اهلي سبايب علتي

[كنفاني]

الله يعينج ويسر امرج

عالعموم مهما نقول راينا ,,مانقدر نوصل للمفيد

لانج انتي الوحيده اللي تقدرين تقدرين الاصلح لهالموقف انتي اللي عايشه مع ريلج وانتي تعرفين اهلج زين

منو اللي تقدرين تتحملينه ومنو اللي ماله مجال التحمل

قيسي منو اللي كفته اهون يعني اختاري اهون النارين

وعساالله يعينج وانشالله الله بيساعدج

لان كل يوم مظلم لابد تشرق الشمس بعده

لج من قلبي دعوة لربي ان الله يهون عليج مصيبتج.....

 

[ام العمبر]

رد : اهلي سبايب علتي

ماتقصرين والله من طيب اصلج وربي يصلحج بس قاعده اوصل لحل بذن الله ربي كريم ويفرجها لي

 

[ام العمبر]

رد : رد: اهلي سبايب علتي

قعدي عند ريلج بس سكتي عنه خليه بحاله وانتي بحالج
اذا طلب شي سويه ولا تعاندين
وسويي اشغالج بروحج سويي كل الي يبيه عشان ما تصيرله فرصه يمد ايده عليج
اهم ما عليج عيالج
لا كبروا ان شاءالله بشيلونج شيل

مومن طبعي العناد ولا من طبعي اركض وراه بس اهوا ماذيني ولا عمري عاندته حسبي الله على كل ظالم

 

[اسم السيده]

رد : اهلي سبايب علتي

الله يعيينك على ماابتلاك

ويخلييلك عيالك وتقر عينك بشوفتهم احسن ناس

ونصيحتي لااتطلقين لان اهلك ماراح يتحملونك

اقعدي في بيتك واصبري واذا زوجك مد ايده عليك روحي الطبيب واخذي تقرير يثبت حالتك

وهدديه انه اذا كررها بتروحين تشتكين عليه بالمخفر

على الاقل خليه يكف شره عنك

وحرام عيالك يشوفونك تنطقين

ومالك الا الدعاء والله قادر على تفريج الهم والكرب سبحانه

واحتسبي الاجر

 

[ضايعة بدنيتي]

الله يعينك حبيبتي وربي قلوبنا عورتنا عليك . الله يفرج همك ويهدي لك هالزوج ويسخره لك ان شاء الله

 

[شووكولاته]

شوفي اذا اثنينهم نار

بيتج علأقل انتي المتحكمه وعيالج ماخذين راحتهم وريلج مو24 ساعه جدامج بيطلع براحين شوي

فبيت ابوج بيحصلون زفعيالج ومحد بيتحملهم وبيصكون عليج مره وحده لاطلعه ويقعدون يعايرونج

صبري واستغفري باجر عيالج يكبرون وينفعونج


يا ما حريم رجاجيلهم خمارين ويطقونهم وصابرين


وعيالهم كبروا ونفعوهم والريال كبر و طخ

 

[Cander]

اختي

يوم ان امج تقول على البدون خكرة ليش من الاساس يزوجونج خكري ؟

انا ماني بدون بس هذا الصج يعني اهلج الكويتيين واهم اهلج ما يبونج يعني مو احسن من زوجج الخكري على قولتها

انا اقول لو كاتبة موضوعج بدون هالتفاصيل اللي تجرح بالأوادم احسن ، لاتزعلين من كلامي بس الساكت عن الحق شيطان اخرس

الله يعينج ويفك ضيجتج

 

[فراولــة]

رد : اهلي سبايب علتي

هوووووونيها وتهوون
هذا المكتوب لج لا تفكرين واايد موزين خلها على ربج اهم شي صحتج قلبوو

 

[جمالي ايطالي]

الله يعينج


ادعي لزوجج


صدقيني لو تطلقتي وقعدتي في بيت اهلج بتحنيين لزوجج وحياتج وبتندمييييين

 

[q8y-moon]

الله يفرج همج

 

[يارب يطيب عبود]

رد : اهلي سبايب علتي

الله يعينك ويشرح صدرك
وويسر أمورك
يااااااااااااااااااااااااااااااااااااااارب

 

[غمزه وإبتسامه]

ناار زوجج ولا جنة اهلج

صبري انه مع الصبري فرررج

عشاان عيالج

 

[ام العمبر]

رد : رد: اهلي سبايب علتي

الله يعينج


ادعي لزوجج


صدقيني لو تطلقتي وقعدتي في بيت اهلج بتحنيين لزوجج وحياتج وبتندمييييين

انا خايفه اندم بس مافي شي يخليني اندم عليه لاكلمه حلوه ولا ذكرى حلوه لي معاه مغير المعاير والاهانات

 

[ام العمبر]

رد : رد: اهلي سبايب علتي

اختي

يوم ان امج تقول على البدون خكرة ليش من الاساس يزوجونج خكري ؟

انا ماني بدون بس هذا الصج يعني اهلج الكويتيين واهم اهلج ما يبونج يعني مو احسن من زوجج الخكري على قولتها

انا اقول لو كاتبة موضوعج بدون هالتفاصيل اللي تجرح بالأوادم احسن ، لاتزعلين من كلامي بس الساكت عن الحق شيطان اخرس

الله يعينج ويفك ضيجتج

ابي افضفض ابي احد يس فيني مو قصدي اجرح احد والله اهيا تقولي بعد منو بياخذج يالعانس غير البدون الا من يبيج والله هذي كلمتها من اول اصار عمري 30 وفعلا ليين حلا بعيني البدون منها

 

[ام العمبر]

رد : اهلي سبايب علتي

الله يعينك ويشرح صدرك
وويسر أمورك
يااااااااااااااااااااااااااااااااااااااارب

يارب ماتقصرين

 

[برد ابو الذهب]

الله يكون بعونج

 

[& شرطان الذهب &]

رد : اهلي سبايب علتي

نار زوجج ولا جنه اهلج

 

[ام العمبر]

رد : اهلي سبايب علتي

يسلمووو ياحبايبي على هالردود الطيبه اشكركم

 

[حتى الكره فيني]

مالج الا الصبر

وتقربي من ربج وخااصه في الثلث الاخير من الليل

وادعي ما تردرين ربي يستجيب دعوتج وينقلب حال ريلج ويصير خوش ريااال

 

[مشتاقه لك يبا]

رد : اهلي سبايب علتي

الله يفرج همج