ان شاء الله استقريت على هالحضانه

[علياء 2]

يا جماعة مستوى الحضانات وايد تطور والتنافس صاير بينهم وايد قوي وكل حضانه تقول الزود عندي ولقيت صعوبة ألاقي حضانه حق ولدي في البداية وبعد ما خذيت راي اختي بحضانة moony face ( موني فيس ) دخلته ولله الحمد وشكلي ماني مطلته لي التخرج .... وبصراحة ما ادري من وين أبدى من استقبالهم ولا من مداراتهم يتصلون على الطفل لو غاب يوم واااحد بس ودزولي ورد لمن ولدت بنت الصغير .....
ولا من التدريس القوي عربي وانجليزي ورياضيات وحاسوب ولعب وديكور ومنتسوري وبعد اليونيفور والأكل عليهم والمذكرات المتعوب عليها .. والطاقم الإداري والتعليمي اللي دايما بشوش حتى لو ولي الأمر متضايق شوي .. وخلو في يوم اجتماع تشوف الطفل بحصته مع مدرسته وبدون لا يشوفكم يوم كامل مقعدينا إحنا اولياء الأمور بالحديقة الكبيرة وبوجود موسيقى كلاسيك وبوفيه مفتوح وكل ولي أمر يدخل حصة ولده على حسب الجدول (وما كنت أدري انه ولدي مبلتع بالحصه ) كنت دايما اتوقع انه ما يشارك واايد وطلع والحمد الله غلطانه واللي شفته غير ... هذا كله كوووم واللي صار أمس كووم ثاني ( الخميس 18 /6 ) واللي يحب يعرف شصار أمس خل يرد على الموضوع
وهذا اللي عندي إختكم : علياء أم محمد :ggdw: :ggdw:


وناطره ردودكم وراح أكملكم بعدين

 

[طاسه حنا]

هلا حبيبتى , والله انى محتاره مادرى وين احط ولدى ؟" بسالج عن هالحظانه وين مكانها؟ وشكثر الرسوم اللى ياخذونها؟ والله يهنيكم فيها يارب

 

[علياء 2]

هلا حبيبتى , والله انى محتاره مادرى وين احط ولدى ؟" بسالج عن هالحظانه وين مكانها؟ وشكثر الرسوم اللى ياخذونها؟ والله يهنيكم فيها يارب

هلا حبيبتي والله اني حاسة فيج درت جنوب السرة وتعبت على مالقيت حضانه ولله الحمد زينه رقمهم 94099449 قطعة 8 يم المركز الصحي و رسومها كل شهر ونص تدفعين 150 وان شاء الله ترتاحين لهم لمن دخلين ولدج

ويسلمووو على مرورج العطر

إختج : علياء أم محمد

 

[pinki.style]

السلام عليكم
ماشاءالله لاقوة الا بالله
الله يخلي لج وليدج ... والله شجعتيني ادخل بنتي

جم الأعمار اللي يقبلونها ؟؟ وعندهم نادي صيفي والا بالصيف يعطلون؟؟

ومشكوووووره

 

[علياء 2]

يا حياتي اهم شيء عندنا عيالنا ولازم نتعب علشان نلاقي لهم شي عدل .. الحضانة وايد زينة وآنا ليما ألحين متأثرة من حفلتهم يعني تخيلي أطفال صغار حافظين أدوارهم وحركاتهم وأشكالهم وايد حلوة ..ويابت مديرتهم دكتورها من الجامعة (لإنها تكمل دكتوراه بالتربية ) يعطي محاضرة عن الطفولة (وغير السي دي اللي وزعوه عن أنشطة عيالنا طول السنة ) ..وأشياء وااايد
إي عندهم دورة صيفية بعد بدخل ولدي فيها تبدا الأحد 21 / 6 فيها من الحضانة إلى الخامس الابتدائي ( ترفيه وتعليم ..e مع مدرسة أجنبية ومدرسة عربي ورياضيات المنهج اليديد وحاسوب وديكور وما أدري جنة عندهم كراتيه ) وكل هذا بمذكرات خلونا نشوفها لما سجلنا عيالنا لإنها خاصة فيهم ..صدقيني حبيبتي إن لو ماني مستانسة منهم جان ما تحمست لها _03BA:

 

[^^أمهم واحبهم^^]

إختي يالغالية بغيت اعرف اكثر عن النادي وبرامجه

 

[أم ^^حمودي]

بجم التسجيل بالنادي الصيفي؟
والحضانه شنو مستواها؟
نفس مستوى بارني وايركان بيبي لان كلشششش ماعجبوني

 

[قمر الليالي]

اي والله ياريت تفيدينا اختي علياء2
بجم التسجيل الصيفي ؟؟ ومستواها؟؟

 

[مشاعر أمرأه]

وطاقم التدريس عرب ولا اجانب

لاتقولين جنسيتها امريكيه ولاكنديه وتطلع عربيه ماخذه الجنسيه

وبعدين وين بجنوب السره اي منطقه

 

