ان سكتنا قال ملل وماعندها سالف وان تكلمنا ياويلنا شنسوي!

[نونو جين]

السلام عليكم ورحمة الله وبركاته

طال عمركم بدش بالموضوع على طول
الحين الرياييل اغلب وقتهم دوام ودواوين
لي رد البيت بتسولفين عن اهلج بيعايرج لوالسالفه عاديه
عن اهله قال شقصدج عاد انتي تقومين تسولفين عن الناس
سياسه واوضاع الكويت والا العيال شسوو اخر شي
يطلعج ماتفهمين والا منو قالج! والا كيفهم! زين بنسولف بدون قصد

المراااد
ابي شنسولف
ثاني باشتان ماتحسون الرياييل يبون اكشن مااقصد باللبس والشكل
لا بسالفه يديده تطلعين فيها او موضوع او طلب غريب
احس مرات اذا ماتهاوشتي او دورتيلج سالفه اكشن مو شرط هواش
يدورله شي يصدمج او هوايه او شغله او سالفه

يالله انا فكرت بصوت عالي معا حبايبي كويتيات عاد شاركوني تفكيري
ويارب يهدي بال كل اثنين متزوجين

 

[Dancing^Queen]

والله يا نونو جين عشان افتك من النجره والحنه قمت دايما احط التلفزيون بينا بالنص
نشغل مسلسل ونعلق عليه
فلم ونعلق عليه
او اسولف شي ماله علاقه بولاشي مثل تقلبات الجو بالكويت
سوالف عامه مايب اي سالفه
لان ان قلت بقولك سالفه يقولي حش حش حش (حتا لو مو حش ابي اخذ رايه)
وريلي يحب يتشكا من الخدم اذا بسولفله عن خدامتي سوت جذي (سالفه تضحك) يفووووووووووور ويعصب ويسود عيشه الخدامه وعيشه البيت اسبوع اهو يتناجر مع الخدم ويداحرهم ويتشكا منهم ويعل قلبي
واليهال ان قلتي بقولك سالفه عن اليهال اشتغل ايييييييييي انتي لازم تسوين جذي ولازم تسوين جذاك

وصلت قناعه يابخت من زار وخفف مو ضروري نسولف وايد ولاضروري سوالف ويعرف عني خلي السوالف جنرل وضحك وغشمره
مو مووووووت يعني

مادري شفيه الله يهديه صاير جنه شايب حنان مضيع سويجاته يمشي ويحن ويطفي الليتات !!! والله العظيييييم مو غشمررررررررره يطفي الليتات
ويتذمر من كل شي

بس ان شاءالله فتره وتعدي
يقولون الريال لي حملت مرته يغاااااار ويصير مثل ماسبق
عندي امل يرجع مثل ماكان عقب الولاده
او بصقعه علي راسه مثل تلفزيونات قبل لي اختربت عشان يعاود البث

 

[iLLuMinaTion]

شكرا

 

[حشمه]

انا قدر الامكان اخليه على راحته بين دوانيته ولي رد البيت

تلفزيون رياضه ولا اخبار رياضيه ولا وتس اب ربعه

خليته ولي سولفت مرات ماسمع لاااااااااااااااهي

مرات اخليه بالصاله واروح حق اليهال

ولي سولفت اي اي مو معاي لو راضي عليي

الحمدلله يكون ياكل ويشوف تلفزيون

السوالف اكثر شي بالسياره يمكن نتناقش

اهني ماكو تلفزيون ولا ايفون

ولا وقت النوم اللي اكره حزه عندي حق

السوالف والنقاش واهو العكس

وقت مايحط راسه يبي يسولف عشان يدوخ وينام

 

[حشمه]

وعلى طاري الغيره لاحظت شويه غيره

موجوده والله يستر الحين بعد الولاده

بقول تهتم باليهال وهاملتني ماتدري عني

خاصه اول فتره جم شهر لين اتعود

على سالفه بيبي ودوام ولويه

بس الحمدلله نتحملهم شنسوي

 

[Dancing^Queen]

شكرا

عفوااااااااااااا
مافهمت شكرا علي شنو؟
ياليت تشرحين اختي؟

 

[Dancing^Queen]

حشمه اتصدقين ايييييي!!!!!!!! السوالف بالسياااااااره
!!!!
بالبيت النجره

 

[Nicki Minaj]

امبيه صح ..
تييلج فتره صمت كلش كلش كلش ماكو سوالف
عاد لا تجوفين انا مني منآك أحوس ادورلي سوالف
وطبعا كل ما افتح سالفه يختصرلي اياها بشكل ذرب علبونه خلاص ماله خلق لوول
فصرت جذي كله مسرحيات وأفلام ومسلسلات عشان نقعد نضحك عليها واهني تبلش السوالف ,,

 

[حشمه]

حشمه اتصدقين ايييييي!!!!!!!! السوالف بالسياااااااره
!!!!
بالبيت النجره

ايييي والسوالف مرات نقاشات وماتصلح

بالسياره خاصه يهال وخدامه مايصير

لازم بالبيت بس وين اللي يقتنع

عنده عادي بيتكلم وخلاص وبالبيت

وضع غير لاهي ماكو وقت سوالف

 

