ان تكلمت صارت فضيحة وان سكت اخاف تطلع السالفة ويلوموني

[بسكوت السعادة]

1. 
   
   ​

بنات صباح الخير السالفة تقرقع بقلبي صارلها مدة ودي اقولها بس خايفة من عواقبها بس قلت ابي اشوف اللي تكون بمكاني شنوراح تسوي عشان انا اخترت السكوت وهم خايفة ابي اقول العندي وارتاح بنات انا برمضان دخلت المستشفى مع بنتي اللة لا يعيد ذيج الايام وفية بالجناح بنت مدري شقول عنها بنت ليل شوية عليها تقابل رياجيل عندنا بالجناح واتكلم بعد وبصوت عالي وبكل وقاحة شنو يعني قصدها اسمعو واحترو مني الناس كلها تحبني وتركض وراي واللة بنات سمعت باذني تقول لامها لا تدزولي فطور وتاذوني حتى لاتجون ابي انام مانمت طول الليل من السسترات والبنت بس تبكي الحين نامت وهم يلحون عليها وهي بس تجون راح تقعد وتبلشني زين انا ادق واقولكم تعالو على فكرة هي نايمة مع بنت اختها عمرها سنة وشوي اختها والدة بعملية وهي دقت الصدر انا اترقد مع بنتج وهي قاعدة مواعيد ومقابلات وبالحمام تسوي بلاوي والمصيبة زارتني مرة خالتي وشافتها بس ماعرفتها بس اعجبت فيها انا ما سولفت عن بلاويها اخا ف من ربي واخاف من الناس وشرهم وراحت الخالة المصون سالت عليها الممرضات ونادتها برا وخذت اسمها وعنوانها بس ماقالتلي بس تميت بالمستشفى 20 والبنت ذيج طلعت من زمان تخيلو لما طلعت احس انهم خاطبين لولدهم اللي اهو حماي احس فية تلميحات يقول امي جابتلي صاروخ ومن هالسوالف المهم كلة خش ودس وانا اقول بالطقاق ماعلموني شكو اتليقف واسال ولما ملكو علمت خالتي خطبت اللي بجنبج بالمستشفى فلانة قلت وين عرفتيها انتيجيتي بس مرة وحدة قالت اشعليج سالنا عليها واطلعت قرايب ابونا ماعليهم كلام وراحو ودو المهر ورحنا معاهم وربي تطالعلي وتحط وتبتسم ولما سلمت عليها تشاورني شوي شوي خلي الشرف ينفعج واللة اني انصدمت وكلهم يقولون شقالتلج قلت تقول شلون بنتج ومحد يدري عن بلاويها اخاف اقول ويبلشوني ويكذبوني وتصير سالفة مع اني عندي شهود كذا مرة تعرفت عليهم بالجناح يعرفون كل شي سوتة وربيخايفة هذي شقتها مجابلة غرفتي واذا سكت راح يطلع اخياسها ويقولون لية مانصحتينا ابي شوركم اللة يخليكم

 

[rymyy]

ولله بصراحه موقفج صعب حيل الله يعينج

مادري شقول بس اكيد لو علمتي هي بتخرب بيتج وماراح تخليج

 

[& الذاهبه &]

مالج شغل فيها مثل هالأشكاال يبلوون الواحد بلوه

واذا تقدرين تطلعين بشقه بروحج طلعي وخليج رسميه معاها

 

[دانة من البحرين]

ادا ريلج متفاهم معاج ويسمعج

قعدي معاه وقوليه ترى بقلبي سالفة وخايفة ان قلت تصير مشكلة وان ما قلت همن تصير مشكلة ووضحي له الامور وخليه اهو يتصرف مع اهله افضل بدون لا يجيب سيرتج بالسالفة

 

[شيخة العووووب]

استغفرالله ياااربي ... شهالبنت مادري بس يمكن السكوت احسن لج واذا صج طلعت وصاختها وكشفوها قولي ماشفت عليها شي بالمستشفى عشان اقولكم وارتاحي من القيل والقال اذا الله كاتب بيسترها يسترها واذا بيفضحها يفضحها ان تكلمتي هالحين بيقولون ايه ماتبيها و... و.... خلاص اسكتي احسن لج

 

[ركاب الأصايل]

