اهلي مايبوني :( بنات عندي سؤال :\

[kuwaitya-frawla]

الله يفرج همممج يا قلبي واللي اعرفه اخوان بالرضاعه غيره ماعرف والله يوفقج

 

[tbola]

رد : اهلي مايبوني بنات عندي سؤال :\

انشالله ربج يسهلها عليج خلي ايمانج بالله قوي

 

[طموحه بزياده]

تقبلي وضعج الجديد


وهذول اهما اهلج الصجيين

 

[سالم الروح]

راي من راي غرور وايل

والله يسهل امورج حبيبتـي

 

[a7laa-_-zozo]

رد : اهلي مايبوني بنات عندي سؤال :\

يآآآآآرب الله يكوون بعوونج
قصتج تعوور القلب

الله يووفقج

 

[*احلام*الدجى*]

الله يعينج وييسر امورج

 

[lulwa-q8]

رد : اهلي مايبوني بنات عندي سؤال :\

انا ماابي اكسر خاطر احد
وانا متقبله وضعي شدعووا هذا يظل هم من اهلي
اللي ضايقني اني كل مادق محد يرد علي تخيلوا لحد الحين
انا كاتبه الموضوع عشان افضفض لكم بنات و تسمعون لي و مابي اكسر خاطر احد

 

[ليلو جبريت]

رد : اهلي مايبوني بنات عندي سؤال :\

معليش حبيبتي لاتزعلين اكيد بيردون عليج هم اهلج ويحبونج وانت بنتهم مهما كان

 

[willa]

مافي شي أسمه أخت ربوبية

يمكن أبوج هو اللي قال لهم ويبي تعيشون مع بعض

واستقري في بيتكم و زوري بيت عمج متى ما بغيتي

بس صح تصرفه لأن بتقعدين طول وقتج بحجاب معاهم :/ صعبة

 

[Moon-85]

الله يكون بعونج بعد فراق بيتج الأول واخوانج بس ياحبيبتي لاتقطعين الوصل معاهم دقي ودقي ودزي مسجات لهم لاتحسسينهم انج نسيتي العشره الي بينكم وصدقيني ابوج الي قايل لهم مايردون عليج واليوم ابوج خلاج وطلع خوفج باجر اذا ياب لج مرت ابووو ترى هذيج الحزه محد بيوقف معاج ويسندج من ظلمها بعد الله غير عمتج وعمج واخوانج الي تربيتي معاهم لاتقطعين الامل دقي عليهم لين مايردون وكلمي ابوج الي توه تذكر ان له بنت خليه يوديج لهم لو مره بالاسبوع لان مستحيل يردج عندهم انسي هالشي بس لاتقطعين علاقتج فيهم باجر لي صرتي عروس عمتج وبناتها وعيالها الي بيوقفون معاج .. بس بعرف شغله ابوج لما كنتي عندهم يزورج؟ يصرف عليج؟ ولا توه حن قلبه عليج؟؟

وطمنيي عليج حبوبه اعتبريني اختج

 

[يالبيه 17]

رد : اهلي مايبوني بنات عندي سؤال :\

ياحياتي ماعليه انطري جم يوم يمكن يسافر ابوج وتقدرين ترجعين لهم

او يمكن ابوج حن لج ويبيج معاه ماتدرين الايام شنو خاشتلج

الله يعينج يارب

 

[يا قلبي لا تحزن]

رد : اهلي مايبوني بنات عندي سؤال :\

الله يعينج حبيتي

يمكن اهلج مشغولين عشان جذي مايردون
وانتي قعدي في بيت ابوج الصجي وراح تتعودين ع الوضع

 

[miss_jamsheer]

حبوبه اشصار طمنينا ردوا عليج؟

 

[نووور قلبي]

رد : اهلي مايبوني بنات عندي سؤال :\

والله قطعتي قلبي يالغاليه

يارب يفرج همك

 

[lulwa-q8]

رد : اهلي مايبوني بنات عندي سؤال :\

للاسف مثل ماقلت مافي احد رد علي !

انا باجر الخميس بروح لان يمعتنا هناك حتي ابوي هذا يروح يعني شايفتهم

بليز ادعولي

=)

 

[M0O0N LIGHT]

رد : اهلي مايبوني بنات عندي سؤال :\

لا حبيبتي ماكو شي اسمه اخت بوبيه

انتي ما رضعتي مع احد منهم

ضبطي البيت يعني حطي لمساتك غيري من الصاله

جمعي خوانك اذا قدرتي - سوي اكشن

طلبي سويت و عزميهم علي فيلم بالتلفزيون

طلبي صورهم وهم صغار و قعدوا سولفوا

ابوك ابدي زهبي له دشادشيه و بخريهم
و لا تقطعين امك وابوك : ابعثي لهم مسج يوميا تصبحين عليهم و تطمنينهم و تشكرينهم بس ديري بالك تلومينهم او تقولين لهم ردوا علي مسجاتي هم مع الوقت رح يردون

معاها 100/100 كلام معقول ...ويمكن عشان عيالهم بسن زواج ....مو زين تقعدين معاهم عادي

وربي يوفقج للخير ويخلي لج حبايبج

 

[فقـدتـك حيــل !]

رد : اهلي مايبوني بنات عندي سؤال :\

غريبه انهم ما يردون ؟
احس انه اهما اللي نبهوا ابوج ..
كل ام تخاف على عيالها وانتي كبرتي واهما مو محرم لج ..
ما ادري والله ،
بس احس هذا التفسير المنطقي لانهم ما يردون عليج ؟

كل شي خيره حبيبتي ..
وأحس انج قويه ان شاءالله وبتتأقلمين ويا الوضع اليديد ..

 

[عيش و مرق]

ميخالف خل نكون واقعيين الحين انتى فى بيت ابوج وكل الاحتمالات وارده بس مايبون يجرحونج لنهم يحبونج سواء ابوج او عمج ومرته

ارضى بلواقع وتاقلمى مع حياتج اليديده ويمكن ابوج موصيهم مايردون عليج ولا ياخذونج لان اول الايام اكيد ماراح تتاقلمين مع الوضع يبيلج وقت وتتاقلمين واذا على الخدامه قولى حق ابوج يبو خدامه

وعمج ومرته وعياله ماقصرواستضافون 15 سنه وصرفو عليج خلالالالاص حبيبتى عيشي حياتج وجابلى ابوج وخوانج وبرى ابوج وحوفى بيتكم واخوانج وابوج وعايلتج الاصليه واهلج الى ربوج زوريهم بين فتره وفتره وله بلاسبوع مره ومعاج حلوو حق امج ,,, والله يوفقج

 

[الـفـجـر الـبـعـيـد]

رد : اهلي مايبوني بنات عندي سؤال :\

حبيبتي لازم تقتنعين انه مافي شي اسمه اخوان ربوبيه الا بالرضاعه

وهذول مو محارمج تقبلي الفكره

وبتشوفينهم وبتكلمينهم الحين ولا بعدين واذا شفتيهم لا تعاتبينهم اكيد خلي الوضع طبيعي

اكيد يبونج تتعودين على الوضع وانتي بعيده عنهم

والله يوفقج مع حياتج الجديدة

 

[فـدوه]

رد : اهلي مايبوني بنات عندي سؤال :\

قصتج تعور القلب.... بس لازم تصيرين قوية إنتي مره اللحين و لازم هالشي مايسويلج ترسبات بنفسيتج.

جابلي كليتج و حطي همج بدراستج و ماعليج من أحد حبي نفسج لأن محد بينفغج لا أخوان و لا أهل

شهادتج ووظيفتج هم سندج و بس.