ان لم تكوني عوبه اكلنج العوووووب

[الحالمه]

الله يعينج ويصبرج

 

[&هند&]

حبيبتي ارجعي له اذا مو عشانج عشان عيالج وعيشي لج ولعيالج وادعي ربج وقيمي الليل واعرف وحده عندها بنات وجذي خذا عليها مطلقه وقعدت عنده وقامت تدعي وتقيم الليل لين طلق الي خذاها ورجع لها وجابت منه ولد ،،،،،

 

[& شرطان الذهب &]

انا مع فوفو والله يواجرج يارب ويسخره لج ويجعله ما يشووووووف غيرج

 

[ابلة لولوة]

يا بنات الحلال
يابنات الاصول
موكل ماطلب منج ريلج شغله قلتيله آمين

يعني المعرووف عن الرياييل انهم يحبون يتشيحطون
عند ربعهم بعدد اعيالهم لكن لاهو مجابلهم ولا يدري عنهم
يبي مرته تصير ماكينه تفريخ وتلهى بالعيال ومشكلهم
عشان يفضى له الجو ويسوي اللي يبيه
مع الوقت ومع زياده العيال يزيد الازعاج بلبيت
والمره بيصير ماعندها حتى وقت تجابله وتشوف طلباته
وساعتها يدور راحته بره
الله يهديكم عطو نفسكم حقها
روحي الصالون مارسي هوايه تحبينها
والعيال. حطيلهم بدال الخادمه خادمتين
طلعي مع ريلج واستانسي
ترا الريل اذا ماستانس معاج ترا بيستانس مع غيرج

وعسى ربي يهدي رياييلكم لكم قولو آميين

 

[classicyah]

و الله مآ أدري شو سالفة الريآييل . .

اسخفوآ ؟

مآ أقول غير الله يآجركم و يدخلكم الجنه من أوسع أبوآبهآ

فعلاً قمة القهر . .

وحده اتسوي له كل شيْ و تحمل و اتييب عيآل و تتحمل تقصيره و آخر شي يحط على رآسهآ وحده ،

انته أول لآ اتقصر فيني بعدين فكر تتزوج ؟

و شو الي نزوه !

يعني بآجر بيطلقهآ مثلاً ؟

و الله مآ أدري شو أقول غير لآ تتنآزليـن عن حقوقج

و خل يحط لج شقــه بروحجْ ، و فيهآ مكآن لج و لعيآلج

و طآلبيه كل شهر يصرف عليج . .

،

الله يكون في عونج . .

 

[غلآوي .~]

الله يكون بعونج

 

[الا يامطول صبري]

الله يعينج والله احتريت

 

[ام سلوم 123]

والله حاله مع هالرجاجيل
ابتلشنا ولك الحمد

 

[هيبة ملك]

حسبي الله عليه

دامه قرر حبيبتي خلاص مابيدج شئ

طلبي بيت وخليج مع عيالج هم عزوتج
الطلاق والله مو من صالج ولا صالح عيالج

ردي بيتج دام الرجال شاريج

 

[المـــــها]

يابعد عمري شكلج مو مقصرة معاه على كلامج
و هو بعد قالج نزوة !!!
زين هو حاط وحده فباله؟؟؟
يعني شلون تعرف عليها ؟؟
لايكون هي لاحسه مخه تدرين بنات الحرام واجد و يبون أي واحد يضفهم !!!
و شنو ردة فعل أخوج ؟؟؟

 

[noura ooo]

حسبنا الله سيؤتينا الله من فضله انا الى الله راغبون << ادعي هالدعاء كل وقت وشوفي شلون ربي بيسرها عليك
الله يصبرك ويهدي زوجك ويجملك بعينه ويشيل فكرة الزواج من باله
اللي حصل لك مو هين اكيد
بس انتي حاولي قد ماتقدرين ماتفكرين كثير بالسالفه
علشان المسكين اللي ببطنك
وخلاص عقب هالخامس اخذي موانع اهتمي بنفسك توك شباب حرام تعيشين حياتك كلها قطوه
والرجال ماتشده المره الطيبه الساذجه اللي مو معطيته من وقتها .. اهتمي بنفسك بصحتك والاطفال جيبي لهم خدامه تقابلهم تغيري علشان انتي تبسطين نفسك مو علشانه وبعدها شوفي شلون زوجك بيرجع لك
الله يصبرك

