ان شاء الله استقريت على هالحضانه

[علياء 2]

الله يخلي ولدج

انا بنتى بيبي جاردن الامريكيه

بس صغيره توها سنه و4 شهور


لو تشوفينها جنها ام 6 شهور

انزين شلون يعنى شهر ونص 150دك؟

مو شهريا


مافي كل شهر



وشنو الوجبات اللى يعطونهم ؟؟ بالضبط


وبعيده عن الوزرات ؟؟


ومنهجهم قوي نفس البريطانيه ؟؟

هلا يالغالية .... الله يخليلج بنت ان شاء الله الحضانه مستواها يفرح واهيه تقريبا قريبه يم الوزارات وجمعية الشرطة ،، ونظام أقساطهم لهالسنة 100 شهريا ..... ووجباتهم دزولنا ورقة فيها ( كرواسان بأنواعه ، ذره ، بالشتا شوربة عدس ، حليب كي دي دي بأنواعه وفاكهه ، كورن فليكس وبسكوووت ... هذا اللي ذاكرته للحين وتقريبا قتلج اياه بالضبط ) موزع على وقت الفرصتين اللي بالكفتريا

منهجهم بصراحه قوي وشكله متعووب عليه وحتى مذكراتهم واتوقع خاصه بس بحضانتهم

إذا رحتي هناك راح يراوونج المذكرات

مع تحياتي إختكم : علياء أم محمد

 

[علياء 2]

واذا قلنا من طرفج ؟؟ يسون خصم

بليز اذا ممكن عالخاص_03ba:


لانه بصراحه غالي 150؟؟


اغلب الحضانات مو اكثر من 120 او 110


بس من غير الوجبات

اي طبعا خصم خاص حق اللي ايون من طرفي بس قوليلهم عفيه علشان يخصمونلي معاج وترى اهوه 100 بالشهر مو 150 وفي مدرستين اجنبيات للإنجليزي والمنتسوري ( مهارات الحياه ) ومدرسة عربي ومحفظه قرآن ومدرسه للعب والرسم وكل مجموعه ماتزيد عن 18 طفل ومعاهم مساعدة وخادمه خاصه فيهم ( يا جماعه جني قعد اسوي دعايه بس مديرتهم وااايد طيووبة وتستاهل .. ولو تدشين على باجي المواضيع اللي عن الحضانات راح تلاقين شلون يمدحون الطاقم اللي هناك


إختج : علياء أم محمد :33_1185028183:

 

[علياء 2]

ماشاءالله وايد حلو شجعتيني عليها
العام كانوا حاطين ورقه على سيارتي لما كنا بالكويت, (خو انا دعله اقعد انا و اعيالي و زوجي في بيت اخوي العود الله يخليه لي).
و جم مره اقول بروح اشوف ما اتشجع, و مردي قطيت ورقتهم لما رجعنا الامارات, بس الحين كلامج شجعني.
ان شاءالله لما اروح الكويت على خير الاسبوع الياي يمكن امرهم, اذا الوضع عجب اعيالي اسجلهم علطول.

ان شاء الله الله يردكم بالسلامه وإذا عجبج ما أبي منكم غير تدعولي بالتوفيق:yaaaaaarb:

 

[^^أمهم واحبهم^^]

السلام عليكم حبيبتي ... بغيت أقووولج خوووش خبر أقتنعت إختي تدخل بناتها بالنادي وبس قرت موضوعج تشجعت أكثر
يسلمووو يالغالية

 

[علياء 2]

السلام عليكم حبيبتي ... بغيت أقووولج خوووش خبر أقتنعت إختي تدخل بناتها بالنادي وبس قرت موضوعج تشجعت أكثر
يسلمووو يالغالية

الله يبشرج بالخير وان شاء الله تستانسون بالنادي
ولا تنسيني بخالص الدعاء :yaaaaaarb:

 

[أم كادي]

فيها باص وشنو جنسيات اللي يشتغلون فيها يا قلبي ؟

 

[علياء 2]

