السلام عليكم ....
اليوم جتني الجراه على اني اكتب قصتي لكم حبيت افضفض لكم لاني احس حالي مخنوقه وماعندي اللي اشكي له همي... واعذروني اذا في كلام مخربط او مو مفهوم لان الله يعلم بحالتي اكتب وانا الدموع مغرقتني بس سبحان الله مع كل دمعه تنزل صج احس فيها حرقه بس هم احسها تغسل قلبي وتريحني ... الحمدلله على كل حال
انا ماصارلي وايد متزوجه حالي حال اي بنت كانت تنطر هاليوم بفارغ الصبر تزوجت واحد لا اعرفه ولا يعرفني يعني زواج تقليدي بحت استخرت فيه اكثر من مره والحمدلله تم كل شي ع خير صحيح ان الزواج تاجل اكثر من مره لفترات متباعده بس بداخلي كنت اعرف انها خيره من الرحمن والى اليوم وانا اقول كل اللي صار خيره من الله بلاشك والايام بتثبت هالشي.. المهم تم الزواج ومن اول يوم سبحان الله مر علي معاه وشفته ماحسيت فيه قبول كلش مادري ليش وحسبت في شي غلط بالموضوع استعذت من الشيطان ومر اليوم عادي وبعد العرس بجم يوم سافرنا وهني كانت اول صدمه لي في حياتي والله والله يشهد على كلامي ان صدمتي فيه كانت جنها حلم مومصدقه اللي اسمعه نهائيا وحتا لو قلتها محد بيصدقها (اعترفلي بشي اثناء سفرنا ومارضا يقوله لي غير لما سافرنا برا مادري شنو الحكمه وبحكم اني بغربه وتوني عروس ماعرفت شلون اتصرف بس اللي اذكره اني كنت نفس المسبهه معاه المهم بنات هذا الشب خاص جدا واعذروني ماقدر اتكلم فيه ) المهم رجعنا من السفر وانا كل ماله احس بضيقه واحس اني بالمكان الغلط واجي ع روحي واصبرها لاني لو طلبت الطلاق مو من صالحي كوني توني ماصارلي الا جم اسبوع وكلام الناس مايرحم وفي كل مره ازور فيها اهلي يلاحظون اني متغيره ومو حال عروس اللي تجي تضحك وكاشخه وفي كل مره ازورهم كنت اقول خلاص هالمره لازم اقعد مع احد من اهلي واقوله بكل اللي صار معاي وفعلا لين يوم من الايام اخترت اني اقعد مع ابوي واسولف معاه والله من قعدت معاه وانا دموعي تصب بروحها وقلت له بكل شي وقلت انا ماابيه ابي الطلاق طبعا ماوافقني وقالي اصبري وانتي توج والكلام راح ينقلب عليج بس رديت عليه بكلمه وحده اني مالي شغل بكلام الناس انا اللي شايله الضيم وساكته ماقدر اكمل ونفترق اللحين احسن ما بعدين احمل وهني فعلا اهي اللي تكسر الظهر وقتها..طبعا مارضا وهداني وقالي عليجج بالصلاه والاستغفار وامورج بنتحل وفعلا رضيت بالواقع المر بس كنت سبحان الله بين كل فتره وفتره والله يابنات نتزاعل واقعد عند اهلي بالشهر والاثنين لين ماانا اللي ادق عليه واعاتبه طبعا بتقولون ليش تسوين جذي اقولكم اني باول زعله لنا قعدت عند اهلي شهر وتاخرت علي الدوره وكنت ادعي مايكون في حمل بس حكمة الله طلعت حامل ويومها اذكر بجيييييت بجي استغفر الله وحده مثلي كانت تفرح بهالشي ومع هذا دقوا اهلي عليهم وبشروهم بالخبر ولاحرك فيه ساكن وطلبت ان امه تجي واقعد معاها وكنت ناويه اقولها بالشي اللي صارحني فيه بالسفر وشلون ساكتين عليه وسبحان الله وقتها ماقدرت اتكلم نهائيا والله مادري ليش والوم نفسب اللحين مليون مره ليش ماتكلمت وقتها بس شنو الفايده واللي كسر خاطري امه مره عوده