 

[فارضه احترامي]

الله يعينج يااختي
اعرف وحده مثل حالتج والله ولمن تزوج عليها اهتمت بنفسها وصارت تكشخ
زوجها يقول لو كانت تكشخ مثل الحين ماكنت تزوجت عليها
الله المستعان

 

[زوجي توأم روحي]

عليكم السلام ورحمة الله وبركاته



حبيبتي تتحملين ثلاثة ارباع المشكله

10 سنوات منهم

5 سنوات حمل ونفاس


زوجج اما يشوف بطنج جدامج او نفاس او طلبات حفاظات وحليب اللي ما تنتهي ولا رح تنتهي

خاصه ان مكان اللي عايشه في هو



حبيبتي زوجج نزوج لانه فقدت احساسه بالزوجه الانثى الدلوعه

كثير يظن كثره العيال تربط الزوج

وانا دايما اقول

كثره العيال ........عامل طارد للراحه والاستقرار

عموما

حل المشكله لج ولكل البنات

لا تتنازلون عن حقوقكم .........يعني امكم طيبين

هاذي مو طيبه هذا غبااااااء

طالبي بحقوقج فورا واهمها مكان مناسب للسكن لعدد 8 اشخاص

العيال وامهم وابوهم وخدامتهم

واهتمي بشكلج وصحتج

لانه صديقج حاليا

صحتج وفلوسج

فوفو

ماشاء الله عليج يا فوفو كل ما ابى أكتب رد بموضوع اشوفج قلتى اللى بقوله بالضبط فاسوى اقتباس واقول معاها

صاحبة الموضوع فوفو حطت ايدها على الجرح
طالبى بحقوقج ولا تتركينه لها تتهنى فيه

 

[a7la_7b]

الله يصبر قلبها

 

[حظ من عنده انا]

حسبي الله ونعم الوكيل

الله يشرح صدرج وييسر امرج

 

[دآنة آلرشآيده]

والله مآدري شقول لج
بس اللي بقوله لج انتي عندج 5 عيال
منه ويتيمه وعلاقتج مع اخوج موشي
الطلاق مو حل بالعكس امورج بتتعقد اكثر

عسى الله يفرج همج ويعطيج علي قد نيتج ​

 

[سكوتي بذوقي]

لاحول ولا قوة إلا بالله

الله يكون بعونك اختي

لاتحترين ولا تنقهرين وهو راح يعيش مستانس

اهتمي بنفسك بعد الولاده واهتمي بأطفالك

ولاتهملين بشكلك وامنعي نفسك من الحمل فتره

منها طفلك ياخذ حقه بالتربيه

ومنها تهتمين بصحتك وبجمالك

والثانيه إن شاء الله تكون غلطه ونزوى وربي يزيحها عن طريقه ويشغلها بنفسها

 

[دنيا الهم]

ana m3a fofo

 

[بنت عطا]

اسمحيلي انتي غلطاااااااااااانه من الاول ساكته عن حقج ورع ورا ورع انتي عبالج اذا كل سنه ورع بتمسكين الرجال لاغلط حبيبتي على قولت فوفو انتي بجذي نفرتيه من البيت

المهم الحين تردين لبيتج وتطالبين بكل حقوقج يعطيج رضاوه وكل شي جديد والزم ماعليج نفسج وعيالج ومكان اكبر لهم

 

[krkooora]

اذا مو كفو شنو اللي مصبرج عليه ؟؟؟
10 سنين حاكره نفسج و 5 يهال بالضيج
يجازيج بشريجه !!!!
لا تطلبين الطلاق مردة لج و لعيالج
طالبي بمكان سنع لج و لعيالج و كسري ظهره طلبات خلي يعرف قيمة العشره اللي قضيتيها معاه و اهوا باعها بزواجه الثاني
الله يصبرج عليه