اهلي سبايب علتي

[ام العمبر]

بنات اليوم مقهوره وببط الجربه على قولتهم تحملوني اليوم عيفه ...
بما انرجلي موكفوو كل الي اسوي له ولا كفو حشيمه وفكرت بالطلاق بس اهلي اذا تطلقت ماراح يقبلوني لان 24 ساعه طنازه علي مرات شماته عينك عينك بس شسوي اسكت من وين وله من وين ياربي قبل مغير العانس العانس الحين ام البدون وام البدون والله تعبانه ورجلي موكفو ابداا الصبر عليه وغير حريم خواني ونظرات الشماته ونغزات ....
وامي ابوي تقولي ظفي عيالج الخكره بعدين تتاسف لي شالفايده وخايفه اتطلق وارح لهم واذا رحت عيالي بتعقدون وتقولي هذيل عيال شلون يترقعون منو بزوجهم غير الي مثلهم انا احس باكتياااااااااااااااب تتوقعون العيشه بيت اهلي احسن من الذل بيت الرجل ؟؟ حتى الرجال ستر وغطى للمره اسمه رجال اسم انج متزوجه بالمجتمع ولا مطلقه صح كلامي وله انا غلطانه ؟؟؟!

 

[فوفو22]

رد : اهلي سبايب علتي

يا حياتي

اقدر الظروف اللي انتي عايشتها

تلا قينها من وين ولا وين ...

عموما

هذا اختيارج

وانتي مقتنعه فيه

والجنسية والاصل .....ما تعيب الرجال

يعيبه سلوكه واخلاقة

اذا شايفه زوجج طيب وسلوكه معاج زين وقادره تتأقلمين معاه

ستمري معه

واذا شايفه الحياة معه جحيم وكل يوم ضيم....مافيه مجال يتعدل

صلاة الاستخاره لاتخاذ قرار الانفصال افضل

فوفو

 

[$حبيبة عبودي$]

نار زوجج ولا جنة اهلج يمكن زوجج يتغير يتعدل يترقع
بس الاهل اهم اهم وانتي ادرى فيهم كلهم ,,
زوجج متحملج بس اهلج كلها اسبوع وبتبدا المشاكل معاج مع عيالج ..
خليبج بيتج ابرك لج وعاد طوفي كلنا عندنا مشاكل لا تشكين لناس اشكي لرب الناس ..

 

[ام العمبر]

رد : اهلي سبايب علتي

فوفو اذا رحت يمين نار وذا رحت يسار جحيم والمشكله اذا ما اخذ مني فلوس زوجي يطقني وانا مره كبيره ماتحمل الضرب كلش ماتحمله حياتي ياحس انتهت

 

[عسل وردي]

قوه اختي اول شي ربي يعينج على الشماته والتطنز منهم واتنمى انه ماتعطين لهم مجال حق هشي
ثاني شي انتي غلطانه مو يعني اسم مطلقه يعني ضياع لا بلعكس
اذا انتي موظفه فتحليج بيت ولمي عيالج وعيشيهم احسن عيشه ولا الي يسوى والي مايسوى
يقعد يتطنز ويتشمت وشنو يعني بدون البدون هم خو بشر بس العالم استغفرالله مادري على شنو شايفه نفسها
واذا الريال ردي ومو سنع ومو كفو شوتيه وحذفيه مع السلامه لي متى بتحملين قذارته وخياناته
لأنه من الأول مو مبين بعينه والله يرزقج بلأحسن منه بس نصيحتي والله
التفتي حق اعيالج وحياتج معاهم ولا تعطين حق اي احد فرصه انه يهدم حياتهم وكوني لهم الأم والأبو ولا تنكسرين وتحطين ايدج على خدج وتقولين ياربي ليش ولا حسافه وحسافه هشي ما يفيدج والله يوفقج ان شاءالله

 

[ام العمبر]

رد : رد: اهلي سبايب علتي

نار زوجج ولا جنة اهلج يمكن زوجج يتغير يتعدل يترقع
بس الاهل اهم اهم وانتي ادرى فيهم كلهم ,,
زوجج متحملج بس اهلج كلها اسبوع وبتبدا المشاكل معاج مع عيالج ..
خليبج بيتج ابرك لج وعاد طوفي كلنا عندنا مشاكل لا تشكين لناس اشكي لرب الناس ..