بصراااحه ماادري شقولج!! الله يعينج حبيبتي ,,

برآيي انج تسكتين ومااتكلمين بشي عنها
اول شي متأخر حيييل تقوليلهم عن سوالفها لو سألينج من بدايه الخطبه كان أهوّن اما الحين لأوألف لأ ماتجيبين لهم طاري كلش عن سوالفها لأن ربج ستر عليها ويمكن الله يهديها بعد الزواج وتترك سوالفهااا,وبصراحه كلمتها خلي الشرف ينفعج!! شنو تقصد؟ أوليش بعدها ماقلتيها شنو قصدج من الكلمه ليش سكتي عنها وخليني اقولج شغله هذي بصراحه احسها تخوّف فأي كلمه منها لج تكون جارحه مره ثانيه فوقفيها عند حدها من البدايه عشان تحسب لج ألف احساب ومن بعدها لايصيراي احتكاك بينج وبينها ودايما ادعي ربج ان الله يفكج من سوالفهاا ,,,​

 

[بسكوت السعادة]

رد : ان تكلمت صارت فضيحة وان سكت اخاف تطلع السالفة ويلوموني

مشكورين على الردود بس واللة لما دريت ان اهي اللي اخطبوها صج مت قهر رجال ملتزم ومصلي وصايم ويخاف ربة ياخذ هذي بس قلت يمكن تابت وربي كافاها بالشخص وكلمت وحدة كانت معانا بالمستشفى وشاهدة على كل شي قالت نفس كلامي وربي كنت اتعمد اصلي وابطل البردة عشان قلبها يخشع وانصحها شيفيدج فلان وعلان اذا راح شرفج قالت يعني اللي باخذة راح يكون شريف اكيد لاعب على الف بنت قبلي ليش بس هم حلال واحنا حرام علينا والحرمة اللي معاي هم تنصحها جان تقول خلاص راح اتوب بس اصرفي علي واذا تقدرين تطلعين بشقه بروحج طلعي شلون اذا اهو للحين مقعدني بغرفة وحمام واخوانة كلهم شقق واذا تقدرين تطلعين بشقه بروحج طلعي حبيبتي وين اكلمة بس نايم او طالع واذا كلمتة راح يصير ضدي مو معاي

 

[عمري الخالد]

الله يعينج صج صج صج ورطه بس ما ادري شقولج


الله المستعان

 

[*روج احمر*]

رد : ان تكلمت صارت فضيحة وان سكت اخاف تطلع السالفة ويلوموني

لا تسكتين لا تسكتيــــــــــــــــــن ابدا

على راي الاخت اللي قبلي بلغي زوجك قبل لا صار شي,,

الموضوع كبير مرررره
علشان لا ينغش ولد الناس,,:bye22:

 

[AL-7ooR]

شوفي لو انا انحطيت في هالموقف على طووول اقول حق ريلي مو عشان يقولهم او يسوي سالفه لالا بس عشان يكون عنده علم

يعني انتي هالاشكال ينخاف منها مو بعيده اتسويلج مشاكل حتى لو ما ييتي صوبها لانج اتعرفين بلاويها كلها (( عيل عفية وحده في الحفله تقولج خلي الشرف ينفعج امبيييي هاذي بايعتها ومو هامها احد ))

أي شي يصير أي شي قولي حق ريلج عشان يكون عنده علم نصيحه امي قالتها لي وانا اقولج اياها لان صج في بنااات واااي بليييس قاعد يخرعوون والله يحفظج انشالله

 

[ضماي هو وهناي]

لا تسكتين وبلغي ريلج وهو يعرف يتصرف
الله المستعان

 

[أحبه موت]

بلغي ريلج صار ماصار الا اهو عنده علم قوليله انا قتلك مو عشان تروح تقولهم واتخرب عليهم كيفهم اهم بعد المفروض يسألون عنها انا قتلك عشان يكون عندك علم لأن هذي شكلها مو هينه وراعيه سوالف

 

[G!RLooNa]

امبيه الحقيره الواطيه اشكره تقول خلي الشرف ينفعج

انا كنت بقولج مالج شغل فيها بس صح كلام البنات هذي وحده واطيه و لا تستبعدين انها تبلشج معاها