تمشب ع عصاة يعني وينها ووين هالسوالف سكت واخذت من خاطري ورجعت معاه وكنت اعامله بما يرضي الله والله يشهد علي لين في يوم جاني وقالي اخذي اغراضج وروحي بيت اهلج حاولت افهم وين المشكله كان يتعذر باسباب تافهه والله لو في شي جايد جان قلت معاه حق بس وقتها جاني الهام من الله سبحانه لاني طول الفتره اللي قعدت فيها معاه كنت استخير فيه والله ادعي من قلب الله يبين لي خيره من شره لين جا هاليوم ومن حاله قالي جذي وقالي طالق قعدت ببيت اهلي اربع شهور طبعا ماسلمت من الكلام ماقول غير حسبي الله ونعم الوكيل اتهموني بشرفي يابنات ولافكر اني شايله ولدهم االي شايل اسمه ولاحتا اهلي سلموا من كلامهم ولاراعوا حالتي ووضعي اللي انا فيه انا اللحين بالشهر التاسع وعلى وشك ولاده ولي اليوم وانا اتحسب عليهم ان الله ياخذلي حقي منهم وارجع واقول خيره ان شالله بس للاسف يدري بقرب ولادتي وطرشلي ورقتي يعني حتا ماصبر لين اولد لانه طلقني وانا حامل وبس تنتهي عدتي لما اولد خلاص مايكون بينا شي بس طرشها لي ومايدري انه دمرني انا من حملت وانا ازعل كثيييبر وابجي وكاسر خاطري البيبي لانه موذنبه وشي موبيدي من القهر اللي احسه وحالتي مايعلم فيها غير الله ولو صار في البيبي شي ذنبه برقبتهم واطلب من الله ان يرزقني اياه سليم معافي يارب ويعوضني خير واتمنى منكم تدعولي بان الله يعوضني خير منه ويسهل ولادتي ويمسح ع قلبي لان والله نفسيتي صايره تحت الصفر .... اعذروني ع الاطاله بس فعلا احس اني ارتحت لما تكلمت واسال الله التوفيق يارب .
اليوم جتني الجراه على اني اكتب قصتي لكم حبيت افضفض لكم لاني احس حالي مخنوقه وماعندي اللي اشكي له همي... واعذروني اذا في كلام مخربط او مو مفهوم لان الله يعلم بحالتي اكتب وانا الدموع مغرقتني بس سبحان الله مع كل دمعه تنزل صج احس فيها حرقه بس هم احسها تغسل قلبي وتريحني ... الحمدلله على كل حال
انا ماصارلي وايد متزوجه حالي حال اي بنت كانت تنطر هاليوم بفارغ الصبر تزوجت واحد لا اعرفه ولا يعرفني يعني زواج تقليدي بحت استخرت فيه اكثر من مره والحمدلله تم كل شي ع خير صحيح ان الزواج تاجل اكثر من مره لفترات متباعده بس بداخلي كنت اعرف انها خيره من الرحمن والى اليوم وانا اقول كل اللي صار خيره من الله بلاشك والايام بتثبت هالشي.. المهم تم الزواج ومن اول يوم سبحان الله مر علي معاه وشفته ماحسيت فيه قبول كلش مادري ليش وحسبت في شي غلط بالموضوع استعذت من الشيطان ومر اليوم عادي وبعد العرس بجم يوم سافرنا وهني كانت اول صدمه لي في حياتي والله والله يشهد على كلامي ان صدمتي فيه كانت جنها حلم مومصدقه اللي اسمعه نهائيا وحتا لو قلتها محد بيصدقها (اعترفلي بشي اثناء سفرنا ومارضا يقوله لي غير لما سافرنا برا مادري شنو الحكمه وبحكم اني بغربه وتوني عروس ماعرفت شلون اتصرف بس اللي اذكره اني كنت نفس المسبهه معاه المهم بنات هذا الشب خاص جدا واعذروني ماقدر اتكلم فيه ) المهم رجعنا من السفر وانا كل ماله احس بضيقه واحس اني بالمكان الغلط واجي ع روحي واصبرها لاني لو طلبت الطلاق مو من صالحي كوني