ماشكيت بس تعبت حييل من الظلم يوم كنت بيت اهلي انظلمت من خواني حييل وحريمهم وخواتي الصغار متزوجين وهم ظلموني والحين بس اشوف عيون عيالي والله احس ربي عطاني اكبر نعمه

 

[brettey]

رد : اهلي سبايب علتي

اذا هذيل اهلج طيعيني نار الريل ولاجنه الاهل
والحل اهو الدعاء وصلاه الليل والاستغفار

 

[دمـــوع]

يعينج الله وربي يصبر قلبج
ويفرجلج انشالله

 

[So0oKaRa]

في وايد حريم حالتهم مثل حالتج وصابرين على ظلم رياييلهم لانه ماعندهم اهل يقدرون يعتمدون عليهم لو تطلقو
بس لو انتي مو قادره تتحملين ظلم زوجج ولا حابه تقعدين عند اهلج اهو مجبور يصرف عليج ويعطيج نفقه وتقدرين تأجرين شقه تقعدين فيها انتي وعيالج خاصه لو انتي تشتغلين هالمصاريف راح تتدبر وانتي مره كبيره مثل ما قلتي وقرارج بيدج وقتها راح تعيشين بروحج ومرتاحه محد يأذيج ولا يسمعج كلام يضايقج
انتي عارفه حالتج اكثر منا فكري وشوفي طلاقج هل راح يفيدج ويريحج ولا بيزيد همومج ومشاكلج وقتها قرري
وعسى ربي يوفقج ويحلج مشكلتج يارب

 

[الشامريه]

نااااااااااااار زووجج ولا جنة اهلج


تحمليه لما يكبرون عيالج واذا كبروااا اكبـــــــــــــــــر سيفون على راسه

 

[جذابه بنت ذيابه]

رد : اهلي سبايب علتي



بسألج


شلون صلتج بربج ..؟



اذا قويه

هذا ابتلاء


واذا مو قويه قويــــــــها
الجي الى ربي وربج ..


وصلي واقري قرأن وتصدقي
واستغفري بنية الهدايه لزوجج ..


وعسى ربي يهديه



واذا على اهلج
اذا كلش كلش مو متحملته روحي طيحي على رجولج
امج وقوليلها كل اللي بخاطرج
وصدقيني مافي ام بتضيع ضناها بيدها


وعسى ربي يهدي زوجج ويسخر اهلج لج يارب

 

[الشهد كله]

حبيبتي الله يعينج

انتي بنفسج تقولين يمين نار ويسار حهنم

الزوج ستر وغطا لج بس إنج تشوفين الظيم والظلايم منه ، الله يصبرج

وتبين الصج ناره ولا جنة أهلج دام عيشتهم بس معاير

عسى الله يهديه لج ويصبرج عليه

آنا عندي الريال يتعدل مع الزمن بس الأهل شيعدلهم

هذي أطباعهم من عمر مو الحين

عسى الله يقويج على الكل ويصبرج يارب​

 

[روحي ابوي]

الله يعينج ميخالف ياقلبي لازم تحملين عشان عيالج والله يعوض صبرج خير[/i]

 

[$حبيبة عبودي$]

رد: رد : رد: اهلي سبايب علتي

ماشكيت بس تعبت حييل من الظلم يوم كنت بيت اهلي انظلمت من خواني حييل وحريمهم وخواتي الصغار متزوجين وهم ظلموني والحين بس اشوف عيون عيالي والله احس ربي عطاني اكبر نعمه

الحمدلله فهمتي علي انا قصدي طالعي الناحيه الايجابيه اللي اهم>> عيالج
والباجي مايسون تكبرين عمرج عشانهم خليهم شوفي نفسج توظفي اذا كنتي بطاليه درسي سوي انجاز يكبرج بعيون الجميع..
الله يصلح الحال..

 

[ام العمبر]

رد : اهلي سبايب علتي

بسألج


شلون صلتج بربج ..؟



اذا قويه

هذا ابتلاء


واذا مو قويه قويــــــــها
الجي الى ربي وربج ..


وصلي واقري قرأن وتصدقي
واستغفري بنية الهدايه لزوجج ..


وعسى ربي يهديه



واذا على اهلج
اذا كلش كلش مو متحملته روحي طيحي على رجولج
امج وقوليلها كل اللي بخاطرج
وصدقيني مافي ام بتضيع ضناها بيدها


وعسى ربي يهدي زوجج ويسخر اهلج لج يارب

الحمدالله يارب اقرا قران وصلاه وبنفس اوقت موهاده نفسي دايم احاول اتجمل واتكشخ وابحث الموضه والدين مومخليه ربي كلش

 

[سيدة الذوق]

انتي مره كبيره وموظفه تقدرين تستقلين بروحج

بس بالاول فكري

 

[ام العمبر]

رد : اهلي سبايب علتي

ماقدر اهلي صعب

 

[ii DareeN ii]

رد : اهلي سبايب علتي

اذا انتي موظفة تقدرين تشيلين عمرج شلي يجبرج على الطق والاهانة استقلي بنفسج سكني بيت يم بيت اهلج ومحد له شي عندج ترا العمر ايي مرة وحده مايتكرر مرتين عشان تقزرينة بتعب وطق

 

[BiiShOoO]

الله يعيينج و يصبرج

 

[أسيرة_أحزاني]

رد : اهلي سبايب علتي

وقت وصخ لا من اهل ولا ريل