعد ابجي البيت مافي احد يضيق الخلق و حتي الغدا اليوم محد اكل معاي و فوق مو اني مضايقه قاعده بروحي اهلي مايردون علي
حسيت في شي وربيي
رفيجتي تقول ان اهلي نفسم داقين علي ابوي عشان ياخذني و لا اهو شطرا عليه !!
وانا جذبتها و قلتها مستحيل و الحين بعد محد يرد علي علي حسيت ان في شي
بنات انا عايشه معاهم 15 سنه هالاعتبر اختهم في ربوبيه ولا ماكو شي جذي ؟ لان اذا لا هذا شي ثااني واضح اهم العافوني
![[[ عيون جابر ]]](/data/avatars/m/88/88982.jpg?1621060915){kind=avatar}
