ان كيدهن عظيم !!!

[نـعـومـه]

ابداع



بصراحه فشله مواعد ربعه وطالع معاه وفجأه ادقين ويرد بيقولون سكانه مرته

 

[كليـ دلعـ]

امبييه كلي دلع
آخر سالفة خنفشارية
شنو هذا !
لا حيا ولا مستحى
ترز ويهها وتعرض نفسها للزواج

اقسسسسسم بالله انها صحيحه اميه بلاميه

وقصه بدويه بعد والبدو عندهم سلووم

ان مثلا لمايت وعرضت نفسها مايشووفه

قصورن فيها اوقله حيااا بالعكس يشووفه

جييد وطيب انها تلي الستر والعيشه

من جذس اخذهاا

يعني لاتشووفونه من باب عيب فشله

 

[Perfume]

^^^
هيك يعني
بس فشلة شقالوا لبنت عمها

 

[كليـ دلعـ]

شكو بنت عمها

ماراحوولها ولادرت

بس تالي طلع الحجي ان فلان ياي

لبنت فلان وصار كذا

 

[Perfume]

اهاااا
عبالي بنت عمها تدري
وماخذين منهم موعد

 

[ام هيا العلي]

لي عوده للتعلق ان شاءالله

 

[عـيّــآره]

اثقل انواع الكيد عيار 24

صاحبه القصه لا تزال على قيد الحياه

الاحداث كالتالي ..

الانسانه اللي بتكلم عنها من اقذر الناس اللي شفتهم بحياتي هاذي الانسانه تكيد للناس اللي احلى منها بالسحر

الاسود وهالنوع عرفنه انه اسواء انواع السحر وغالبا يؤدي لموت المسحور

غيرتها جنونيه على اي وحده احسن منها وعلى فكره هي من معارفنا

تقيس حياتها مع حياة اي وحده واذا طلعت احسن منها على طول تسافر لاحدى الدول الشقيقه وتسوى *** اسود

تخيلو يابنات

هالانسانه سحرت اختها لانها تزوجت شخص احسن من زوجها بمرااااااااحل مافي مقارنه بينهم هو ريال غني وله

منصب وهي زوجها عربي وحالته الماديه اقل من عاديه هني كانت اول مره تدخل هالعالم وسحرت اختها وتسببت

بموت ولدها وبعد فتره ماتت اختها كنا نحس انها انسانه مو طبيعيه لانها ام ل8 منهم متزوجين ومطلقات

وعوانس وولد واحد المهم

اول مادخلت عالم السحر وكادتت لاختها وحطمتها تغيرت حياتهم كليا تحسنت اوضاع بناتها وتزوجو المطلقات واللي

عنسو وعفنو وصارو من اغنيااء العشيره

بعد فتره من الزمن او بالاصح سنين اللي كان يساعدها ذبحه ظميره وقرر انه يعترف لانه حس انه بيموت


وتكلم وليته ماتكلم قال طريقه السحر اشلون صارت وكم مره اسحرت اختها واشلون غيرت حياة عيالها

هالمره صارت عيوز وشفتها بنات والله والله والله اول ماتشوفونها تحسون انها خنزيره مكرم و عزه الله الي قاعده

تقرى ويها متغير اسود فيه ظلم

وفيه غضب الله مو انا اللي بس شفتها تشبه الخنزير خواتي بعد قالو هالشي وانا سمعت مره بحلقه من زمان انه

الساحر الله يمسخ ويهه بالدنيا وبالاخره والله يابنات لاتشوفونها اعوذ بالله مكسوره ومهمومه وخايفه فيها خوف مو

طبيعي وبعيونها تبي تعرف هل هي مفضوحه هل الناس تعرف سرها تحاول تبتسم تكسب الناس بس ماتدري انه


الكل راح يشوفها بعزا عشان نشوف حالتها اشلون صارت هي وكبيره بالعمر تذكرت الايه اللي تقول يمدهم في

طغيانهم يعمهون

وهالعايله اللي تعنت وسافرت وسووت *** عشان تزوجهم وتحسن ا وضاعهم

احين ضايعين وكله مشاكل وبلاوووي سووده وهي ضايعه بين ماضيها الوصخ وبين السنين اللي بتعيش فيها وشنو

