ان شكيت الحال محدن لي سموع

[icecream]

اول ما ابدا فيه هو​

بسم الله الرحمن الرحيم​

ماني عارفة من وين ابتدي لكن بحاول ادخل بالموضوع بعد ما اعطي مقدمة بسيطة عن شخصيتي​

انا بنت اجتماعية بطبعي واحب الناس والمشاركتهم افراحهم واحزانهم واتميز بهذا الطبع وكنت محل ثقة كل صديقاتي واهلي ومستمعة جيدة مثل ما انا متحدثة جيدة والكل يشيد بان لي مكان واضح بكل مجلس وقعدة​

لكن مع الوقت قمت احس ان هذي الشخصية على انها شي ولله الحمد مميز الا اني قمت افقد الاحساس ان لي صديقة او اخت دنيا مثل مايقولون احس ان الكل يحتاجني عشان يفضفض اويستانس بسوالفي لكن لما احتاج احد ما ادري لمنو اروح؟:080402ask_prv:​

احس الكل لاهي بحياته عني ولا عندهم استعداد يسمعوم وان سمعوا فعلى سبيل المجامله مو اكثر​

انا اكبر خواتي والفرق بيني وبين اختي الي تصغرني عشر سنوات وماعندي بنات خاله وبنات عمة من عمري لاني اكبر الاحفاد​

حتى زوجي انا حبيبة معاه ومستمعة له لكن احس لما احاول افضفض له باي موضوع يحسسني اني شايله هم على الفاضي
ساعات الانسان يحاول يقول الي بداخله للي يحبة لو كان بسيط​

فحترت هل العيب فيني والا في الناس؟
هل طيبتي وعشرتي وياهم غلط ؟
والا الناس صارت انانية وماتبي الا مصلحتها؟
:bbbiu:​

 

[ޢޢޢإيمانޢޢޢะۣۨ>]

حبيبتي أكيد تعودوا عليج تسمعينهم وما تشتكين لهم
يعني صار عندهم اعتقاد إن اللي تحسين فيه شي بسيط وما يمثل مشكلة
وبالعكس ماشاء الله عليج العيب مو فيج
وتعاملج مع الناس ما كان غلط
الحل باختصار اقتربي من زوجج أكثر وقولي له كل اللي في خاطرج
مجرد ما تتكلمين مع أحد راح تحسين بالراحة حتى لو ما كان هالشخص يملك الحل
بس تكونين خففتي عن نفسج شوي
ولو يحسسج إنج شايله هم عالفاضي ترى قصده يسهل ويهون عليج اللي تحسين فيه ما يقصد إنه يقلل من أهمية إحساسج أو مشكلتج
والحل الأمثل طبعا
التقرب من الله تعالى بالدعاء
إدعي بكل وقت واشكي همج لرب العالمين
هو السميع المجيب
عسى الله يبعد عنج الضيق ​

 

[اصيله بنت البدو]

انتي عودتيهم عل هالشي وبالعكس ان ضاق خلقج استخدمي حيل مثل التفريغ عن طريق الكتابه
التسجيل الصوتي او اي حيله تحبينها ونفس الشي الجانب الديني اقربي من سجدتج وتضرعي
لربج ابكي طلعي مافي قلبك الحي بالدعاء وربي يسهل امرج نفس الشي الجانب
النفسي غير نمط حياتك امتعي ذاتك لاتربطين سعادتك على سعادة الناس بالاخر انتي بتفرحين
مااحد بيفرحلك غير اهلك وبس