قعدي ويا ريلج قوليله السالفه كلها

قولي انا مالي شغل باخوك ولا مرته بس اقولك لاني خايفه ان بيوم هالانسانه تتبلا علي و تبلشني بشي من ماضيها ولا اي مشكله تطيح فيها

و انت كيفك تقولهم ما تقولهم بس انا حبيت ابلغك

و خلي علاقتج فيها اسطح من السطحيه يادوب سلام عليكم السلام لا تطيح الميانع وياج و لا تاخذ و تعطي وياج

خليها تولي والله يفكم من شرها

 

[هي انا]

تبين نصيحتي لاتتكلمين محد اخذ رايج ولا احد استشارج ومثل هالاشكال الوقحه راح تلف السالفه عليج والناس بيوقفون معاها وبيقولون غيره ومن هالسوالف .. واشكالها ياكثرهم تزوجوا وسمعتهم معرووووووووفه بالطين حظوظهم قايمة

 

[علا العلياء]

انا من رايي
اسكتي ولا تتكلمين بعدين بيقولون تغار ومادري شنو
المهم ولا جنج تعرفينها وحتى لما تيي البيت لاتخلين بينج وبينها علاقه
وبرايي لاتخلين مكان يجمعكم اذا ابعد عن الشر وغنيلو
لا باجر تبليج بسوالف ان بغنى عنها

 

[ســتارز]

انتي من كنتي بالمستشفى ماعلمتي احد عن سالفتها على الاقل تقولين لهم هذي اللي قلت لكم عنها

علمي زوجج واذا وحدة من حمواتج تثقين فيها لازم يعرفون هذي مصيبة ماتنحط في بيوت محترمة

 

[عضوة ذهبية]

رد : ان تكلمت صارت فضيحة وان سكت اخاف تطلع السالفة ويلوموني

حبيبتي الاشكال هذي ماتطيح الا واقفة يعني لو تكلمتي بتلف السالفة عليج وبتطلعين نظرهم حقودة وحسودة وراعية مشاكل ،،، والله هذا اللي حاصل هالايام علشان جذي اقولج دام ملجوا خلاص اهم يتحملون اللي يصير تالي لانهم ماسألوج عنها اي شي وهم عارفين انج قعدتي معاها اكثر من يوم يعني اكيد عرفتي شي من طبايعها وتصرفاتها ومع ذلك ماكلفو روحهم وسألوج ،،، حبيبتي انا شخصيا في عرسي جات وحدة على شاكلة اللي قلتي عنها يعني مسوية النون ومايعلمون وبعد العرس حمولتي اسالوني عنها انا لامدحت ولاذميت لان الله امر بالستر بس وصلتلهم بطريقة غير مباشرة انها ماتصلح لولدكم وهم فهموها وبهالطريقة لا اخذت اثمها ولا ورطت الناس معاي،،، حبيبتي استري على ماواجهتي دامهم ملجوا و ابتعدي عن المشاكل وعسى الله يوفق الجميع

 

[عنجهية]

سبحان الله هذا حظ هالاشكال الوسخه تاخذ احسن رجال...بس ربج يمهل ولا يهمل
انتي صعبه تقولين لخالتج ماكو الا تدورين لج وحده تثق فيها خالتج و تسولفين لها السالفة و هي تنقلها لها بدون ذكر المصدر
لان النوعية هذي حرام تدخل بيوت عوايل لان لو انها ضايعه و ملجت و طخت اوكي بس بكل بقاحه و وقاحه تقولج هالكلام هذي صج انسانة مو سوية و ينخاف منها

 

[عيش و مرق]

لا تقولين واذا اذا اذا طاحو عليها قولى ماشاورتونى وخفت اقول تحسبونى غيرانه وله مابى لكم الزين بس حاليا سكتى يمكن تركد مع الزواج وتتكن الله يهيدها

وانتى طلعى منها لاتتبلى عليج وتقول انتى معاى بعد شدراج خو هلشكال كل شي يطلع منهم

 

[راعية الذيب]

شوفي وانا اختش

يقول الحديث من ستر علي مسلم ستر الله عليه جنيا واخره

انتي اسكتي عنها ويمكن هي بعد الزواج اتعقل

وان ما اعقلت راح تجي منها مو منش
وخلش الحبيبه الغاليه عند اهل زوجش

واسكتي

وهذي نصيحتي لش

والله اعلم