بيكون مصيرها وهي تشوف عايلتها تدمر

هاذي نبذه بسيطه من احداث بنص القصه لايسعني ان اذكرها والسبب تشنج الاصابع من الكتابه وكسر بظفر

السبابه

هي سحرت ناس وايد وخربت بيوت وايد

مادري اقول الله يغفر لها ولا الله ينتقم منها ل كل بيت خربته وهدمته


وبس والله ....​

 

[عـيّــآره]

الكلمات اللي فيها نجووم سحـــر

يلا بارك الله فيكم اقرو الجمله المفيده وضعو تحتها صح ​

 

[Gatwa DaloO3a]

يمه عياره اقشعر جسمي

 

[قـــمـــرهم]

كلي دلع



عندي تعليق على اخر قصه قلتيها!!


منوووو يقول انه البدو يشوفون هالحركه انها چيده وطيبه وتبي الستر!!!


لا ي قلبي


انا بدويه

ونظرتنا لهالبنت

قليلة ادب وماتستحي وماعندها كرامه و وجهها مغسوول بمرقه ..

شنو رايحه تعرض نفسها للرجال


وين راح الحيااا ..


وهالاشكال ما نتشرف فيها ولا نتشرف انها تمثل البدو


لو تسوي هالحركه وحده من بناتنا تنذبح اليوم قبل باجر ..

واصلا الرجال بيعوفها ولاااااا يفكر فيها وبينقد عليها

بس تعليقج للاسف غلط وحبيت اوضحلج نظرة البدو لهالبنت


ويعطيج العافيه ع الموضوع

 

[ليليان ..]

حبيت انوه على (( كيدهن عظيم ))
الكثير يظن أن هذي الأيه تخص النساء جميعاً
و أن جميع النساء كيدهن عظيم
و هذآ تفكير غللللط
هذي الايه كانت بسورة النبي يوسف عليه السلآم
لمى زليخه عرضت نفسها على النبي يسوف عليه السلام
و عندما كُشف أمرهآ قال لها زوجها أن كيدكن عظيم !!!
يعني هذا الأمر مو حكم من الله تعالى
وبس ..


وبالنسبة لموضوعك أعرف ناس كثييييير كثيييييييير كذآ
ما نقول غير الله يهدينا ويهديهم

 

[ليدي بجد]

صباح التفاؤل




اليوم راح اقولكم أحلا قصه كيد لما تسمعونها بتحسون براحه ورضا
قصه عظيمه اقشعر شعر راسي وانا اكتبها لكم

قصه كيد لا تنتهييي يكيدها خييير الكائدين



ولااا يستطيع ان يكيد له مخلوق
ولااا يقدر أحد ان يأتي بمثل كيده

كيد المنتقم الجبار
وعلى من يكيد؟؟!!


. للكاييييدين فقط. !!!
نعم..... هذي ميزه كيد ربي


مااحقر كيدك وذكائك ايها الانسان امااام كيد رب العزه والجلاله

يقول الله تعالى






(يكيدون كيدا وأكيد كيدا فمهل الكافرين امهلم رويدا)

 

[بيبي قيرل]

المشكله يابنات ان الخبيثه والحقوده والممثله هي الي ماشيه في حياتها زي الفل والطيبه والي على نياتها محد يبيها والمشاكل كلها على راسها ..

 

[كليـ دلعـ]

^^^^^^^^^^^^

صااااجه الطيب ماله نصيب وينوكل حقه


صدق من قال دنيا القوي

 

[ام هيا العلي]

الله يسعد مساكم خواتي .. خلني اقول لكم اكبر مثال للكيد حسبي الله ونعم الوكيل..

انا الحمدلله خايفه ربي وانسانه مصليه ومسميه والله يشهد علي.. لكن سبحان الله

لازم يكون حوالينج ناس حقوده وحسوده .. ماتفرح لمن تشوف انسانه ابحالها لالها خرابيط وسوالف,,


انا اخت زوجي .. كلمة لعينه لها شويه عليها.. حسبي الله عليها ..حسوده بكل معاني الكلمه ..