توني ماصارلي الا جم اسبوع وكلام الناس مايرحم وفي كل مره ازور فيها اهلي يلاحظون اني متغيره ومو حال عروس اللي تجي تضحك وكاشخه وفي كل مره ازورهم كنت اقول خلاص هالمره لازم اقعد مع احد من اهلي واقوله بكل اللي صار معاي وفعلا لين يوم من الايام اخترت اني اقعد مع ابوي واسولف معاه والله من قعدت معاه وانا دموعي تصب بروحها وقلت له بكل شي وقلت انا ماابيه ابي الطلاق طبعا ماوافقني وقالي اصبري وانتي توج والكلام راح ينقلب عليج بس رديت عليه بكلمه وحده اني مالي شغل بكلام الناس انا اللي شايله الضيم وساكته ماقدر اكمل ونفترق اللحين احسن ما بعدين احمل وهني فعلا اهي اللي تكسر الظهر وقتها..طبعا مارضا وهداني وقالي عليجج بالصلاه والاستغفار وامورج بنتحل وفعلا رضيت بالواقع المر بس كنت سبحان الله بين كل فتره وفتره والله يابنات نتزاعل واقعد عند اهلي بالشهر والاثنين لين ماانا اللي ادق عليه واعاتبه طبعا بتقولون ليش تسوين جذي اقولكم اني باول زعله لنا قعدت عند اهلي شهر وتاخرت علي الدوره وكنت ادعي مايكون في حمل بس حكمة الله طلعت حامل ويومها اذكر بجيييييت بجي استغفر الله وحده مثلي كانت تفرح بهالشي ومع هذا دقوا اهلي عليهم وبشروهم بالخبر ولاحرك فيه ساكن وطلبت ان امه تجي واقعد معاها وكنت ناويه اقولها بالشي اللي صارحني فيه بالسفر وشلون ساكتين عليه وسبحان الله وقتها ماقدرت اتكلم نهائيا والله مادري ليش والوم نفسب اللحين مليون مره ليش ماتكلمت وقتها بس شنو الفايده واللي كسر خاطري امه مره عوده تمشب ع عصاة يعني وينها ووين هالسوالف سكت واخذت من خاطري ورجعت معاه وكنت اعامله بما يرضي الله والله يشهد علي لين في يوم جاني وقالي اخذي اغراضج وروحي بيت اهلج حاولت افهم وين المشكله كان يتعذر باسباب تافهه والله لو في شي جايد جان قلت معاه حق بس وقتها جاني الهام من الله سبحانه لاني طول الفتره اللي قعدت فيها معاه كنت استخير فيه والله ادعي من قلب الله يبين لي خيره من شره لين جا هاليوم ومن حاله قالي جذي وقالي طالق قعدت ببيت اهلي اربع شهور طبعا ماسلمت من الكلام ماقول غير حسبي الله ونعم الوكيل اتهموني بشرفي يابنات ولافكر اني شايله ولدهم االي شايل اسمه ولاحتا اهلي سلموا من كلامهم ولاراعوا حالتي ووضعي اللي انا فيه انا اللحين بالشهر التاسع وعلى وشك ولاده ولي اليوم وانا اتحسب عليهم ان الله ياخذلي حقي منهم وارجع واقول خيره ان شالله بس للاسف يدري بقرب ولادتي وطرشلي ورقتي يعني حتا ماصبر لين اولد لانه طلقني وانا حامل وبس تنتهي عدتي لما اولد خلاص مايكون بينا شي بس طرشها لي ومايدري انه دمرني انا من حملت وانا ازعل كثيييبر وابجي وكاسر خاطري البيبي لانه موذنبه وشي موبيدي من القهر اللي احسه وحالتي مايعلم فيها غير الله ولو صار في البيبي شي ذنبه برقبتهم واطلب من الله ان يرزقني اياه سليم معافي يارب ويعوضني خير واتمنى منكم تدعولي بان الله يعوضني خير منه ويسهل ولادتي ويمسح ع قلبي لان والله نفسيتي صايره تحت الصفر .... اعذروني ع الاطاله بس فعلا احس اني ارتحت لما تكلمت واسال الله التوفيق يارب .