فيها باص وشنو جنسيات اللي يشتغلون فيها يا قلبي ؟

إي فيها حبيبتي باصات .. والمدرسات أردنية للقرآن والسلوكيات - وأردنية من القاعدة الحلبية للعربي - وإجنبية للإنجليزي وأجنبية ثانية للمنتسوري واللعب والديكور وأجنبية للحاسوب .. غير إن كل مجموعة معاهم مساعدة أقل شي ثانوية عامة وعندهم خبرة في الحضانات والتعامل مع الأطفال بالإضافة إلى خادمة لكل مجموعة ( تدرون ليش قاعد أحط معلومات مفصلة .. لإن وااايد راحوا يسجلون بالحضانة والنادي من المشتركات في المنتدى وخذوا خصم باسمي ودقت علي المديرة " نوال "تشكرني على هالحجي وقلت لها العمل الطيب يستاهل إن نقول عنه )

 

[sweet_s]

السلام

مشكورة اختي على هالمعلومات بس الصراحة انا من سكان اشبيليه وشوي بعيده عني بس حبيت استفسر منج اكثر الباصات حق الحضانة ولا بس النادي؟

منطقة الزهراء قريبه من الدائري السادس مدخل ومخرج؟ لاني دوامي بالقروانية يعني لازم اطلع من المنطقة بسرعه عشان الحق عالدوام بما انج مسجله فيها اشلون الزحمة الصبح ايام المدارس بشهر9 ياريت تفيديني بهالشي...

ويعطيج العافية اختي موضوعج شدني وودي اسجل ولدي بهالحضانة بس ياريت تطمنيني عن الزحمة وموقعها بالضبط ...

اختج:ام عبدالعزيز

 

[علياء 2]

السلام

مشكورة اختي على هالمعلومات بس الصراحة انا من سكان اشبيليه وشوي بعيده عني بس حبيت استفسر منج اكثر الباصات حق الحضانة ولا بس النادي؟

منطقة الزهراء قريبه من الدائري السادس مدخل ومخرج؟ لاني دوامي بالقروانية يعني لازم اطلع من المنطقة بسرعه عشان الحق عالدوام بما انج مسجله فيها اشلون الزحمة الصبح ايام المدارس بشهر9 ياريت تفيديني بهالشي...

ويعطيج العافية اختي موضوعج شدني وودي اسجل ولدي بهالحضانة بس ياريت تطمنيني عن الزحمة وموقعها بالضبط ...

اختج:ام عبدالعزيز

سلام حبيبتي .. إذا ييتي من الدائري السادس صوب الوزارات ما في زحمة الصبح ( جنوب السرة لها 3 مداخل من السادس
الأولى يم البنزين والثانة يم مجمع الوزارات " اللي أقصدها " والثالثة صوب طريق المطار وهذي زحمة الصبح مع إنها الأقرب للحضانة ) عموما إنتي جربي تروحين للحضانة من الثلاث طرق وتقدرين تشوفين أي طريق أنسب .

مع تحياتي : أختك علياء أم محمد

 

[علياء 2]

مشكورين يا الغالين .. على ثقتكم فيني وزيارتكم للحضانة واخبارهم إنكم من طرفي .. لإن السكرتيرة دقت علي وقالتلي على الخصومات اللي عطتها إياكم .. وإن شاء الله ما خيبت ظنكم بالحضانة:klhfl:

أختكم : علياء أم محمد

 

[^^أمهم واحبهم^^]

العفو حياتي انتي اللي مشكوورة على هالمعلومات الحلوة

 

[wow123]

السلام ام محمد بغيت اقول الباص عندهم اكو فيها مشرفات اردنيات بغيت الله يخليتش تسالي وتقوليلي لاني احاتي واللي يعافيتش كان في بنيه اردنيه والله وايد حبيتها مادري شنو اسمها هي وصاحبتها السوريه يركضون ورا ولدي ركض فرديلي بعدهم مناك المشرفتين الله يخليتش ما تخليني احادي

 

[jegrom]

مشكوره حبيبتي بس ماقلتي شصار بيوم الخميس 18/6

 