ماتحب اتشوف خواتها عندهم خير وايش شروا وايش سوو ..

واي شي يصير في حياة اي كان خواتها او انا او حتى اي بشر تركض تفتن وتتكلم من حقدها وحسدها..

سلمكم الله بذكر لكم اكثر من موقف لها..


مره امها وخواتها سافروا للعلاج.. وهذه السوسه ريلها من النوع بياع حجي وسوالف.. لوتموت مايخليها تسافر
بروحها عاد هاليوم ماتت قهر انهم سافروا ودقت علي.. وتقول لي سافروا اللحين بيروحون يواعدون شباب ويفتلون
وقالت كلام في شرف خواتها.. انا انصدمت قلبي عورني.. قالت لي خواتي كل اعيالهم بالحرام ... بااااال صدمه..

لهذه الدرجه الحسد والحقد تارس قلبج.. اللحين خواتج حريم كبار رايحين مع امج ومعاهم محرم.. سويتيهم .. استغفر الله




والموقف الثاني..كمن مره يصيدها ريلها بمغازل وخرابيط الله لايبلانا.. والله يستر علي وع بنتي..وتروح اتقط بلاويها
ع امها وع اي شخص .. مره اطلبت مني بن كود اختي .. واختي ابحالها.. وكلمن يصيدها ريلها تروح اتقط ع اختي ..
ومره زوجها صادها بايعه شبكتها.. والفلوس معطه الله يستر عليه.. وراحت قطت سالفه ع امها..
والقهر انه امها تسكت وتستر عليها لمن بناتها يقولون لها ليش تسكتين عنها تقول مابي اخرب بيتها..




واخر سالفه صارت.. عندها اخت في حالها انسانه لالها سوالف وخرابيط بس اللهم انه ريل اختها في خير ونعمه

تروح اتخرب بيت اختها واتنقل كلام وكل مشاكل اللي تصير في بيوت خواتها لريل اختها وريل اختها من نوع اللي مايحب سوالف
وخرابيط وزوجته تربية يده.. يعني ينصدم انه يسمع كلام مب زين.. وبعد ماعرف بسالفه قطعها المسكينه عن اهلها نهائيا
ولمن واجهوها خواتها انكرت وحطت كل الموضوع ... (( على راسي انا ))
اللحين ايش لي شغل في خواتج وفي ريل اختج... قالت انا اللي اعرف رقمه وانا اللي انقل له حجي وانا اللي
اتكلم لكن ام زوجي وقفت في وجهه ودافعت عني .. وقالت لها انتي تتكلمن بعرض خواتج مرت اخوج علمتني..
وللاسف راحت قالت اني كذابه وانا اللي اتكلم في شرفهم.. طبعا هالمواجهه صارت فيما بينهم اهي وخواتها
وانا ياغافلين لكم الله .. وماعرفت الا من ام زوجي ...لكني ماسكت رحت لاختهم الكبيره وقلت لها كل سوالف وخرابيط وتدابير
اختهم الحسوده.. وطلع الحق الحمدلله .. واعرفوا خواتها تدابيرها الوصخه.."


وكمن مره اتحرضني ع اخوها اللي اهو زوجي وتقولي روحي غازلي وكلمي ماعليج منه اكيد يغازل واشياء كثيره ,,



والسبه هالحسوده نقالة سوالف والحجي ..استغفر الله تحلف على القران كذب والحلف بلسانها مثل العلج كمن مره بنتها
طاحت عليها بين الحياة والموت وربي نجاها لكن مافي فايده ماتتعض .. وكمن مره ربي يكشفها وتنفضح هم مافي فايده
اذا الانسان بعيد عن ربه وغير انه زوجها نفسها طينه وحده نقال حجي وسوالف وفتنه .. وخرابين بيوت اكيد ماعليهم شرهه
هالاشكال..


والحمدلله زوجي كان واقف معاي بصفي وماسكت اتصل عليها وع زوجها وزفهم وفشلهم.. وقالها لاعاد تتكلمين في زوجي
وكمن مره كان ينصحني مااعاشر اخته او اكلمها لانه يعرف عنها خرابة بيوت..