اهلي رافضين!!!!شسوي؟؟!!!

[انا قلبي دليلي]

السلام عليكم !! قوه بنات شلونكم شخباركم؟! ادش بالموضوع على طول !!
الله يسلمكم انا عمري 24 سنه او عندي رفيجه اكبر مني من اسبوع تواعدنا نتعشى بمطعم !! اول ما شبعت فاتحتني بموضوع او قالت ان اخوها حاط عينه علي او ناوي يخطبني !!! طبعا قالت لي باجر بنزوركم عشان انخطبج !! طبعا انا اول ما رديت البيت فتحت الفيس بوك او دخلت على صفحة اخوها ابي اشوفه !!!! اول ما شفته قلت بأعلى صوتي لا شعوريا (وااااااااااي) شقول شاخلي؟؟! اهو جمال اهو قوام اهو يهبببببل !!! او ماشاالله عليه عنده ماجستير هندسه او خريج لندن ؟؟؟؟؟!! اهو زقرتي ؟؟؟!!!! والله من شفته ما نمت ليلي او قعدت اصلي وادعي ربي لين الصبح ان يكون من نصيبي ؟؟؟؟!!!! والله ان تربع بوسط قلبي !!!
المهم زارونا الحريم واخطبوني من أمي ؟؟!! طبعا أمي قالت عطونا اسبوع ونرد عليكم !!!
طبعا اول ما طلعو قالت أمي ( والله العظيم حاله احنه على اخر عمرنا إناسب ك.....!!
والا ارد عليها ( شهالحجي يمه الله يهداج حتى اهم عايله معروفه واخدمت الديره او منهم شيوخ الدين و المحامين و المهندسين !!!!)
والا ترد علي ( ندري ندري لكنهم مو من مواخيذنا او من ساير الناس احنه الي يبي يناسبنا لازم يكون واحد حسب او نسب اصيل مثلنا !!!!!! )
والله وقتها حسيت اني بابجي او باموت مالقهر !! شهالتخلف اصيل او من ساير الناس !!! عففففففيه بنات شلون اخلي اهلي يوافقون ؟! اهم ناوين يزوجوني ولد عمي السرسري عزكم الله الي لا شهاده ولا أخلاق !!! عفيه بنات شلون أخليهم يوافقون ؟! والله بموت ان ما اخذته !!!!! اهم بس رافضين عشان احنه اصيلين على قولتهم واهم من ساير الناس !!!! عفيه بنات ساعدوني الله يخليكم.
*

 

[حمامة الحرم]

ادعي ربك

واكثري من قول ((حسبي الله لااله الاهو عليه توكلت وهو رب العرش العظيم))

 

[~✿ ارتـِوآآآء روح !]

اختي اولا ماله داعي هالالفاااااظ
وثانياااا اذا ربي كتبه من نصيبج بيكون من نصيبج
واذا ماكتبه ماراح يكون لج ابداً
ولعل هالرفض خير
((وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ))

 

[جوانا2010]

الله يكتبلك اللي فيه خير لك ............

 

[sweet.sanfoora]

موو غصب الزواج حبي

واجهي امج وابوج

قوليلهم اوكي مو عاجبكم هذا عشان اصله

انا هذا مو عاجبني (اللي هو ولد عمج) عشان اخلاقه


والله يوفقج حبيبتي

والمقدر كاين

 

[الغلا كله لبوي]

الله يجعله من نصيبج اذا فيه الخير

 

[ارجوانية]

والله ماتدرين يمكن يكون ولد عمك
احسن منه لا تاخذين بالشكل الظاهري
ونصيحة كثري استغفار والله يوفقك ويرزقك
باللي يسعدك ويهنيك

 

[عبير العنزي]

ياربي هالناس متى تغير تفكـــــــــيرهاا .. أصيل ومو أصيل وخرابيط وتخلف

حبيبتي حاولي تقنعين أهلج خلج جريئه كلمي أمج قولي رايج هذي حياتج ومستقبلج.. قولي لهم حديث رسولنا الكريم عليه الصلاة والسلام

إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

ذكريهم ان لافرق بين عربي وأعجمي الا بالتقــــــــــــــــــوى.. قولي لهم وراكم حساب وبتتحاسبون على هالشي

انا راضيه ومقتنعه بالريال ..وانا مابي ولد عمي لو اخر يوم بحياتي مااأخذه

لاتسكتين خلي شخصيتج قويه أحنا مو بعصر الجاهليه البنت مالها كلمـــه؟

وبالتوفيق حبيبتي

 

[غرق بالماي]

الله كريم

 

[راتشيل]

والله مادري شقول الحل من بعضه انا نفسيج اي واحد يجاي مارضون عشين الاصل بس شوفي توكيل علي الله واذا هذا رجل من نصيبج ان شاء الله بتخذين

 

[دلع العتبان]

عسى الله يكتبلج الي فيه خير

 

[شقرا كويتيه]

الله يكتبلج اللي فيه الخير

 

[رذاذة مطر الشتا]

موو غصب الزواج حبي

واجهي امج وابوج

قوليلهم اوكي مو عاجبكم هذا عشان اصله

انا هذا مو عاجبني (اللي هو ولد عمج) عشان اخلاقه


والله يوفقج حبيبتي

والمقدر كاين
زيما قالت الاخت والله يوفقك

 

[إماراتية طر]

الله يوفقج

 

[الملتقي الجنه]

موودري شنو اقوولج
بس مو حلووه تعاندين اهلج وتتزوجينه وهم مو راضين يمكن سبحان الله منعهم خيرره لج

بس انتي استخيري وادعي ربج
واعرفي ان اللي كاتبه ربج هو اللي فيه خير لج

 

[ماريا ابنة الحي]

اهم شي رضا اهلج
وماراح تاخذين الا نصيبج

 

[هاناا]

الله يكتب لج الي فيه الخير



اكثري من الاستغفار و الدعاء

 

[دنيتهـ]

الله يوفقشش ويكتبلشش لي فيه الخيير

والجماال جماال الرووح

لايغرج المظههر حبيبتي\

والله يوفقشش

 

[أم خشم]

اولا ,, ما تغترين بالشكل و بس ,, اختي يمكن جوهره قبيح

ثانيا ,, لي متى هالتخلف بالتفكير من بعض الاهالي ,, اذا الانسان زين و اهله زينين و اخلاق و سمعة طيبة خلاص اما اذا شفتوا عليهم شي

بدنيهم و اطباعهم لا هذا شي ثاني ,, يعني الرفض من غير السؤال ظلم .

ثالثا ,, من حقج تقولين لا للشخص اللي ما تبين تتزوجينه

والله يكتبلج اللي فيه الخير ان شا ءالله ,,

 

[جوانا2011]

الحين انتي تعلقتي بالرجال علشان شفتي صورته بالفيس بوك بس
شهالحب الصاروخي
ياحبيبتي مو هذا اساس اختيار شريك الحياه ..وبعدين ممكن اهلك يسألون عنه خلال هالاسبوع ويطلع مو زين ...وممكن تاخذينه ويطلع عينك . يعني لاتعاندين اهلك وتعصينهم علشان واحد تعلقتي فيه من شفتي صورته..اثقلي وقلبي الموضوع براسك ....احنا عارفين ان الاسلام مافرق بين المسلمين لا بشكل ولا بلون بس واقع محتمعاتنا تقول الوحده ما تزوج الا من مواخيذها اذا مو احسن