[wow123]

مشكوره حبيبتي بس ماقلتي شصار بيوم الخميس 18/6
حبيبتي الي تسال عن الحفله بصراحة كانت اكثر من رائعة هم حفله التخرج كانت بمسرح الروضة وكان مناك فقرات وايد مشوقة ظلت لليل وكان اليهال المتفوقين لابسين وروود طبيعية اصفر واحمر وازرق حسب العمر والفرقة الي منتميلها هم بغيت اقول غير البوفيييييييييييييييه كانت كلش رائع ومتعوب عليه وااااااااااااااايد من مرق ولحم وغيييييييييييره لان ولدي كنت مسجلته مناك وبس خلص سافرت ورديت .... هم نسيت اقولتش الباص حبيبتي روحي سالي عن المشرفات مالوت الباص شلون كانوا ياخدون ولدي من البيت وريرجعون للبيت انتي س سالي عنهم السكرتبيره او المديره وحده واييييييييييييد حبيتها اردنيه تيي والبسمه لين خدها والثانيه سوريه بس انا كان تعاملي مع الاردنيه كانت تركض ركض يحليلها والله العظيم اختي احسن من الهنود والفليبينيات وفي مره قلتلها خلي الخدامه تنزل تاخد الولد شان ترد لا انا اخده من البيت خوفا من الخدامات بالصراحه ما يبيله حتشي وتكون مطمانه عليه ولدتش وانت بالبيت غير المذكرات الي لما سالت منو سواها ردت السكرتيره تقول المدرسات حطو المنهج واللي طلعا بالروعععععععععععه هذه ابنيه وايييييييييييد اردنيه بصراحه افولتش روحي شوفي

 

[رشيقه]

اذا قلتلهم من طرفج جم يوصل الخسم

 

[علياء 2]

هلا حبيبتي .. إذا نويتي وزرتيهم قوليلهم من طرفي وبإذن الله ما راح يقصرون ( كل اللي راحوا وسجلوا كلموني عالخاص ومرتاحين من المكان والخصم والفال لك بعد )

اختك :علياء أم محمد

 

[كويتية84]

شوقتين ع الحضانة بروح اشوفها

 

[tmtmt]

ايييي عاد الحضانه يم دوامي جبال مدرستي الي ادرس فيها بالضبببببببببببط

بس الي يظيق الخلق انها بيت مو مبنى للحضانه عرفتي

انزين انا اذا داومت ان شاءالله بنتي راح يكون عمرها تسع شهور اسم الله عليها

ما يخذونها !!!! ما يوولي استثناء .. خو يم المدرسه صار ما صار دقوا علي اوديها البيت

 

[علياء 2]

ايييي عاد الحضانه يم دوامي جبال مدرستي الي ادرس فيها بالضبببببببببببط

بس الي يظيق الخلق انها بيت مو مبنى للحضانه عرفتي

انزين انا اذا داومت ان شاءالله بنتي راح يكون عمرها تسع شهور اسم الله عليها

ما يخذونها !!!! ما يوولي استثناء .. خو يم المدرسه صار ما صار دقوا علي اوديها البيت

هلا حبيبتي .. الحضانة روعة من داخل .. والدرايش محمية .. والأثاث يديد ومناسب للأطفال وأعمارهم وكونها ببيت .. فهذا لأن كل الحضانات تكون ببيوت .. وخليني أكلم السكرتيرة بالنسبة لعمر بنتك ( تدرين أمون عليهم ومن بعد هالموضوع سجلوا وااايد من المنتدى عجبهم المكان وخذوا خصم حلو .. يعني أسهمي مرتفعة عندهم وأقدر أصير واسطة :dddds: )

وكلميني عالخاص .. أقولك ايش صار
أختك : علياء ( أم محمد )

 

[Um Al-Joud]

انزين التسجيل مفتووح باي وقت متى ماابي ولا نظام كورسات

لاني بسجل بنتي بس مو الحين بعد ولادتي ان شاءالله ولما تكمل سنتين يعني على شهر 11 ؟؟