[ضماي هو وهناي]

الرياييل اذا سولفو تحسينهم ما يسكتون ومع هذا يدعون ان احنا اللي نسولف وايد
او العكس تلاقينه ساااكت وفجأه قام يقول انت ماتسولفين .....
الحمدلله ..... بس على قلوبنا عسل الله يحفظهم لنا ويسخرهم ويهديهم

 

[miss swan]

انا ريلي قرقه وانا هاديه خخخخ
وكل مااحاول اسولف معاه ماتعجبه السالفه تعبت ياسالفتي مليقه اومووقته
المهم دقيت السايلنت وصرت مستمعه واهو بس يقرق
عقب فتره طويييييييييييييييييييييله(اشهر)حس اني سايلنت
جان يقولي هالمره ابيج انتي تسولفين
موكله انا <<<<<<<<<<<<الحمدلله حس خخخخخ
جان اقوله كل مااسولف تفشلني ماابي اسولف
عاد عقبها تغير وانا نوعي مااعرف اسولف مع ريال ماادري شيحبون وكله متوهقه
يمكن لاني مااحتكيت بعيال خالتي ولا عيال عمتي واخواني صغار



​

 

[انا لحبيبي .]

اذا مالقيت مواضيع ،

بصير اساله عن شغلات ما بعرفها ،

 

[حشمه]

شنسولف عنه الا اليهال وصار وسوو والخدامه

ومحتاجين من السوق كذا ومن الجمعيه كذا

والدوام لويه وصار وغثوني اهم مايبون هالسوالف

مانعرف بالسيايير ولا اخبار الرياضه

ولا السياسه شنسوي معاهم

 

[النوري نور عيني]

احط نفسي سايلنت احسن لأني كل ما سولفت يا يقول ما عندك سالفه والا يرد رد يبط جبدي ....اختصرت من الاخر يا أني اسكت والا اقوله السالفه ان كانت تقرقع بقلبي بدون ما انطر رأيه لأني ادري يا انه مو فاهم السالفه او بيرد رد يبط جبدي

 

[هيبة ملك]

والله انا مستمعه او ارد على اسئلته بس

شسوي بعد شارية راحتي

 

[raneen]

هههههههههههههه الله ايعينه والله كوين حبيبتي ضحكتيني على سالفة الليتات انا بعد ريلي صارله فتره يمشي ويطفي الليتات لا مو بس الليتات الله وكيلج حتى البلاكات يطفيها ....
امس توني حطيت تليفوني على الشحن بالغرفه وله على ردته من الدوام دش بيغير ملابسه وله يطفي شاحن يليفوني ويطلع هههههههههه طالعته وضحكت ... جان اقوله ليش طفيته ... خزني وهدني ومشى خخخخخخخخخخ

والله اتصدقون الحال من بعضه صار فتره اذا تكلمت عن اي شي ما ادري شلون الموضوع ينقلب نجره حتى لو على دعاية سياره ...فقمت ما اتحجه وايد اهو الي قام يسولف واخر شي هم يعصب علي هههههههههههالظاهر في فايروس بالجو يانه مع الغبار ...

 

[سيلينا]

مرات عندي سوالف ابي اسولف له واحسه مو معااي صراحه ينكسر خاطري بس والله اكمل سالفتي
عشان لا اصير مليقه كل شوي زعلاانه

والحين اهو صااير قرقه يسولف سوالف ما اعرف لها مره بالفلسفه ومره بالفيزياء ومره ومره
اسمع له ابين له اني مهتمه ولو اني ما ادري وين الله قاطني بس مخليته براحته

والنقاشات ودي القى لها حل صراحه ارائه مرات تنرفزني وحيل نشد بالكلام
تشوفين واحد منه يسحب نفسه يعني بالنقاشات ما نوصل لحل وودي ما اعصب من رايه لانه حر كيفه
بس انا دكتاتوريه

 

[إنسانه وأكثر]

احسسسسسسسسن شي تكونين مستمعه

هههههههههههههههه

او تكونين من النوع اللي السالفه الوحده تتكلمين فيها 4 ايام تجزئينها يعني هههههههههههه علشان تلقون شي تسولفون فيه

الله المستعان بس

 

[dectora 7elwa]

من زمااااان بطلت اسولف
خلج عالسايلنت احسن

 

[جيكره(و)تتغلى25]

يووووو انا زوجي دوامه يومين والباقي بالبيت كل جمعه اروح الزواره راح هو حق ربعه 24 ساعه مقابلني لاتكلمت قال شكو انتي في الناس عن اهله شي زين ولا شين قال اهلي وانتي شكو ياااخي انت توديني لهم شنو شكو


تكلمت عن البيت مثلا نبي شي قال يارب بس طلبات طلبات

اغلب وقتنا هوااااااااااااااااااااااااااااااااااش

شفتو طبعه هذا

اطنشه اروح غرفة القعده يلحقني ليش حاطه مسلسل تركي ولا فلم اجنبي فيه بوس

واذا ناداني اقعد ساكته عشان ماايخسر بلعبة الحرب اووووووووووووووووووووووووووووووووووووووف


بس انا اغلب وقتي هووووشات هههههه