[علياء 2]

بجم التسجيل بالنادي الصيفي؟
والحضانه شنو مستواها؟
نفس مستوى بارني وايركان بيبي لان كلشششش ماعجبوني

ناديهم الصيفي راح يبدا هالثلاثا فيه عربي من القاعده الحلبيه مثل ما سمعت وقرآن وحاسوب ولغة انجليزيه مع مدرسه أجنبيه من أوربا بالتحديد بريطانيا اسمها سيلفيا كانت تدرس ولدي في الحضانه و بعد فيه مدرسه اجنبيه ثانيه اسمها هايدي وتشبه هايدي :dddds: فيه حصص سباحه وكاراتيه وديكور وأعتقد مطبخ بعد (وفية 3 مذكرات يوزعونها مجانا للعربي والانجليزي والرياضيات المتطورة من ابداعهم )..كل هذا تتصورين بجم ؟؟؟
125 دك.. والإدارة مسويه خصم حق عيال الحضانه وأي واحد من طرفنا يصير ب 80 دك ،، مستوى الحضانه أكثر من رائع وصدقيني بالنسبة حق أول سنه كأنه عندهم خبره 15 سنه ، وكافي ان مديرتهم قاعد تكمل دكتوراه بنفس المجال ( ما شاء الله عليها ) والله لا يغيرهم علينا

مع تحياتي إختج : علياء أم محمد :eh_s(1): :eh_s(1): :eh_s(1):

 

[علياء 2]

وطاقم التدريس عرب ولا اجانب

لاتقولين جنسيتها امريكيه ولاكنديه وتطلع عربيه ماخذه الجنسيه

وبعدين وين بجنوب السره اي منطقه

لا حبيبتي حضانتهم كبيرة حييل وفيها حديقة عووده مظلله ومبرده ومجابله مستوصف الزهرا ق8 وإخذيها مني مدرستاهم تلتقين معاهم وتكلمينه وإذا بغيتي تدقين وتستفسرين قوليلهم آنا من طرف علياء أم محمد لأني صرت وحده منهم وفيهم وأتنمى إنها تعجبج مثل ما آنا حيييل إعجبتني
تلفونهم : 94099449


مع تحياتي : علياء أم محمد :eh_s(1): :eh_s(1): :eh_s(1):

 

[وجودي عسل]

يستقبلون أي عمر؟؟؟

 

[علياء 2]

يستقبلون أي عمر؟؟؟

النادي ( من صف الحضانه سنتين ونص لي الصف الخامس ابتدائي ) وفيه صف حق المدارس الخاصة وجنه سمعت عن صف للبنات الكبار ( يعلمونهم الطبخ والقرآن والحاسوب ) (( من البروشور ))

أما الحضانة شهر تسعة تستقبل من سنه وشهرين إلى صف الkg1


مع تحياتي إختج : علياء أم محمد :eh_s(1): :eh_s(1): :eh_s(1):

 

[^^أمهم واحبهم^^]

يا حياتي مشكوووورة وااايد آنا بس كلمتهم تلفوون ارتحت حق حجيهم وودي اليوم العصر أمر اشوووفهم لأنه اليوم الإدارة متواجده ... واردلج خبر بعدين ، وقتلهم اني من طرفج خوووش خصم عطوووني ، تسلمين قلبي

 

[علياء 2]

وااايد ونستيني حبيبتي بهالحجي الحين بدق على السكرتيرة وأوصيها فيج أكثر
:rerrerek: :050103nbh_prv: :rerrerek:

 

[^^أمهم واحبهم^^]

الله يخليج يالغالية وتسلمين على مجهوودج

 

[علياء 2]

الله يعافيج

 

[^kloOot^]

الله يخلي ولدج

انا بنتى بيبي جاردن الامريكيه

بس صغيره توها سنه و4 شهور


لو تشوفينها جنها ام 6 شهور

انزين شلون يعنى شهر ونص 150دك؟

مو شهريا


مافي كل شهر



وشنو الوجبات اللى يعطونهم ؟؟ بالضبط


وبعيده عن الوزرات ؟؟


ومنهجهم قوي نفس البريطانيه ؟؟

 

[^kloOot^]

واذا قلنا من طرفج ؟؟ يسون خصم

بليز اذا ممكن عالخاص_03ba:


لانه بصراحه غالي 150؟؟


اغلب الحضانات مو اكثر من 120 او 110


بس من غير الوجبات

 

[طيبة الكويتية]

ماشاءالله وايد حلو شجعتيني عليها
العام كانوا حاطين ورقه على سيارتي لما كنا بالكويت, (خو انا دعله اقعد انا و اعيالي و زوجي في بيت اخوي العود الله يخليه لي).
و جم مره اقول بروح اشوف ما اتشجع, و مردي قطيت ورقتهم لما رجعنا الامارات, بس الحين كلامج شجعني.
ان شاءالله لما اروح الكويت على خير الاسبوع الياي يمكن امرهم, اذا الوضع عجب اعيالي اسجلهم علطول.